ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଷଟ୍ଚତ୍ଵାରିଂଶସ୍ସର୍ଗଃ ।
ତତୋଦ୍ୟାଂପୃଥିଵୀଂଚୈଵଵୀକ୍ଷମାଣାଵନୌକସଃ ।
ଦଦୃଶୁଃସଂତତୌବାଣୈର୍ଭ୍ରାତରୌରାମଲକ୍ଷ୍ମଣୌ ॥ 1 ॥
ଵୃଷ୍ଟଵେଵୋପରତେଦେଵେକୃତକର୍ମଣିରାକ୍ଷସେ ।
ଆଜଗାମାଥତଂଦେଶଂସସୁଗ୍ରୀଵୋଵିଭୀଷଣଃ ॥ 2 ॥
ନୀଲଦ୍ଵିଵିଦମୈଂଦାଶ୍ଚସୁଷେଣଃକୁମୁଦାଂଗଦାଃ ।
ତୂର୍ଣଂହନୁମତାସାର୍ଧମନ୍ଵଶୋଚଂତରାଘଵୌ ॥ 3 ॥
ଅଚେଷ୍ଟୌମଂଦନିଶ୍ଶ୍ଵାସୌଶୋଣିତୌଘପରିପ୍ଲୁତୌ ।
ଶରଜାଲାଚିତୌସ୍ତବ୍ଦୌଶୟାନୌଶରତଲ୍ପୟୋଃ ॥ 4 ॥
ନିଃଶ୍ଵସଂତୌୟଥାସର୍ପୌନିଶ୍ଚେଷ୍ଟୌମଂଦଵିକ୍ରମୌ ।
ରୁଧିରସ୍ରାଦ୍ଵିଗ୍ଧାଂଗୌତାପନୀୟାଵିଵଧ୍ଵଜୌ ॥ 5 ॥
ତୌଵୀରଶୟନେଵୀରୌଶୟାନୌମଂଦଚେଷ୍ଟିତୌ ।
ୟୂଥପୈସ୍ତୈଃ ପରିଵୃତୌବାଷ୍ପଵ୍ୟାକୁଲଲୋଚନୈଃ ॥ 6 ॥
ରାଘଵୌପତିତୌଦୃଷ୍ଟଵାଶରଜାଲସମାଵୃତୌ ।
ବଭୂଵୁର୍ଵେର୍ଵ୍ୟଥିତାସ୍ସର୍ଵେଵାନରାସ୍ସଵିଭୀଷଣାଃ ॥ 7 ॥
ଅଂତରିକ୍ଷଂନିରୀକ୍ଷଂତୋଦିଶସ୍ସର୍ଵାଶ୍ଚଵାନରାଃ ।
ନଚୈନଂମାୟୟାଛନ୍ନଂଦଦୃଶୂରାଵଣିଃରଣେ ॥ 8 ॥
ତଂତୁମାୟାପ୍ରତିଚ୍ଛନ୍ନଂମାୟୟୈଵଵିଭୀଷଣଃ ।
ଵୀକ୍ଷମାଣୋଦଦର୍ଶାଥଭ୍ରାତୁଃପୁତ୍ରମଵସ୍ଥିତମ୍ ॥ 9 ॥
ତମପ୍ରତିକର୍ମାଣମପ୍ରତିଦ୍ଵଂଦ୍ଵମାହଵେ ।
ଦଦର୍ଶାଂତର୍ହିତଂଵୀରଂଵରଦାନାଦ୍ଵିଭୀଷଣଃ ॥ 10 ॥
ତେଜସାୟଶସାଚୈଵଵିକ୍ରମେଣଚସମ୍ୟୁତମ୍ ।
ଇଂଦ୍ରଜିତ୍ତ୍ଵାତ୍ମନଃକର୍ମତୌଶୟାନୌସମୀକ୍ଷ୍ୟଚ ॥ 11 ॥
ଉଵାଚପରମପ୍ରୀତୋହର୍ଷୟନ୍ ସର୍ଵନୈରୃତାନ୍ ।
ଦୂଷଣସ୍ୟଚହଂତାରୌଖରସ୍ୟଚମହାବଲୌ ॥ 12 ॥
ସାଦିତୌମାମକୈର୍ବାଣୈର୍ଭ୍ରାତରୌରାମଲକ୍ଷ୍ମଣୌ ।
ନେମୌମୋକ୍ଷୟିତୁଂଶକ୍ୟାଵେତସ୍ମାଦିଷୁବଂଧନାତ୍ ॥ 13 ॥
ସର୍ଵୈରପିସମାଗମ୍ୟସର୍ଷିସଂଘୈସ୍ସୁରାସୁରୈଃ ।
ୟତ୍କୃତେଚିଂତୟାନସ୍ୟଶୋକାର୍ତସ୍ୟପିତୁର୍ମମ ॥ 14 ॥
ଅସ୍ପୃଷ୍ଟଵାଶୟନଂଗାତ୍ରୈସ୍ତ୍ରିୟାମାୟାତିଶର୍ଵରୀ ।
ତ୍ସ୍ନେୟଂୟତ୍କୃତେଲଂକାନଦୀଵର୍ଷାସ୍ଵିଵାକୁଲା ॥ 15 ॥
ସୋଽୟଂମୂଲହରୋଽନର୍ଥଃସର୍ଵେଷାଂନିହତୋମୟା ।
ରାମସ୍ୟଲକ୍ଷ୍ମଣସ୍ୟୈଵସର୍ଵେଷାଂଚଵନୌକସାମ୍ ।
ଵିକ୍ରମାନିଷ୍ଫଲାଃସର୍ଵେୟଥାଶରଦିତୋୟଦାଃ ॥ 16 ॥
ଏଵମୁକ୍ତ୍ଵାତୁତାନ୍ ସର୍ଵାନ୍ରାକ୍ଷସାନ୍ପରିପାର୍ଶ୍ଵତଃ ॥ 17 ॥
ୟୂଥପାନପିତାନ୍ସର୍ଵାଂସ୍ତାଡୟାମାସରାଵଣିଃ ।
ନୀଲଂନଵଭିରାହତ୍ୟମୈଂଦଂଚଦ୍ଵିଵିଦଂତଥା ॥ 18 ॥
ତ୍ରିଭିସ୍ତ୍ରିଭିରମିତ୍ରଘ୍ନସ୍ତତାପପ୍ରଵରେଷୁଭିଃ ।
ଜାଂବଵଂତଂମହେଷ୍ଵାସୋଵିଦ୍ ଧ୍ଵାବାଣେନଵକ୍ଷସି ॥ 19 ॥
ହନୂମତୋଵେଗଵତୋଵିସସର୍ଜଶରାଂଦଶ ।
ଗଵାକ୍ଷଂଶରଭଂଚୈଵଦ୍ଵାଵପ୍ୟମିତତେଜସୌ ॥ 20 ॥
ଦ୍ଵାଭ୍ୟାଂଦ୍ଵାଭ୍ୟାଂମହାଵେଗୋଵିଵ୍ୟାଧୟୁଧିରାଵଣିଃ ।
ଗୋଲାଂଗୂଲେଶ୍ଵରଂଚୈଵଵାଲିପୁତ୍ରମଥାଂଗଦମ୍ ॥ 21 ॥
ଵିଵ୍ୟାଧବହୁଭିର୍ବାଣୈସ୍ତ୍ଵରମାଣୋଽଥରାଵଣିଃ ।
ତାନ୍ଵାନରଵରାନ୍ଭିତ୍ତ୍ଵାଶରୈରଗ୍ନିଶିଖୋପମୈଃ ॥ 22 ॥
ନନାଦବଲଵାଂସ୍ତତ୍ରମହାସତ୍ତ୍ଵସ୍ସରାଵଣିଃ ।
ତାନର୍ଧୟିତ୍ଵାବାଣୌଘୈସ୍ତ୍ରାସୟିତ୍ଵାଚଵାନରାନ୍ ॥ 23 ॥
ପ୍ରଜହାସମହାବାହୁର୍ଵଚନଂଚେଦମବ୍ରଵୀତ୍ ।
ଶରଶବ୍ଦେନଘୋରେଣମୟାବଦ୍ଧୌଚମୂମୁଖେ ॥ 24 ॥
ସହିତୌଭ୍ରାତରଵେତୌନିଶାମୟତରାକ୍ଷସାଃ ।
ଏଵମୁକ୍ତାସ୍ତୁତେସର୍ଵେରାକ୍ଷସାଃକୂଟୟୋଧିନଃ ॥ 25 ॥
ପରଂଵିସ୍ମୟାମାଜଗ୍ମୁଃକର୍ମଣାତେନହର୍ଷିତାଃ ।
ଵିନେଦୁଶ୍ଚମହାନାଦାନ୍ ସର୍ଵେତେଜଲଦୋପମାଃ ॥ 26 ॥
ହତୋ ରାମ;ଇତି ଜ୍ନାତ୍ଵା ରାଵଣିଂ ସମପୂଜୟନ୍ ।
ନିଷ୍ପଂଦୌ ତୁ ତଦା ଦୃଷ୍ଟ୍ଵା ତାଵ୍ ଉଭୌ ରାମ ଲକ୍ଷ୍ମଣୌ ॥ 27 ॥
ଵସୁଧାୟାଂ ନିରୁଚ୍ଚ୍ଵାସୌ ହତାଵ୍ ଇତ୍ୟ୍ ଅନ୍ଵମନ୍ୟତ ।
ହର୍ଷେଣ ତୁ ସମାଵିଷ୍ଟ;ଇଂଦ୍ରଜିତ୍ ସମିତିଂ ଜୟଃ ॥ 28 ॥
ପ୍ରଵିଵେଶପୁରୀଂଲଂକାଂହର୍ଷୟନ୍ ସର୍ଵନୈର୍ଵୃତାନ୍ ।
ରାମଲକ୍ଷ୍ମଣୟୋର୍ଦୃଷ୍ଟଵାଶରୀରେସାୟକୈଶ୍ଚିତେ ॥ 29 ॥
ସର୍ଵାଣିଚାଂଗୋପାଂଗାନିସୁଗ୍ରୀଵଂଭୟମାଵିଶତ୍ ।
ପର୍ୟଵସ୍ଥାପୟାତ୍ମାନମନାଥଂମାଂଚଵାନର ॥ 30 ॥
ସତ୍ୟଧର୍ମାଭିରକ୍ତାନାଂନାସ୍ତିମୃତ୍ୟୁକୃତଂଭୟମ୍ ।
ଏଵମୁକ୍ତ୍ଵାତତସ୍ତସ୍ୟଜଲକ୍ଲନ୍ନେନପାଣିନା ॥ 31 ॥
ସୁଗ୍ରୀଵସ୍ୟଶୁଭେନେତ୍ରେପ୍ରମମାର୍ଜଵିଭୀଷଣଃ ।
ତତସ୍ସଲିଲମାଦାୟଵିଦ୍ୟୟାପରିଜପ୍ୟଚ ॥ 32 ॥
ସୁଗ୍ରୀଵନେତ୍ରେଧର୍ମାତ୍ମାସମମାର୍ଜଵିଭୀଷଣଃ ।
ଵିମୃଜ୍ୟଵଦନଂତସ୍ୟକପିରାଜସ୍ୟଧୀମତଃ ॥ 33 ॥
ଅବ୍ରଵୀତ୍କାଲସଂପ୍ରାପ୍ତସଂଭ୍ରାଂତମିଦଂଵଚଃ ।
ନକାଲଃକପିରାଜେଂଦ୍ରଵୈକ୍ଲବ୍ୟମଵଲଂବିତୁମ୍ ॥ 34 ॥
ଅତିସ୍ନେହୋଽପ୍ୟକାଲେଽସ୍ମିନ୍ମରଣାୟୋପକଲ୍ପତେ ।
ତସ୍ମାଦୁତ୍ସୃଜ୍ୟଵୈକ୍ଲବ୍ୟଂସର୍ଵକାର୍ୟଵିନାଶନମ୍ ॥ 35 ॥
ହିତଂରାମପୁରୋଗଣାଂସୈନ୍ୟାନାନୁଚିଂତ୍ୟତାମ୍ ।
ଅଥଵାରକ୍ଷ୍ୟତାଂରାମୋୟାଵତ୍ସଂଜ୍ଞାଵିପର୍ୟୟଃ ॥ 36 ॥
ଲବ୍ଧସଂଜ୍ଞୌହିକାକୁତ୍ସ୍ଥୌଭୟଂନୌଵ୍ୟପନେଷ୍ୟତଃ ।
ନୈତତ୍କିଂଚନରାମସ୍ୟନଚରାମୋମୁମୂର୍ଷତି ॥ 37 ॥
ନହ୍ୟେନଂହାସ୍ୟତେଲକ୍ଷ୍ମୀଦ୍ଦୁର୍ଲଭାୟାଗତାୟୁଷାମ୍ ।
ତସ୍ମାଦାଶ୍ଵାସୟାତ୍ମାନଂବଲଂଚାଶ୍ଵାସୟସ୍ଵକମ୍ ॥ 38 ॥
ୟାଵତ୍କାର୍ୟାଣିସର୍ଵାଣିପୁନଃସଂସ୍ଥାପୟାମ୍ୟହମ୍ ।
ଏତେହିଫୁଲ୍ଲନୟନାସ୍ତ୍ରାସାଦାଗତସାଧ୍ଵସାଃ ॥ 39 ॥
କର୍ଣେକର୍ଣେପ୍ରକଥିତାହରୟୋହରିସତ୍ତମ ।
ମାଂତୁଦୃଷ୍ଟଵାପ୍ରଧାଵଂତମନୀକଂସଂପ୍ରହର୍ଷିତୁମ୍ ॥ 40 ॥
ତ୍ୟଜସ୍ତୁହରୟସ୍ତ୍ରାସଂଭୁକ୍ତପୂର୍ଵାମିଵସ୍ରଜମ୍ ।
ସମାଶ୍ଵାସ୍ୟତୁସୁଗ୍ରୀଵଂରାକ୍ଷସେଂଦ୍ରୋଵିଭୀଷଣଃ ॥ 41 ॥
ଵିଦ୍ରୁତଂଵାନରାନୀକଂତତ୍ସମାଶ୍ଵାସୟତ୍ପୁନଃ ।
ଇଂଦ୍ରଜିତ୍ତୁମହାମାୟଃସର୍ଵସୈନ୍ୟସମାଵୃତଃ ॥ 42 ॥
କର୍ଣେ କର୍ଣେ ପ୍ରକଥିତା ହରୟୋ ହରି ପୁମ୍ଗଵ ।
ମାଂ ତୁ ଦୃଷ୍ଟ୍ଵା ପ୍ରଧାଵଂତଂ ଅନୀକଂ ସଂପ୍ରହର୍ଷିତୁମ୍ ॥ 43 ॥
ଆଚଚକ୍ଷେପ୍ରିୟଂପିତ୍ରେନିହତୌରାମଲକ୍ଷ୍ମଣୌ ।
ଉତ୍ପପାତତତୋହୃଷ୍ଟଃପୁତ୍ରଂଚପରିଷସ୍ଵଜେ ॥ 44 ॥
ରାଵଣୋରକ୍ଷସାଂମଧ୍ୟେଶ୍ରୁତ୍ଵାଶତ୍ରୂନିପାତିତୌ ।
ଉପାଘ୍ରାୟଚତଂମୂଦ୍ ର୍ନେନଂପପ୍ରଚ୍ଛପ୍ରୀତମାନସଃ ॥ 45 ॥
ପୃଚ୍ଛତେଚୟଥାଵୃତ୍ତଂପିତ୍ରେତସ୍ମୈସର୍ଵଂନ୍ୟଵେଦୟତ୍ ।
ୟଥାତୌଶରବଂଧେନନିଶ୍ଚେଷ୍ଟୌନିଷ୍ପ୍ରଭୌକୃତୌ ॥ 46 ॥
ସହର୍ଷଵେଗାନୁଗତାଂତରାତ୍ମାଶ୍ରୁତ୍ଵାଵଚସ୍ତସ୍ୟମହାରଥସ୍ୟ ।
ଜହୌଜ୍ଵରଂଦାଶରଥେଃସମୁତ୍ଥିତଂପ୍ରହୃଷ୍ୟଵାଚାଽଭିନନଂଦପୁତ୍ରମ୍ ॥ 47 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଷଟ୍ଚତ୍ଵାରିଂଶସ୍ସର୍ଗଃ ॥
