ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ତ୍ରୟୋଦଶାଧିକଶତତମସ୍ସର୍ଗଃ ।
ରାଵଣଂନିହତଂଦୃଷ୍ଟଵାରାଘଵେଣମହାତ୍ମନା ।
ଅଂତଃପୁରାଦ୍ଵିନିଷ୍ପେତୂରାକ୍ଷସ୍ୟଶ୍ଶୋକକର୍ଶିତାଃ ॥ 1 ॥
ଵାର୍ୟମାଣାସ୍ସୁବହୁଶୋଵେଷ୍ଟଂତ୍ୟଃକ୍ଷିତିପାଂସୁଷୁ ।
ଵିମୁକ୍ତକେଶ୍ୟଶ୍ଶୋକାର୍ତାଗାଵୋଵତ୍ସହତାୟଥା ॥ 2 ॥
ଉତ୍ତରେଣଵିନିଷ୍କ୍ରମ୍ୟଦ୍ଵାରେଣସହରାକ୍ଷସୈଃ ।
ପ୍ରଵିଶ୍ୟାୟୋଧନଂଘୋରଂଵିଚିନ୍ଵଂତ୍ଵୋହତଂପତିମ୍ ॥ 3 ॥
ଆର୍ୟପୁତ୍ରେତିଵାଦିନ୍ୟୋହାନାଥେତି ଚ ସର୍ଵଶଃ ।
ପରିପେତୁଃକବଂଧାଂକାଂମହୀଂଶୋଣିତକର୍ଦମାମ୍ ॥ 4 ॥
ଦୃଷ୍ଟ୍ଵା ସମାଗତଂ ଦେଵୀ ହନୂମଂତଂ ମହାବଲମ୍ ।
ତୂଷ୍ଣୀମାସ୍ତ ତଦା ଦୃଷ୍ଟ୍ଵା ସ୍ମୃତ୍ଵା ହୃଷ୍ଟାଭଵତ୍ତଦା ॥ 5 ॥
ଦଦୃଶୁସ୍ତାମହାକାୟଂମହାଵୀର୍ୟଂମହାଦ୍ୟୁତିମ୍ ।
ରାଵଣଂନିହତଂଭୂମୌନୀଲାଂଜନଚୟୋପମମ୍ ॥ 6 ॥
ତାଃପତିଂସହସାଦୃଷ୍ଟଵାଶୟାନଂରଣପାଂସୁଷୁ ।
ନିପେତୁସ୍ତସ୍ୟଗାତ୍ରେଷୁଛିନ୍ନାଵନଲତାଇଵ ॥ 7 ॥
ବହୁମାନାତ୍ପରିଷ୍ଵଜ୍ୟକାଚିଦେଵଂରୁରୋଦ ହ ।
ଚରଣୌକାଚିଦାଲଂବ୍ୟକାଚିତ୍କଂଠେଽଵଲଂବ୍ୟ ଚ ॥ 8 ॥
ଉତ୍କ୍ଷିପ୍ୟ ଚ ଭୁଜୌକାଚିଦ୍ଭୂମୌସୁପରିଵର୍ତତେ ।
ହତସ୍ୟଵଦନଂଦୃଷ୍ଟଵାକାଚିନ୍ମୋହମୁପାଗମତ୍ ॥ 9 ॥
କାଚିଦଂକେଶିରଃକୃତ୍ଵାରୁରୋଦମୁଖମୀକ୍ଷତୀ ।
ସ୍ନାପୟଂତୀମୁଖଂବାଷ୍ପୈସ୍ତୁଷାରୈରିଵପଂକଜମ୍ ॥ 10 ॥
ଏଵମାର୍ତାଃପତିଂଦୃଷ୍ଟଵାରାଵଣଂନିହତଂଭୁଵି ।
ଚୁକ୍ରୁଶୁର୍ଭହୁଧାଶୋକାଦ୍ଭୂୟସ୍ତାଃପର୍ୟଦେଵୟନ୍ ॥ 11 ॥
ୟେନମିତ୍ରାସିତଃଶକ୍ରୋୟେନଵିତ୍ରାସିତୋୟମଃ ।
ୟେନଵୈଶ୍ରଵଣୋରାଜାପୁଷ୍ପକେଣଵିୟୋଜିତଃ ॥ 12 ॥
ଗଂଧର୍ଵାଣାମୃଷୀଣାଂ ଚ ସୁରାଣାଂ ଚ ମହାତ୍ମନାମ୍ ।
ଭୟଂୟେନରଣେଦତ୍ତଂସୋଽୟଂଶେତେରଣେହତଃ ॥ 13 ॥
ଅସୁରେଭ୍ୟଃସୁରେଭ୍ୟୋଵାପନ୍ନଗେଭ୍ୟୋଽପିଵାତଥା ।
ଭୟଂୟୋ ନ ଵିଜାନାତିତସ୍ୟେଦଂମାନୁଷାଦ୍ ଭୟମ୍ ॥ 14 ॥
ଅଵଧ୍ୟୋଦେଵତାନାଂୟସ୍ତଥାଦାନଵରାକ୍ଷସାମ୍ ।
ହତଃସୋଽୟଂରଣେଶେତେମାନୁଷେଣପଦାତିନା ॥ 15 ॥
ୟୋ ନ ଶକ୍ୟସ୍ସୁରୈର୍ହଂତୁଂ ନ ୟକ୍ଷୈର୍ନାସୁରୈସ୍ତଥା ।
ସୋଽୟଂକଶ୍ଚିଦିଵାସତ୍ତ୍ଵୋମୃତ୍ୟୁଂମର୍ତ୍ୟେନଲଂଭିତଃ ॥ 16 ॥
ଏଵଂଵଦଂତ୍ୟୋରୁରୁଦୁସ୍ତସ୍ୟତାଦୁଃଖିତାଃସ୍ତ୍ରିୟଃ ।
ଭୂୟଏଵ ଚ ଦୁଃଖାର୍ତାଵିଲେପୁଶ୍ଚପୁନଃପୁନଃ ॥ 17 ॥
ଅଶୃଣ୍ଵତାତୁସୁହୃଦାଂସତତଂହିତଵାଦିନାମ୍ ।
ମରଣାୟହୃତାସୀତାରାକ୍ଷସାଶ୍ଚନିପାତିତାଃ ॥ 18 ॥
ଏତାସ୍ସମମିଦାନୀଂତେଵୟମାତ୍ମା ଚ ପାତିତଃ ।
ବ୍ରୁଵାଣୋଽପିହିତଂଵାକ୍ୟମିଷ୍ଟୋଭ୍ରାତାଵିଭୀଷଣଃ ॥ 19 ॥
ଧୃଷ୍ଟଂପରୁଷିତୋମୋହତ୍ତ୍ଵୟାତ୍ମଵଥକାଂକ୍ଷିଣା ।
ଦିନିର୍ୟାତିତାତେସ୍ଵାସତୀତାରାମାୟମୈଥିଲୀ ॥ 20 ॥
ନନସ୍ସ୍ୟାଦ୍ଵ୍ୟସନଂଘୋରମିଦଂମୂଲହରଂମହତ୍ ।
ଵୃତ୍ତକାମୋଭଵେଦ୍ଭ୍ରାତାରାମୋମିତ୍ରକୁଲଂଭଵେତ୍ ॥ 21 ॥
ଵୟଂଚାଧ୍ଵିଵାଃସର୍ଵାଃସକମା ନ ଚ ଶତ୍ରଵଃ ।
ତ୍ଵୟାପୁନର୍ନୃଶଂଶଂସେନସୀତାଂସଂରୁଂଧତାବଲାତ୍ ॥ 22 ॥
ରାକ୍ଷସାଵୟମାତ୍ମା ଚ ତ୍ରୟଂତୁଲ୍ୟଂନିପାତିତମ୍ ।
ନ କାମକାରଃକାମଂଵାତଵରାକ୍ଷସପୁଂଗଵ ।
ଦୈଵଂଚେଷ୍ଟୟତେସର୍ଵଂହତଂଦୈଵେନହନ୍ୟତେ ॥ 23 ॥
ଵାନରାଣାଂଵିନାଶୋଽୟଂରାକ୍ଷସାନାଂ ଚ ତେରଣେ ।
ତଵଚୈଵମହାବାହୋ ଦୈଵୟୋଗାଦୁପାଗତଃ ॥ 24 ॥
ନୈଵାର୍ଥେନ ନ କାମେନଵିକ୍ରମେଣ ନ ଚାଜ୍ଞୟା ।
ଶକ୍ୟାଦୈଵଗତିର୍ଲୋକେନିଵର୍ତୟିତୁମୁଦ୍ୟତା ॥ 25 ॥
ତତଃ ଶୁଭତରଂ ଵାକ୍ୟମୁଵାଚ ପଵନାତ୍ମଜମ୍ ।
ଅତିଲକ୍ଷଣସଂପନ୍ନଂ ମାଧୁର୍ୟଗୁଣଭୂଷିତମ୍ ॥ 26 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ତ୍ରୟୋଦଶାଧିକଶତତମସ୍ସର୍ଗଃ ॥
