శ్రీమద్వాల్మీకీయ రామాయణే యుద్ధకాండమ్ ।
అథ అష్టాదశాధికశతతమస్సర్గః ।
తాంతుపాశ్వస్థితాంప్రహ్వాంరామస్సంప్రేక్ష్యమైథిలీమ్ ।
హృదయాంతర్గతంక్రోధవ్యాహర్తుముపచక్రమే ॥ 1 ॥
ఏషాసినిర్జితాభద్రేశత్రుంజిత్వారణాజిరే ।
పౌరుషాద్యదనుష్ఠేయంమయైతదుపపాదితమ్ ॥ 2 ॥
గతోఽస్మ్యంతమమర్షస్యధర్షణాసంప్రమార్జితా ।
అవమానశ్చశత్రుశ్చయుగపన్నిహతౌమయా ॥ 3 ॥
అద్యమేపౌరుషందృష్టమద్యమేసఫల్శ్రమః ।
అద్యతీర్ణప్రతిజ్ఞోఽత్వాప్రభవామ్యద్యచాత్మనః ॥ 4 ॥
యాత్వంవిరహితానీతాచలచిత్తేనరక్షసా ।
దైవసంపాదితోదోషోమానుషేణమయాజితః ॥ 5 ॥
సంప్రాప్తమవమానంయస్తేజసా న ప్రమార్జతి ।
కస్తస్యపురుషార్థోమహతాప్యల్పచేతసః ॥ 6 ॥
లంఘనం చ సముద్రస్యలంకాయాశ్చాపిమర్ధనమ్ ।
సఫలంతస్య చ శ్లాఘ్యమద్యకర్మహనూమతః ॥ 7 ॥
యుద్ధేవిక్రమతశ్చైవహితంమంత్రయతస్తథా ।
సుగ్రీవస్యససైన్యస్యసఫలోఽద్యపరిశ్రమః ॥ 8 ॥
విభీషణస్య చ తథాసఫలోఽద్యపరిశ్రమః ।
విగుణంభ్రాతరంత్యక్త్వాయోమాంస్వయముపస్థితః ॥ 9 ॥
ఇత్యేవంవదత్శ్రుత్వాసీతారామస్యతద్వచః ।
మృగీవోత్ఫుల్లనయనాబభూవాశ్రుపరిప్లుతా ॥ 10 ॥
పశ్యతస్తాంతురామస్యసమీపేహృదయప్రియామ్ ।
జనవాదభయాద్రాజ్ఞోబభూవహృదయంద్విధా ॥ 11 ॥
సీతాముత్పలపత్రాక్షీంనీలకుంచితమూర్థజామ్ ।
అవదద్వైవరారోహంమధ్యేవానరరక్షసామ్ ॥ 12 ॥
యత్కర్తవ్యంమనుష్యేణధర్షణాంప్రతిమార్జతా ।
తత్కృతంరావణంహత్వామయేదంమానకాంక్షిణా ॥ 13 ॥
నిర్జితాజీవలోకస్యతపసాభావితాత్మనా ।
అగస్త్యేనదురాధర్షామునినాదక్షిణేవధిక్ ॥ 14 ॥
విదితశ్చాస్తుభత్రంతేయోఽయంరణపరిశ్రమః ।
సుతీర్ణఃసుహృదాంవీర్యాన్నత్వదర్థంమయాకృతః ॥ 15 ॥
రక్షతాతుమయావృత్తపమవాదం చ సర్వతః ।
ప్రఖ్యాతస్యాత్మవంశస్యవ్యంగ్యం చ పరిమార్జతా ॥ 16 ॥
ప్రాప్తచారిత్రసందేహామమప్రతిముఖేస్థితా ।
దీపోనేత్రాతురస్యేవప్రతికూలాసిమేదృఢమ్ ॥ 17 ॥
తద్గచ్ఛత్వానుజానేఽద్యయథేష్టంజనకాత్మజే ।
ఏతాదశదిశోభద్రేకార్యమస్తి న మేత్వయా ॥ 18 ॥
కఃపుమాంస్తుకులేజాతస్స్త్రయంపరగృహాషితామ్ ।
తేజస్వీపునరాదద్యాత్సుహృల్లేఖ్యేనచేతసా ॥ 19 ॥
రావణాంకపరిక్లిష్టాందృష్టాందుష్టేనచక్షుషా ।
కథంత్వాపునరాదద్యాంకులంవ్యపదిశన్ మహత్ ॥ 20 ॥
తదర్థంనిర్జితామేత్వంయశఃప్రత్యాహృతంమయా ।
నాస్తిమేత్యయ్యభిష్వంగోయథేష్టంగమ్యతామితః ॥ 21 ॥
తదద్యవ్యాహృతంభద్రేమయైతత్ కృతబుధదినా ।
లక్ష్మణేనాథభరతేకురుబుధదింయథాసుఖమ్ ॥ 22 ॥
శత్రుఘ్నేవాథసుగ్రీవేరాక్షసేవావిభీషణే ।
నివేశయమనస్సీతేయథావాసుఖమాత్మనః ॥ 23 ॥
న హిత్వాంరావణోదృష్టవాదివ్యరూపాంమనోరమామ్ ।
మర్షయేతచిరంసీతేస్వగృహేపర్యవస్థితామ్ ॥ 24 ॥
తతఃప్రియార్హశ్రవణాతదప్రియంప్రియాదుపశ్రుత్యచిరస్యమైథిలీ ।
ముమోచబాష్పంసుభృశంప్రవేపితాగజేంద్రహస్తాభిహతేవసల్లకీ ॥ 25 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే అష్టాదశాధికశతతమస్సర్గః ॥
