ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಏಕತ್ರಿಂಶದಧಿಕಶತತಮಸ್ಸರ್ಗಃ ।
ಶಿರಸ್ಯಞ್ಜಲಿಮಾಧಾಯಕೈಕೇಯ್ಯಾನನ್ದವರ್ಧನಃ ।
ಬಭಾಷೇಭರತೋಜ್ಯೇಷ್ಠಂರಾಮಂಸತ್ಯಪರಾಕ್ರಮಮ್ ॥ 1 ॥
ಪೂಜಿತಾಮಾಮಿಕಾಮಾತಾದತ್ತಂರಾಜ್ಯಮಿದಮ್ಮಮ ।
ತದ್ದದಾಮಿಪುನಸ್ತುಭ್ಯಂಯಥಾತ್ವಮದದಾಮಮ ॥ 2 ॥
ಧುರಮೇಕಾಕಿನಾನ್ಯಸ್ತಾಂವೃಷಭೇಣಬಲೀಯಸಾ ।
ಕಿಶೋರವದ್ಗುರುಮ್ಭಾರಂ ನ ವೋಢುಮಹಮುತ್ಸಹೇ ॥ 3 ॥
ವಾರಿವೇಗೇನಮಹತಾಭಿನ್ನಸ್ಸೇತುರಿವಕ್ಷರನ್ ।
ದುರ್ಬನ್ಧನಮಿದಮ್ಮನ್ಯೇರಾಜ್ಯಚ್ಛ್ರಿದಮಸಮ್ವೃತಮ್ ॥ 4 ॥
ಗತಿಙ್ಖರೈವಾಶ್ವಸ್ಯಹಂಸಸ್ಯೇವ ಚ ವಾಯಸಃ ।
ನಾನ್ವೇತುಮುತ್ಸಹೇರಾಮ ತವಮಾರ್ಗಮರಿನ್ದಮ ॥ 5 ॥
ಯಥಾಚಾರೋಪಿತೋವೃಕ್ಷೋಜಾತಶ್ಚಾರ್ನ್ನ್ತಿವೇಶನೇ ।
ಮಹಾಂಶ್ಚಸುದುರಾರೋಹೋಮಹಾಸ್ಕನ್ದಃಪ್ರಶಾಖವಾನ್ ॥ 6 ॥
ಶೀರ್ಯೇತಪುಷ್ಪಿತೋಭೂತ್ವಾ ನ ಫಲಾನಿಪ್ರದರ್ಶಯನ್ ।
ತಸ್ಯನಾನುಭವೇದರ್ಥಂಯಸ್ಯಹೇತೋಸ್ಸರೋಪಿತಃ ॥ 7 ॥
ಏಷೋಪಮಾಮಹಾಬಾಹೋತ್ವಮರ್ಥಂವೇತ್ತುಮರ್ಹಸಿ ।
ಯದ್ಯಸ್ಮಾನ್ಮನುಜೇನ್ದ್ರತ್ವಮ್ಭರ್ತಾಭೃತ್ಯಾನ್ನಶಾಧಿಹಿ ॥ 8 ॥
ಜಗದದ್ಯಾಭಿಷಿಕ್ತನ್ತ್ವಾಮನುಪಶ್ಯತುರಾಘವ ।
ಪ್ರತಪನ್ತಮಿವಾದಿತ್ಯಮ್ಮಧ್ಯಾಹ್ನೇದೀಪ್ತತೇಜಸಮ್ ॥ 9 ॥
ತೂರ್ಯಸಙ್ಘಾನ್ತಿರ್ಘೋಷೈಃಕಾಞ್ಚೀನೂಪುರನಿಃಸ್ವನೈಃ ।
ಮಧುರೈರ್ಗೀತಶಬ್ದೈಶ್ಚಪ್ರತಿಬುಧ್ಯಸ್ವಶೇಷ್ವ ಚ ॥ 10 ॥
ಯಾವದಾವರ್ತತೇಚಕ್ರಂಯಾವತೀ ಚ ವಸುನ್ಧರಾ ।
ತಾವತ್ತ್ವಮಿಹಲೋಕಸ್ಯಸ್ವಾಮಿತ್ವಮನುವರ್ತಯ ॥ 11 ॥
ಭರತಸ್ಯವಚ್ಶ್ರುತ್ವಾರಾಮಃಪರಪುರಞ್ಜಯಃ ।
ತಥೇತಿಪ್ರತಿಜಗ್ರಾಹನಿಷಸಾದಾಸನೇಶುಭೇ ॥ 12 ॥
ತತಶ್ಶತ್ರುಘ್ನವಚನಾನ್ನಿಪುಣಾಃಶ್ಮಶ್ರುವರ್ಧನಾಃ ।
ಸುಖಹಸ್ತಾಃಸುಶೀಘ್ರಾಶ್ಚರಾಘವಮ್ಪರ್ಯವಾರಯನ್ ॥ 13 ॥
ಪೂರ್ವನ್ತುಭರತೇಸ್ನಾತೇಲಕ್ಷ್ಮಣೇ ಚ ಮಹಾಬಲೇ ।
ಸುಗ್ರೀವೇವಾನರೇನ್ದ್ರೇ ಚ ರಾಕ್ಷಸೇನ್ದ್ರೇವಿಭೀಷಣೇ ॥ 14 ॥
ವಿಶೋಧಿತಜಟಸ್ಸ್ನಾತಶ್ಚಿತ್ರಮಾಲ್ಯಾನುಲೇಪನಃ ।
ಮಹಾರ್ಹವಸನೋಪೇತಸ್ತಸ್ಥೌತತ್ರಶ್ರಿಯಾಜ್ವಲನ್ ॥ 15 ॥
ಪ್ರತಿಕರ್ಮ ಚ ರಾಮಸ್ಯಕಾರಯಾಮಾಸವೀರ್ಯವಾನ ।
ಲಕ್ಷ್ಮಣಸ್ಯ ಚ ಲಕ್ಷ್ಮೀವಾನಿಕ್ಷ್ವಾಕುಕುಲವರ್ಧನಃ ॥ 16 ॥
ಪ್ರತಿಕರ್ಮಚಸೀತಾಯಾಸ್ಸರ್ವಾದಶರಥಸ್ತ್ರಿಯಃ ।
ಆತ್ಮನೈವತದಾಚಕ್ರುರ್ಮನಸ್ವಿನ್ಯೋಮನೋಹರಮ್ ॥ 17 ॥
ತತೋವಾನರಪತ್ನೀನಾಂಸರ್ವಾಸಾಮೇವಶೋಭನಮ್ ।
ಚಕಾರಯತ್ನಾತ್ಕೌಸಲ್ಯಾಪ್ರಹೃಷ್ಟಾಪುತ್ರವತ್ಸಲಾ ॥ 18 ॥
ತತಃ ಶ್ಶತ್ರುಘ್ನವಚನಾತ್ಸುಮನ್ತ್ರೋನಾಮಸಾರಥಿಃ ।
ಯೋಜಯಿತ್ವಾಭಿಚಕ್ರಾಮರಥಂಸರ್ವಾಙ್ಗಶೋಭನಮ್ ॥ 19 ॥
ಅರ್ಕಮಣ್ಡಲಸಙ್ಕಾಶನ್ದಿವ್ಯನ್ದೃಷ್ಟವಾರಥಂಸ್ಥಿತಮ್ ।
ಆರುರೋಹಮಹಾಬಾಹೂರಾಮಃಪರಪುರಂಞ್ಜಯಃ ॥ 20 ॥
ಸುಗ್ರೀವೋಹನುಮಾಂಶ್ಚೈವಮಹೇನ್ದ್ರಸದೃಶದ್ಯುತೀ ।
ಸ್ನಾತೌದಿವ್ಯನಿಭೈರ್ವಸ್ತ್ರೈರ್ಜಗ್ಮತುಶ್ಶುಭಕುಣ್ಡಲೌ ॥ 21 ॥
ಸರ್ವಾಭರಣಜುಷ್ಟಾಶ್ಚಯುಯುಸ್ತಶ್ಶುಭಕುಣ್ಡಲಾಃ ।
ಸುಗ್ರೀವಪತ್ನಯಃಸೀತಾ ಚ ದ್ರಷ್ಟುನ್ನಗರಮುತ್ಸುಕಾಃ ॥ 22 ॥
ಅಯೋಧ್ಯಾಯಾನ್ತುಸಚಿವಾರಾಜ್ಞೋದಶರಥಸ್ಯ ಚ ।
ಪುರೋಹಿತಮ್ಪುರಸ್ಕೃತ್ಯಮನ್ತ್ರಯಾಮಾಸುರರ್ಥವತ್ ॥ 23 ॥
ಅಶೋಕೋವಿಜಯಶ್ಚೈವಸಿದ್ಧಾರ್ಥಶ್ಚಸಮಾಹಿತಾಃ ।
ಮನ್ತ್ರಯನ್ರಾಮವೃಧ್ಯರ್ಥಮ್ಬುಧ್ಯರ್ಥನ್ನಗರಸ್ಯ ಚ ॥ 24 ॥
ಸರ್ವಮೇವಾಭಿಷೇಕಾರ್ಥಞ್ಜಯಾರ್ಹಸ್ಯಮಹಾತ್ಮನಃ ।
ಕರ್ತುಮರ್ಹಥರಾಮಸ್ಯಯದ್ಯನ್ಮಙ್ಗಲಪೂರ್ವಕಮ್ ॥ 25 ॥
ಇತಿತೇಮನ್ತ್ರಿಣಸ್ಸರ್ವೇಸನ್ದಿಶ್ಯ ಚ ಪುರೋಹಿತಮ್ ।
ನಗರಾನ್ನಿರ್ಯಯುಸ್ತೂರ್ಣಂರಾಮದರ್ಶನಬುದ್ಧಯಃ ॥ 26 ॥
ಹರಿಯುಕ್ತಂಸಹಸ್ರಾಕ್ಷೋರಥಮಿನ್ದ್ರೈವಾನಘಃ ।
ಪ್ರಯಯೌರಥಮಾಸ್ಥಾಯರಾಮೋನಗರಮುತ್ತಮಮ್ ॥ 27 ॥
ಜಗ್ರಾಹಭರತೋರಮಶೀನ್ಶತ್ರುಘ್ನಶ್ಚತ್ರಮಾದದೇ ।
ಲಕ್ಷ್ಮಣೋವ್ಯಜನನ್ತಸ್ಯಮೂರ್ಧ್ನಿಸಮ್ಪರ್ಯವೀಜಯತ್ ॥ 28 ॥
ಶ್ವೇತಂ ಚ ವಾಲವ್ಯಜನಞ್ಜಗೃಹೇಪರಿತಸ್ಸ್ಥಿತಃ ।
ಅಪರಞ್ಚನ್ದ್ರಸಙ್ಕಾಶಂರಾಕ್ಷಸೇನ್ದ್ರೋವಿಭೀಷಣಃ ॥ 29 ॥
ಋಷಿಸಙ್ಘೈಸ್ತದಾಕಾಶೇದೇವೈಶ್ಚಸಮರುದ್ಗಣೈಃ ।
ಸ್ತೂಯಮಾಸ್ಯರಾಮಸ್ಯಶುಶ್ರುವಮಧುರಧ್ವನಿಃ ॥ 30 ॥
ತತಃಶತ್ರುಞ್ಜಯನ್ನಾಮಕುಞ್ಜರಮ್ಪರ್ವತೋಪಮಮ್ ।
ಆರುರೋಹಮಹಾತೇಜಾಸ್ಸುಗ್ರೀವಃಪ್ಲವಗರ್ಷಭಃ ॥ 31 ॥
ನವನಾಗಸಹಸ್ರಾಣಿಯಯುರಾಸ್ಥಾಯವಾನರಾಃ ।
ಮಾನುಷಂವಿಗ್ರಹಙ್ಕೃತ್ವಾಸರ್ವಾಭರಣಭೂಷಿತಾಃ ॥ 32 ॥
ಶಙ್ಖಶಬ್ದಪ್ರಣಾದೈಶ್ಚದುನ್ದುಭೀನಾಂ ಚ ನಿಸ್ಸ್ವನೈಃ ।
ಪ್ರಯಯೌಪುರುಷವ್ಯಾಘ್ರಸ್ತಾಮ್ಪುರೀಂಹರ್ಮ್ಯಮಾಲಿನೀಮ್ ॥ 33 ॥
ದದೃಶುಸ್ತೇಸಮಾಯಾನ್ತಂರಾಘವಂಸಪುರಸ್ಸರಮ್ ।
ವಿರಾಜಮಾನಂವಪುಷಾರಥೇನಾತಿರಥನ್ತದಾ ॥ 34 ॥
ತೇವರ್ಥಯಿತ್ವಾಕಾಕುತ್ಸ್ಥಂರಾಮೇಣಪ್ರತಿನನ್ದಿತಾಃ ।
ಅನುಜಗ್ಮುರ್ಮಹಾತ್ಮಾನಮ್ಭ್ರಾತೃಭಿಃಪರಿವಾರಿತಮ್ ॥ 35 ॥
ಅಮಾತ್ಯೈರ್ಬ್ರಾಹ್ಮಣೈಶ್ಚೈವತಥಾಪ್ರಕೃತಿಭಿರ್ವವೃತಃ ।
ಶ್ರಿಯಾವಿರುರುಚೇರಾಮೋನಕ್ಷತ್ರರಿವಚನ್ದ್ರಮಾಃ ॥ 36 ॥
ಸ ಪುರೋಗಾಮಿಭಿಸ್ತೂರ್ಯೈಸ್ತಾಲಸ್ವಸ್ತಿಕಪಾಣಿಭಿಃ ।
ಪ್ರವ್ಯಾಹರದ್ಭಿರ್ಮುದಿತೈರ್ಮಙ್ಗಲಾನಿವೃತೋಯಯೌ ॥ 37 ॥
ಅಕ್ಷತಞ್ಜಾತರೂಪಂ ಚ ಗಾವಃಕನ್ಯಾಸ್ಸಹದ್ವಿಜಾಃ ।
ನರಾಮೋದಕಹಸ್ತಾಶ್ಚರಾಮಸ್ಯಪುರತೋಯಯುಃ ॥ 38 ॥
ಸಖ್ಯಂ ಚ ರಾಮಸ್ಸುಗ್ರೀವೇಪ್ರಭಾವಞ್ಚಾನಿಲಾತ್ಮಜೇ ।
ವಾನರಾಣಾಂ ಚ ತತ್ಕರ್ಮಹ್ಯಾಚಚಕ್ಷೇಽಽಥಮನ್ತ್ರಿಣಾಮ್ ॥ 39 ॥
ಶ್ರುತ್ವಾ ಚ ವಿಸ್ಮಯಞ್ಜಗ್ಮುರಯೋಧ್ಯಾಪುರವಾಸಿನಃ ।
ವಾನರಾಣಾಂ ಚ ತತಕರ್ಮರಾಕ್ಷಸಾನಾಂ ಚ ತದ್ಬಲಮ್ ॥ 40 ॥
ವಿಭೀಷಣಸ್ಯಸಮ್ಯೋಗಮಾಚಚಕ್ಷೇಽಥಮನ್ತ್ರಿಣಾಮ್ ।
ದ್ಯುತಿಮಾನೇತದಾಖ್ಯಾಯರಾಮೋವಾನರಸಮ್ಯುತಃ ॥ 41 ॥
ಹೃಷ್ಟಪುಷ್ಟಜನಾಕೀರ್ಣಮಯೋಧ್ಯಾಮ್ಪ್ರವಿವೇಶಸಃ ।
ತತೋಹ್ಯಭ್ಯುಚ್ಛ್ರಯನ್ಪೌರಾಃಪತಾಕಾಶ್ಚಗೃಹೇಗೃಹೇ ॥ 42 ॥
ಐಕ್ಷ್ವಾಕುಧ್ಯುಷಿತಂರಮ್ಯಮಾಸಸಾದಪಿತುರ್ಗೃಹಮ್ ।
ಅಥಾಬ್ರವೀದ್ರಾಜಪುತ್ರೋಭರತನ್ಧರ್ಮಿಣಾಂವರಮ್ ॥ 43 ॥
ಅರ್ಧೋಪಹಿತಯಾವಾಚಾಮಧುರಂರಘುನನ್ದನಃ ।
ಪಿತುರ್ಭವನಮಾಸಾದ್ಯಪ್ರವಿಶ್ಯ ಚ ಮಹಾತ್ಮನಃ ॥ 44 ॥
ಕೌಸಲ್ಯಾಂ ಚ ಸುಮಿತ್ರಾಂ ಚ ಕೈಕೇಯೀಮಭಿವಾದ್ಯ ಚ ।
ಯಚ್ಛಮದ್ಭವನಂಶ್ರೇಷ್ಠಂಸಾಶೋಕವನಿಕಮ್ಮಹತ್ ॥ 45 ॥
ಮುಕ್ತಾವೈದೂರ್ಯಸಙ್ಕೀರ್ಣಂಸುಗ್ರೀವಾಯನಿವೇದಯ ।
ತಸ್ಯತದ್ವಚನಂಶ್ರುತ್ವಾಭರತಸ್ಸತ್ಯವಿಕ್ರಮಃ ॥ 46 ॥
ಹಸ್ತೇಗೃಹೀತ್ವಾಸುಗ್ರೀವಮ್ಪ್ರವಿವೇಶತಮಾಲಯಮ್ ।
ತತಃ ಸ್ಸ್ಸೈಲಪ್ರದೀಪಾಂಶ್ಚಪರ್ಯಙ್ಕಾಸ್ತರಣಾನಿ ಚ ॥ 47 ॥
ಗೃಹೀತ್ವಾವಿವಿಶುಃಕ್ಷಿಪ್ರಂಶತ್ರುಘ್ನೇಪ್ರಚೋದಿತಾಃ ।
ಉವಾಚ ಚ ಮಹಾತೇಜಾಸ್ಸುಗ್ರೀವಂರಾಘವಾನುಜಃ ॥ 48 ॥
ಅಭಿಷೇಕಾಯರಾಮಸ್ಯದೂತಾನಾಜ್ಞಾಪಯಪ್ರಭೋ ।
ಸೌವರ್ಣಾನ್ವಾನರೇನ್ದ್ರಾಣಾಞ್ಚತುರ್ಣಾಞ್ಚತುರೋಘಟಾನ್ ॥ 49 ॥
ದದೌಕ್ಷಿಪ್ರಂಸಸುಗ್ರೀವಸ್ಸರ್ವರತ್ನವಿಭೂಷಿತಾನ್ ।
ಯಥಾಪ್ರತ್ಯೂಷಸಮಯೇಚತುರ್ಣಾಂಸಾಗರಾಮ್ಬಸಾಮ್ ॥ 50 ॥
ಪೂರ್ಣಘಟೈಃಪ್ರತೀಕ್ಷಧ್ವನ್ತಥಾಕುರುತವಾನರಾಃ ।
ಏವಮುಕ್ತಾಮಹಾತ್ಮಾನೋವಾನರಾವಾರಣೋಪಮಾಃ ॥ 51 ॥
ಉತ್ಪೇತುರ್ಗಗನಂಶೀಘ್ರಙ್ಗರುಡಾಇವಶೀಘ್ರಗಾಃ ।
ಜಾಮ್ಬವಾಂಶ್ಚಹನೂಮಾಂಶ್ಚವೇಗದರ್ಶೀ ಚ ವಾನರಃ ॥ 52 ॥
ಋಷಭಶ್ಚೈವಕಲಶಾನ್ಜಲಪೂರ್ಣಾನಥಾನಯನ್ ।
ನದೀಶತಾನಾಮ್ಪಞ್ಚಾನಾಞ್ಜಲಙ್ಕುಮ್ಭೈರುಪಾಹರನ್ ॥ 53 ॥
ಪೂರ್ವಾತ್ಸಮುದ್ರಾತ್ಕಲಶಞ್ಜಲಪೂರ್ಣಮಥಾನಯತ್ ।
ಸುಷೇಣಸ್ಸತ್ತ್ವಸಮ್ಪನ್ನಸ್ಸರ್ವರತ್ನವಿಭೂಷಿತಮ್ ॥ 54 ॥
ಋಷಭೋದಕ್ಷಿಣಾತ್ತೂರ್ಣಂಸಮುದ್ರಾಜ್ಜಲಮಾನಯತ್ ।
ರಕ್ತಚನ್ದನಶಾಖಾಭಿಸ್ಸಮ್ವೃತಙ್ಕಾಞ್ಚನಙ್ಘಟಮ್ ॥ 55 ॥
ಗವಯಃಪಶ್ಚಿಮಾತ್ತೋಯಮಾಜಹಾರಮಹಾರ್ಣವಾತ್ ।
ರತ್ನಕುಮ್ಭೇನಮಹತಾಶೀತಮ್ಮಾರುತವಿಕ್ರಮಃ ॥ 56 ॥
ಉತ್ತರಾಚ್ಚಜಲಂಶೀಘ್ರಙ್ಗರುಡಾನಿಲವಿಕ್ರಮಃ ।
ಆಜಹಾರ ಸ ಧರ್ಮಾತ್ಮಾನಲಃಸರ್ವಗುಣಾನ್ವಿತಃ ॥ 57 ॥
ತತಸ್ತೈರ್ವಾನರಶ್ರೇಷ್ಠೈರಾನೀತಮ್ಪ್ರೇಕ್ಷ್ಯತಜ್ಜಲಮ್ ।
ಅಭಿಷೇಕಾಯರಾಮಸ್ಯಶತ್ರುಘ್ನಸ್ಸಚಿವೈಸ್ಸಹ ॥ 58 ॥
ಪುರೋಹಿತಾಯಶ್ರೇಷ್ಠಾಯಸುಹೃದ್ಭ್ಯಶ್ಚನ್ಯವೇದಯತ್ ।
ತತಸ್ಸಪ್ರಯತೋವೃದ್ಧೋವಸಿಷ್ಠೋಬ್ರಾಹ್ಮಣೈಃಸಹ ॥ 59 ॥
ರಾಮಂರತ್ನಮಯೇಪೀಠೇಸಸೀತಂಸನ್ನಯವೇಶಯತ್ ।
ವಸಿಷ್ಠೋವಾಮದೇವಶ್ಚಜಾಬಾಲಿರಥಕಾಶ್ಯಪಃ ॥ 60 ॥
ಕಾತ್ಯಾಯನೋಸುಯಜ್ಞಶ್ಚಗೌತಮೋವಿಜಯಸ್ತಥಾ ।
ಅಭ್ಯಷಿಞ್ಚನ್ನರವ್ಯಾಘ್ರಮ್ಪ್ರಸನ್ನೇನಸುಗನ್ಧಿನಾ ॥ 61 ॥
ಸಲಿಲೇನಸಹಸ್ರಾಕ್ಷಂವಸವೋವಾಸವಂಯಥಾ ।
ಋಗ್ಭಿರ್ಭ್ರಾಹ್ಮಣೈಃಪೂರ್ವಙ್ಕನ್ಯಾಭಿರ್ಮನ್ತ್ರಿಭಿಸ್ತಥಾ ॥ 62 ॥
ಯೋಥೌಶ್ಚೈವಾಭ್ಯಷಿಞ್ಚಂಸ್ತೇಸಮ್ಪ್ರಹೃಷ್ಟಾಸ್ಸನೈಗಮೈಃ ।
ಸರ್ವೌಷಧೀನಸೈಶ್ಚಾಪಿದೈವತೈರ್ನಭಸಿಸ್ಥಿತೈಃ ॥ 63 ॥
ಚತುರ್ಭಿರ್ಲೋಕಪಾಲೈಶ್ಚಸರ್ವೈರ್ದೇವೈಶ್ಚಸಙ್ಗತೈಃ ।
ಬ್ರಹ್ಮಣಾನಿರ್ಮಿತಮ್ಪೂರ್ವಙ್ಕಿರೀಟಂರತ್ನಶೋಭಿತಮ್ ॥ 64 ॥
ಅಭಿಷಿಕ್ತಃಪುರಾಯೇವಮನುಸ್ತನ್ದೀಪ್ತತೇಜಸಮ್ ।
ತಸ್ಯಾನ್ವವಾಯೇರಾಜಾನಃಕ್ರಮಾದ್ಯೇನಾಭಿಷೇಚಿತಾಃ ॥ 65 ॥
ಸಭಾಯಾಂಹೇಮಕ್ಲುಪ್ತಾಯಾಂಶೋಭಿತಾಯಾಮ್ಮಹಾಧನೈಃ ।
ರತ್ನೈರ್ನಾನಾವಿಧೈಶ್ಚವಚಿತ್ರಿತಾಯಾಂಸುಶೋಭನೈಃ ॥ 66 ॥
ನಾನಾರತ್ನಮಯೇಪೀಠೇಕಲ್ಪಯಿತ್ವಾಯಥಾವಿಧಿ ।
ಕಿರೀಟೇನತತಃಪಶ್ಚಾದ್ವಸಿಷ್ಠೇನಮಹಾತ್ಮನಾ ॥ 67 ॥
ಋತ್ವಿಗಿಮಭಗಿರ್ಭೂಷಣೈಶ್ಚೈವಸಮಯೋಕ್ಷ್ಯತರಾಘವಃ ।
ಛತ್ರನ್ತಸ್ಯ ಚ ಜಗ್ರಾಹಶತ್ರಘ್ನಃಪಾಣ್ಡುರಂಶುಭಮ್ ॥ 68 ॥
ಶ್ವೇತಂ ಚ ವಾಲವ್ಯಜನಂಸುಗ್ರೀವೋವಾನರೇಶ್ವರಃ ।
ಅಪರಞ್ಚನ್ದ್ರಸಙ್ಕಾಶಂರಾಕ್ಷಸೇನ್ದ್ರೋವಿಭೀಷಣಃ ॥ 69 ॥
ಮಾಲಾಞ್ಜ್ವಲನ್ತೀಂವಪುಷಾಕಾಞ್ಚನೀಂಶತಪುಷ್ಕರಾಮ್ ।
ರಾಘವಾಯದದೌವಾಯುರ್ವಾಸವೇನಪ್ರಚೋದಿತಃ ॥ 70 ॥
ಸರ್ವರತ್ನಸಮಾಯುಕ್ತಮ್ಮಣಿಭಿಶ್ಚವಿಭೂಷಿತಮ್ ।
ಮುಕ್ತಾಹಾರನ್ನರೇನ್ದ್ರಾಯದದೌಶಕ್ರಪ್ರಚೋದಿತಃ ॥ 71 ॥
ಪ್ರಜಗುರ್ಧೇವಗನ್ಧರ್ವಾನನೃತುಶ್ಚಾಪ್ಸರೋಗಣಾಃ ।
ಅಭಿಷೇಕೇತದರ್ಹಸ್ಯತದಾರಾಮಸ್ಯಧೀಮತಃ ॥ 72 ॥
ಭೂಮಿಃಸಸ್ಯವತೀಚೈವಫಲವನ್ತಶ್ಚಪಾದಪಾಃ ।
ಗನ್ಧವನ್ತಿ ಚ ಪುಷ್ಪಾಣಿಬಭೂವೂರಾಘವೋತ್ಸವೇ ॥ 73 ॥
ಸಹಸ್ರಶತಮಶ್ವಾನಾನ್ಧೇನೂನಾಂ ಚ ಗವಾನ್ತಥಾ ।
ದದೌಶತವೃಷಾನ್ಪೂರ್ವನ್ದ್ವಿಜೇಭ್ಯೋಮನುಜರ್ಷಭಃ ॥ 74 ॥
ತ್ರಿಂಶತ್ಕೋಟೀರ್ಹಿರಣ್ಯಸ್ಯಬ್ರಾಹ್ಮಣೇಭ್ಯೋದದೌಪುನಃ ।
ನಾನಾಭರಣವಸ್ತ್ರಾಣಿಮಹಾರ್ಹಾಣಿ ಚ ರಾಘವಃ ॥ 75 ॥
ಅರ್ಕರಶ್ಮಿಪ್ರತೀಕಾಶಾಙ್ಕಾಞ್ಚನೀಮ್ಮಣಿವಿಗ್ರಹಾಮ್ ।
ಸುಗ್ರೀವಾಯಸ್ರಜನ್ದಿವ್ಯಾಮ್ಪ್ರಾಯಚ್ಛನ್ಮನುಜಾಧಿಪಃ ॥ 76 ॥
ವೈದೂರ್ಯಮಯಚಿತ್ರೇ ಚ ಮಣಿರತ್ನವಿಭೂಷಿತೇ ।
ವಾಲಿಪುತ್ರಾಯಧೃತಿಮಾನಙ್ಗದಾಯಾಙ್ಗದೇದದೌ ॥ 77 ॥
ಮಣಿಪ್ರವರಜುಷ್ಟನ್ತುಮುಕ್ತಾಹಾರಮನುತ್ತಮಮ್ ।
ಸೀತಾಯೈಪ್ರದದೌರಾಮಶ್ಚನ್ದ್ರರಶ್ಮಿಸಮಪ್ರಭಮ್ ॥ 78 ॥
ಅರಜೇವಾಸಸೀದಿವ್ಯೇಶುಭಾನ್ಯಾಭರಣಾನಿ ಚ ।
ಅವೇಕ್ಷಮಾಣಾವೈದೇಹೀಪ್ರದದೌವಾಯುಸೂನವೇ ॥ 79 ॥
ಅವಮುಚ್ಯಾತ್ಮನಃಕಣ್ಠಾದ್ದಾರಞ್ಜನಕನನ್ದಿನೀ ।
ಅವೈಕ್ಷತಹರೀನ್ಸರ್ವಾನ್ಭರ್ತಾರಂ ಚ ಮುಹುರ್ಮುಹುಃ ॥ 80 ॥
ತಾಮಿಙ್ಗಿತಜ್ಞಸ್ಸಮ್ಪ್ರೇಕ್ಷ್ಯ ಬಭಾಷೇ ಜನಕಾತ್ಮಜಾಮ್ ।
ಪ್ರದೇಹಿಸುಭಗೇಹಾರಂಯಸ್ಯತುಷ್ಟಾಸಿಭಾಮಿನಿ ॥ 81 ॥
ತೇಜೋಧೃತಿರ್ಯಶೋದಾಕ್ಷ್ಯಂಸಾಮರ್ಥ್ಯಂವಿನಯೋನಯಃ ।
ಪೌರುಷಂವಿಕ್ರಮೋಬುದ್ಧಿರ್ಯಸ್ಮಿನ್ನೇತಾನಿಸರ್ವದಾ ॥ 82 ॥
ದದೌಸಾವಾಯುಪುತ್ರಾಯತಂಹಾರಮಸಿತೇಕ್ಷಣಾ ।
ಹನೂಮಾಂಸ್ತೇನಹಾರೇಣಶುಶುಭೇವಾನರರ್ಷಭಃ ॥ 83 ॥
ಚನ್ರಾಂಶುಚಯಗೌರೇಣಶ್ವೇತಾಭ್ರೇಣಯಥಾಚಲಃ ।
ತೋದ್ವಿವಿದಮೈನ್ಧಾಭ್ಯಾನ್ನೀಲಾಯ ಚ ಪರನ್ತಪಃ ಸರ್ವೇವಾನರವೃದ್ಧಾಶ್ಚಯೇಚಾನ್ಯೇವಾನರೋತ್ತಮಾಃ ॥ 84 ॥
ವಾಸೋಭಿರ್ಭೂಷಣೈಶ್ಚೈವಯಥಾರ್ಹಮ್ಪ್ರತಿಪೂಜಿತಾಃ ।
ಸರ್ವಾನ್ಕಾಮಗುಣಾವನೀಕ್ಷ್ಯಪ್ರದದೌವಸುಧಾಧಿಪಃ ॥ 85 ॥
ವಿಭೀಷಣೋಽಥಸುಗ್ರೀವೋಹನುಮಾನ್ಜಾಮ್ಬವಾಂಸ್ತಥಾ ॥ 86 ॥
ಸರ್ವೇವಾನರಮುಖ್ಯಾಶ್ಚರಾಮೇಣಾಕ್ಲಿಷ್ಟಕರ್ಮಣಾ ।
ಯಥಾರ್ಹಮ್ಪೂಜಿತಾಃಸರ್ವೇಕಾಮೈರತ್ನೈಶ್ಚಪುಷ್ಕಲೈಃ ॥ 87 ॥
ಪ್ರಹೃಷ್ಟಮಾನಸಃಸರ್ವೇಜಗ್ಮುರೇವಯಥಾಗತಮ್ ।
ದೃಷ್ಟ್ವಾಸರ್ವೇಮಹಾತ್ಮಾನಸ್ತತಸ್ತೇವಾನರರ್ಷಭಾಃ ॥ 88 ॥
ವಿಸೃಷ್ಟಾಃಪಾರ್ಥಿವೇನ್ದ್ರೇಣಕಿಷ್ಕಿನ್ಧಾಂಸಮುಪಾಗಮನ್ ।
ಸುಗ್ರೀವೋವಾನರಶ್ರೇಷ್ಠೋ ದೃಷ್ಟವಾರಾಮಭಿಷೇಚನಮ್ ॥ 89 ॥
ಪೂಜಿತಶ್ಚೈವರಾಮೇಯಕಿಷ್ಕಿನ್ಧಾಮ್ಪ್ರಾವಿಶತ್ಪುರೀಮ್ ।
ವಿಭೀಷಣೋಽಪಿಧರ್ಮಾತ್ಮಾಸಹತೈರ್ನೈರೃತರ್ಷಭೈಃ ॥ 90 ॥
ಲಬ್ಧ್ವಾಕುಲಧನಂರಾಜಾಲಙ್ಕಾಮ್ಪ್ರಾಯಾನ್ ಮಹಾಯಶಾಃ ।
ಸರಾಜ್ಯಮಖಿಲಂಶಾಸನ್ನಿಹತಾರಿರ್ಮಹಾಯಶಾಃ ॥ 91 ॥
ರಾಘವಃಪರಮೋದಾರಶ್ಶಶಾಸಪರಯಾಮುದಾ ।
ಉವಾಚಲಕ್ಷ್ಮಣಂರಾಮೋಧರ್ಮಜ್ಞನ್ಧರ್ಮವತ್ಸಲಃ ॥ 92 ॥
ಆತಿಷ್ಠಧರ್ಮಜ್ಞ ಮಯಾಸಹೇಮಾಙ್ಗಾಮ್ಪೂರ್ವರಾಜಾಧ್ಯುಷಿತಾಮ್ಬಲೇನ ।
ತುಲ್ಯಮ್ಮಯಾತ್ವಮ್ಪಿತೃಭಿರ್ಧೃತಾಯಾತಾಂಯೌವರಾಜ್ಯೇಧುರಮುದ್ವಹಸ್ವ ॥ 93 ॥
ಸರ್ವಾತ್ಮನಾಪರ್ಯನುನೀಯಮಾನೋಯದಾ ನ ಸೌಮಿತ್ರಿರುಪೈತಿಯೋಗಮ್ ।
ನಿಯುಜ್ಯಮಾನೋಽಪಿ ಚ ಯೌವರಾಜ್ಯೇತತೋಽಭ್ಯಷಿಞ್ಚದ್ಭರತಮ್ಮಹಾತ್ಮಾ ॥ 94 ॥
ಪೌಣ್ಡರೀಕಾಶ್ವಮೇಧಾಭ್ಯಾಂವಾಜಪೇಯೇನಚಾಸಕೃತ್ ।
ಅನ್ಯೈಶ್ಚವಿವಿಧೈರ್ಯಜ್ಞೈರಯಜತ್ಪಾರ್ಥಿವಾತ್ಮಜಃ ॥ 95 ॥
ರಾಜ್ಯನ್ದಶಸಹಸ್ರಾಣಿಪ್ರಾಪ್ಯವರ್ಷಾಣಿರಾಘವಃ ।
ಶತಾಶ್ವಮೇಧಾನಾಜಹ್ರೇಸದಶ್ವಾನ್ ಭೂರಿದಕ್ಷಿಣಾನ್ ॥ 96 ॥
ಆಜಾನುಲಮ್ಬಿಬಾಹುಸ್ಸಮಹಾವಕ್ಷಾಃಪ್ರತಾಪವಾನ್ ।
ಲಕ್ಷ್ಮಣಾನುಚರೋರಾಮಃಶಶಾಸಪೃಥಿವೀಮಿಮಾಮ್ ॥ 97 ॥
ರಾಘವಶ್ಚಾಪಿಧರ್ಮಾತ್ಮಾಪ್ರಾಪ್ಯರಾಜ್ಯಮನುತ್ತಮಮ್ ।
ಈಜೇಬಹುವಿಧೈರ್ಯಜ್ಞೈಸಸುತಭ್ರಾತೃಬಾನ್ಧವಃ ॥ 98 ॥
ಸ ಪರ್ಯದೇವನ್ವಿಧವಾ ನ ಚ ವ್ಯಾಲಕೃತಮ್ಭಯಮ್ ।
ನ ವ್ಯಾಧಿಜಮ್ಭಯಞ್ಚಾಸೀದ್ರಾಮೇರಾಜ್ಯಮ್ಪ್ರಶಾಸತಿ ॥ 99 ॥
ನಿರ್ದಸ್ಯುರಭವಲ್ಲೋಕೋನಾನರ್ಥಙ್ಕಶ್ಚಿದಸ್ಪೃಶತ್ ।
ನ ಚ ಸ್ಮವೃದ್ಧಾಬಾಲಾನಾಮ್ಪ್ರೇತಕಾರ್ಯಾಣಿಕುರ್ವತೇ ॥ 100 ॥
ಸರ್ವಮ್ಮುದಿತಮೇವಾಸೀತ್ಸರ್ವೋಧರ್ಮಪರೋಽಭವತ್ ।
ರಾಮಮೇವಾನುಪಶ್ಯನ್ತೋನಾಭ್ಯಹಿಂಸನ್ ಪರಸ್ಪರಮ್ ॥ 101 ॥
ಆಸನ್ವರ್ಷಸಹಸ್ರಾಣಿತಥಾಪುತ್ರಸಹಸ್ರಿಣಃ ।
ನಿರಾಮಯಾವಿಶೋಕಾಶ್ಚರಾಮೇರಾಜ್ಯಮ್ಪ್ರಶಾಸತಿ ॥ 102 ॥
ರಾಮೋರಾಮೋರಾಮಃ ಇತಿಪ್ರಜಾನಾಮಭವನ್ಕಥಾಃ ।
ರಾಮಭೂತಞ್ಜಗದಭೂದ್ರಾಮೇರಾಜ್ಯಮ್ಪ್ರಶಾಸತಿ ॥ 103 ॥
ನಿತ್ಯಪುಷ್ಪಾನಿತ್ಯಫಲಾನ್ತರವಸ್ತತ್ರನಿರ್ವ್ರಣಾಃ ।
ಕಾಮವರ್ಷೀ ಚ ಪರ್ಜನ್ಯಸ್ಸುಖಸ್ಪರ್ಶಶ್ಚಮಾರುತಃ ॥ 104 ॥
ಬ್ರಾಹ್ಮಣಾಃಕ್ಷತ್ರಿಯಾವೈಶ್ಯಾಶ್ಶೂದ್ರಾಲೋಭವಿವರ್ಜಿತಾಃ ।
ಸ್ವಕರ್ಮಸುಪ್ರವರ್ತನ್ತೇತುಷ್ಟಾಸ್ಸ್ವೈರೇವಕರ್ಮಭಿಃ ॥ 105 ॥
ಆಸನ್ಪ್ರಜಾಧರ್ಮಪರಾರಾಮೇಶಾಸತಿನಾನೃತಾಃ ।
ಸರ್ವೇಲಕ್ಷಣಸಮ್ಪನ್ನಾಸ್ಸರ್ವೇಧರ್ಮಪರಾಯಣಾಃ ॥ 106 ॥
ದಶವರ್ಷಸಹಸ್ರಾಣಿದಶವರ್ಷಶತಾನಿ ಚ ಭ್ರಾತೃಭಿಃ ಸಹಿತಃಶ್ರೀಮಾನರಾಮೋರಾಜ್ಯಮಕಾರಯತ್ ।
ಧನ್ಯಂಯಶಸ್ಯಮಾಯುಷ್ಯಂರಾಜ್ಞಾಂ ಚ ವಿಯಾವಹಮ್ ॥ 107 ॥
ಆದಿಕಾವ್ಯಮಿದಞ್ಚಾರ್ಷಮ್ಪುರಾವಾಲ್ಮೀಕಿನಾಕೃತಮ್ ।
ಪಠೇಧ್ಯಃಶೃಣುಯಾಲ್ಲೋಕೇನರಃಪಾಪಾತ್ಪ್ರಮುಚ್ಯತೇ ॥ 108 ॥
ಪುತ್ರಕಾಮಶ್ಚಪುತ್ರಾನ್ವೈಧನಕಾಮೋಧನಾನಿ ಚ ।
ಲಭತೇಮನುಜೋಲೋಕೇಶ್ರುತ್ವಾರಾಮಾಭಿಷೇಚನಮ್ ॥ 109 ॥
ಮಹೀಂವಿಜಯತೇರಾಜಾರಿಪೂಂಶ್ಚಾಪ್ಯಧಿತಿಷ್ಠತಿ ।
ರಾಘವೇಣಯಥಾಮಾತಾಸುಮಿತ್ರಾಲಕ್ಷ್ಮಣೇನ ಚ ॥ 110 ॥
ಭರತೇನ ಚ ಕೈಕೇಯೀಜೀವಪುತ್ರಾಸ್ತಥಾಸ್ತ್ರಿಯಃ ।
ಭವಿಷ್ಯನ್ತಿಸದಾನನ್ದಾಃಪುತ್ರಪೌತ್ರಸಮನ್ವಿತಾಃ ॥ 111 ॥
ಶ್ರುತ್ವಾರಾಮಾಯಣಮಿದನ್ದೀರ್ಘಮಾಯುಶ್ಚವಿನ್ದತಿ ।
ರಾಮಸ್ಯವಿಜಯಞ್ಚೈವಸರ್ವಮಕ್ಲಿಷ್ಟಕರ್ಮಣಃ ॥ 112 ॥
ಶೃಣೋತಿ ಯ ಇದಙ್ಕಾವ್ಯಮ್ಪುರಾವಾಲ್ಮೀಕಿನಾಕೃತಮ್ ।
ಶ್ರದ್ಧಧಾನೋಜಿತಕ್ರೋಧೋದುರ್ಗಾಣ್ಯತಿತರತ್ಯಸೌ ॥ 113 ॥
ಸಮಾಗಮ್ಯಪ್ರವಾಸಾನ್ತೇರಮನ್ತೇಸಹಬಾನ್ಧವೈಃ ।
ಶೃಣ್ವನ್ತಿ ಯ ಇದಙ್ಕಾವ್ಯಮ್ಪುರಾವಾಲ್ಮೀಕಿನಾಕೃತಮ್ ॥ 114 ॥
ತೇಪ್ರಾರ್ಥಿತಾನ್ವರಾನ್ಸರ್ವಾನ್ಪ್ರಾಪ್ನುವನ್ತೀಹರಾಘವಾತ್ ।
ಶ್ರವಣೇನಸುರಾಸ್ಸರ್ವೇಪ್ರೀಯನ್ತೇಸಮ್ಪ್ರಶೃಣ್ವತಾಮ್ ॥ 115 ॥
ವಿನಾಯಕಾಶ್ಚಶಾಮ್ಯನ್ತಿಗೃಹೇತಿಷ್ಠನ್ತಿಯಸ್ಯವೈ ।
ವಿಜಯೇತಮಹೀಂರಾಜಾಪ್ರವಾಸೀಸ್ವಸ್ತಿಮಾನ್ಭವೇತ್ ॥ 116 ॥
ಸ್ತ್ರಿಯೋರಜಸ್ವಲಾಶ್ರುತ್ವಾಪುತ್ರಾನ್ಸೂಯುರನುತ್ತಮಾನ್ ।
ಪೂಜಯಂಶ್ಚಪಠಂಶ್ಚೈವಮಿತಿಹಾಸಮ್ಪುರಾತನಮ್ ॥ 117 ॥
ಸರ್ವಪಾಪೈಃಪ್ರಮುಚ್ಯೇತದೀರ್ಘಮಾಯುರವಾಪ್ನುಯಾತ್ ।
ಪ್ರಣಮ್ಯಶಿರಸಾನಿತ್ಯಂಶ್ರೋತವ್ಯಙ್ಕ್ಷತ್ರಿಯೈರ್ದ್ವಿಜಾತ್ ॥ 118 ॥
ಐಶ್ವರ್ಯಮ್ಪುತ್ರಲಾಭಾಶ್ಚಭವಿಷ್ಯತಿ ನ ಸಂಶಯಃ ।
ರಾಮಾಯಣಮಿದಙ್ಕೃತ್ಸ್ನಂಶೃಣ್ವತಃಪಠತಸ್ಸದಾ ॥ 119 ॥
ಪ್ರೀಯತೇಸತತಂರಾಮಸ್ಸಹಿವಿಷ್ಣುಸ್ಸನಾತನಃ ।
ಆದಿದೇವೋಮಹಾಬಾಹುರ್ಹರಿನ್ನಾರಾಯಣಃಪ್ರಭುಃ ॥ 120 ॥
ಸಾಕ್ಷಾದ್ರಾಮೋರಘುಶ್ರೇಷ್ಠಶ್ಶೇಷೋಲಕ್ಷ್ಮಣೌಚ್ಯತೇ ।
ಏವಮೇತತ್ಪುರಾವೃತ್ತಮಾಖ್ಯಾನಮ್ಭದ್ರಮಸ್ತುವಃ ॥ 121 ॥
ಪ್ರವ್ಯಾಹರತವಿಸ್ರಬ್ಧಮ್ಬಲಂವಿಷ್ಣೋಃಪ್ರವರ್ಥತಾಮ್ ।
ದೇವಾಶ್ಚಸರ್ವೇತುಷ್ಯನ್ತಿಗ್ರಹಣಾಚ್ಛ್ರವಣಾತ್ತಥಾ ॥ 122 ॥
ರಾಮಾಯಣಸ್ಯಶ್ರವಣೇತುಷ್ಯನ್ತಿಪಿತಸ್ಸದಾ ।
ಭಕ್ತ್ಯಾರಾಮಸ್ಯಯೇಚೇಮಾಂಸಂಸಿತಾಮೃಷಿಣಾಕೃತಾಮ್ ॥ 123 ॥
ಯೇಲಿಖನ್ತೀ ಹ ಚ ನರಾಸ್ತೇಷಾಂವಾಸಸ್ತ್ರಿವಿಷ್ಟಪೇ ।
ಕುಟುಮ್ಬವೃದ್ಧಿನ್ಧನಧಾನ್ಯವೃದ್ಧಿಂಸ್ತ್ರಿಯಶ್ಚಮುಖ್ಯಾಸ್ಸುಖಮುತ್ತಮಂ ಚ ।
ಶ್ರುತ್ವಾಶುಭಙ್ಕಾವ್ಯಮಿದಮ್ಮಹಾರ್ಥಮ್ಪ್ರಾಪ್ನೋತಿಸರ್ವಾಮ್ಭುವಿಚಾರ್ಥಸಿದ್ಧಮ್ ॥ 124 ॥
ಆಯುಷ್ಯಮಾರೋಗ್ಯಕರಂಯಶಸ್ಯಂಸೌಭ್ರಾತೃಕಮ್ಬುದ್ಧಿಕರಂಶುಭಂ ಚ ।
ಶ್ರೋತವ್ಯಮೇತನ್ನಿಯಮೇನಸದ್ಭಿರಾಖ್ಯಾನಮೋಜಸ್ಕರಮೃದ್ಧಿಕಾಮೈಃ ॥ 125 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಏಕತ್ರಿಂಶದಧಿಕಶತತಮಸ್ಸರ್ಗಃ ॥
