අයෝධ්යාපුරනේතාරං මිථිලාපුරනායිකාම් ।
රාඝවාණාමලංකාරං වෛදේහානාමලංක්රියාම් ॥1॥
රඝූණාං කුලදීපං ච නිමීනාං කුලදීපිකාම් ।
සූර්යවංශසමුද්භූතං සෝමවංශසමුද්භවාම් ॥2॥
පුත්රං දශරථස්යාද්යං පුත්රීං ජනකභූපතේඃ ।
වශිෂ්ඨානුමතාචාරං ශතානංදමතානුගාම් ॥3॥
කෞසල්යාගර්භසංභූතං වේදිගර්භෝදිතාං ස්වයම් ।
පුංඩරීකවිශාලාක්ෂං ස්ඵුරදිංදීවරේක්ෂණාම් ॥4॥
චංද්රකාංතානනාංභෝජං චංද්රබිංබෝපමානනාම් ।
මත්තමාතංගගමනං මත්තහංසවධූගතාම් ॥5॥
චංදනාර්ද්රභුජාමධ්යං කුංකුමාර්ද්රකුචස්ථලීම් ।
චාපාලංකෘතහස්තාබ්ජං පද්මාලංකෘතපාණිකාම්॥6॥
ශරණාගතගෝප්තාරං ප්රණිපාදප්රසාදිකාම් ।
කාලමේඝනිභං රාමං කාර්තස්වරසමප්රභාම් ॥7॥
දිව්යසිංහාසනාසීනං දිව්යස්රග්වස්ත්රභූෂණාම් ।
අනුක්ෂණං කටාක්ෂාභ්යාං අන්යෝන්යේක්ෂණකාංක්ෂිණෞ ॥8॥
අන්යෝන්යසදෘශාකාරෞ ත්රෛලෝක්යගෘහදංපතී ।
ඉමෞ යුවාං ප්රණම්යාහං භජාම්යද්ය කෘතාර්ථතාම් ॥9॥
අනේන ස්තෞති යඃ ස්තුත්යං රාමං සීතාං ච භක්තිතඃ ।
තස්ය තෞ තනුතාං පුණ්යාස්සංපදඃ සකලාර්ථදාඃ ॥10॥
ඒවං ශ්රීරාචංද්රස්ය ජානක්යාශ්ච විශේෂතඃ ।
කෘතං හනූමතා පුණ්යං ස්තෝත්රං සද්යෝ විමුක්තිදම් ।
යඃ පඨේත්ප්රාතරුත්ථාය සර්වාන් කාමානවාප්නුයාත් ॥11॥
