ශ්රීමද්වාල්මීකීය රාමායණේ යුද්ධකාංඩම් ।
අථ ද්වාත්රිංශස්සර්ගඃ ।
සාසීතාතච්ඡිරෝදෘෂ්ටවාතච්චකාර්මුකමුත්තමම් ।
සුග්රීවප්රතිසංපර්ගමාඛ්යාතංචහනූමතා ॥ 1 ॥
නයනේමුඛවර්ණංචභර්තුස්තත්සදෘශංමුඛම් ।
කේශාන් කේශාංතදේශංචතංචචූඩාමණිංශුභම් ॥ 2 ॥
ඒතෛස්සර්වේරභිජ්ඤානෛරභිජ්ඤායසුදුඃඛිතා ।
නිජගර්හේචකෛකේයීංක්රෝශංතීකුරරීයථා ॥ 3 ॥
සකාමාභවකෛකේයීහතෝऽයංකුලනංදනඃ ।
කුලමුත්සාදිතංසර්වංත්වයාකලහශීලයා ॥ 4 ॥
ආර්යේණකිංතේකෛකේයී කෘතංරාමේණවිප්රියම් ।
යන්මයාචීරවසනස්ත්වයාප්රස්ථාපිතෝවනම් ॥ 5 ॥
ඒවං උක්ත්වා තු වෛදේහී වේපමානා තපස්විනී ।
ජගාම ජගතීං බාලා චින්නා තු කදලී යථා ॥ 6 ॥
සාමුහූර්තාත්සමාශ්වාස්යප්රතිලභ්යචචේතනාම් ।
තච්ඡිරස්සමුපාඝ්රායවිලලාසායතේක්ෂණා ॥ 7 ॥
හාහතාऽස්මිමහාබාහෝ වීරව්රතමනුව්රත ।
ඉමාංතේපශ්චිමාවස්ථාංගතාऽස්මිවිධවාකෘතා ॥ 8 ॥
ප්රථමංමරණංනාර්යාභර්තුර්වෛගුණ්යමුච්යතේ ।
සුවෘත්තඃ ස්සාධුවෘත්තායාස්සම්වෘත්තස්ත්වංමමාග්රතඃ ॥ 9 ॥
දුඃඛාද්දුඃඛංප්රපන්නායාමග්නායාශ්ශෝකසාගරේ ।
යෝහිමාමුද්යතනිස්ත්රාතුංසෝऽපිත්වංවිනිපාතිතඃ ॥ 10 ॥
සාශ්වශ්රූර්මමකෞසල්යාත්වයාපුත්රේණරාඝවඃ ।
වත්සේනේවයථාධේනුර්විවත්සාවත්සලාකෘතා ॥ 11 ॥
ආද්දිෂ්ටංදීර්ඝමායුස්තේයෛරචිංත්යපරාක්රම ।
අනෘතංවචනංතේෂාමල්පායුරපිරාඝව ॥ 12 ॥
අථවානශ්යතිප්රජ්ඤාප්රාජ්ඤස්යාපිසතස්තව ।
පචත්යේනංයථාකාලෝභූතානාංප්රභවෝऽහ්යයම් ॥ 13 ॥
අදෘෂ්ටංමෘත්යුමාපන්නඃකස්මාත්ත්වංනයශාස්ත්රවිත් ।
ව්යසනානාමුපායජ්ඤඃකුශලෝහ්යසිවර්ජනේ ॥ 14 ॥
තථා ත්වං සංපරිෂ්වජ්ය රෞද්රයා අතිනෘශංසයා ।
කාල රාත්ර්යා මයා ආච්චිද්ය හෘතඃ කමල ලෝචන ॥ 15 ॥
උපශේෂේමහාබාහෝඃ මාංවිහායතපස්විනීම් ।
ප්රියාමිවසමාලශිෂ්යපෘථිවීංපුරුෂර්ෂභ ॥ 16 ॥
අර්චිතංසතතංයත්තද්ගංධමාල්යෛර්මයාතව ।
ඉදංතේමප්රතියංවීරධනුඃකාංචානභූෂණම් ॥ 17 ॥
පිත්රාදශරථේනත්වංශ්වශුරේණමමානඝඃ ।
සර්වෛශ්චපිතෘභිස්සාර්ථංනූනංස්වර්ගේසමාගතඃ ॥ 18 ॥
දිවිනක්ෂත්රභූතස්ත්වංමහාත්කර්මකෘතප්රියම් ।
පුණ්යංරාජර්ෂිවංශංත්වමාත්මනස්සමුපේක්ෂසේ ॥ 19 ॥
කිංමාංනප්රේක්ෂසේරාජන් කිංමාංනප්රතිභාෂසේ ।
බාලාංබාල්යේනසංප්රාප්තාංභාර්යාංමාංසහචාරිණීම් ॥ 20 ॥
සංශ්රුතංගෘහ්ණතාපාණිංචරිෂ්යාමීතියත්ත්වයා ।
ස්මරතන්මමකාකුත්ස්ථනයමාමපිදුඃඛිතාම් ॥ 21 ॥
කස්මාන්මාමපහායත්වංගතෝගතිමතාංවර ।
අස්මාල්ලෝකාදමුංලෝකංත්යක්ත්වාමාමපිදුඃඛිතාම් ॥ 22 ॥
කල්යාණෛරුචිතංයත්තත්පරිෂ්වක්තංමයෛවතු ।
ක්රව්යාදෛස්තච්ඡරීරංතේමානංවිපරිකෘෂ්යතේ ॥ 23 ॥
අග්නිෂ්ටෝමාදිභිර්යජ්ඤෛරිෂ්ටවානාප්තදක්ෂිණෛඃ ।
අග්නිහෝත්රේණසංස්කාරංකේනත්වංනතුලප්ස්යසේ ॥ 24 ॥
ප්රව්රජ්යාමුපපන්නානාංත්රයාණාමේකමාගතම් ।
පරිප්රක්ෂ්යතිකෞසල්යාලක්ෂ්මණංශෝකලාලසා ॥ 25 ॥
සතස්යාඃපරිපෘච්ඡංත්යාවධංමිත්රබලස්යතේ ।
තවචාඛ්යාස්යතේනූනංනිශායාංරාක්ෂසෛර්වධම් ॥ 26 ॥
සාත්වාංසුප්තංහතංශ්රුත්වාමාංචරක්ෂෝගෘහංගතාම් ।
හෘදයේනවිදීර්ණේනනභවිෂ්යතිරාඝව ॥ 27 ॥
මමහේතෝරනාර්යායාහ්යනර්හඃපාර්ථිවාත්මඃ ।
රාමස්සාගරමුතතීර්යසත්ත්වවාන් ගෝෂ්පදේහතඃ ॥ 28 ॥
අහංදාශරථේනෝඪාමෝහාත්ස්වකුලපාංසනී ।
ආර්යපුත්රස්යරාමස්යභාර්යාමෘත්යුරජායත ॥ 29 ॥
නූනමන්යාංමයාජාතිංවාරිතංදානමුත්තමම් ।
යාහමද්යේහශෝචාමිභාර්යාසර්වතිථේරපි ॥ 30 ॥
සාධුපාතයමාංක්ෂිප්රංරාමස්යෝපරිරාවණ ।
සමානයපතිංපංත්යාකුරුකල්යාණමුත්තමම් ॥ 31 ॥
ශිරසාමේශිරශ්චාස්යකායංකායේනයෝජය ।
රාවණානුගමිෂ්යාමිගතිංභර්තුර්මහාත්මනඃ ॥ 32 ॥
ඉතිසදුඃඛසංතප්තාවිලලාපායතේක්ෂණා ।
භර්තුශ්ශිරෝධනුස්තත්රසමීක්ෂ්යචපුනඃපුනඃ ॥ 33 ॥
ඒවංලාලප්යමානායාංසීතායාංතත්රරාක්ෂසඃ ।
අභිචක්රාමභර්තාරමනීකස්ථඃකෘතාංජලිඃ ॥ 34 ॥
විජයස්වාර්යපුත්රේතිසෝऽභිවාද්යප්රසාද්යච ।
න්යවේදයදනුප්රාප්තංප්රහස්තංවාහිනීපතිම් ॥ 35 ॥
අමාත්යෛස්සහිතස්සර්වෛඃප්රහස්තස්සමුපස්ථිතඃ ।
තේනදර්ශනකාමේනවයංප්රස්ථාපිතාඃප්රභෝ ॥ 36 ॥
නූනමස්තිමහාරාජ රාජභාවාත්ක්ෂමාන්විතම් ।
කිංචිදාත්යයිකංකාර්යංතේෂාංත්වංදර්ශනංකුරු ॥ 37 ॥
ඒතච්ඡ්රුත්වාදශග්රීවෝරාක්ෂසප්රතිවේදිතම් ।
අශෝකන්විකාංත්යක්ත්වාමංත්රිණාංදර්ශනංයයෞ ॥ 38 ॥
සතුසර්වංසමර්ථ්යෛවමංත්රිභිඃකෘත්යමාත්මනඃ ।
සභාංප්රවිශ්යවිදධේවිදිත්වාරාමවික්රමම් ॥ 39 ॥
අංතර්ථානංතුතච්ඡීර්ෂංතච්චකාර්මුකමුත්තමම් ।
ජගාමරාවණස්යෛවනිර්යාණසමනංතරම් ॥ 40 ॥
රාක්ෂසේංද්රස්තුතෛස්සාර්ධංමංත්රිභිර්භීමවික්රමෛඃ ।
සමර්ථයාමාසතදාරාමකාර්යවිනිශ්චයම් ॥ 41 ॥
අවිදූරස්ථිතාන්සර්වාන්බලාධ්යක්ෂාහනිතෛෂිණඃ ।
අබ්රවීත්කාලසදෘශෝරාවණෝරාක්ෂසාධිපඃ ॥ 42 ॥
ශීඝ්රංභේරීනිනාදේනස්ඵුටංකෝණාහතේනමේ ।
සමානයධ්වංසෛන්යානිවක්තව්යංචනකාරණම් ॥ 43 ॥
තතස්තථේතිප්රතිගෘහ්යතද්වචෝබලාධිපාස්තේමහදාත්මනෝබලම් ।
සමානයංශ්චෛවසමාගමංචතේන්යවේදයන්භර්තරියුද්ධකාංක්ෂිණි ॥ 44 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ද්වාත්රිංශස්සර්ගඃ ॥
