શ્રીમદ્વાલ્મીકીય રામાયણે યુદ્ધકાંડમ્ ।
અથ અષ્ટાદશાધિકશતતમસ્સર્ગઃ ।
તાંતુપાશ્વસ્થિતાંપ્રહ્વાંરામસ્સંપ્રેક્ષ્યમૈથિલીમ્ ।
હૃદયાંતર્ગતંક્રોધવ્યાહર્તુમુપચક્રમે ॥ 1 ॥
એષાસિનિર્જિતાભદ્રેશત્રુંજિત્વારણાજિરે ।
પૌરુષાદ્યદનુષ્ઠેયંમયૈતદુપપાદિતમ્ ॥ 2 ॥
ગતોઽસ્મ્યંતમમર્ષસ્યધર્ષણાસંપ્રમાર્જિતા ।
અવમાનશ્ચશત્રુશ્ચયુગપન્નિહતૌમયા ॥ 3 ॥
અદ્યમેપૌરુષંદૃષ્ટમદ્યમેસફલ્શ્રમઃ ।
અદ્યતીર્ણપ્રતિજ્ઞોઽત્વાપ્રભવામ્યદ્યચાત્મનઃ ॥ 4 ॥
યાત્વંવિરહિતાનીતાચલચિત્તેનરક્ષસા ।
દૈવસંપાદિતોદોષોમાનુષેણમયાજિતઃ ॥ 5 ॥
સંપ્રાપ્તમવમાનંયસ્તેજસા ન પ્રમાર્જતિ ।
કસ્તસ્યપુરુષાર્થોમહતાપ્યલ્પચેતસઃ ॥ 6 ॥
લંઘનં ચ સમુદ્રસ્યલંકાયાશ્ચાપિમર્ધનમ્ ।
સફલંતસ્ય ચ શ્લાઘ્યમદ્યકર્મહનૂમતઃ ॥ 7 ॥
યુદ્ધેવિક્રમતશ્ચૈવહિતંમંત્રયતસ્તથા ।
સુગ્રીવસ્યસસૈન્યસ્યસફલોઽદ્યપરિશ્રમઃ ॥ 8 ॥
વિભીષણસ્ય ચ તથાસફલોઽદ્યપરિશ્રમઃ ।
વિગુણંભ્રાતરંત્યક્ત્વાયોમાંસ્વયમુપસ્થિતઃ ॥ 9 ॥
ઇત્યેવંવદત્શ્રુત્વાસીતારામસ્યતદ્વચઃ ।
મૃગીવોત્ફુલ્લનયનાબભૂવાશ્રુપરિપ્લુતા ॥ 10 ॥
પશ્યતસ્તાંતુરામસ્યસમીપેહૃદયપ્રિયામ્ ।
જનવાદભયાદ્રાજ્ઞોબભૂવહૃદયંદ્વિધા ॥ 11 ॥
સીતામુત્પલપત્રાક્ષીંનીલકુંચિતમૂર્થજામ્ ।
અવદદ્વૈવરારોહંમધ્યેવાનરરક્ષસામ્ ॥ 12 ॥
યત્કર્તવ્યંમનુષ્યેણધર્ષણાંપ્રતિમાર્જતા ।
તત્કૃતંરાવણંહત્વામયેદંમાનકાંક્ષિણા ॥ 13 ॥
નિર્જિતાજીવલોકસ્યતપસાભાવિતાત્મના ।
અગસ્ત્યેનદુરાધર્ષામુનિનાદક્ષિણેવધિક્ ॥ 14 ॥
વિદિતશ્ચાસ્તુભત્રંતેયોઽયંરણપરિશ્રમઃ ।
સુતીર્ણઃસુહૃદાંવીર્યાન્નત્વદર્થંમયાકૃતઃ ॥ 15 ॥
રક્ષતાતુમયાવૃત્તપમવાદં ચ સર્વતઃ ।
પ્રખ્યાતસ્યાત્મવંશસ્યવ્યંગ્યં ચ પરિમાર્જતા ॥ 16 ॥
પ્રાપ્તચારિત્રસંદેહામમપ્રતિમુખેસ્થિતા ।
દીપોનેત્રાતુરસ્યેવપ્રતિકૂલાસિમેદૃઢમ્ ॥ 17 ॥
તદ્ગચ્છત્વાનુજાનેઽદ્યયથેષ્ટંજનકાત્મજે ।
એતાદશદિશોભદ્રેકાર્યમસ્તિ ન મેત્વયા ॥ 18 ॥
કઃપુમાંસ્તુકુલેજાતસ્સ્ત્રયંપરગૃહાષિતામ્ ।
તેજસ્વીપુનરાદદ્યાત્સુહૃલ્લેખ્યેનચેતસા ॥ 19 ॥
રાવણાંકપરિક્લિષ્ટાંદૃષ્ટાંદુષ્ટેનચક્ષુષા ।
કથંત્વાપુનરાદદ્યાંકુલંવ્યપદિશન્ મહત્ ॥ 20 ॥
તદર્થંનિર્જિતામેત્વંયશઃપ્રત્યાહૃતંમયા ।
નાસ્તિમેત્યય્યભિષ્વંગોયથેષ્ટંગમ્યતામિતઃ ॥ 21 ॥
તદદ્યવ્યાહૃતંભદ્રેમયૈતત્ કૃતબુધદિના ।
લક્ષ્મણેનાથભરતેકુરુબુધદિંયથાસુખમ્ ॥ 22 ॥
શત્રુઘ્નેવાથસુગ્રીવેરાક્ષસેવાવિભીષણે ।
નિવેશયમનસ્સીતેયથાવાસુખમાત્મનઃ ॥ 23 ॥
ન હિત્વાંરાવણોદૃષ્ટવાદિવ્યરૂપાંમનોરમામ્ ।
મર્ષયેતચિરંસીતેસ્વગૃહેપર્યવસ્થિતામ્ ॥ 24 ॥
તતઃપ્રિયાર્હશ્રવણાતદપ્રિયંપ્રિયાદુપશ્રુત્યચિરસ્યમૈથિલી ।
મુમોચબાષ્પંસુભૃશંપ્રવેપિતાગજેંદ્રહસ્તાભિહતેવસલ્લકી ॥ 25 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે અષ્ટાદશાધિકશતતમસ્સર્ગઃ ॥
