śrīmadvālmīkīya rāmāyaṇē yuddhakāṇḍam ।
atha dvātriṃśassargaḥ ।
sāsītātachChirōdṛṣṭavātachchakārmukamuttamam ।
sugrīvapratisampargamākhyātañchahanūmatā ॥ 1 ॥
nayanēmukhavarṇañchabhartustatsadṛśammukham ।
kēśān kēśāntadēśañchatañchachūḍāmaṇiṃśubham ॥ 2 ॥
ētaissarvērabhijñānairabhijñāyasuduḥkhitā ।
nijagarhēchakaikēyīṅkrōśantīkurarīyathā ॥ 3 ॥
sakāmābhavakaikēyīhatō'yaṅkulanandanaḥ ।
kulamutsāditaṃsarvantvayākalahaśīlayā ॥ 4 ॥
āryēṇakintēkaikēyī kṛtaṃrāmēṇavipriyam ।
yanmayāchīravasanastvayāprasthāpitōvanam ॥ 5 ॥
ēvaṃ uktvā tu vaidēhī vēpamānā tapasvinī ।
jagāma jagatīṃ bālā chinnā tu kadalī yathā ॥ 6 ॥
sāmuhūrtātsamāśvāsyapratilabhyachachētanām ।
tachChirassamupāghrāyavilalāsāyatēkṣaṇā ॥ 7 ॥
hāhatā'smimahābāhō vīravratamanuvrata ।
imāntēpaśchimāvasthāṅgatā'smividhavākṛtā ॥ 8 ॥
prathamammaraṇannāryābharturvaiguṇyamuchyatē ।
suvṛttaḥ ssādhuvṛttāyāssamvṛttastvammamāgrataḥ ॥ 9 ॥
duḥkhādduḥkhamprapannāyāmagnāyāśśōkasāgarē ।
yōhimāmudyatanistrātuṃsō'pitvaṃvinipātitaḥ ॥ 10 ॥
sāśvaśrūrmamakausalyātvayāputrēṇarāghavaḥ ।
vatsēnēvayathādhēnurvivatsāvatsalākṛtā ॥ 11 ॥
āddiṣṭandīrghamāyustēyairachintyaparākrama ।
anṛtaṃvachanantēṣāmalpāyurapirāghava ॥ 12 ॥
athavānaśyatiprajñāprājñasyāpisatastava ।
pachatyēnaṃyathākālōbhūtānāmprabhavō'hyayam ॥ 13 ॥
adṛṣṭammṛtyumāpannaḥkasmāttvannayaśāstravit ।
vyasanānāmupāyajñaḥkuśalōhyasivarjanē ॥ 14 ॥
tathā tvaṃ sampariṣvajya raudrayā atinṛśaṃsayā ।
kāla rātryā mayā āchchidya hṛtaḥ kamala lōchana ॥ 15 ॥
upaśēṣēmahābāhōḥ māṃvihāyatapasvinīm ।
priyāmivasamālaśiṣyapṛthivīmpuruṣarṣabha ॥ 16 ॥
architaṃsatataṃyattadgandhamālyairmayātava ।
idantēmapratiyaṃvīradhanuḥkāñchānabhūṣaṇam ॥ 17 ॥
pitrādaśarathēnatvaṃśvaśurēṇamamānaghaḥ ।
sarvaiśchapitṛbhissārthannūnaṃsvargēsamāgataḥ ॥ 18 ॥
divinakṣatrabhūtastvammahātkarmakṛtapriyam ।
puṇyaṃrājarṣivaṃśantvamātmanassamupēkṣasē ॥ 19 ॥
kimmānnaprēkṣasērājan kimmānnapratibhāṣasē ।
bālāmbālyēnasamprāptāmbhāryāmmāṃsahachāriṇīm ॥ 20 ॥
saṃśrutaṅgṛhṇatāpāṇiñchariṣyāmītiyattvayā ।
smaratanmamakākutsthanayamāmapiduḥkhitām ॥ 21 ॥
kasmānmāmapahāyatvaṅgatōgatimatāṃvara ।
asmāllōkādamuṃlōkantyaktvāmāmapiduḥkhitām ॥ 22 ॥
kalyāṇairuchitaṃyattatpariṣvaktammayaivatu ।
kravyādaistachCharīrantēmānaṃviparikṛṣyatē ॥ 23 ॥
agniṣṭōmādibhiryajñairiṣṭavānāptadakṣiṇaiḥ ।
agnihōtrēṇasaṃskāraṅkēnatvannatulapsyasē ॥ 24 ॥
pravrajyāmupapannānāntrayāṇāmēkamāgatam ।
pariprakṣyatikausalyālakṣmaṇaṃśōkalālasā ॥ 25 ॥
satasyāḥparipṛchChantyāvadhammitrabalasyatē ।
tavachākhyāsyatēnūnanniśāyāṃrākṣasairvadham ॥ 26 ॥
sātvāṃsuptaṃhataṃśrutvāmāñcharakṣōgṛhaṅgatām ।
hṛdayēnavidīrṇēnanabhaviṣyatirāghava ॥ 27 ॥
mamahētōranāryāyāhyanarhaḥpārthivātmaḥ ।
rāmassāgaramutatīryasattvavān gōṣpadēhataḥ ॥ 28 ॥
ahandāśarathēnōḍhāmōhātsvakulapāṃsanī ।
āryaputrasyarāmasyabhāryāmṛtyurajāyata ॥ 29 ॥
nūnamanyāmmayājātiṃvāritandānamuttamam ।
yāhamadyēhaśōchāmibhāryāsarvatithērapi ॥ 30 ॥
sādhupātayamāṅkṣipraṃrāmasyōparirāvaṇa ।
samānayapatimpantyākurukalyāṇamuttamam ॥ 31 ॥
śirasāmēśiraśchāsyakāyaṅkāyēnayōjaya ।
rāvaṇānugamiṣyāmigatimbharturmahātmanaḥ ॥ 32 ॥
itisaduḥkhasantaptāvilalāpāyatēkṣaṇā ।
bhartuśśirōdhanustatrasamīkṣyachapunaḥpunaḥ ॥ 33 ॥
ēvaṃlālapyamānāyāṃsītāyāntatrarākṣasaḥ ।
abhichakrāmabhartāramanīkasthaḥkṛtāñjaliḥ ॥ 34 ॥
vijayasvāryaputrētisō'bhivādyaprasādyacha ।
nyavēdayadanuprāptamprahastaṃvāhinīpatim ॥ 35 ॥
amātyaissahitassarvaiḥprahastassamupasthitaḥ ।
tēnadarśanakāmēnavayamprasthāpitāḥprabhō ॥ 36 ॥
nūnamastimahārāja rājabhāvātkṣamānvitam ।
kiñchidātyayikaṅkāryantēṣāntvandarśanaṅkuru ॥ 37 ॥
ētachChrutvādaśagrīvōrākṣasaprativēditam ।
aśōkanvikāntyaktvāmantriṇāndarśanaṃyayau ॥ 38 ॥
satusarvaṃsamarthyaivamantribhiḥkṛtyamātmanaḥ ।
sabhāmpraviśyavidadhēviditvārāmavikramam ॥ 39 ॥
antarthānantutachChīrṣantachchakārmukamuttamam ।
jagāmarāvaṇasyaivaniryāṇasamanantaram ॥ 40 ॥
rākṣasēndrastutaissārdhammantribhirbhīmavikramaiḥ ।
samarthayāmāsatadārāmakāryaviniśchayam ॥ 41 ॥
avidūrasthitānsarvānbalādhyakṣāhanitaiṣiṇaḥ ।
abravītkālasadṛśōrāvaṇōrākṣasādhipaḥ ॥ 42 ॥
śīghrambhērīninādēnasphuṭaṅkōṇāhatēnamē ।
samānayadhvaṃsainyānivaktavyañchanakāraṇam ॥ 43 ॥
tatastathētipratigṛhyatadvachōbalādhipāstēmahadātmanōbalam ।
samānayaṃśchaivasamāgamañchatēnyavēdayanbhartariyuddhakāṅkṣiṇi ॥ 44 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē dvātriṃśassargaḥ ॥
