ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଚତୁରଧିକଶତତମସ୍ସର୍ଗଃ ।
ତସ୍ୟକ୍ରୁଦ୍ଧସ୍ୟଵଦନଂଦୃଷ୍ଟଵାରାମସ୍ୟଧୀମତଃ ॥ 1 ॥
ସର୍ଵଭୂତାନିଵିତ୍ରେସୁଃପ୍ରାକଂପତ ଚ ମେଦିନୀ ।
ସିଂହଶାର୍ଦୂଲାନ୍ଶୈଲସ୍ସଂଚଚାଲଚଲଦ୍ଦ୍ରୁମଃ ।
ବଭୂଵଚାପିକ୍ଷୁଭିତଃସମୁଦ୍ରଃସରିତାଂପତିଃ ॥ 2 ॥
ଖରାଶ୍ଚଖରନିର୍ଘୋଷାଗଗନେପରୁଷାଘନାଃ ।
ଔତ୍ପାତିକାନିନର୍ଦଂତସ୍ସମଂତାତ୍ପରିଚକ୍ରମୁଃ ॥ 3 ॥
ରାମଂଦୃଷ୍ଟଵାସୁସଂକ୍ରୁଦ୍ଧମୁତ୍ପାତାଂଶ୍ଚୈଵସୁଦାରୁଣାନ୍ ।
ଵିତ୍ରେସୁସ୍ସର୍ଵଭୂତାନିରାଵଣସ୍ୟାଭଵଦ୍ଭୟମ୍ ॥ 4 ॥
ଵିମାନସ୍ଥାସ୍ତଦାଦେଵାଗଂଧର୍ଵାଶ୍ଚମହୋରଗାଃ ।
ଋଷିଦାଵନଦୈତ୍ୟାଶ୍ଚଗରୁତ୍ମଂତଶ୍ଚଖେଚରାଃ ॥ 5 ॥
ଦଦୃଶୁସ୍ତେତଦାୟୁଦ୍ଧଂଲୋକସମ୍ଵର୍ତସଂସ୍ଥିତମ୍ ।
ନାନାପ୍ରହରଣୈର୍ଭୀମୈଶ୍ଶୂରୟୋସ୍ସଂପ୍ରୟୁଧ୍ୟତୋଃ ॥ 6 ॥
ଊଚୁସ୍ସୁରାସୁରାସ୍ସର୍ଵେତଦାଵିଗ୍ରହମାଗତାଃ ।
ପ୍ରେକ୍ଷମାଣାମହର୍ୟୁଦ୍ଧଂଵାକ୍ୟଂଭକ୍ତ୍ୟାପ୍ରହୃଷ୍ଟଵତ୍ ॥ 7 ॥
ଦଶଗ୍ରୀଵଂଜୟେତ୍ୟାହୁରସୁରାଃସମଵସ୍ଥିତାଃ ।
ଦେଵାରାମମଵୋଚଂସ୍ତେତ୍ଵଂଜୟେତିପୁନଃପୁନଃ ॥ 8 ॥
ଏତସ୍ମିନ୍ନଂତରେକ୍ରୋଧାଦ୍ରାଘଵସ୍ୟ ସ ରାଵଣଃ ।
ପ୍ରହର୍ତୁକାମୋଦୁଷ୍ଟାତ୍ମାସ୍ପୃଶନ୍ ପ୍ରହରଣଂମହତ୍ ॥ 9 ॥
ଵଜ୍ରସାରଂମହାନାଦଂସର୍ଵଶତ୍ରୁନିବର୍ହଣମ୍ ।
ଶୈଲଶୃଂଗନିଭୈଃକୂଟୈଶ୍ଚିତ୍ତଦୃଷ୍ଟିଭୟାଵହମ୍ ॥ 10 ॥
ସଧୂମମିଵତୀକ୍ଷ୍ଣାଗ୍ରଂୟୁଗାଂତାଗ୍ନିଚମୋପମମ୍ ।
ଅତିରୌଦ୍ରମନାସାଦ୍ୟଂକାଲେନାପିଦୁରାସଦମ୍ ॥ 11 ॥
ତ୍ରାସନଂସର୍ଵଭୂତାନାଂଦାରଣଂଭେଦନଂତଥା ।
ପ୍ରଦୀପ୍ତମିଵରୋଷେଣଶୂଲଂଜଗ୍ରାହରାଵଣଃ ॥ 12 ॥
ତଚ୍ଛୂଲଂପରମକ୍ରୁଦ୍ଧୋମଧ୍ୟେଜଗ୍ରାହଵୀର୍ୟଵାନ୍ ।
ଅନେକୈଃସମରେଶ୍ଶୂରୈରାକ୍ଷସୈଃପରିଵାରିତଃ ॥ 13 ॥
ସମୁଦ୍ୟମ୍ୟମହାକାୟୋନନାଦୟୁଧିଭୈରଵମ୍ ।
ସଂରକ୍ତନୟନୋରୋଷାତ୍ସ୍ଵସୈନ୍ୟମଭିହର୍ଷୟନ୍ ॥ 14 ॥
ପୃଥିଵୀଂଚାଂତରିକ୍ଷଂ ଚ ଦିଶଶ୍ଚପ୍ରଦିଶସ୍ତଥା ।
ପ୍ରାକଂପୟତ୍ତଦାଶବ୍ଦୋରାକ୍ଷସେଂଦ୍ରସ୍ୟଦାରୁଣଃ ॥ 15 ॥
ଅତିନାଦସ୍ୟ୍ୟଦାନେନତେନତସ୍ୟଦୁରାତ୍ମନଃ ।
ସର୍ଵଭୂତାନିଵିତ୍ରେସୁସ୍ସାଗରଶ୍ଚପ୍ରଚୁକ୍ଷୁଭେ ॥ 16 ॥
ସ ଗୃହୀତ୍ଵାମହାଵୀର୍ୟଶ୍ଶୂଲଂତଦ୍ରାଵଣୋମହତ୍ ।
ଵିନଦ୍ୟସୁମହାନାଦଂରାମଂପରୁଷମବ୍ରଵୀତ୍ ॥ 17 ॥
ଶୂଲୋଽୟଂଵଜ୍ରସାରସ୍ତେରାମରୋଷାନ୍ମୟୋଦ୍ୟତଃ ।
ତଵଭ୍ରାତୃସହାୟସ୍ୟସମ୍ୟକ୍ ପ୍ରାଣାନ୍ ହରିଷ୍ୟତି ॥ 18 ॥
ରକ୍ଷସାମଦ୍ୟଶୂରାଣାଂନିହତାନାଂଚମୂମୁଖେ ।
ତ୍ଵାଂନିହତ୍ୟରଣଶ୍ଲାଘୀକରୋମିତରସାସମମ୍ ॥ 19 ॥
ତିଷ୍ଠେଦାନୀଂନିହମନିତ୍ଵାମେଷଶୂଲେନରାଘଵ ।
ଏଵମୁକ୍ତ୍ଵା ସ ଚିକ୍ଷେପତଚ୍ଛୂଲଂରାକ୍ଷସାଧିପଃ ॥ 20 ॥
ତଦ୍ରାଵଣକରାନ୍ମୁକ୍ତଂଵିଦ୍ୟୁନ୍ମାଲାସମାଵୃତମ୍ ।
ଅଷ୍ଟଘଂଟଂମହାନାଦଂଵିୟଦ୍ଗତମଶୋଭତ ॥ 21 ॥
ତଚ୍ଛୂଲଂରାଘଵୋଦୃଷ୍ଟଵାଜ୍ଵଲଂତଂଘୋରଦର୍ଶନମ୍ ।
ସସର୍ଜଵିଶିଖାନ୍ରାମଶ୍ଚାପମାୟମ୍ୟଵୀର୍ୟଵାନ୍ ॥ 22 ॥
ଆପତଂତଂଶରୌଘେଣଵାରୟାମାସରାଘଵଃ ।
ଉତ୍ପତଂତଂୟୁଗାଂତାନଗିଂଜଲୌଘୈରିଵଵାସଵଃ ॥ 23 ॥
ନିର୍ଦଦାହ ସ ତାନ୍ବାଣାନ୍ରାମକାର୍ମୁକନିଃସୃତାନ୍ ।
ରାଵଣସ୍ୟମହାନ୍ ଶୂଲଃପତଂଗାନିଵପାଵକଃ ॥ 24 ॥
ତାଂଦୃଷ୍ଟଵାଭସ୍ମସାଦ୍ଭୂତାନ୍ଶୂଲସମ୍ସ୍ପର୍ଶଚୂର୍ଣିତାନ୍ ।
ସାୟକାନଂତରିକ୍ଷସ୍ଥାନ୍ ରାଘଵଃକ୍ରୋଧମାହରତ୍ ॥ 25 ॥
ସ ତାଂମାତଲିନାନୀତାଂଶକ୍ତିଂଵାସଵସମ୍ମତାମ୍ ।
ଜଗ୍ରାହପରମକ୍ରୁଦ୍ଧୋରାଘଵୋରଘୁନଂଦନଃ ॥ 26 ॥
ସାତୋଲିତାବଲଵତାଶକ୍ତିର୍ଘଂଟାକୃତସ୍ଵନା ।
ନଭଃପ୍ରଜ୍ଵାଲୟାମାସୟୁଗାଂତୋଲ୍କେଵସପ୍ରଭା ॥ 27 ॥
ସାକ୍ଷିପ୍ତାରାକ୍ଷସେଂଦ୍ରସ୍ୟତସ୍ମିନ୍କୂଲେପପାତ ହ ।
ଭିନ୍ନଃଶକ୍ତ୍ୟାମହାନ୍ ଶୂଲୋନିପପାତହତଦ୍ୟୁତିଃ ॥ 28 ॥
ନିର୍ଭିଭେଦତତୋବାଣୈର୍ହୟାନସ୍ୟମହାଜଵାନ୍ ।
ରାମସ୍ତ୍ରୀକ୍ଷ୍ଣୈର୍ମହାଵେଗୈର୍ଭାଣଵଦ୍ଭିରଜିହ୍ମଗୈଃ ॥ 29 ॥
ନିର୍ବିଭେଦୋରପିତଦାରାଵଣଂନିଶିତୈଶ୍ଶରୈଃ ।
ରାଘଵଃପରମାୟତ୍ତୋଲଲାଟେପତ୍ରତିଭିସ୍ତ୍ରିଭିଃ ॥ 30 ॥
ସ ଶରୈର୍ଭିନ୍ନସର୍ଵାଂଗୋଗାତ୍ରପ୍ରସୃତଶୋଣିତଃ ।
ରାକ୍ଷସେଂଦ୍ରସ୍ସମୂହସ୍ଥଃଫୁଲ୍ଲାଶୋକୈଵାବଭୌ ॥ 31 ॥
ସ ରାମବାଣୈରତିଵିଦ୍ଧଗାତ୍ରୋନିଶାଚରେଂଦ୍ରଃକ୍ଷତଜାର୍ଦ୍ରଗାତ୍ରଃ ।
ଜଗାମଖେଦଂ ଚ ସମାଜମଧ୍ୟେକ୍ରୋଧଂ ଚ ଚକ୍ରେସୁଭୃଶଂତଦାନୀମ୍ ॥ 32 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଚତୁରଧିକଶତତମସ୍ସର୍ଗଃ ॥
