śrīmadvālmīkīya rāmāyaṇē yuddhakāṇḍam ।
atha chaturadhikaśatatamassargaḥ ।
tasyakruddhasyavadanandṛṣṭavārāmasyadhīmataḥ ॥ 1 ॥
sarvabhūtānivitrēsuḥprākampata cha mēdinī ।
siṃhaśārdūlānśailassañchachālachaladdrumaḥ ।
babhūvachāpikṣubhitaḥsamudraḥsaritāmpatiḥ ॥ 2 ॥
kharāśchakharanirghōṣāgaganēparuṣāghanāḥ ।
autpātikāninardantassamantātparichakramuḥ ॥ 3 ॥
rāmandṛṣṭavāsusaṅkruddhamutpātāṃśchaivasudāruṇān ।
vitrēsussarvabhūtānirāvaṇasyābhavadbhayam ॥ 4 ॥
vimānasthāstadādēvāgandharvāśchamahōragāḥ ।
ṛṣidāvanadaityāśchagarutmantaśchakhēcharāḥ ॥ 5 ॥
dadṛśustētadāyuddhaṃlōkasamvartasaṃsthitam ।
nānāpraharaṇairbhīmaiśśūrayōssamprayudhyatōḥ ॥ 6 ॥
ūchussurāsurāssarvētadāvigrahamāgatāḥ ।
prēkṣamāṇāmaharyuddhaṃvākyambhaktyāprahṛṣṭavat ॥ 7 ॥
daśagrīvañjayētyāhurasurāḥsamavasthitāḥ ।
dēvārāmamavōchaṃstētvañjayētipunaḥpunaḥ ॥ 8 ॥
ētasminnantarēkrōdhādrāghavasya sa rāvaṇaḥ ।
prahartukāmōduṣṭātmāspṛśan praharaṇammahat ॥ 9 ॥
vajrasārammahānādaṃsarvaśatrunibarhaṇam ।
śailaśṛṅganibhaiḥkūṭaiśchittadṛṣṭibhayāvaham ॥ 10 ॥
sadhūmamivatīkṣṇāgraṃyugāntāgnichamōpamam ।
atiraudramanāsādyaṅkālēnāpidurāsadam ॥ 11 ॥
trāsanaṃsarvabhūtānāndāraṇambhēdanantathā ।
pradīptamivarōṣēṇaśūlañjagrāharāvaṇaḥ ॥ 12 ॥
tachChūlamparamakruddhōmadhyējagrāhavīryavān ।
anēkaiḥsamarēśśūrairākṣasaiḥparivāritaḥ ॥ 13 ॥
samudyamyamahākāyōnanādayudhibhairavam ।
saṃraktanayanōrōṣātsvasainyamabhiharṣayan ॥ 14 ॥
pṛthivīñchāntarikṣaṃ cha diśaśchapradiśastathā ।
prākampayattadāśabdōrākṣasēndrasyadāruṇaḥ ॥ 15 ॥
atinādasyyadānēnatēnatasyadurātmanaḥ ।
sarvabhūtānivitrēsussāgaraśchaprachukṣubhē ॥ 16 ॥
sa gṛhītvāmahāvīryaśśūlantadrāvaṇōmahat ।
vinadyasumahānādaṃrāmamparuṣamabravīt ॥ 17 ॥
śūlō'yaṃvajrasārastērāmarōṣānmayōdyataḥ ।
tavabhrātṛsahāyasyasamyak prāṇān hariṣyati ॥ 18 ॥
rakṣasāmadyaśūrāṇānnihatānāñchamūmukhē ।
tvānnihatyaraṇaślāghīkarōmitarasāsamam ॥ 19 ॥
tiṣṭhēdānīnnihamanitvāmēṣaśūlēnarāghava ।
ēvamuktvā sa chikṣēpatachChūlaṃrākṣasādhipaḥ ॥ 20 ॥
tadrāvaṇakarānmuktaṃvidyunmālāsamāvṛtam ।
aṣṭaghaṇṭammahānādaṃviyadgatamaśōbhata ॥ 21 ॥
tachChūlaṃrāghavōdṛṣṭavājvalantaṅghōradarśanam ।
sasarjaviśikhānrāmaśchāpamāyamyavīryavān ॥ 22 ॥
āpatantaṃśaraughēṇavārayāmāsarāghavaḥ ।
utpatantaṃyugāntānagiñjalaughairivavāsavaḥ ॥ 23 ॥
nirdadāha sa tānbāṇānrāmakārmukaniḥsṛtān ।
rāvaṇasyamahān śūlaḥpataṅgānivapāvakaḥ ॥ 24 ॥
tāndṛṣṭavābhasmasādbhūtānśūlasamsparśachūrṇitān ।
sāyakānantarikṣasthān rāghavaḥkrōdhamāharat ॥ 25 ॥
sa tāmmātalinānītāṃśaktiṃvāsavasammatām ।
jagrāhaparamakruddhōrāghavōraghunandanaḥ ॥ 26 ॥
sātōlitābalavatāśaktirghaṇṭākṛtasvanā ।
nabhaḥprajvālayāmāsayugāntōlkēvasaprabhā ॥ 27 ॥
sākṣiptārākṣasēndrasyatasminkūlēpapāta ha ।
bhinnaḥśaktyāmahān śūlōnipapātahatadyutiḥ ॥ 28 ॥
nirbhibhēdatatōbāṇairhayānasyamahājavān ।
rāmastrīkṣṇairmahāvēgairbhāṇavadbhirajihmagaiḥ ॥ 29 ॥
nirbibhēdōrapitadārāvaṇanniśitaiśśaraiḥ ।
rāghavaḥparamāyattōlalāṭēpatratibhistribhiḥ ॥ 30 ॥
sa śarairbhinnasarvāṅgōgātraprasṛtaśōṇitaḥ ।
rākṣasēndrassamūhasthaḥphullāśōkaivābabhau ॥ 31 ॥
sa rāmabāṇairatividdhagātrōniśācharēndraḥkṣatajārdragātraḥ ।
jagāmakhēdaṃ cha samājamadhyēkrōdhaṃ cha chakrēsubhṛśantadānīm ॥ 32 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē chaturadhikaśatatamassargaḥ ॥
