𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌚𑌤𑍁𑌰𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ।
𑌤𑌸𑍍𑌯𑌕𑍍𑌰𑍁𑌦𑍍𑌧𑌸𑍍𑌯𑌵𑌦𑌨𑌂𑌦𑍃𑌷𑍍𑌟𑌵𑌾𑌰𑌾𑌮𑌸𑍍𑌯𑌧𑍀𑌮𑌤𑌃 ॥ 1 ॥
𑌸𑌰𑍍𑌵𑌭𑍂𑌤𑌾𑌨𑌿𑌵𑌿𑌤𑍍𑌰𑍇𑌸𑍁𑌃𑌪𑍍𑌰𑌾𑌕𑌂𑌪𑌤 𑌚 𑌮𑍇𑌦𑌿𑌨𑍀 ।
𑌸𑌿𑌂𑌹𑌶𑌾𑌰𑍍𑌦𑍂𑌲𑌾𑌨𑍍𑌶𑍈𑌲𑌸𑍍𑌸𑌂𑌚𑌚𑌾𑌲𑌚𑌲𑌦𑍍𑌦𑍍𑌰𑍁𑌮𑌃 ।
𑌬𑌭𑍂𑌵𑌚𑌾𑌪𑌿𑌕𑍍𑌷𑍁𑌭𑌿𑌤𑌃𑌸𑌮𑍁𑌦𑍍𑌰𑌃𑌸𑌰𑌿𑌤𑌾𑌂𑌪𑌤𑌿𑌃 ॥ 2 ॥
𑌖𑌰𑌾𑌶𑍍𑌚𑌖𑌰𑌨𑌿𑌰𑍍𑌘𑍋𑌷𑌾𑌗𑌗𑌨𑍇𑌪𑌰𑍁𑌷𑌾𑌘𑌨𑌾𑌃 ।
𑌔𑌤𑍍𑌪𑌾𑌤𑌿𑌕𑌾𑌨𑌿𑌨𑌰𑍍𑌦𑌂𑌤𑌸𑍍𑌸𑌮𑌂𑌤𑌾𑌤𑍍𑌪𑌰𑌿𑌚𑌕𑍍𑌰𑌮𑍁𑌃 ॥ 3 ॥
𑌰𑌾𑌮𑌂𑌦𑍃𑌷𑍍𑌟𑌵𑌾𑌸𑍁𑌸𑌂𑌕𑍍𑌰𑍁𑌦𑍍𑌧𑌮𑍁𑌤𑍍𑌪𑌾𑌤𑌾𑌂𑌶𑍍𑌚𑍈𑌵𑌸𑍁𑌦𑌾𑌰𑍁𑌣𑌾𑌨𑍍 ।
𑌵𑌿𑌤𑍍𑌰𑍇𑌸𑍁𑌸𑍍𑌸𑌰𑍍𑌵𑌭𑍂𑌤𑌾𑌨𑌿𑌰𑌾𑌵𑌣𑌸𑍍𑌯𑌾𑌭𑌵𑌦𑍍𑌭𑌯𑌮𑍍 ॥ 4 ॥
𑌵𑌿𑌮𑌾𑌨𑌸𑍍𑌥𑌾𑌸𑍍𑌤𑌦𑌾𑌦𑍇𑌵𑌾𑌗𑌂𑌧𑌰𑍍𑌵𑌾𑌶𑍍𑌚𑌮𑌹𑍋𑌰𑌗𑌾𑌃 ।
𑌋𑌷𑌿𑌦𑌾𑌵𑌨𑌦𑍈𑌤𑍍𑌯𑌾𑌶𑍍𑌚𑌗𑌰𑍁𑌤𑍍𑌮𑌂𑌤𑌶𑍍𑌚𑌖𑍇𑌚𑌰𑌾𑌃 ॥ 5 ॥
𑌦𑌦𑍃𑌶𑍁𑌸𑍍𑌤𑍇𑌤𑌦𑌾𑌯𑍁𑌦𑍍𑌧𑌂𑌲𑍋𑌕𑌸𑌮𑍍𑌵𑌰𑍍𑌤𑌸𑌂𑌸𑍍𑌥𑌿𑌤𑌮𑍍 ।
𑌨𑌾𑌨𑌾𑌪𑍍𑌰𑌹𑌰𑌣𑍈𑌰𑍍𑌭𑍀𑌮𑍈𑌶𑍍𑌶𑍂𑌰𑌯𑍋𑌸𑍍𑌸𑌂𑌪𑍍𑌰𑌯𑍁𑌧𑍍𑌯𑌤𑍋𑌃 ॥ 6 ॥
𑌊𑌚𑍁𑌸𑍍𑌸𑍁𑌰𑌾𑌸𑍁𑌰𑌾𑌸𑍍𑌸𑌰𑍍𑌵𑍇𑌤𑌦𑌾𑌵𑌿𑌗𑍍𑌰𑌹𑌮𑌾𑌗𑌤𑌾𑌃 ।
𑌪𑍍𑌰𑍇𑌕𑍍𑌷𑌮𑌾𑌣𑌾𑌮𑌹𑌰𑍍𑌯𑍁𑌦𑍍𑌧𑌂𑌵𑌾𑌕𑍍𑌯𑌂𑌭𑌕𑍍𑌤𑍍𑌯𑌾𑌪𑍍𑌰𑌹𑍃𑌷𑍍𑌟𑌵𑌤𑍍 ॥ ॥
𑌦𑌶𑌗𑍍𑌰𑍀𑌵𑌂𑌜𑌯𑍇𑌤𑍍𑌯𑌾𑌹𑍁𑌰𑌸𑍁𑌰𑌾𑌃𑌸𑌮𑌵𑌸𑍍𑌥𑌿𑌤𑌾𑌃 ।
𑌦𑍇𑌵𑌾𑌰𑌾𑌮𑌮𑌵𑍋𑌚𑌂𑌸𑍍𑌤𑍇𑌤𑍍𑌵𑌂𑌜𑌯𑍇𑌤𑌿𑌪𑍁𑌨𑌃𑌪𑍁𑌨𑌃 ॥ ॥
𑌏𑌤𑌸𑍍𑌮𑌿𑌨𑍍𑌨𑌂𑌤𑌰𑍇𑌕𑍍𑌰𑍋𑌧𑌾𑌦𑍍𑌰𑌾𑌘𑌵𑌸𑍍𑌯 𑌸 𑌰𑌾𑌵𑌣𑌃 ।
𑌪𑍍𑌰𑌹𑌰𑍍𑌤𑍁𑌕𑌾𑌮𑍋𑌦𑍁𑌷𑍍𑌟𑌾𑌤𑍍𑌮𑌾𑌸𑍍𑌪𑍃𑌶𑌨𑍍 𑌪𑍍𑌰𑌹𑌰𑌣𑌂𑌮𑌹𑌤𑍍 ॥ ॥
𑌵𑌜𑍍𑌰𑌸𑌾𑌰𑌂𑌮𑌹𑌾𑌨𑌾𑌦𑌂𑌸𑌰𑍍𑌵𑌶𑌤𑍍𑌰𑍁𑌨𑌿𑌬𑌰𑍍𑌹𑌣𑌮𑍍 ।
𑌶𑍈𑌲𑌶𑍃𑌂𑌗𑌨𑌿𑌭𑍈𑌃𑌕𑍂𑌟𑍈𑌶𑍍𑌚𑌿𑌤𑍍𑌤𑌦𑍃𑌷𑍍𑌟𑌿𑌭𑌯𑌾𑌵𑌹𑌮𑍍 ॥ 10 ॥
𑌸𑌧𑍂𑌮𑌮𑌿𑌵𑌤𑍀𑌕𑍍𑌷𑍍𑌣𑌾𑌗𑍍𑌰𑌂𑌯𑍁𑌗𑌾𑌂𑌤𑌾𑌗𑍍𑌨𑌿𑌚𑌮𑍋𑌪𑌮𑌮𑍍 ।
𑌅𑌤𑌿𑌰𑍌𑌦𑍍𑌰𑌮𑌨𑌾𑌸𑌾𑌦𑍍𑌯𑌂𑌕𑌾𑌲𑍇𑌨𑌾𑌪𑌿𑌦𑍁𑌰𑌾𑌸𑌦𑌮𑍍 ॥ 11 ॥
𑌤𑍍𑌰𑌾𑌸𑌨𑌂𑌸𑌰𑍍𑌵𑌭𑍂𑌤𑌾𑌨𑌾𑌂𑌦𑌾𑌰𑌣𑌂𑌭𑍇𑌦𑌨𑌂𑌤𑌥𑌾 ।
𑌪𑍍𑌰𑌦𑍀𑌪𑍍𑌤𑌮𑌿𑌵𑌰𑍋𑌷𑍇𑌣𑌶𑍂𑌲𑌂𑌜𑌗𑍍𑌰𑌾𑌹𑌰𑌾𑌵𑌣𑌃 ॥ 12 ॥
𑌤𑌚𑍍𑌛𑍂𑌲𑌂𑌪𑌰𑌮𑌕𑍍𑌰𑍁𑌦𑍍𑌧𑍋𑌮𑌧𑍍𑌯𑍇𑌜𑌗𑍍𑌰𑌾𑌹𑌵𑍀𑌰𑍍𑌯𑌵𑌾𑌨𑍍 ।
𑌅𑌨𑍇𑌕𑍈𑌃𑌸𑌮𑌰𑍇𑌶𑍍𑌶𑍂𑌰𑍈𑌰𑌾𑌕𑍍𑌷𑌸𑍈𑌃𑌪𑌰𑌿𑌵𑌾𑌰𑌿𑌤𑌃 ॥ 13 ॥
𑌸𑌮𑍁𑌦𑍍𑌯𑌮𑍍𑌯𑌮𑌹𑌾𑌕𑌾𑌯𑍋𑌨𑌨𑌾𑌦𑌯𑍁𑌧𑌿𑌭𑍈𑌰𑌵𑌮𑍍 ।
𑌸𑌂𑌰𑌕𑍍𑌤𑌨𑌯𑌨𑍋𑌰𑍋𑌷𑌾𑌤𑍍𑌸𑍍𑌵𑌸𑍈𑌨𑍍𑌯𑌮𑌭𑌿𑌹𑌰𑍍𑌷𑌯𑌨𑍍 ॥ 14 ॥
𑌪𑍃𑌥𑌿𑌵𑍀𑌂𑌚𑌾𑌂𑌤𑌰𑌿𑌕𑍍𑌷𑌂 𑌚 𑌦𑌿𑌶𑌶𑍍𑌚𑌪𑍍𑌰𑌦𑌿𑌶𑌸𑍍𑌤𑌥𑌾 ।
𑌪𑍍𑌰𑌾𑌕𑌂𑌪𑌯𑌤𑍍𑌤𑌦𑌾𑌶𑌬𑍍𑌦𑍋𑌰𑌾𑌕𑍍𑌷𑌸𑍇𑌂𑌦𑍍𑌰𑌸𑍍𑌯𑌦𑌾𑌰𑍁𑌣𑌃 ॥ 15 ॥
𑌅𑌤𑌿𑌨𑌾𑌦𑌸𑍍𑌯𑍍𑌯𑌦𑌾𑌨𑍇𑌨𑌤𑍇𑌨𑌤𑌸𑍍𑌯𑌦𑍁𑌰𑌾𑌤𑍍𑌮𑌨𑌃 ।
𑌸𑌰𑍍𑌵𑌭𑍂𑌤𑌾𑌨𑌿𑌵𑌿𑌤𑍍𑌰𑍇𑌸𑍁𑌸𑍍𑌸𑌾𑌗𑌰𑌶𑍍𑌚𑌪𑍍𑌰𑌚𑍁𑌕𑍍𑌷𑍁𑌭𑍇 ॥ 16 ॥
𑌸 𑌗𑍃𑌹𑍀𑌤𑍍𑌵𑌾𑌮𑌹𑌾𑌵𑍀𑌰𑍍𑌯𑌶𑍍𑌶𑍂𑌲𑌂𑌤𑌦𑍍𑌰𑌾𑌵𑌣𑍋𑌮𑌹𑌤𑍍 ।
𑌵𑌿𑌨𑌦𑍍𑌯𑌸𑍁𑌮𑌹𑌾𑌨𑌾𑌦𑌂𑌰𑌾𑌮𑌂𑌪𑌰𑍁𑌷𑌮𑌬𑍍𑌰𑌵𑍀𑌤𑍍 ॥ 1 ॥
𑌶𑍂𑌲𑍋𑌽𑌯𑌂𑌵𑌜𑍍𑌰𑌸𑌾𑌰𑌸𑍍𑌤𑍇𑌰𑌾𑌮𑌰𑍋𑌷𑌾𑌨𑍍𑌮𑌯𑍋𑌦𑍍𑌯𑌤𑌃 ।
𑌤𑌵𑌭𑍍𑌰𑌾𑌤𑍃𑌸𑌹𑌾𑌯𑌸𑍍𑌯𑌸𑌮𑍍𑌯𑌕𑍍 𑌪𑍍𑌰𑌾𑌣𑌾𑌨𑍍 𑌹𑌰𑌿𑌷𑍍𑌯𑌤𑌿 ॥ 1 ॥
𑌰𑌕𑍍𑌷𑌸𑌾𑌮𑌦𑍍𑌯𑌶𑍂𑌰𑌾𑌣𑌾𑌂𑌨𑌿𑌹𑌤𑌾𑌨𑌾𑌂𑌚𑌮𑍂𑌮𑍁𑌖𑍇 ।
𑌤𑍍𑌵𑌾𑌂𑌨𑌿𑌹𑌤𑍍𑌯𑌰𑌣𑌶𑍍𑌲𑌾𑌘𑍀𑌕𑌰𑍋𑌮𑌿𑌤𑌰𑌸𑌾𑌸𑌮𑌮𑍍 ॥ 1 ॥
𑌤𑌿𑌷𑍍𑌠𑍇𑌦𑌾𑌨𑍀𑌂𑌨𑌿𑌹𑌮𑌨𑌿𑌤𑍍𑌵𑌾𑌮𑍇𑌷𑌶𑍂𑌲𑍇𑌨𑌰𑌾𑌘𑌵 ।
𑌏𑌵𑌮𑍁𑌕𑍍𑌤𑍍𑌵𑌾 𑌸 𑌚𑌿𑌕𑍍𑌷𑍇𑌪𑌤𑌚𑍍𑌛𑍂𑌲𑌂𑌰𑌾𑌕𑍍𑌷𑌸𑌾𑌧𑌿𑌪𑌃 ॥ 20 ॥
𑌤𑌦𑍍𑌰𑌾𑌵𑌣𑌕𑌰𑌾𑌨𑍍𑌮𑍁𑌕𑍍𑌤𑌂𑌵𑌿𑌦𑍍𑌯𑍁𑌨𑍍𑌮𑌾𑌲𑌾𑌸𑌮𑌾𑌵𑍃𑌤𑌮𑍍 ।
𑌅𑌷𑍍𑌟𑌘𑌂𑌟𑌂𑌮𑌹𑌾𑌨𑌾𑌦𑌂𑌵𑌿𑌯𑌦𑍍𑌗𑌤𑌮𑌶𑍋𑌭𑌤 ॥ 21 ॥
𑌤𑌚𑍍𑌛𑍂𑌲𑌂𑌰𑌾𑌘𑌵𑍋𑌦𑍃𑌷𑍍𑌟𑌵𑌾𑌜𑍍𑌵𑌲𑌂𑌤𑌂𑌘𑍋𑌰𑌦𑌰𑍍𑌶𑌨𑌮𑍍 ।
𑌸𑌸𑌰𑍍𑌜𑌵𑌿𑌶𑌿𑌖𑌾𑌨𑍍𑌰𑌾𑌮𑌶𑍍𑌚𑌾𑌪𑌮𑌾𑌯𑌮𑍍𑌯𑌵𑍀𑌰𑍍𑌯𑌵𑌾𑌨𑍍 ॥ 22 ॥
𑌆𑌪𑌤𑌂𑌤𑌂𑌶𑌰𑍌𑌘𑍇𑌣𑌵𑌾𑌰𑌯𑌾𑌮𑌾𑌸𑌰𑌾𑌘𑌵𑌃 ।
𑌉𑌤𑍍𑌪𑌤𑌂𑌤𑌂𑌯𑍁𑌗𑌾𑌂𑌤𑌾𑌨𑌗𑌿𑌂𑌜𑌲𑍌𑌘𑍈𑌰𑌿𑌵𑌵𑌾𑌸𑌵𑌃 ॥ 23 ॥
𑌨𑌿𑌰𑍍𑌦𑌦𑌾𑌹 𑌸 𑌤𑌾𑌨𑍍𑌬𑌾𑌣𑌾𑌨𑍍𑌰𑌾𑌮𑌕𑌾𑌰𑍍𑌮𑍁𑌕𑌨𑌿𑌃𑌸𑍃𑌤𑌾𑌨𑍍 ।
𑌰𑌾𑌵𑌣𑌸𑍍𑌯𑌮𑌹𑌾𑌨𑍍 𑌶𑍂𑌲𑌃𑌪𑌤𑌂𑌗𑌾𑌨𑌿𑌵𑌪𑌾𑌵𑌕𑌃 ॥ 24 ॥
𑌤𑌾𑌂𑌦𑍃𑌷𑍍𑌟𑌵𑌾𑌭𑌸𑍍𑌮𑌸𑌾𑌦𑍍𑌭𑍂𑌤𑌾𑌨𑍍𑌶𑍂𑌲𑌸𑌮𑍍𑌸𑍍𑌪𑌰𑍍𑌶𑌚𑍂𑌰𑍍𑌣𑌿𑌤𑌾𑌨𑍍 ।
𑌸𑌾𑌯𑌕𑌾𑌨𑌂𑌤𑌰𑌿𑌕𑍍𑌷𑌸𑍍𑌥𑌾𑌨𑍍 𑌰𑌾𑌘𑌵𑌃𑌕𑍍𑌰𑍋𑌧𑌮𑌾𑌹𑌰𑌤𑍍 ॥ 25 ॥
𑌸 𑌤𑌾𑌂𑌮𑌾𑌤𑌲𑌿𑌨𑌾𑌨𑍀𑌤𑌾𑌂𑌶𑌕𑍍𑌤𑌿𑌂𑌵𑌾𑌸𑌵𑌸𑌮𑍍𑌮𑌤𑌾𑌮𑍍 ।
𑌜𑌗𑍍𑌰𑌾𑌹𑌪𑌰𑌮𑌕𑍍𑌰𑍁𑌦𑍍𑌧𑍋𑌰𑌾𑌘𑌵𑍋𑌰𑌘𑍁𑌨𑌂𑌦𑌨𑌃 ॥ 26 ॥
𑌸𑌾𑌤𑍋𑌲𑌿𑌤𑌾𑌬𑌲𑌵𑌤𑌾𑌶𑌕𑍍𑌤𑌿𑌰𑍍𑌘𑌂𑌟𑌾𑌕𑍃𑌤𑌸𑍍𑌵𑌨𑌾 ।
𑌨𑌭𑌃𑌪𑍍𑌰𑌜𑍍𑌵𑌾𑌲𑌯𑌾𑌮𑌾𑌸𑌯𑍁𑌗𑌾𑌂𑌤𑍋𑌲𑍍𑌕𑍇𑌵𑌸𑌪𑍍𑌰𑌭𑌾 ॥ 2 ॥
𑌸𑌾𑌕𑍍𑌷𑌿𑌪𑍍𑌤𑌾𑌰𑌾𑌕𑍍𑌷𑌸𑍇𑌂𑌦𑍍𑌰𑌸𑍍𑌯𑌤𑌸𑍍𑌮𑌿𑌨𑍍𑌕𑍂𑌲𑍇𑌪𑌪𑌾𑌤 𑌹 ।
𑌭𑌿𑌨𑍍𑌨𑌃𑌶𑌕𑍍𑌤𑍍𑌯𑌾𑌮𑌹𑌾𑌨𑍍 𑌶𑍂𑌲𑍋𑌨𑌿𑌪𑌪𑌾𑌤𑌹𑌤𑌦𑍍𑌯𑍁𑌤𑌿𑌃 ॥ 2 ॥
𑌨𑌿𑌰𑍍𑌭𑌿𑌭𑍇𑌦𑌤𑌤𑍋𑌬𑌾𑌣𑍈𑌰𑍍𑌹𑌯𑌾𑌨𑌸𑍍𑌯𑌮𑌹𑌾𑌜𑌵𑌾𑌨𑍍 ।
𑌰𑌾𑌮𑌸𑍍𑌤𑍍𑌰𑍀𑌕𑍍𑌷𑍍𑌣𑍈𑌰𑍍𑌮𑌹𑌾𑌵𑍇𑌗𑍈𑌰𑍍𑌭𑌾𑌣𑌵𑌦𑍍𑌭𑌿𑌰𑌜𑌿𑌹𑍍𑌮𑌗𑍈𑌃 ॥ 2 ॥
𑌨𑌿𑌰𑍍𑌬𑌿𑌭𑍇𑌦𑍋𑌰𑌪𑌿𑌤𑌦𑌾𑌰𑌾𑌵𑌣𑌂𑌨𑌿𑌶𑌿𑌤𑍈𑌶𑍍𑌶𑌰𑍈𑌃 ।
𑌰𑌾𑌘𑌵𑌃𑌪𑌰𑌮𑌾𑌯𑌤𑍍𑌤𑍋𑌲𑌲𑌾𑌟𑍇𑌪𑌤𑍍𑌰𑌤𑌿𑌭𑌿𑌸𑍍𑌤𑍍𑌰𑌿𑌭𑌿𑌃 ॥ 30 ॥
𑌸 𑌶𑌰𑍈𑌰𑍍𑌭𑌿𑌨𑍍𑌨𑌸𑌰𑍍𑌵𑌾𑌂𑌗𑍋𑌗𑌾𑌤𑍍𑌰𑌪𑍍𑌰𑌸𑍃𑌤𑌶𑍋𑌣𑌿𑌤𑌃 ।
𑌰𑌾𑌕𑍍𑌷𑌸𑍇𑌂𑌦𑍍𑌰𑌸𑍍𑌸𑌮𑍂𑌹𑌸𑍍𑌥𑌃𑌫𑍁𑌲𑍍𑌲𑌾𑌶𑍋𑌕𑍈𑌵𑌾𑌬𑌭𑍌 ॥ 31 ॥
𑌸 𑌰𑌾𑌮𑌬𑌾𑌣𑍈𑌰𑌤𑌿𑌵𑌿𑌦𑍍𑌧𑌗𑌾𑌤𑍍𑌰𑍋𑌨𑌿𑌶𑌾𑌚𑌰𑍇𑌂𑌦𑍍𑌰𑌃𑌕𑍍𑌷𑌤𑌜𑌾𑌰𑍍𑌦𑍍𑌰𑌗𑌾𑌤𑍍𑌰𑌃 ।
𑌜𑌗𑌾𑌮𑌖𑍇𑌦𑌂 𑌚 𑌸𑌮𑌾𑌜𑌮𑌧𑍍𑌯𑍇𑌕𑍍𑌰𑍋𑌧𑌂 𑌚 𑌚𑌕𑍍𑌰𑍇𑌸𑍁𑌭𑍃𑌶𑌂𑌤𑌦𑌾𑌨𑍀𑌮𑍍 ॥ 32 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌚𑌤𑍁𑌰𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ॥
