അയോധ്യാപുരനേതാരം മിഥിലാപുരനായികാമ് ।
രാഘവാണാമലംകാരം വൈദേഹാനാമലംക്രിയാമ് ॥1॥
രഘൂണാം കുലദീപം ച നിമീനാം കുലദീപികാമ് ।
സൂര്യവംശസമുദ്ഭൂതം സോമവംശസമുദ്ഭവാമ് ॥2॥
പുത്രം ദശരഥസ്യാദ്യം പുത്രീം ജനകഭൂപതേഃ ।
വശിഷ്ഠാനുമതാചാരം ശതാനംദമതാനുഗാമ് ॥3॥
കൌസല്യാഗര്ഭസംഭൂതം വേദിഗര്ഭോദിതാം സ്വയമ് ।
പുംഡരീകവിശാലാക്ഷം സ്ഫുരദിംദീവരേക്ഷണാമ് ॥4॥
ചംദ്രകാംതാനനാംഭോജം ചംദ്രബിംബോപമാനനാമ് ।
മത്തമാതംഗഗമനം മത്തഹംസവധൂഗതാമ് ॥5॥
ചംദനാര്ദ്രഭുജാമധ്യം കുംകുമാര്ദ്രകുചസ്ഥലീമ് ।
ചാപാലംകൃതഹസ്താബ്ജം പദ്മാലംകൃതപാണികാമ്॥6॥
ശരണാഗതഗോപ്താരം പ്രണിപാദപ്രസാദികാമ് ।
കാലമേഘനിഭം രാമം കാര്തസ്വരസമപ്രഭാമ് ॥7॥
ദിവ്യസിംഹാസനാസീനം ദിവ്യസ്രഗ്വസ്ത്രഭൂഷണാമ് ।
അനുക്ഷണം കടാക്ഷാഭ്യാം അന്യോന്യേക്ഷണകാംക്ഷിണൌ ॥8॥
അന്യോന്യസദൃശാകാരൌ ത്രൈലോക്യഗൃഹദംപതീ ।
ഇമൌ യുവാം പ്രണമ്യാഹം ഭജാമ്യദ്യ കൃതാര്ഥതാമ് ॥9॥
അനേന സ്തൌതി യഃ സ്തുത്യം രാമം സീതാം ച ഭക്തിതഃ ।
തസ്യ തൌ തനുതാം പുണ്യാസ്സംപദഃ സകലാര്ഥദാഃ ॥10॥
ഏവം ശ്രീരാചംദ്രസ്യ ജാനക്യാശ്ച വിശേഷതഃ ।
കൃതം ഹനൂമതാ പുണ്യം സ്തോത്രം സദ്യോ വിമുക്തിദമ് ।
യഃ പഠേത്പ്രാതരുത്ഥായ സർവാന് കാമാനവാപ്നുയാത് ॥11॥
