హనుమ క్ఱ్త శక్తి స్వరూప సీతా రామ మంత్రం

Collection of Spiritual and Devotional Literature in Various Indian Languages

View this in:

This document is in సరళ తెలుగు with simplified anusvaras. View this in శుద్ధ తెలుగు, with correct anusvaras marked.

అయోధ్యాపురనేతారం మిథిలాపురనాయికామ్ ।
రాఘవాణామలంకారం వైదేహానామలంక్రియామ్ ॥1॥

రఘూణాం కులదీపం చ నిమీనాం కులదీపికామ్ ।
సూర్యవంశసముద్భూతం సోమవంశసముద్భవామ్ ॥2॥

పుత్రం దశరథస్యాద్యం పుత్రీం జనకభూపతేః ।
వశిష్ఠానుమతాచారం శతానందమతానుగామ్ ॥3॥

కౌసల్యాగర్భసంభూతం వేదిగర్భోదితాం స్వయమ్ ।
పుండరీకవిశాలాక్షం స్ఫురదిందీవరేక్షణామ్ ॥4॥

చంద్రకాంతాననాంభోజం చంద్రబింబోపమాననామ్ ।
మత్తమాతంగగమనం మత్తహంసవధూగతామ్ ॥5॥

చందనార్ద్రభుజామధ్యం కుంకుమార్ద్రకుచస్థలీమ్ ।
చాపాలంకృతహస్తాబ్జం పద్మాలంకృతపాణికాం॥6॥

శరణాగతగోప్తారం ప్రణిపాదప్రసాదికామ్ ।
కాలమేఘనిభం రామం కార్తస్వరసమప్రభామ్ ॥7॥

దివ్యసింహాసనాసీనం దివ్యస్రగ్వస్త్రభూషణామ్ ।
అనుక్షణం కటాక్షాభ్యాం అన్యోన్యేక్షణకాంక్షిణౌ ॥8॥

అన్యోన్యసదృశాకారౌ త్రైలోక్యగృహదంపతీ ।
ఇమౌ యువాం ప్రణమ్యాహం భజామ్యద్య కృతార్థతామ్ ॥9॥

అనేన స్తౌతి యః స్తుత్యం రామం సీతాం చ భక్తితః ।
తస్య తౌ తనుతాం పుణ్యాస్సంపదః సకలార్థదాః ॥10॥

ఏవం శ్రీరాచంద్రస్య జానక్యాశ్చ విశేషతః ।
కృతం హనూమతా పుణ్యం స్తోత్రం సద్యో విముక్తిదమ్ ।
యః పఠేత్ప్రాతరుత్థాయ సర్వాన్ కామానవాప్నుయాత్ ॥11॥

Browse Related Categories: