శ్రీమద్వాల్మీకీయ రామాయణే యుద్ధకాండమ్ ।
అథ షడధికశతతమస్సర్గః ।
సతుమోహాత్సుసంక్రుద్ధఃకృతాంతబలచోదితః ।
క్రోధసంరక్తనయనోరావణంసూతమబ్రవీత్ ॥ 1 ॥
హీనవీర్యమివాశక్తంపౌరుషేణవివర్జితమ్ ।
భీరుంలఘుమివాసత్త్వంవిహీనమివతేజసా ॥ 2 ॥
విముక్తమివమాయాభిరస్త్రైరివబహిష్కృతమ్ ।
మామవజ్ఞాయదుర్బుద్ధేస్వయాబుద్ధ్యావిచేష్టసే ॥ 3 ॥
కిమర్థంమామవజ్ఞాయమచ్ఛందమనవేక్ష్య చ ।
త్వయాశత్రుసమక్షంమేరథోఽయమపవాహితః ॥ 4 ॥
త్వయాద్యహిమమానార్య చిరకాలసమార్జితమ్ ।
యశోవీర్యం చ తేజశ్చప్రత్యయశ్చవినాశితః ॥ 5 ॥
ప్రఖ్యాతవీర్యస్యరంజనీయస్యవిక్రమైః ।
పశ్యతోయుద్ధలుబ్ధోఽహంకృతంకాపురుషస్త్వయా ॥ 6 ॥
యస్త్వంరథమిదంమోహాన్నచేద్వహసిదుర్మతే ।
సత్యోఽప్రతితర్కోమేపరేణత్వముపస్కృతః ॥ 7 ॥
న హితద్విద్యతేకర్మసుహృదోహితకాంక్షిణః ।
రిపూణాంసదృశంత్వేతద్యతత్త్వయైతదనుష్ఠితమ్ ॥ 8 ॥
నివర్తయరథంశీఘ్రంయావన్నాపైతిమేరిపుః ।
యదివాధ్యుషితోఽసిత్వంస్మర్యతేయదిమేగుణః ॥ 9 ॥
ఏవంపురుషముక్తస్తుహితబుద్ధిబుద్ధినా ।
అబ్రవీద్రావణంసూతోహితంసానునయంవచః ॥ 10 ॥
న భీతోఽస్మి న మూఢోఽస్మినోపజప్తోఽస్మిశత్రుభిః ।
న ప్రమత్తో న నిఃస్నేహోవిస్మృతా న చ సత్క్రియా ॥ 11 ॥
మయాతుహితకామేవయశశ్చపరిరక్షతా ।
స్నేహప్రసన్నమనసాహితమిత్యప్రియంకృతమ్ ॥ 12 ॥
నాస్మిన్నర్థేమహారాజ త్వంమాంప్రియహితేరతమ్ ।
కశ్చిల్లఘురివానార్యోదోషతోగంతుమర్హసి ॥ 13 ॥
పరితుష్టః స రామస్య తేన వాక్యేన మాతలిః ।
ప్రచోదయామాస రథన్ సురసారథిసత్తమః ॥ 14 ॥
శ్రమంతవావగచ్ఛామిమహతారణకర్మణా ।
న హితేవీర్యసౌముఖ్యంప్రకర్షంవోపధారయే ॥ 15 ॥
రథోద్వహనఖిన్నాశ్చభగ్నామేరథవాజినః ।
దీనాఘర్మపరిశ్రాంతాగావోవర్షహతాఇవ ॥ 16 ॥
నిమిత్తాని చ భూయిష్ఠంయానిప్రాదుర్భవంతినః ।
తేషుతేష్వభిపన్నేషులక్ష్యామ్యప్రదక్షిణమ్ ॥ 17 ॥
దేశకాలౌ చ విజ్ఞేయౌలక్షణానీంగితాని చ ।
దైన్యంహర్షశ్చఖేదశ్చరథినశ్చబలాబలమ్ ॥ 18 ॥
స్థలనిమ్నానిభూమేశ్చసమానివిషమాణి చ ।
యుద్ధకాలశ్చవిజ్ఞేయఃపరస్యాంతరదర్శనమ్ ॥ 19 ॥
ఉపయానాపయానే చ స్థానంప్రత్యపసర్పణమ్ ।
సర్వమేతద్రథస్థేనజ్ఞేయంరథకుటుంభినా ॥ 20 ॥
తవవిశ్రామహేతోస్తుతథైషాంరథవాజినామ్ ।
రౌద్రంవర్జయతాఖేదంక్షమంకృతమిదంమయా ॥ 21 ॥
స్వేచ్ఛయాన మయావీరరథోఽయమపవాహితః ।
భర్తృస్నేహపరీతేనమయేదంయత్కృతంప్రభో ॥ 22 ॥
ఆజ్ఞాపయయథాతత్త్వంవక్ష్యస్యరినిషూదన ।
తత్కరిష్యామ్యహంవీరగతానృణ్యేనచేతసా ॥ 23 ॥
సంతుష్టస్తేనవాక్యేనరావణస్తస్యసారథేః ।
ప్రశస్యైనంబహువిధంయుద్ధలుబ్ధోఽబ్రవీదిదమ్ ॥ 24 ॥
రథంశీఘ్రమిదంసూతరాఘవాభిముఖంనయ ।
నాహత్వాసమరేశత్రూన్నివర్తిష్యతిరావణః ॥ 25 ॥
ఏవముక్త్వాతతస్తుష్టోరావణోరాక్షసేశ్వరః ।
దదౌతస్యశుభంహ్యేకంహస్తాభరణముత్తమమ్ ॥ 26 ॥
శ్రుత్వారావణవాక్యానిసారథిస్సన్యవర్తత ।
తతోద్రుతంరావణవాక్యచోదితఃప్రచోదయామాసహయాన్ససారథిః ।
స రాక్షసేంద్రస్య తతో మహారథఃక్షణేనరామస్యరథాగ్రతోఽభవత్ ॥ 27 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే షడధికశతతమస్సర్గః ॥
