ஶ்ரீமத்³வால்மீகீய ராமாயணே யுத்³த⁴காண்ட³ம் ।
அத² த்³வாத்ரிம்ஶஸ்ஸர்க:³ ।
ஸாஸீதாதச்சி²ரோத்³ருஷ்டவாதச்சகார்முகமுத்தமம் ।
ஸுக்³ரீவப்ரதிஸம்பர்க³மாக்²யாதஞ்சஹனூமதா ॥ 1 ॥
நயனேமுக²வர்ணஞ்சப⁴ர்துஸ்தத்ஸத்³ருஶம்முக²ம் ।
கேஶான் கேஶாந்ததே³ஶஞ்சதஞ்சசூடா³மணிம்ஶுப⁴ம் ॥ 2 ॥
ஏதைஸ்ஸர்வேரபி⁴ஜ்ஞானைரபி⁴ஜ்ஞாயஸுது³:கி²தா ।
நிஜக³ர்ஹேசகைகேயீங்க்ரோஶந்தீகுரரீயதா² ॥ 3 ॥
ஸகாமாப⁴வகைகேயீஹதோயங்குலனந்த³ன: ।
குலமுத்ஸாதி³தம்ஸர்வந்த்வயாகலஹஶீலயா ॥ 4 ॥
ஆர்யேணகிந்தேகைகேயீ க்ருதம்ராமேணவிப்ரியம் ।
யன்மயாசீரவஸனஸ்த்வயாப்ரஸ்தா²பிதோவனம் ॥ 5 ॥
ஏவம் உக்த்வா து வைதே³ஹீ வேபமானா தபஸ்வினீ ।
ஜகா³ம ஜக³தீம் பா³லா சின்னா து கத³லீ யதா² ॥ 6 ॥
ஸாமுஹூர்தாத்ஸமாஶ்வாஸ்யப்ரதிலப்⁴யசசேதனாம் ।
தச்சி²ரஸ்ஸமுபாக்⁴ராயவிலலாஸாயதேக்ஷணா ॥ 7 ॥
ஹாஹதாஸ்மிமஹாபா³ஹோ வீரவ்ரதமனுவ்ரத ।
இமாந்தேபஶ்சிமாவஸ்தா²ங்க³தாஸ்மிவித⁴வாக்ருதா ॥ 8 ॥
ப்ரத²மம்மரணம்னார்யாப⁴ர்துர்வைகு³ண்யமுச்யதே ।
ஸுவ்ருத்த: ஸ்ஸாது⁴வ்ருத்தாயாஸ்ஸம்வ்ருத்தஸ்த்வம்மமாக்³ரத: ॥ 9 ॥
து³:கா²த்³து³:க²ம்ப்ரபன்னாயாமக்³னாயாஶ்ஶோகஸாக³ரே ।
யோஹிமாமுத்³யதனிஸ்த்ராதும்ஸோபித்வம்வினிபாதித: ॥ 1௦ ॥
ஸாஶ்வஶ்ரூர்மமகௌஸல்யாத்வயாபுத்ரேணராக⁴வ: ।
வத்ஸேனேவயதா²தே⁴னுர்விவத்ஸாவத்ஸலாக்ருதா ॥ 11 ॥
ஆத்³தி³ஷ்டந்தீ³ர்க⁴மாயுஸ்தேயைரசிந்த்யபராக்ரம ।
அன்ருதம்வசனந்தேஷாமல்பாயுரபிராக⁴வ ॥ 12 ॥
அத²வானஶ்யதிப்ரஜ்ஞாப்ராஜ்ஞஸ்யாபிஸதஸ்தவ ।
பசத்யேனம்யதா²காலோபூ⁴தானாம்ப்ரப⁴வோஹ்யயம் ॥ 13 ॥
அத்³ருஷ்டம்ம்ருத்யுமாபன்ன:கஸ்மாத்த்வம்னயஶாஸ்த்ரவித் ।
வ்யஸனானாமுபாயஜ்ஞ:குஶலோஹ்யஸிவர்ஜனே ॥ 14 ॥
ததா² த்வம் ஸம்பரிஷ்வஜ்ய ரௌத்³ரயா அதின்ருஶம்ஸயா ।
கால ராத்ர்யா மயா ஆச்சித்³ய ஹ்ருத: கமல லோசன ॥ 15 ॥
உபஶேஷேமஹாபா³ஹோ: மாம்விஹாயதபஸ்வினீம் ।
ப்ரியாமிவஸமாலஶிஷ்யப்ருதி²வீம்புருஷர்ஷப⁴ ॥ 16 ॥
அர்சிதம்ஸததம்யத்தத்³க³ந்த⁴மால்யைர்மயாதவ ।
இத³ந்தேமப்ரதியம்வீரத⁴னு:காஞ்சானபூ⁴ஷணம் ॥ 17 ॥
பித்ராத³ஶரதே²னத்வம்ஶ்வஶுரேணமமானக:⁴ ।
ஸர்வைஶ்சபித்ருபி⁴ஸ்ஸார்த²ம்னூனம்ஸ்வர்கே³ஸமாக³த: ॥ 18 ॥
தி³வினக்ஷத்ரபூ⁴தஸ்த்வம்மஹாத்கர்மக்ருதப்ரியம் ।
புண்யம்ராஜர்ஷிவம்ஶந்த்வமாத்மனஸ்ஸமுபேக்ஷஸே ॥ 19 ॥
கிம்மாம்னப்ரேக்ஷஸேராஜன் கிம்மாம்னப்ரதிபா⁴ஷஸே ।
பா³லாம்பா³ல்யேனஸம்ப்ராப்தாம்பா⁴ர்யாம்மாம்ஸஹசாரிணீம் ॥ 2௦ ॥
ஸம்ஶ்ருதங்க்³ருஹ்ணதாபாணிஞ்சரிஷ்யாமீதியத்த்வயா ।
ஸ்மரதன்மமகாகுத்ஸ்த²னயமாமபிது³:கி²தாம் ॥ 21 ॥
கஸ்மான்மாமபஹாயத்வங்க³தோக³திமதாம்வர ।
அஸ்மால்லோகாத³மும்லோகந்த்யக்த்வாமாமபிது³:கி²தாம் ॥ 22 ॥
கல்யாணைருசிதம்யத்தத்பரிஷ்வக்தம்மயைவது ।
க்ரவ்யாதை³ஸ்தச்ச²ரீரந்தேமானம்விபரிக்ருஷ்யதே ॥ 23 ॥
அக்³னிஷ்டோமாதி³பி⁴ர்யஜ்ஞைரிஷ்டவானாப்தத³க்ஷிணை: ।
அக்³னிஹோத்ரேணஸம்ஸ்காரங்கேனத்வம்னதுலப்ஸ்யஸே ॥ 24 ॥
ப்ரவ்ரஜ்யாமுபபன்னானாந்த்ரயாணாமேகமாக³தம் ।
பரிப்ரக்ஷ்யதிகௌஸல்யாலக்ஷ்மணம்ஶோகலாலஸா ॥ 25 ॥
ஸதஸ்யா:பரிப்ருச்ச²ந்த்யாவத⁴ம்மித்ரப³லஸ்யதே ।
தவசாக்²யாஸ்யதேனூனம்னிஶாயாம்ராக்ஷஸைர்வத⁴ம் ॥ 26 ॥
ஸாத்வாம்ஸுப்தம்ஹதம்ஶ்ருத்வாமாஞ்சரக்ஷோக்³ருஹங்க³தாம் ।
ஹ்ருத³யேனவிதீ³ர்ணேனநப⁴விஷ்யதிராக⁴வ ॥ 27 ॥
மமஹேதோரனார்யாயாஹ்யனர்ஹ:பார்தி²வாத்ம: ।
ராமஸ்ஸாக³ரமுததீர்யஸத்த்வவான் கோ³ஷ்பதே³ஹத: ॥ 28 ॥
அஹந்தா³ஶரதே²னோடா⁴மோஹாத்ஸ்வகுலபாம்ஸனீ ।
ஆர்யபுத்ரஸ்யராமஸ்யபா⁴ர்யாம்ருத்யுரஜாயத ॥ 29 ॥
நூனமன்யாம்மயாஜாதிம்வாரிதந்தா³னமுத்தமம் ।
யாஹமத்³யேஹஶோசாமிபா⁴ர்யாஸர்வதிதே²ரபி ॥ 3௦ ॥
ஸாது⁴பாதயமாங்க்ஷிப்ரம்ராமஸ்யோபரிராவண ।
ஸமானயபதிம்பந்த்யாகுருகல்யாணமுத்தமம் ॥ 31 ॥
ஶிரஸாமேஶிரஶ்சாஸ்யகாயங்காயேனயோஜய ।
ராவணானுக³மிஷ்யாமிக³திம்ப⁴ர்துர்மஹாத்மன: ॥ 32 ॥
இதிஸது³:க²ஸந்தப்தாவிலலாபாயதேக்ஷணா ।
ப⁴ர்துஶ்ஶிரோத⁴னுஸ்தத்ரஸமீக்ஷ்யசபுன:புன: ॥ 33 ॥
ஏவம்லாலப்யமானாயாம்ஸீதாயாந்தத்ரராக்ஷஸ: ।
அபி⁴சக்ராமப⁴ர்தாரமனீகஸ்த:²க்ருதாஞ்ஜலி: ॥ 34 ॥
விஜயஸ்வார்யபுத்ரேதிஸோபி⁴வாத்³யப்ரஸாத்³யச ।
ந்யவேத³யத³னுப்ராப்தம்ப்ரஹஸ்தம்வாஹினீபதிம் ॥ 35 ॥
அமாத்யைஸ்ஸஹிதஸ்ஸர்வை:ப்ரஹஸ்தஸ்ஸமுபஸ்தி²த: ।
தேனத³ர்ஶனகாமேனவயம்ப்ரஸ்தா²பிதா:ப்ரபோ⁴ ॥ 36 ॥
நூனமஸ்திமஹாராஜ ராஜபா⁴வாத்க்ஷமான்விதம் ।
கிஞ்சிதா³த்யயிகங்கார்யந்தேஷாந்த்வந்த³ர்ஶனங்குரு ॥ 37 ॥
ஏதச்ச்²ருத்வாத³ஶக்³ரீவோராக்ஷஸப்ரதிவேதி³தம் ।
அஶோகன்விகாந்த்யக்த்வாமந்த்ரிணாந்த³ர்ஶனம்யயௌ ॥ 38 ॥
ஸதுஸர்வம்ஸமர்த்²யைவமந்த்ரிபி⁴:க்ருத்யமாத்மன: ।
ஸபா⁴ம்ப்ரவிஶ்யவித³தே⁴விதி³த்வாராமவிக்ரமம் ॥ 39 ॥
அந்தர்தா²னந்துதச்சீ²ர்ஷந்தச்சகார்முகமுத்தமம் ।
ஜகா³மராவணஸ்யைவனிர்யாணஸமனந்தரம் ॥ 4௦ ॥
ராக்ஷஸேந்த்³ரஸ்துதைஸ்ஸார்த⁴ம்மந்த்ரிபி⁴ர்பீ⁴மவிக்ரமை: ।
ஸமர்த²யாமாஸததா³ராமகார்யவினிஶ்சயம் ॥ 41 ॥
அவிதூ³ரஸ்தி²தான்ஸர்வான்ப³லாத்⁴யக்ஷாஹனிதைஷிண: ।
அப்³ரவீத்காலஸத்³ருஶோராவணோராக்ஷஸாதி⁴ப: ॥ 42 ॥
ஶீக்⁴ரம்பே⁴ரீனினாதே³னஸ்பு²டங்கோணாஹதேனமே ।
ஸமானயத்⁴வம்ஸைன்யானிவக்தவ்யஞ்சனகாரணம் ॥ 43 ॥
ததஸ்ததே²திப்ரதிக்³ருஹ்யதத்³வசோப³லாதி⁴பாஸ்தேமஹதா³த்மனோப³லம் ।
ஸமானயம்ஶ்சைவஸமாக³மஞ்சதேன்யவேத³யன்ப⁴ர்தரியுத்³த⁴காங்க்ஷிணி ॥ 44 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே யுத்³த⁴காண்டே³ த்³வாத்ரிம்ஶஸ்ஸர்க:³ ॥
