ශ්රීමද්වාල්මීකීය රාමායණේ යුද්ධකාංඩම් ।
අථ චතුරධිකශතතමස්සර්ගඃ ।
තස්යක්රුද්ධස්යවදනංදෘෂ්ටවාරාමස්යධීමතඃ ॥ 1 ॥
සර්වභූතානිවිත්රේසුඃප්රාකංපත ච මේදිනී ।
සිංහශාර්දූලාන්ශෛලස්සංචචාලචලද්ද්රුමඃ ।
බභූවචාපික්ෂුභිතඃසමුද්රඃසරිතාංපතිඃ ॥ 2 ॥
ඛරාශ්චඛරනිර්ඝෝෂාගගනේපරුෂාඝනාඃ ।
ඖත්පාතිකානිනර්දංතස්සමංතාත්පරිචක්රමුඃ ॥ 3 ॥
රාමංදෘෂ්ටවාසුසංක්රුද්ධමුත්පාතාංශ්චෛවසුදාරුණාන් ।
විත්රේසුස්සර්වභූතානිරාවණස්යාභවද්භයම් ॥ 4 ॥
විමානස්ථාස්තදාදේවාගංධර්වාශ්චමහෝරගාඃ ।
ඍෂිදාවනදෛත්යාශ්චගරුත්මංතශ්චඛේචරාඃ ॥ 5 ॥
දදෘශුස්තේතදායුද්ධංලෝකසම්වර්තසංස්ථිතම් ।
නානාප්රහරණෛර්භීමෛශ්ශූරයෝස්සංප්රයුධ්යතෝඃ ॥ 6 ॥
ඌචුස්සුරාසුරාස්සර්වේතදාවිග්රහමාගතාඃ ।
ප්රේක්ෂමාණාමහර්යුද්ධංවාක්යංභක්ත්යාප්රහෘෂ්ටවත් ॥ 7 ॥
දශග්රීවංජයේත්යාහුරසුරාඃසමවස්ථිතාඃ ।
දේවාරාමමවෝචංස්තේත්වංජයේතිපුනඃපුනඃ ॥ 8 ॥
ඒතස්මින්නංතරේක්රෝධාද්රාඝවස්ය ස රාවණඃ ।
ප්රහර්තුකාමෝදුෂ්ටාත්මාස්පෘශන් ප්රහරණංමහත් ॥ 9 ॥
වජ්රසාරංමහානාදංසර්වශත්රුනිබර්හණම් ।
ශෛලශෘංගනිභෛඃකූටෛශ්චිත්තදෘෂ්ටිභයාවහම් ॥ 10 ॥
සධූමමිවතීක්ෂ්ණාග්රංයුගාංතාග්නිචමෝපමම් ।
අතිරෞද්රමනාසාද්යංකාලේනාපිදුරාසදම් ॥ 11 ॥
ත්රාසනංසර්වභූතානාංදාරණංභේදනංතථා ।
ප්රදීප්තමිවරෝෂේණශූලංජග්රාහරාවණඃ ॥ 12 ॥
තච්ඡූලංපරමක්රුද්ධෝමධ්යේජග්රාහවීර්යවාන් ।
අනේකෛඃසමරේශ්ශූරෛරාක්ෂසෛඃපරිවාරිතඃ ॥ 13 ॥
සමුද්යම්යමහාකායෝනනාදයුධිභෛරවම් ।
සංරක්තනයනෝරෝෂාත්ස්වසෛන්යමභිහර්ෂයන් ॥ 14 ॥
පෘථිවීංචාංතරික්ෂං ච දිශශ්චප්රදිශස්තථා ।
ප්රාකංපයත්තදාශබ්දෝරාක්ෂසේංද්රස්යදාරුණඃ ॥ 15 ॥
අතිනාදස්ය්යදානේනතේනතස්යදුරාත්මනඃ ।
සර්වභූතානිවිත්රේසුස්සාගරශ්චප්රචුක්ෂුභේ ॥ 16 ॥
ස ගෘහීත්වාමහාවීර්යශ්ශූලංතද්රාවණෝමහත් ।
විනද්යසුමහානාදංරාමංපරුෂමබ්රවීත් ॥ 17 ॥
ශූලෝऽයංවජ්රසාරස්තේරාමරෝෂාන්මයෝද්යතඃ ।
තවභ්රාතෘසහායස්යසම්යක් ප්රාණාන් හරිෂ්යති ॥ 18 ॥
රක්ෂසාමද්යශූරාණාංනිහතානාංචමූමුඛේ ।
ත්වාංනිහත්යරණශ්ලාඝීකරෝමිතරසාසමම් ॥ 19 ॥
තිෂ්ඨේදානීංනිහමනිත්වාමේෂශූලේනරාඝව ।
ඒවමුක්ත්වා ස චික්ෂේපතච්ඡූලංරාක්ෂසාධිපඃ ॥ 20 ॥
තද්රාවණකරාන්මුක්තංවිද්යුන්මාලාසමාවෘතම් ।
අෂ්ටඝංටංමහානාදංවියද්ගතමශෝභත ॥ 21 ॥
තච්ඡූලංරාඝවෝදෘෂ්ටවාජ්වලංතංඝෝරදර්ශනම් ।
සසර්ජවිශිඛාන්රාමශ්චාපමායම්යවීර්යවාන් ॥ 22 ॥
ආපතංතංශරෞඝේණවාරයාමාසරාඝවඃ ।
උත්පතංතංයුගාංතානගිංජලෞඝෛරිවවාසවඃ ॥ 23 ॥
නිර්දදාහ ස තාන්බාණාන්රාමකාර්මුකනිඃසෘතාන් ।
රාවණස්යමහාන් ශූලඃපතංගානිවපාවකඃ ॥ 24 ॥
තාංදෘෂ්ටවාභස්මසාද්භූතාන්ශූලසම්ස්පර්ශචූර්ණිතාන් ।
සායකානංතරික්ෂස්ථාන් රාඝවඃක්රෝධමාහරත් ॥ 25 ॥
ස තාංමාතලිනානීතාංශක්තිංවාසවසම්මතාම් ।
ජග්රාහපරමක්රුද්ධෝරාඝවෝරඝුනංදනඃ ॥ 26 ॥
සාතෝලිතාබලවතාශක්තිර්ඝංටාකෘතස්වනා ।
නභඃප්රජ්වාලයාමාසයුගාංතෝල්කේවසප්රභා ॥ 27 ॥
සාක්ෂිප්තාරාක්ෂසේංද්රස්යතස්මින්කූලේපපාත හ ।
භින්නඃශක්ත්යාමහාන් ශූලෝනිපපාතහතද්යුතිඃ ॥ 28 ॥
නිර්භිභේදතතෝබාණෛර්හයානස්යමහාජවාන් ।
රාමස්ත්රීක්ෂ්ණෛර්මහාවේගෛර්භාණවද්භිරජිහ්මගෛඃ ॥ 29 ॥
නිර්බිභේදෝරපිතදාරාවණංනිශිතෛශ්ශරෛඃ ।
රාඝවඃපරමායත්තෝලලාටේපත්රතිභිස්ත්රිභිඃ ॥ 30 ॥
ස ශරෛර්භින්නසර්වාංගෝගාත්රප්රසෘතශෝණිතඃ ।
රාක්ෂසේංද්රස්සමූහස්ථඃඵුල්ලාශෝකෛවාබභෞ ॥ 31 ॥
ස රාමබාණෛරතිවිද්ධගාත්රෝනිශාචරේංද්රඃක්ෂතජාර්ද්රගාත්රඃ ।
ජගාමඛේදං ච සමාජමධ්යේක්රෝධං ච චක්රේසුභෘශංතදානීම් ॥ 32 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ චතුරධිකශතතමස්සර්ගඃ ॥
