మనోజవం మారుతతుల్యవేగం
జితేంద్రియం బుద్ధిమతాం వరిష్ఠమ్ ।
వాతాత్మజం వానరయూథముఖ్యం
శ్రీరామదూతం శిరసా నమామి ॥
అంజనానందనం వీరం జానకీశోకనాశనమ్ ।
కపీశమక్షహంతారం వందే లంకాభయంకరమ్ ॥
గోష్పదీకృతవారాశిం మశకీకృతరాక్షసమ్ ।
రామాయణమహామాలారత్నం వందేఽనిలాత్మజమ్ ॥
యత్ర యత్ర రఘునాథకీర్తనం తత్ర తత్ర కృతమస్తకాంజలిమ్ ।
బాష్పవారిపరిపూర్ణలోచనం మారుతిం నమత రాక్షసాంతకమ్ ॥
వందే వానర-నారసింహ-ఖగరాట్-క్రోడాశ్వవక్త్రాంచితం
నానాలంకరణం త్రిపంచనయనం దేదీప్యమానం రుచామ్ ।
హస్తాభైరసిఖేటపుస్తకసుధాభాండం కుశాద్రీన్ హలం
ఖట్వాంగం ఫణివృక్షధృద్దశభుజం సర్వారిగర్వాపహమ్ ॥
సర్వారిష్టనివారకం శుభకరం పింగాక్షమక్షాపహం
సీతాన్వేషణతత్పరం కపివరం కోటీందుసూర్యప్రభమ్ ।
లంకాద్వీపభయంకరం సకలదం సుగ్రీవసమ్మానితం
దేవేంద్రాది సమక్తదేవవినుతం కాకుత్థదూతం భజే ॥
బుద్ధిర్బలం యశో ధైర్యం నిర్భయత్వమరోగతా ।
అజాడ్యం వాక్పటుత్వం చ హనుమచ్ఛరణాద్భవేత్ ॥
నమోఽస్తురామాయ సలక్ష్మణాయ దేవ్యై చ తస్యై జనకాత్మజాయై ।
నమోఽస్తు రుద్రేంద్రయమానిలేభ్యో నమోఽస్తు చంద్రార్కమరుద్గణేభ్యః ॥
జయత్యతిబలో రామో లక్ష్మణశ్చ మహాబలః ।
రాజా జయతి సుగ్రీవో రాఘవేణాభిపాలితః ॥
దాసోఽహం కోసలేంద్రస్య రామస్యాక్లిష్టకర్మణః ।
హనుమాన్ శత్రుసైన్యానాం నిహంతా మారుతాత్మజః ॥
న రావణసహస్రం మే యుద్ధే ప్రతిబలం భవేత్ ।
శిలాభిస్తు ప్రహరతః పాదపైశ్చ సహస్రశః ॥
అర్దయిత్వా పురీం లంకాం అభివాద్య చ మైథిలీమ్ ।
సమృద్ధార్థో గమిష్యామి మిషతాం సర్వరక్షసామ్ ॥
ధర్మాత్మా సత్యసంధశ్చ రామో దాశరథిర్యది ।
పౌరుషే చాప్రతిద్వంద్వః శరైనం జహి రావణిమ్ ॥
సకృదేవ ప్రపన్నాయ తవాస్మీతి చ యాచతే ।
అభయం సర్వభూతేభ్యః దదామ్యేతద్వ్రతం మమ ॥
ఇతి సుందరకాండ ప్రార్థనా శ్లోకాః సమాప్తా ।
