ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ഷഡധികശതതമസ്സര്ഗഃ ।
സതുമോഹാത്സുസംക്രുദ്ധഃകൃതാംതബലചോദിതഃ ।
ക്രോധസംരക്തനയനോരാവണംസൂതമബ്രവീത് ॥ 1 ॥
ഹീനവീര്യമിവാശക്തംപൌരുഷേണവിവര്ജിതമ് ।
ഭീരുംലഘുമിവാസത്ത്വംവിഹീനമിവതേജസാ ॥ 2 ॥
വിമുക്തമിവമായാഭിരസ്ത്രൈരിവബഹിഷ്കൃതമ് ।
മാമവജ്ഞായദുര്ബുദ്ധേസ്വയാബുദ്ധ്യാവിചേഷ്ടസേ ॥ 3 ॥
കിമര്ഥംമാമവജ്ഞായമച്ഛംദമനവേക്ഷ്യ ച ।
ത്വയാശത്രുസമക്ഷംമേരഥോഽയമപവാഹിതഃ ॥ 4 ॥
ത്വയാദ്യഹിമമാനാര്യ ചിരകാലസമാര്ജിതമ് ।
യശോവീര്യം ച തേജശ്ചപ്രത്യയശ്ചവിനാശിതഃ ॥ 5 ॥
പ്രഖ്യാതവീര്യസ്യരംജനീയസ്യവിക്രമൈഃ ।
പശ്യതോയുദ്ധലുബ്ധോഽഹംകൃതംകാപുരുഷസ്ത്വയാ ॥ 6 ॥
യസ്ത്വംരഥമിദംമോഹാന്നചേദ്വഹസിദുര്മതേ ।
സത്യോഽപ്രതിതര്കോമേപരേണത്വമുപസ്കൃതഃ ॥ 7 ॥
ന ഹിതദ്വിദ്യതേകര്മസുഹൃദോഹിതകാംക്ഷിണഃ ।
രിപൂണാംസദൃശംത്വേതദ്യതത്ത്വയൈതദനുഷ്ഠിതമ് ॥ 8 ॥
നിവര്തയരഥംശീഘ്രംയാവന്നാപൈതിമേരിപുഃ ।
യദിവാധ്യുഷിതോഽസിത്വംസ്മര്യതേയദിമേഗുണഃ ॥ 9 ॥
ഏവംപുരുഷമുക്തസ്തുഹിതബുദ്ധിബുദ്ധിനാ ।
അബ്രവീദ്രാവണംസൂതോഹിതംസാനുനയംവചഃ ॥ 10 ॥
ന ഭീതോഽസ്മി ന മൂഢോഽസ്മിനോപജപ്തോഽസ്മിശത്രുഭിഃ ।
ന പ്രമത്തോ ന നിഃസ്നേഹോവിസ്മൃതാ ന ച സത്ക്രിയാ ॥ 11 ॥
മയാതുഹിതകാമേവയശശ്ചപരിരക്ഷതാ ।
സ്നേഹപ്രസന്നമനസാഹിതമിത്യപ്രിയംകൃതമ് ॥ 12 ॥
നാസ്മിന്നര്ഥേമഹാരാജ ത്വംമാംപ്രിയഹിതേരതമ് ।
കശ്ചില്ലഘുരിവാനാര്യോദോഷതോഗംതുമര്ഹസി ॥ 13 ॥
പരിതുഷ്ടഃ സ രാമസ്യ തേന വാക്യേന മാതലിഃ ।
പ്രചോദയാമാസ രഥന് സുരസാരഥിസത്തമഃ ॥ 14 ॥
ശ്രമംതവാവഗച്ഛാമിമഹതാരണകര്മണാ ।
ന ഹിതേവീര്യസൌമുഖ്യംപ്രകര്ഷംവോപധാരയേ ॥ 15 ॥
രഥോദ്വഹനഖിന്നാശ്ചഭഗ്നാമേരഥവാജിനഃ ।
ദീനാഘര്മപരിശ്രാംതാഗാവോവര്ഷഹതാഇവ ॥ 16 ॥
നിമിത്താനി ച ഭൂയിഷ്ഠംയാനിപ്രാദുര്ഭവംതിനഃ ।
തേഷുതേഷ്വഭിപന്നേഷുലക്ഷ്യാമ്യപ്രദക്ഷിണമ് ॥ 17 ॥
ദേശകാലൌ ച വിജ്ഞേയൌലക്ഷണാനീംഗിതാനി ച ।
ദൈന്യംഹര്ഷശ്ചഖേദശ്ചരഥിനശ്ചബലാബലമ് ॥ 18 ॥
സ്ഥലനിമ്നാനിഭൂമേശ്ചസമാനിവിഷമാണി ച ।
യുദ്ധകാലശ്ചവിജ്ഞേയഃപരസ്യാംതരദര്ശനമ് ॥ 19 ॥
ഉപയാനാപയാനേ ച സ്ഥാനംപ്രത്യപസര്പണമ് ।
സർവമേതദ്രഥസ്ഥേനജ്ഞേയംരഥകുടുംഭിനാ ॥ 20 ॥
തവവിശ്രാമഹേതോസ്തുതഥൈഷാംരഥവാജിനാമ് ।
രൌദ്രംവര്ജയതാഖേദംക്ഷമംകൃതമിദംമയാ ॥ 21 ॥
സ്വേച്ഛയാന മയാവീരരഥോഽയമപവാഹിതഃ ।
ഭര്തൃസ്നേഹപരീതേനമയേദംയത്കൃതംപ്രഭോ ॥ 22 ॥
ആജ്ഞാപയയഥാതത്ത്വംവക്ഷ്യസ്യരിനിഷൂദന ।
തത്കരിഷ്യാമ്യഹംവീരഗതാനൃണ്യേനചേതസാ ॥ 23 ॥
സംതുഷ്ടസ്തേനവാക്യേനരാവണസ്തസ്യസാരഥേഃ ।
പ്രശസ്യൈനംബഹുവിധംയുദ്ധലുബ്ധോഽബ്രവീദിദമ് ॥ 24 ॥
രഥംശീഘ്രമിദംസൂതരാഘവാഭിമുഖംനയ ।
നാഹത്വാസമരേശത്രൂന്നിവര്തിഷ്യതിരാവണഃ ॥ 25 ॥
ഏവമുക്ത്വാതതസ്തുഷ്ടോരാവണോരാക്ഷസേശ്വരഃ ।
ദദൌതസ്യശുഭംഹ്യേകംഹസ്താഭരണമുത്തമമ് ॥ 26 ॥
ശ്രുത്വാരാവണവാക്യാനിസാരഥിസ്സന്യവര്തത ।
തതോദ്രുതംരാവണവാക്യചോദിതഃപ്രചോദയാമാസഹയാന്സസാരഥിഃ ।
സ രാക്ഷസേംദ്രസ്യ തതോ മഹാരഥഃക്ഷണേനരാമസ്യരഥാഗ്രതോഽഭവത് ॥ 27 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ഷഡധികശതതമസ്സര്ഗഃ ॥
