ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ସପ୍ତାଶୀତିତମସ୍ସର୍ଗଃ ।
ଏଵମୁକ୍ତ୍ଵାତୁସୌମିତ୍ରିଂଜାତହର୍ଷୋଵିଭୀଷଣଃ ।
ଧନୁଷ୍ପାଣିଂନମାଦାୟତ୍ଵରମାଣୋଜଗାମସଃ ॥ 1 ॥
ଅଵିଦୂରଂତତୋଗତ୍ଵାପ୍ରଵିଶ୍ୟତୁମହଦ୍ଵନମ୍ ।
ଦର୍ଶମାମାସତତ୍କର୍ମଲକ୍ଷ୍ମଣାତଵିଭୀଷଣଃ ॥ 2 ॥
ନୀଲଜୀମୂତସଂକାଶଂନ୍ୟଗ୍ରୋଧଂଭୀମଦର୍ଶନମ୍ ।
ତେଜସ୍ଵୀରାଵଣଭ୍ରାତାଲକ୍ଷ୍ମଣାୟନ୍ୟଵେଦୟତ୍ ॥ 3 ॥
ଇହୋପହାରଂଭୂତାନାଂବଲଵାନ୍ରାଵଣାତ୍ମଜଃ ।
ଉପହୃତ୍ୟତତଃପଶ୍ଚାତ୍ସଂଗ୍ରାମମଭିଵର୍ତତେ ॥ 4 ॥
ଅଦୃଶ୍ଟସ୍ସର୍ଵଭୂତାନାଂତତୋଭଵତିରାକ୍ଷସଃ ।
ନିହଂତିସମରେଶତ୍ରୂନ୍ ବଧ୍ନାତି ଚ ଶରୋତ୍ତମୈଃ ॥ 5 ॥
ତମପ୍ରଵିଷ୍ଟଂନ୍ୟଗ୍ରୋଧଂବଲିନଂରାଵଣାତ୍ମଜମ୍ ।
ଵିଧ୍ଵଂସୟଶରୈର୍ଦୀପ୍ଟୈଃ ସରଥଂସାଶ୍ଵସାରଥିମ୍ ॥ 6 ॥
ତଥେତ୍ୟୁକ୍ତ୍ଵାମହାତେଜାସ୍ସୌମିତ୍ରିର୍ମିତ୍ରନଂଦନଃ ।
ବଭୂଵାଵସ୍ଥିତସ୍ତତ୍ରଚିତ୍ରଂଵିସ୍ଫାରୟନ୍? ଧନୁଃ ॥ 7 ॥
ସ ରଥେନାଗ୍ନିଵର୍ଣେନବଲଵାନ୍ରାଵଣାତ୍ମଜଃ ।
ଇଂଦ୍ରଜିତ୍କଵଚୀଖଂଗୀସଧ୍ଵଜଃପ୍ରତ୍ୟଦୃଶ୍ୟତ ॥ 8 ॥
ତମୁଵାଚମହାତେଜାଃପୌଲସ୍ତ୍ୟମପରାଜିତମ୍ ।
ସମହ୍ଵୟେତ୍ଵାଂସମରେସମ୍ୟଗ୍ୟୁଦ୍ଧଂପ୍ରୟଚ୍ଛମେ ॥ 9 ॥
ଏଵମୁକ୍ତୋମହାତେଜାମନସ୍ଵୀରାଵଣାତ୍ମଜଃ ।
ଅବ୍ରଵୀତ୍ପରୁଷଂଵାକ୍ୟଂତତ୍ରଦୃଷ୍ଟଵାଵିଭୀଷଣମ୍ ॥ 10 ॥
ଇହତ୍ଵଂଜାତସମ୍ଵୃଦ୍ଧଃସାକ୍ଷାଦ୍ଭ୍ରାତାପିତୁର୍ମମ ।
କଥଂଦ୍ରୁହ୍ୟସିପୁତ୍ରସ୍ୟପିତୃଵ୍ୟୋମମରାକ୍ଷସ ॥ 11 ॥
ନ ଜ୍ଞାତିତ୍ଵଂ ନ ସୌହାର୍ଧଂ ନ ଜାତିସ୍ତଵଦୁର୍ମତେ ।
ପ୍ରମାଣଂ ନ ଚ ସୌଦର୍ୟଂ ନ ଧର୍ମୋଧର୍ମଦୂଷଣ ॥ 12 ॥
ଶୋଚ୍ୟସ୍ତ୍ଵମସିଦୁର୍ବୁଦ୍ଧେନିଂଦନୀୟଶ୍ଚସାଧୁଭିଃ ।
ୟସ୍ତ୍ଵଂସ୍ଵଜନମୁତ୍ସୃଜ୍ୟପରଭୃତ୍ୟତ୍ଵମାଗତଃ ॥ 13 ॥
ନୈତଛଚିଥିଲୟାବୁଦ୍ଧ୍ୟାତ୍ଵଂଵେସତିମହଦଂତରମ୍ ।
କ୍ଵ ଚ ସ୍ଵଜନସମ୍ଵାସଃକ୍ଵ ଚ ନୀଚପରାଶ୍ରୟଃ ॥ 14 ॥
ଗୁଣଵାନ୍ଵାପରଜନଃସ୍ଵଜନୋନିର୍ଗୁଣୋଽପିଵା ।
ନିର୍ଗୁଣଃସ୍ଵଜନଃଶ୍ରେୟାନ୍ ୟଃପରଃପରଏଵସଃ ॥ 15 ॥
ୟସସ୍ସ୍ଵପକ୍ଷଂପରିତ୍ୟଜ୍ୟପରପକ୍ଷଂନିଷେଵତେ ।
ସ ସ୍ଵପକ୍ଷେକ୍ଷ୍ୟଂପ୍ରାପ୍ତେପଶ୍ଚାସ୍ତ୍ତୈରେଵହନ୍ୟତେ ॥ 16 ॥
ନିରନୁକ୍ରୋଶତାଚେୟଂୟାଦୃଶୀତେନିଶାଚର ।
ସ୍ଵଜନେନତ୍ଵୟାଶକ୍ୟଂପୌରୁଷଂରାଵଣାନୁଜ ॥ 17 ॥
ଇତ୍ୟୁକ୍ତୋଭ୍ରାତୃପୁତ୍ରେଣପ୍ରତ୍ୟୁଵାଚଵିଭୀଷଣଃ ।
ଅଜାନନ୍ନିଵମଛଚୀଲଂକିଂରାକ୍ଷସଵିକତ୍ଥସେ ॥ 18 ॥
ରାକ୍ଷସେଂଦ୍ରସୁତାସାଧୋପାରୁଷ୍ୟଂତ୍ୟଜଗୌରଵାତ୍ ।
କୁଲେୟଦ୍ୟପ୍ୟହଂଜାତୋରକ୍ଷସାଂକ୍ରୂରକର୍ମଣାମ୍ ॥ 19 ॥
ଗୁଣୋୟଃପ୍ରଥମୋନୃଣଂତନ୍ମେଶୀଲମରାକ୍ଷସମ୍ ।
ନ ରମେଦାରୁଣେନାହଂ ନ ଚାଧର୍ମେଣଵୈରମେ ॥ 20 ॥
ଭ୍ରାତ୍ରାଵିଷଶୀଲୋଽପିକଥଂଭ୍ରାତାନିରସ୍ୟତେ ।
ଧର୍ମାତ୍ପ୍ରଚ୍ୟୁତଶୀଲଂହିପୁରୁଷଂପାପନିଶ୍ଚୟମ୍ ॥ 21 ॥
ତ୍ୟକ୍ତ୍ଵାସୁଖମଵାପ୍ନୋତିହସ୍ତାଦାଶୀଵିଷଂୟଥା ।
ପରସ୍ଵହରଣେୟୁକ୍ତଂପରଦାରାଭିମର୍ଶକମ୍ ॥ 22 ॥
ତ୍ୟାଜ୍ୟମାହୁର୍ଦୁରାତ୍ମାନଂଵେଶ୍ମପ୍ରଜ୍ଵଲିତଂୟଥା ।
ପରସ୍ଵାନାଂ ଚ ହରଣଂପରଦାରାଭିମର୍ଶନମ୍ ॥ 23 ॥
ସୁହୃଦାମତିଶଂକା ଚ ତ୍ରୟୋଦୋଷାଃକ୍ଷୟାଵହାଃ ।
ମହର୍ଷୀଣାଂଵଧୋଘୋରସ୍ସର୍ଵଦେଵୈଶ୍ଚଵିଗ୍ରହଃ ॥ 24 ॥
ଅଭିମାନଶ୍ଚଦୋଷଶ୍ଚଵୈରିତ୍ଵଂପ୍ରତିକୂଲତା ।
ଏତେଦୋଷାମମଭ୍ରାତୁର୍ଜୀଵିତୈଶ୍ଵର୍ୟନାଶନାଃ ॥ 25 ॥
ଗୁଣାନ୍ପ୍ରଚ୍ଛାଦୟାମାସୁଃପର୍ଵତାନିଵତୋୟଦାଃ ।
ଦୋଷୈରେତୈଃପରିତ୍ୟକ୍ତୋମୟାଭ୍ରାତାପିତାତଵ ॥ 26 ॥
ନେୟମସ୍ତିପୁରୀଲଂକା ନ ଚ ତ୍ଵଂ ନ ଚ ତେପିତା ।
ଅତିମାନନୀ ଚ ବାଲଶ୍ଚଦୁର୍ଵିନୀତଶ୍ଚରାକ୍ଷସ ।
ବଦ୍ଧସ୍ତ୍ଵଂକାଲପାଶେନବ୍ରୂହିମାଂୟଦ୍ୟଦିଚ୍ଛସି ॥ 27 ॥
ଅଦ୍ୟତେଵ୍ୟସନଂପ୍ରାପ୍ତଂକିଂମାଂତ୍ଵାମିହଵକ୍ଷ୍ୟସି ।
ପ୍ରଵେଷ୍ଟୁଂ ନ ତ୍ଵୟାଶକ୍ୟଂନ୍ୟଗ୍ରୋଧଂରାକ୍ଷସାଧମ ॥ 28 ॥
ଧର୍ଷୟିତ୍ଵା ଚ କାକୁତ୍ସ୍ଥଂ ନ ଶକ୍ୟଂଜୀଵିତୁଂତ୍ଵୟା ।
ୟୁଧ୍ୟସ୍ଵନରଦେଵେନଲକ୍ଷ୍ମଣେନରଣେସହ ॥ 29 ॥
ହତସ୍ତ୍ଵଂଦେଵତାକାର୍ୟଂକରିଷ୍ୟସିୟମକ୍ଷୟେ ।
ନିଦର୍ଶୟିତ୍ଵାତ୍ମବଲଂସମୁଦ୍ୟତଂକୁରୁଷ୍ଵସର୍ଵାୟୁଧସାୟକଵ୍ୟୟମ୍ ।
ନ ଲକ୍ଷ୍ମଣସ୍ୟୈତ୍ୟହିବାଣଗୋଚରଂତ୍ଵମଦ୍ୟଜୀଵନ୍ ସବଲୋଗମିଷ୍ୟସି ॥ 30 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ସପ୍ତାଶୀତିତମସ୍ସର୍ଗଃ ॥
