ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ସପ୍ତଦଶାଧିକଶତତମସ୍ସର୍ଗଃ ।
ସ ଉଵାଚମହାପ୍ରାମସ୍ସୋଽଭିଵାଦ୍ୟପ୍ଲଵଂଗମଃ ।
ରାମଂଵଚନମର୍ଥଜ୍ଞୋଵରଂସର୍ଵଧନୁଷ୍ମତାମ୍ ॥ 1 ॥
ୟନ୍ନିମିତ୍ତୋଽୟମାରଂବଃକର୍ମଣାଂୟଃଫଲୋଦୟଃ ।
ତାଂଦେଵୀଂଶୋକସଂତପ୍ତାଂଦ୍ରଷ୍ଟୁମର୍ହସିମୈଥିଲୀମ୍ ॥ 2 ॥
ସାହିଶୋକସମାଵିଷ୍ଟାବାଷ୍ପପର୍ୟାକୁଲେକ୍ଷଣା ।
ମୈଥିଲୀଵିଜୟଂଶ୍ରୁତ୍ଵାଦ୍ରଷ୍ଟୁଂତ୍ଵାମଭିକାଂକ୍ଷତି ॥ 3 ॥
ପୂର୍ଵକାତ୍ପ୍ରତ୍ୟୟାଚ୍ଚାହମୁକ୍ତୋଵିଶ୍ଵସ୍ତୟାତୟା ।
ଭର୍ତାରଂଦ୍ରଷ୍ଟୁମିଚ୍ଛାମିକୃତାର୍ଥଂସହଲକ୍ଷ୍ମଣମ୍ ॥ 4 ॥
ଏଵମୁକ୍ତୋହନୁମତାରାମୋଧର୍ମଭୃତାଂଵରଃ ।
ଆଗଚ୍ଛତ୍ସହସାଧ୍ୟାନମୀଷଦ୍ଭାଷ୍ପପରିପ୍ଲୁତଃ ॥ 5 ॥
ଦୀର୍ଘମୁଷ୍ଣଂଵିନିଃଶ୍ଵସ୍ୟଜଗତୀମଵଲୋକୟନ୍ ।
ଉଵାଚମେଘସଂକାଶଂଵିଭୀଷଣମୁପସ୍ଥିତମ୍ ॥ 6 ॥
ଦିଵ୍ୟାଂଗରାଗାଂଵୈଦେହୀଂଦିଵ୍ୟାଭରଣଭୂଷିତାମ୍ ।
ଇହସୀତାଂଶିରଃସ୍ନାତାମୁପସ୍ଥାପୟମାଚିରମ୍ ॥ 7 ॥
ଏଵମୁକ୍ତସ୍ତୁରାମେଣତ୍ଵରମାଣୋଵିଭୀଷଣଃ ।
ପ୍ରଵିଶ୍ୟାଂତଃପୁରଂସୀତାଂସ୍ତ୍ରୀଭିସ୍ସ୍ଵାଭିରୋଚଦୟତ୍ ॥ 8 ॥
ତତସ୍ସୀତାଂମହାଭାଗାଂଦୃଷ୍ଟଵୋଵାଚଵିଭୀଷଣଃ ।
ମୂର୍ଧ୍ନିବଦ୍ଧାଂଜଲିଶ୍ରୀମାନ୍ଵିନୀତୋରାକ୍ଷସେଶ୍ଵରଃ ॥ 9 ॥
ଦିଵ୍ୟାଂଗରାଗାଵୈଦେହୀଦିଵ୍ୟାଭରଣଭୂଷିତା ।
ୟାନମାରୋହଭଦ୍ରଂତେଭର୍ତାତ୍ଵାଂଦ୍ରଷ୍ଟୁମିଚ୍ଛତି ॥ 10 ॥
ଏଵମୁକ୍ତାତୁଵୈଦେହୀପ୍ରତ୍ୟୁଵାଚଵିଭୀଷଣମ୍ ।
ଅସ୍ନାତ୍ଵାଦ୍ରଷ୍ଟୁମିଚ୍ଛାମିଭର୍ତାରଂରାକ୍ଷସେଶ୍ଵର ॥ 11 ॥
ତସ୍ୟାସ୍ତଦ୍ଵଚନଂଶ୍ରୁତ୍ଵାପ୍ରତ୍ୟୁଵାଚଵିଭୀଷଣଃ ।
ୟଥାହରାମୋଭହର୍ତାତେତତ୍ତଥାକର୍ତୁମାର୍ହସିମାର୍ହସି ॥ 12 ॥
ତସ୍ୟତଦ୍ଵଚନଂଶ୍ରୁତ୍ଵାମୈଥିଲୀପତିଦେଵତା ।
ଭର୍ତୃଭକ୍ତ୍ୟାଵୃତାସାଧ୍ଵୀତଥେତିପ୍ରତ୍ୟଭାଷତ ॥ 13 ॥
ତତସ୍ସୀତାଂଶିରଃସ୍ନାତାଂସଂୟୁକ୍ତାଂପ୍ରତିକର୍ମଣା ।
ମହାର୍ହାଭରଣୋପେତାଂମହାର୍ହାଂବରଧାରିଣୀମ୍ ॥ 14 ॥
ଆରୋପ୍ୟଶିବିକାଂଦୀପ୍ତାଂପରାର୍ଘ୍ୟାଂବରସମ୍ଵୃତାମ୍ ।
ରାକ୍ଷସୈର୍ଭହୁଭିର୍ଗୁପ୍ତାମାଜହାରଵିଭୀଷଣଃ ॥ 15 ॥
ସୋଽଭିଗମ୍ୟମହାତ୍ମାନଂଜ୍ଞାତାଵପିଧ୍ୟାନମାସ୍ଥିତମ୍ ।
ପ୍ରଣତଶ୍ଚପ୍ରହୃଷ୍ଟଶ୍ଚପ୍ରାପ୍ତାଂସୀତାଂନ୍ୟଵେଦୟତ୍ ॥ 16 ॥
ତାମାଗତାମୁପଶ୍ରୁତ୍ୟରକ୍ଷୋଗୃହଚିରୋଷିତାମ୍ ।
ହର୍ଷୋଦୈନ୍ୟଂଚ ରୋଷଶ୍ଚତ୍ରୟଂରାଘଵମାଵିଶତ୍ ॥ 17 ॥
ତତଃପାର୍ଶ୍ଵଗତଂଦୃଷ୍ଟଵାସଵିମର୍ଶଂଵିଚାରୟନ୍ ।
ଵିଭୀଷଣମିଦଂଵାକ୍ୟମହୃଷ୍ଟୋରାଘଵୋଽବ୍ରଵୀତ୍ ॥ 18 ॥
ରାକ୍ଷସାଧିପତେସୌମ୍ୟନିତ୍ୟଂମଦ୍ଵିଜୟେରତ ।
ଵୈଦେହୀସଂନିକର୍ଷଂମେଶୀଘ୍ରଂସମୁପଗଚ୍ଛତୁ ॥ 19 ॥
ତସ୍ୟତଦ୍ଵଚନଂଶ୍ରୁତ୍ଵାରାଘଵସ୍ୟଵିଭୀଷଣଃ ।
ତୂର୍ଣମୁତ୍ସାରଣଂତତ୍ରକାରୟାମାସଧର୍ମଵିତ୍ ॥ 20 ॥
କଂଚୁକୋଷ୍ଣୀଷିଣସ୍ତତ୍ରଵେତ୍ରଜର୍ଜରପାଣୟଃ ।
ଉତ୍ସାରୟଂତସ୍ତାନ୍ୟୋଧାନ୍ସମଂତାତ୍ ପରିଚକ୍ରମୁଃ ॥ 21 ॥
ଋକ୍ଷାଣାଂଵାନରାଣାଂ ଚ ରାକ୍ଷସାନାଂ ଚ ସର୍ଵଶଃ ।
ଵୃଂଦାନ୍ୟୁତ୍ସାର୍ୟମାଣାନିଦୂରମୁତ୍ତସ୍ଥୁରଂତତଃ ॥ 22 ॥
ତେଷାମୁତ୍ସାର୍ୟମାଣାନାଂନିଃସ୍ଵନଃସୁମହାନଭୂତ୍ ।
ଵାୟୁନୋଦ୍ଧୂୟାମାନସ୍ୟସାଗରସ୍ୟେଵନିଃସ୍ଵନଃ ॥ 23 ॥
ଉତ୍ସାର୍ୟମାଣାନ୍ ଦୃଷ୍ଟଵାଥଜଗତ୍ୟାଂଜାତସଂଭ୍ରମାନ୍ ।
ଦାକ୍ଷିଣ୍ୟାତ୍ତଦମର୍ଷାଚ୍ଚଵାରୟାମାସରାଘଵଃ ॥ 24 ॥
ସଂରଂବଶ୍ଚାବ୍ରଵୀଦ୍ରାମଶ୍ଚକ୍ଷୁଷାପ୍ରଦହନ୍ନିଵ ।
ଵିଭୀଷଣଂମହାପ୍ରାଜ୍ଞଂସୋପାଲଂବମିଦଂଵଚଃ ॥ 25 ॥
କିମର୍ଥଂମାମନାଦୃତ୍ୟକ୍ଲିଶ୍ୟତେଽୟଂତ୍ଵୟାଜନଃ ।
ନିଵର୍ତୟୈନମୁଦ୍ୟୋଗଂଜନୋଽୟଂସ୍ଵଜନୋମମ ॥ 26 ॥
ନ ଗୃହାଣି ନ ଵସ୍ତ୍ରାଣି ନ ପ୍ରାକାରାସ୍ତିରସ୍କ୍ରିୟା ।
ନେଦୃଶାରାଜସତ୍କାରାଵୃତ୍ତମାଵରଣଂସ୍ତ୍ରିୟାଃ ॥ 27 ॥
ଵ୍ୟସନେଷୁ ନ କୃଚ୍ଛ୍ରେଷୁ ନ ୟୁଦ୍ଧେଷୁସ୍ଵୟଂଵରେ ।
ନ କ୍ରତୌନୋଵିଵାହେଵାଦର୍ଶନଂଦୂଷ୍ୟତେସ୍ତ୍ରିୟାଃ ॥ 28 ॥
ସୈଷାଵିପଦ୍ଗତାଚୈଵକୃଚ୍ଛ୍ରେଵ ଚ ମହତିସ୍ଥିତା ।
ଦର୍ଶନେନାସ୍ତିଦୋଷୋଽସ୍ୟାମତ୍ସମୀପେଵିଶେଷତଃ ॥ 29 ॥
ଵିସୃଜ୍ୟଶିବିକାଂତସ୍ମାତ୍ପଦ୍ଭ୍ୟାମେଵୋପସର୍ପତୁ ।
ସମୀପେମମଵୈଦେହୀଂପଶ୍ୟଂତ୍ଵେତେଵନୌକସଃ ॥ 30 ॥
ଏଵମୁକ୍ତସ୍ତୁରାମେଣସଵିମର୍ଶୋଵିଭୀଷଣମ୍ ।
ରାମସ୍ୟୋପାନୟସତୀତାଂସନ୍ନିକର୍ଷଂଵିନୀତଵତ୍ ॥ 31 ॥
ତତୋଲକ୍ଷ୍ମଣସୁଗ୍ରୀଵୌହନୂମାଂଶ୍ଚପ୍ଲଵଂଗମଃ ।
ନିଶମ୍ୟଵାକ୍ୟଂରାମସ୍ୟବଭୂଵୁର୍ଵ୍ୟଥିତାଭୃଶମ୍ ॥ 32 ॥
ଇମମାର୍ଷଂ ସ୍ତଵଂ ଦିଵ୍ୟମିତିହାସଂ ପୁରାତନମ୍ ॥ 33 ॥
ଲଜ୍ଜୟାତ୍ଵଵଲୀୟଂତୀସ୍ଵେଷୁଗାତ୍ରେଷୁମୈଥିଲୀ ।
ଵିଭୀଷଣେନାନୁଗତାଭର୍ତାରଂସାଭ୍ୟଵର୍ତତ ॥ 34 ॥
ଵିସ୍ମୟାଚ୍ଛପ୍ରହର୍ଷାଚ୍ଚସ୍ନେହାଚ୍ଚପତିଦେଵତା ।
ଉଦୈକ୍ଷତମୁଖଂଭର୍ତୁଃସୌମ୍ୟଂସୌମ୍ୟତରାନନା ॥ 35 ॥
ଅଥସମପନୁଦନ୍ମନଃକ୍ଲମଂସାସୁଚିରମଦୃଷ୍ଟମୁଦୀକ୍ଷ୍ୟଵୈପ୍ରିୟସ୍ୟ ।
ଵଦନମୁଦିତଚଂଦ୍ରପୂର୍ଣକାଂତଂଵିମଲଶଶାଂକନିଭାନନାତଦାନୀମ୍ ॥ 36 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ସପ୍ତଦଶାଧିକଶତତମସ୍ସର୍ଗଃ ॥
