ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଅଷ୍ଟାଦଶାଧିକଶତତମସ୍ସର୍ଗଃ ।
ତାଂତୁପାଶ୍ଵସ୍ଥିତାଂପ୍ରହ୍ଵାଂରାମସ୍ସଂପ୍ରେକ୍ଷ୍ୟମୈଥିଲୀମ୍ ।
ହୃଦୟାଂତର୍ଗତଂକ୍ରୋଧଵ୍ୟାହର୍ତୁମୁପଚକ୍ରମେ ॥ 1 ॥
ଏଷାସିନିର୍ଜିତାଭଦ୍ରେଶତ୍ରୁଂଜିତ୍ଵାରଣାଜିରେ ।
ପୌରୁଷାଦ୍ୟଦନୁଷ୍ଠେୟଂମୟୈତଦୁପପାଦିତମ୍ ॥ 2 ॥
ଗତୋଽସ୍ମ୍ୟଂତମମର୍ଷସ୍ୟଧର୍ଷଣାସଂପ୍ରମାର୍ଜିତା ।
ଅଵମାନଶ୍ଚଶତ୍ରୁଶ୍ଚୟୁଗପନ୍ନିହତୌମୟା ॥ 3 ॥
ଅଦ୍ୟମେପୌରୁଷଂଦୃଷ୍ଟମଦ୍ୟମେସଫଲ୍ଶ୍ରମଃ ।
ଅଦ୍ୟତୀର୍ଣପ୍ରତିଜ୍ଞୋଽତ୍ଵାପ୍ରଭଵାମ୍ୟଦ୍ୟଚାତ୍ମନଃ ॥ 4 ॥
ୟାତ୍ଵଂଵିରହିତାନୀତାଚଲଚିତ୍ତେନରକ୍ଷସା ।
ଦୈଵସଂପାଦିତୋଦୋଷୋମାନୁଷେଣମୟାଜିତଃ ॥ 5 ॥
ସଂପ୍ରାପ୍ତମଵମାନଂୟସ୍ତେଜସା ନ ପ୍ରମାର୍ଜତି ।
କସ୍ତସ୍ୟପୁରୁଷାର୍ଥୋମହତାପ୍ୟଲ୍ପଚେତସଃ ॥ 6 ॥
ଲଂଘନଂ ଚ ସମୁଦ୍ରସ୍ୟଲଂକାୟାଶ୍ଚାପିମର୍ଧନମ୍ ।
ସଫଲଂତସ୍ୟ ଚ ଶ୍ଲାଘ୍ୟମଦ୍ୟକର୍ମହନୂମତଃ ॥ 7 ॥
ୟୁଦ୍ଧେଵିକ୍ରମତଶ୍ଚୈଵହିତଂମଂତ୍ରୟତସ୍ତଥା ।
ସୁଗ୍ରୀଵସ୍ୟସସୈନ୍ୟସ୍ୟସଫଲୋଽଦ୍ୟପରିଶ୍ରମଃ ॥ 8 ॥
ଵିଭୀଷଣସ୍ୟ ଚ ତଥାସଫଲୋଽଦ୍ୟପରିଶ୍ରମଃ ।
ଵିଗୁଣଂଭ୍ରାତରଂତ୍ୟକ୍ତ୍ଵାୟୋମାଂସ୍ଵୟମୁପସ୍ଥିତଃ ॥ 9 ॥
ଇତ୍ୟେଵଂଵଦତ୍ଶ୍ରୁତ୍ଵାସୀତାରାମସ୍ୟତଦ୍ଵଚଃ ।
ମୃଗୀଵୋତ୍ଫୁଲ୍ଲନୟନାବଭୂଵାଶ୍ରୁପରିପ୍ଲୁତା ॥ 10 ॥
ପଶ୍ୟତସ୍ତାଂତୁରାମସ୍ୟସମୀପେହୃଦୟପ୍ରିୟାମ୍ ।
ଜନଵାଦଭୟାଦ୍ରାଜ୍ଞୋବଭୂଵହୃଦୟଂଦ୍ଵିଧା ॥ 11 ॥
ସୀତାମୁତ୍ପଲପତ୍ରାକ୍ଷୀଂନୀଲକୁଂଚିତମୂର୍ଥଜାମ୍ ।
ଅଵଦଦ୍ଵୈଵରାରୋହଂମଧ୍ୟେଵାନରରକ୍ଷସାମ୍ ॥ 12 ॥
ୟତ୍କର୍ତଵ୍ୟଂମନୁଷ୍ୟେଣଧର୍ଷଣାଂପ୍ରତିମାର୍ଜତା ।
ତତ୍କୃତଂରାଵଣଂହତ୍ଵାମୟେଦଂମାନକାଂକ୍ଷିଣା ॥ 13 ॥
ନିର୍ଜିତାଜୀଵଲୋକସ୍ୟତପସାଭାଵିତାତ୍ମନା ।
ଅଗସ୍ତ୍ୟେନଦୁରାଧର୍ଷାମୁନିନାଦକ୍ଷିଣେଵଧିକ୍ ॥ 14 ॥
ଵିଦିତଶ୍ଚାସ୍ତୁଭତ୍ରଂତେୟୋଽୟଂରଣପରିଶ୍ରମଃ ।
ସୁତୀର୍ଣଃସୁହୃଦାଂଵୀର୍ୟାନ୍ନତ୍ଵଦର୍ଥଂମୟାକୃତଃ ॥ 15 ॥
ରକ୍ଷତାତୁମୟାଵୃତ୍ତପମଵାଦଂ ଚ ସର୍ଵତଃ ।
ପ୍ରଖ୍ୟାତସ୍ୟାତ୍ମଵଂଶସ୍ୟଵ୍ୟଂଗ୍ୟଂ ଚ ପରିମାର୍ଜତା ॥ 16 ॥
ପ୍ରାପ୍ତଚାରିତ୍ରସଂଦେହାମମପ୍ରତିମୁଖେସ୍ଥିତା ।
ଦୀପୋନେତ୍ରାତୁରସ୍ୟେଵପ୍ରତିକୂଲାସିମେଦୃଢମ୍ ॥ 17 ॥
ତଦ୍ଗଚ୍ଛତ୍ଵାନୁଜାନେଽଦ୍ୟୟଥେଷ୍ଟଂଜନକାତ୍ମଜେ ।
ଏତାଦଶଦିଶୋଭଦ୍ରେକାର୍ୟମସ୍ତି ନ ମେତ୍ଵୟା ॥ 18 ॥
କଃପୁମାଂସ୍ତୁକୁଲେଜାତସ୍ସ୍ତ୍ରୟଂପରଗୃହାଷିତାମ୍ ।
ତେଜସ୍ଵୀପୁନରାଦଦ୍ୟାତ୍ସୁହୃଲ୍ଲେଖ୍ୟେନଚେତସା ॥ 19 ॥
ରାଵଣାଂକପରିକ୍ଲିଷ୍ଟାଂଦୃଷ୍ଟାଂଦୁଷ୍ଟେନଚକ୍ଷୁଷା ।
କଥଂତ୍ଵାପୁନରାଦଦ୍ୟାଂକୁଲଂଵ୍ୟପଦିଶନ୍ ମହତ୍ ॥ 20 ॥
ତଦର୍ଥଂନିର୍ଜିତାମେତ୍ଵଂୟଶଃପ୍ରତ୍ୟାହୃତଂମୟା ।
ନାସ୍ତିମେତ୍ୟୟ୍ୟଭିଷ୍ଵଂଗୋୟଥେଷ୍ଟଂଗମ୍ୟତାମିତଃ ॥ 21 ॥
ତଦଦ୍ୟଵ୍ୟାହୃତଂଭଦ୍ରେମୟୈତତ୍ କୃତବୁଧଦିନା ।
ଲକ୍ଷ୍ମଣେନାଥଭରତେକୁରୁବୁଧଦିଂୟଥାସୁଖମ୍ ॥ 22 ॥
ଶତ୍ରୁଘ୍ନେଵାଥସୁଗ୍ରୀଵେରାକ୍ଷସେଵାଵିଭୀଷଣେ ।
ନିଵେଶୟମନସ୍ସୀତେୟଥାଵାସୁଖମାତ୍ମନଃ ॥ 23 ॥
ନ ହିତ୍ଵାଂରାଵଣୋଦୃଷ୍ଟଵାଦିଵ୍ୟରୂପାଂମନୋରମାମ୍ ।
ମର୍ଷୟେତଚିରଂସୀତେସ୍ଵଗୃହେପର୍ୟଵସ୍ଥିତାମ୍ ॥ 24 ॥
ତତଃପ୍ରିୟାର୍ହଶ୍ରଵଣାତଦପ୍ରିୟଂପ୍ରିୟାଦୁପଶ୍ରୁତ୍ୟଚିରସ୍ୟମୈଥିଲୀ ।
ମୁମୋଚବାଷ୍ପଂସୁଭୃଶଂପ୍ରଵେପିତାଗଜେଂଦ୍ରହସ୍ତାଭିହତେଵସଲ୍ଲକୀ ॥ 25 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଅଷ୍ଟାଦଶାଧିକଶତତମସ୍ସର୍ଗଃ ॥
