śrīmadvālmīkīya rāmāyaṇē yuddhakāṇḍam ।
atha ṣaḍadhikaśatatamassargaḥ ।
satumōhātsusaṅkruddhaḥkṛtāntabalachōditaḥ ।
krōdhasaṃraktanayanōrāvaṇaṃsūtamabravīt ॥ 1 ॥
hīnavīryamivāśaktampauruṣēṇavivarjitam ।
bhīruṃlaghumivāsattvaṃvihīnamivatējasā ॥ 2 ॥
vimuktamivamāyābhirastrairivabahiṣkṛtam ।
māmavajñāyadurbuddhēsvayābuddhyāvichēṣṭasē ॥ 3 ॥
kimarthammāmavajñāyamachChandamanavēkṣya cha ।
tvayāśatrusamakṣammērathō'yamapavāhitaḥ ॥ 4 ॥
tvayādyahimamānārya chirakālasamārjitam ।
yaśōvīryaṃ cha tējaśchapratyayaśchavināśitaḥ ॥ 5 ॥
prakhyātavīryasyarañjanīyasyavikramaiḥ ।
paśyatōyuddhalubdhō'haṅkṛtaṅkāpuruṣastvayā ॥ 6 ॥
yastvaṃrathamidammōhānnachēdvahasidurmatē ।
satyō'pratitarkōmēparēṇatvamupaskṛtaḥ ॥ 7 ॥
na hitadvidyatēkarmasuhṛdōhitakāṅkṣiṇaḥ ।
ripūṇāṃsadṛśantvētadyatattvayaitadanuṣṭhitam ॥ 8 ॥
nivartayarathaṃśīghraṃyāvannāpaitimēripuḥ ।
yadivādhyuṣitō'sitvaṃsmaryatēyadimēguṇaḥ ॥ 9 ॥
ēvampuruṣamuktastuhitabuddhibuddhinā ।
abravīdrāvaṇaṃsūtōhitaṃsānunayaṃvachaḥ ॥ 10 ॥
na bhītō'smi na mūḍhō'sminōpajaptō'smiśatrubhiḥ ।
na pramattō na niḥsnēhōvismṛtā na cha satkriyā ॥ 11 ॥
mayātuhitakāmēvayaśaśchaparirakṣatā ।
snēhaprasannamanasāhitamityapriyaṅkṛtam ॥ 12 ॥
nāsminnarthēmahārāja tvammāmpriyahitēratam ।
kaśchillaghurivānāryōdōṣatōgantumarhasi ॥ 13 ॥
parituṣṭaḥ sa rāmasya tēna vākyēna mātaliḥ ।
prachōdayāmāsa rathan surasārathisattamaḥ ॥ 14 ॥
śramantavāvagachChāmimahatāraṇakarmaṇā ।
na hitēvīryasaumukhyamprakarṣaṃvōpadhārayē ॥ 15 ॥
rathōdvahanakhinnāśchabhagnāmērathavājinaḥ ।
dīnāgharmapariśrāntāgāvōvarṣahatāiva ॥ 16 ॥
nimittāni cha bhūyiṣṭhaṃyāniprādurbhavantinaḥ ।
tēṣutēṣvabhipannēṣulakṣyāmyapradakṣiṇam ॥ 17 ॥
dēśakālau cha vijñēyaulakṣaṇānīṅgitāni cha ।
dainyaṃharṣaśchakhēdaścharathinaśchabalābalam ॥ 18 ॥
sthalanimnānibhūmēśchasamāniviṣamāṇi cha ।
yuddhakālaśchavijñēyaḥparasyāntaradarśanam ॥ 19 ॥
upayānāpayānē cha sthānampratyapasarpaṇam ।
sarvamētadrathasthēnajñēyaṃrathakuṭumbhinā ॥ 20 ॥
tavaviśrāmahētōstutathaiṣāṃrathavājinām ।
raudraṃvarjayatākhēdaṅkṣamaṅkṛtamidammayā ॥ 21 ॥
svēchChayāna mayāvīrarathō'yamapavāhitaḥ ।
bhartṛsnēhaparītēnamayēdaṃyatkṛtamprabhō ॥ 22 ॥
ājñāpayayathātattvaṃvakṣyasyariniṣūdana ।
tatkariṣyāmyahaṃvīragatānṛṇyēnachētasā ॥ 23 ॥
santuṣṭastēnavākyēnarāvaṇastasyasārathēḥ ।
praśasyainambahuvidhaṃyuddhalubdhō'bravīdidam ॥ 24 ॥
rathaṃśīghramidaṃsūtarāghavābhimukhannaya ।
nāhatvāsamarēśatrūnnivartiṣyatirāvaṇaḥ ॥ 25 ॥
ēvamuktvātatastuṣṭōrāvaṇōrākṣasēśvaraḥ ।
dadautasyaśubhaṃhyēkaṃhastābharaṇamuttamam ॥ 26 ॥
śrutvārāvaṇavākyānisārathissanyavartata ।
tatōdrutaṃrāvaṇavākyachōditaḥprachōdayāmāsahayānsasārathiḥ ।
sa rākṣasēndrasya tatō mahārathaḥkṣaṇēnarāmasyarathāgratō'bhavat ॥ 27 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē ṣaḍadhikaśatatamassargaḥ ॥
