śrīmadvālmīkīya rāmāyaṇē yuddhakāṇḍam ।
atha saptāśītitamassargaḥ ।
ēvamuktvātusaumitriñjātaharṣōvibhīṣaṇaḥ ।
dhanuṣpāṇinnamādāyatvaramāṇōjagāmasaḥ ॥ 1 ॥
avidūrantatōgatvāpraviśyatumahadvanam ।
darśamāmāsatatkarmalakṣmaṇātavibhīṣaṇaḥ ॥ 2 ॥
nīlajīmūtasaṅkāśannyagrōdhambhīmadarśanam ।
tējasvīrāvaṇabhrātālakṣmaṇāyanyavēdayat ॥ 3 ॥
ihōpahārambhūtānāmbalavānrāvaṇātmajaḥ ।
upahṛtyatataḥpaśchātsaṅgrāmamabhivartatē ॥ 4 ॥
adṛśṭassarvabhūtānāntatōbhavatirākṣasaḥ ।
nihantisamarēśatrūn badhnāti cha śarōttamaiḥ ॥ 5 ॥
tamapraviṣṭannyagrōdhambalinaṃrāvaṇātmajam ।
vidhvaṃsayaśarairdīpṭaiḥ sarathaṃsāśvasārathim ॥ 6 ॥
tathētyuktvāmahātējāssaumitrirmitranandanaḥ ।
babhūvāvasthitastatrachitraṃvisphārayan? dhanuḥ ॥ 7 ॥
sa rathēnāgnivarṇēnabalavānrāvaṇātmajaḥ ।
indrajitkavachīkhaṅgīsadhvajaḥpratyadṛśyata ॥ 8 ॥
tamuvāchamahātējāḥpaulastyamaparājitam ।
samahvayētvāṃsamarēsamyagyuddhamprayachChamē ॥ 9 ॥
ēvamuktōmahātējāmanasvīrāvaṇātmajaḥ ।
abravītparuṣaṃvākyantatradṛṣṭavāvibhīṣaṇam ॥ 10 ॥
ihatvañjātasamvṛddhaḥsākṣādbhrātāpiturmama ।
kathandruhyasiputrasyapitṛvyōmamarākṣasa ॥ 11 ॥
na jñātitvaṃ na sauhārdhaṃ na jātistavadurmatē ।
pramāṇaṃ na cha saudaryaṃ na dharmōdharmadūṣaṇa ॥ 12 ॥
śōchyastvamasidurbuddhēnindanīyaśchasādhubhiḥ ।
yastvaṃsvajanamutsṛjyaparabhṛtyatvamāgataḥ ॥ 13 ॥
naitaChachithilayābuddhyātvaṃvēsatimahadantaram ।
kva cha svajanasamvāsaḥkva cha nīchaparāśrayaḥ ॥ 14 ॥
guṇavānvāparajanaḥsvajanōnirguṇō'pivā ।
nirguṇaḥsvajanaḥśrēyān yaḥparaḥparaēvasaḥ ॥ 15 ॥
yasassvapakṣamparityajyaparapakṣanniṣēvatē ।
sa svapakṣēkṣyamprāptēpaśchāsttairēvahanyatē ॥ 16 ॥
niranukrōśatāchēyaṃyādṛśītēniśāchara ।
svajanēnatvayāśakyampauruṣaṃrāvaṇānuja ॥ 17 ॥
ityuktōbhrātṛputrēṇapratyuvāchavibhīṣaṇaḥ ।
ajānannivamaChachīlaṅkiṃrākṣasavikatthasē ॥ 18 ॥
rākṣasēndrasutāsādhōpāruṣyantyajagauravāt ।
kulēyadyapyahañjātōrakṣasāṅkrūrakarmaṇām ॥ 19 ॥
guṇōyaḥprathamōnṛṇantanmēśīlamarākṣasam ।
na ramēdāruṇēnāhaṃ na chādharmēṇavairamē ॥ 20 ॥
bhrātrāviṣaśīlō'pikathambhrātānirasyatē ।
dharmātprachyutaśīlaṃhipuruṣampāpaniśchayam ॥ 21 ॥
tyaktvāsukhamavāpnōtihastādāśīviṣaṃyathā ।
parasvaharaṇēyuktamparadārābhimarśakam ॥ 22 ॥
tyājyamāhurdurātmānaṃvēśmaprajvalitaṃyathā ।
parasvānāṃ cha haraṇamparadārābhimarśanam ॥ 23 ॥
suhṛdāmatiśaṅkā cha trayōdōṣāḥkṣayāvahāḥ ।
maharṣīṇāṃvadhōghōrassarvadēvaiśchavigrahaḥ ॥ 24 ॥
abhimānaśchadōṣaśchavairitvampratikūlatā ।
ētēdōṣāmamabhrāturjīvitaiśvaryanāśanāḥ ॥ 25 ॥
guṇānprachChādayāmāsuḥparvatānivatōyadāḥ ।
dōṣairētaiḥparityaktōmayābhrātāpitātava ॥ 26 ॥
nēyamastipurīlaṅkā na cha tvaṃ na cha tēpitā ।
atimānanī cha bālaśchadurvinītaścharākṣasa ।
baddhastvaṅkālapāśēnabrūhimāṃyadyadichChasi ॥ 27 ॥
adyatēvyasanamprāptaṅkimmāntvāmihavakṣyasi ।
pravēṣṭuṃ na tvayāśakyannyagrōdhaṃrākṣasādhama ॥ 28 ॥
dharṣayitvā cha kākutsthaṃ na śakyañjīvituntvayā ।
yudhyasvanaradēvēnalakṣmaṇēnaraṇēsaha ॥ 29 ॥
hatastvandēvatākāryaṅkariṣyasiyamakṣayē ।
nidarśayitvātmabalaṃsamudyataṅkuruṣvasarvāyudhasāyakavyayam ।
na lakṣmaṇasyaityahibāṇagōcharantvamadyajīvan sabalōgamiṣyasi ॥ 30 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē saptāśītitamassargaḥ ॥
