મનોજવં મારુતતુલ્યવેગં
જિતેંદ્રિયં બુદ્ધિમતાં વરિષ્ઠમ્ ।
વાતાત્મજં વાનરયૂથમુખ્યં
શ્રીરામદૂતં શિરસા નમામિ ॥
અંજનાનંદનં વીરં જાનકીશોકનાશનમ્ ।
કપીશમક્ષહંતારં વંદે લંકાભયંકરમ્ ॥
ગોષ્પદીકૃતવારાશિં મશકીકૃતરાક્ષસમ્ ।
રામાયણમહામાલારત્નં વંદેઽનિલાત્મજમ્ ॥
યત્ર યત્ર રઘુનાથકીર્તનં તત્ર તત્ર કૃતમસ્તકાંજલિમ્ ।
બાષ્પવારિપરિપૂર્ણલોચનં મારુતિં નમત રાક્ષસાંતકમ્ ॥
વંદે વાનર-નારસિંહ-ખગરાટ્-ક્રોડાશ્વવક્ત્રાંચિતં
નાનાલંકરણં ત્રિપંચનયનં દેદીપ્યમાનં રુચામ્ ।
હસ્તાભૈરસિખેટપુસ્તકસુધાભાંડં કુશાદ્રીન્ હલં
ખટ્વાંગં ફણિવૃક્ષધૃદ્દશભુજં સર્વારિગર્વાપહમ્ ॥
સર્વારિષ્ટનિવારકં શુભકરં પિંગાક્ષમક્ષાપહં
સીતાન્વેષણતત્પરં કપિવરં કોટીંદુસૂર્યપ્રભમ્ ।
લંકાદ્વીપભયંકરં સકલદં સુગ્રીવસમ્માનિતં
દેવેંદ્રાદિ સમક્તદેવવિનુતં કાકુત્થદૂતં ભજે ॥
બુદ્ધિર્બલં યશો ધૈર્યં નિર્ભયત્વમરોગતા ।
અજાડ્યં વાક્પટુત્વં ચ હનુમચ્છરણાદ્ભવેત્ ॥
નમોઽસ્તુરામાય સલક્ષ્મણાય દેવ્યૈ ચ તસ્યૈ જનકાત્મજાયૈ ।
નમોઽસ્તુ રુદ્રેંદ્રયમાનિલેભ્યો નમોઽસ્તુ ચંદ્રાર્કમરુદ્ગણેભ્યઃ ॥
જયત્યતિબલો રામો લક્ષ્મણશ્ચ મહાબલઃ ।
રાજા જયતિ સુગ્રીવો રાઘવેણાભિપાલિતઃ ॥
દાસોઽહં કોસલેંદ્રસ્ય રામસ્યાક્લિષ્ટકર્મણઃ ।
હનુમાન્ શત્રુસૈન્યાનાં નિહંતા મારુતાત્મજઃ ॥
ન રાવણસહસ્રં મે યુદ્ધે પ્રતિબલં ભવેત્ ।
શિલાભિસ્તુ પ્રહરતઃ પાદપૈશ્ચ સહસ્રશઃ ॥
અર્દયિત્વા પુરીં લંકાં અભિવાદ્ય ચ મૈથિલીમ્ ।
સમૃદ્ધાર્થો ગમિષ્યામિ મિષતાં સર્વરક્ષસામ્ ॥
ધર્માત્મા સત્યસંધશ્ચ રામો દાશરથિર્યદિ ।
પૌરુષે ચાપ્રતિદ્વંદ્વઃ શરૈનં જહિ રાવણિમ્ ॥
સકૃદેવ પ્રપન્નાય તવાસ્મીતિ ચ યાચતે ।
અભયં સર્વભૂતેભ્યઃ દદામ્યેતદ્વ્રતં મમ ॥
ઇતિ સુંદરકાંડ પ્રાર્થના શ્લોકાઃ સમાપ્તા ।
