𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌷𑌡𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ।
𑌸𑌤𑍁𑌮𑍋𑌹𑌾𑌤𑍍𑌸𑍁𑌸𑌂𑌕𑍍𑌰𑍁𑌦𑍍𑌧𑌃𑌕𑍃𑌤𑌾𑌂𑌤𑌬𑌲𑌚𑍋𑌦𑌿𑌤𑌃 ।
𑌕𑍍𑌰𑍋𑌧𑌸𑌂𑌰𑌕𑍍𑌤𑌨𑌯𑌨𑍋𑌰𑌾𑌵𑌣𑌂𑌸𑍂𑌤𑌮𑌬𑍍𑌰𑌵𑍀𑌤𑍍 ॥ 1 ॥
𑌹𑍀𑌨𑌵𑍀𑌰𑍍𑌯𑌮𑌿𑌵𑌾𑌶𑌕𑍍𑌤𑌂𑌪𑍌𑌰𑍁𑌷𑍇𑌣𑌵𑌿𑌵𑌰𑍍𑌜𑌿𑌤𑌮𑍍 ।
𑌭𑍀𑌰𑍁𑌂𑌲𑌘𑍁𑌮𑌿𑌵𑌾𑌸𑌤𑍍𑌤𑍍𑌵𑌂𑌵𑌿𑌹𑍀𑌨𑌮𑌿𑌵𑌤𑍇𑌜𑌸𑌾 ॥ 2 ॥
𑌵𑌿𑌮𑍁𑌕𑍍𑌤𑌮𑌿𑌵𑌮𑌾𑌯𑌾𑌭𑌿𑌰𑌸𑍍𑌤𑍍𑌰𑍈𑌰𑌿𑌵𑌬𑌹𑌿𑌷𑍍𑌕𑍃𑌤𑌮𑍍 ।
𑌮𑌾𑌮𑌵𑌜𑍍𑌞𑌾𑌯𑌦𑍁𑌰𑍍𑌬𑍁𑌦𑍍𑌧𑍇𑌸𑍍𑌵𑌯𑌾𑌬𑍁𑌦𑍍𑌧𑍍𑌯𑌾𑌵𑌿𑌚𑍇𑌷𑍍𑌟𑌸𑍇 ॥ 3 ॥
𑌕𑌿𑌮𑌰𑍍𑌥𑌂𑌮𑌾𑌮𑌵𑌜𑍍𑌞𑌾𑌯𑌮𑌚𑍍𑌛𑌂𑌦𑌮𑌨𑌵𑍇𑌕𑍍𑌷𑍍𑌯 𑌚 ।
𑌤𑍍𑌵𑌯𑌾𑌶𑌤𑍍𑌰𑍁𑌸𑌮𑌕𑍍𑌷𑌂𑌮𑍇𑌰𑌥𑍋𑌽𑌯𑌮𑌪𑌵𑌾𑌹𑌿𑌤𑌃 ॥ 4 ॥
𑌤𑍍𑌵𑌯𑌾𑌦𑍍𑌯𑌹𑌿𑌮𑌮𑌾𑌨𑌾𑌰𑍍𑌯 𑌚𑌿𑌰𑌕𑌾𑌲𑌸𑌮𑌾𑌰𑍍𑌜𑌿𑌤𑌮𑍍 ।
𑌯𑌶𑍋𑌵𑍀𑌰𑍍𑌯𑌂 𑌚 𑌤𑍇𑌜𑌶𑍍𑌚𑌪𑍍𑌰𑌤𑍍𑌯𑌯𑌶𑍍𑌚𑌵𑌿𑌨𑌾𑌶𑌿𑌤𑌃 ॥ 5 ॥
𑌪𑍍𑌰𑌖𑍍𑌯𑌾𑌤𑌵𑍀𑌰𑍍𑌯𑌸𑍍𑌯𑌰𑌂𑌜𑌨𑍀𑌯𑌸𑍍𑌯𑌵𑌿𑌕𑍍𑌰𑌮𑍈𑌃 ।
𑌪𑌶𑍍𑌯𑌤𑍋𑌯𑍁𑌦𑍍𑌧𑌲𑍁𑌬𑍍𑌧𑍋𑌽𑌹𑌂𑌕𑍃𑌤𑌂𑌕𑌾𑌪𑍁𑌰𑍁𑌷𑌸𑍍𑌤𑍍𑌵𑌯𑌾 ॥ 6 ॥
𑌯𑌸𑍍𑌤𑍍𑌵𑌂𑌰𑌥𑌮𑌿𑌦𑌂𑌮𑍋𑌹𑌾𑌨𑍍𑌨𑌚𑍇𑌦𑍍𑌵𑌹𑌸𑌿𑌦𑍁𑌰𑍍𑌮𑌤𑍇 ।
𑌸𑌤𑍍𑌯𑍋𑌽𑌪𑍍𑌰𑌤𑌿𑌤𑌰𑍍𑌕𑍋𑌮𑍇𑌪𑌰𑍇𑌣𑌤𑍍𑌵𑌮𑍁𑌪𑌸𑍍𑌕𑍃𑌤𑌃 ॥ ॥
𑌨 𑌹𑌿𑌤𑌦𑍍𑌵𑌿𑌦𑍍𑌯𑌤𑍇𑌕𑌰𑍍𑌮𑌸𑍁𑌹𑍃𑌦𑍋𑌹𑌿𑌤𑌕𑌾𑌂𑌕𑍍𑌷𑌿𑌣𑌃 ।
𑌰𑌿𑌪𑍂𑌣𑌾𑌂𑌸𑌦𑍃𑌶𑌂𑌤𑍍𑌵𑍇𑌤𑌦𑍍𑌯𑌤𑌤𑍍𑌤𑍍𑌵𑌯𑍈𑌤𑌦𑌨𑍁𑌷𑍍𑌠𑌿𑌤𑌮𑍍 ॥ ॥
𑌨𑌿𑌵𑌰𑍍𑌤𑌯𑌰𑌥𑌂𑌶𑍀𑌘𑍍𑌰𑌂𑌯𑌾𑌵𑌨𑍍𑌨𑌾𑌪𑍈𑌤𑌿𑌮𑍇𑌰𑌿𑌪𑍁𑌃 ।
𑌯𑌦𑌿𑌵𑌾𑌧𑍍𑌯𑍁𑌷𑌿𑌤𑍋𑌽𑌸𑌿𑌤𑍍𑌵𑌂𑌸𑍍𑌮𑌰𑍍𑌯𑌤𑍇𑌯𑌦𑌿𑌮𑍇𑌗𑍁𑌣𑌃 ॥ ॥
𑌏𑌵𑌂𑌪𑍁𑌰𑍁𑌷𑌮𑍁𑌕𑍍𑌤𑌸𑍍𑌤𑍁𑌹𑌿𑌤𑌬𑍁𑌦𑍍𑌧𑌿𑌬𑍁𑌦𑍍𑌧𑌿𑌨𑌾 ।
𑌅𑌬𑍍𑌰𑌵𑍀𑌦𑍍𑌰𑌾𑌵𑌣𑌂𑌸𑍂𑌤𑍋𑌹𑌿𑌤𑌂𑌸𑌾𑌨𑍁𑌨𑌯𑌂𑌵𑌚𑌃 ॥ 10 ॥
𑌨 𑌭𑍀𑌤𑍋𑌽𑌸𑍍𑌮𑌿 𑌨 𑌮𑍂𑌢𑍋𑌽𑌸𑍍𑌮𑌿𑌨𑍋𑌪𑌜𑌪𑍍𑌤𑍋𑌽𑌸𑍍𑌮𑌿𑌶𑌤𑍍𑌰𑍁𑌭𑌿𑌃 ।
𑌨 𑌪𑍍𑌰𑌮𑌤𑍍𑌤𑍋 𑌨 𑌨𑌿𑌃𑌸𑍍𑌨𑍇𑌹𑍋𑌵𑌿𑌸𑍍𑌮𑍃𑌤𑌾 𑌨 𑌚 𑌸𑌤𑍍𑌕𑍍𑌰𑌿𑌯𑌾 ॥ 11 ॥
𑌮𑌯𑌾𑌤𑍁𑌹𑌿𑌤𑌕𑌾𑌮𑍇𑌵𑌯𑌶𑌶𑍍𑌚𑌪𑌰𑌿𑌰𑌕𑍍𑌷𑌤𑌾 ।
𑌸𑍍𑌨𑍇𑌹𑌪𑍍𑌰𑌸𑌨𑍍𑌨𑌮𑌨𑌸𑌾𑌹𑌿𑌤𑌮𑌿𑌤𑍍𑌯𑌪𑍍𑌰𑌿𑌯𑌂𑌕𑍃𑌤𑌮𑍍 ॥ 12 ॥
𑌨𑌾𑌸𑍍𑌮𑌿𑌨𑍍𑌨𑌰𑍍𑌥𑍇𑌮𑌹𑌾𑌰𑌾𑌜 𑌤𑍍𑌵𑌂𑌮𑌾𑌂𑌪𑍍𑌰𑌿𑌯𑌹𑌿𑌤𑍇𑌰𑌤𑌮𑍍 ।
𑌕𑌶𑍍𑌚𑌿𑌲𑍍𑌲𑌘𑍁𑌰𑌿𑌵𑌾𑌨𑌾𑌰𑍍𑌯𑍋𑌦𑍋𑌷𑌤𑍋𑌗𑌂𑌤𑍁𑌮𑌰𑍍𑌹𑌸𑌿 ॥ 13 ॥
𑌪𑌰𑌿𑌤𑍁𑌷𑍍𑌟𑌃 𑌸 𑌰𑌾𑌮𑌸𑍍𑌯 𑌤𑍇𑌨 𑌵𑌾𑌕𑍍𑌯𑍇𑌨 𑌮𑌾𑌤𑌲𑌿𑌃 ।
𑌪𑍍𑌰𑌚𑍋𑌦𑌯𑌾𑌮𑌾𑌸 𑌰𑌥𑌨𑍍 𑌸𑍁𑌰𑌸𑌾𑌰𑌥𑌿𑌸𑌤𑍍𑌤𑌮𑌃 ॥ 14 ॥
𑌶𑍍𑌰𑌮𑌂𑌤𑌵𑌾𑌵𑌗𑌚𑍍𑌛𑌾𑌮𑌿𑌮𑌹𑌤𑌾𑌰𑌣𑌕𑌰𑍍𑌮𑌣𑌾 ।
𑌨 𑌹𑌿𑌤𑍇𑌵𑍀𑌰𑍍𑌯𑌸𑍌𑌮𑍁𑌖𑍍𑌯𑌂𑌪𑍍𑌰𑌕𑌰𑍍𑌷𑌂𑌵𑍋𑌪𑌧𑌾𑌰𑌯𑍇 ॥ 15 ॥
𑌰𑌥𑍋𑌦𑍍𑌵𑌹𑌨𑌖𑌿𑌨𑍍𑌨𑌾𑌶𑍍𑌚𑌭𑌗𑍍𑌨𑌾𑌮𑍇𑌰𑌥𑌵𑌾𑌜𑌿𑌨𑌃 ।
𑌦𑍀𑌨𑌾𑌘𑌰𑍍𑌮𑌪𑌰𑌿𑌶𑍍𑌰𑌾𑌂𑌤𑌾𑌗𑌾𑌵𑍋𑌵𑌰𑍍𑌷𑌹𑌤𑌾𑌇𑌵 ॥ 16 ॥
𑌨𑌿𑌮𑌿𑌤𑍍𑌤𑌾𑌨𑌿 𑌚 𑌭𑍂𑌯𑌿𑌷𑍍𑌠𑌂𑌯𑌾𑌨𑌿𑌪𑍍𑌰𑌾𑌦𑍁𑌰𑍍𑌭𑌵𑌂𑌤𑌿𑌨𑌃 ।
𑌤𑍇𑌷𑍁𑌤𑍇𑌷𑍍𑌵𑌭𑌿𑌪𑌨𑍍𑌨𑍇𑌷𑍁𑌲𑌕𑍍𑌷𑍍𑌯𑌾𑌮𑍍𑌯𑌪𑍍𑌰𑌦𑌕𑍍𑌷𑌿𑌣𑌮𑍍 ॥ 1 ॥
𑌦𑍇𑌶𑌕𑌾𑌲𑍌 𑌚 𑌵𑌿𑌜𑍍𑌞𑍇𑌯𑍌𑌲𑌕𑍍𑌷𑌣𑌾𑌨𑍀𑌂𑌗𑌿𑌤𑌾𑌨𑌿 𑌚 ।
𑌦𑍈𑌨𑍍𑌯𑌂𑌹𑌰𑍍𑌷𑌶𑍍𑌚𑌖𑍇𑌦𑌶𑍍𑌚𑌰𑌥𑌿𑌨𑌶𑍍𑌚𑌬𑌲𑌾𑌬𑌲𑌮𑍍 ॥ 1 ॥
𑌸𑍍𑌥𑌲𑌨𑌿𑌮𑍍𑌨𑌾𑌨𑌿𑌭𑍂𑌮𑍇𑌶𑍍𑌚𑌸𑌮𑌾𑌨𑌿𑌵𑌿𑌷𑌮𑌾𑌣𑌿 𑌚 ।
𑌯𑍁𑌦𑍍𑌧𑌕𑌾𑌲𑌶𑍍𑌚𑌵𑌿𑌜𑍍𑌞𑍇𑌯𑌃𑌪𑌰𑌸𑍍𑌯𑌾𑌂𑌤𑌰𑌦𑌰𑍍𑌶𑌨𑌮𑍍 ॥ 1 ॥
𑌉𑌪𑌯𑌾𑌨𑌾𑌪𑌯𑌾𑌨𑍇 𑌚 𑌸𑍍𑌥𑌾𑌨𑌂𑌪𑍍𑌰𑌤𑍍𑌯𑌪𑌸𑌰𑍍𑌪𑌣𑌮𑍍 ।
𑌸𑌰𑍍𑌵𑌮𑍇𑌤𑌦𑍍𑌰𑌥𑌸𑍍𑌥𑍇𑌨𑌜𑍍𑌞𑍇𑌯𑌂𑌰𑌥𑌕𑍁𑌟𑍁𑌂𑌭𑌿𑌨𑌾 ॥ 20 ॥
𑌤𑌵𑌵𑌿𑌶𑍍𑌰𑌾𑌮𑌹𑍇𑌤𑍋𑌸𑍍𑌤𑍁𑌤𑌥𑍈𑌷𑌾𑌂𑌰𑌥𑌵𑌾𑌜𑌿𑌨𑌾𑌮𑍍 ।
𑌰𑍌𑌦𑍍𑌰𑌂𑌵𑌰𑍍𑌜𑌯𑌤𑌾𑌖𑍇𑌦𑌂𑌕𑍍𑌷𑌮𑌂𑌕𑍃𑌤𑌮𑌿𑌦𑌂𑌮𑌯𑌾 ॥ 21 ॥
𑌸𑍍𑌵𑍇𑌚𑍍𑌛𑌯𑌾𑌨 𑌮𑌯𑌾𑌵𑍀𑌰𑌰𑌥𑍋𑌽𑌯𑌮𑌪𑌵𑌾𑌹𑌿𑌤𑌃 ।
𑌭𑌰𑍍𑌤𑍃𑌸𑍍𑌨𑍇𑌹𑌪𑌰𑍀𑌤𑍇𑌨𑌮𑌯𑍇𑌦𑌂𑌯𑌤𑍍𑌕𑍃𑌤𑌂𑌪𑍍𑌰𑌭𑍋 ॥ 22 ॥
𑌆𑌜𑍍𑌞𑌾𑌪𑌯𑌯𑌥𑌾𑌤𑌤𑍍𑌤𑍍𑌵𑌂𑌵𑌕𑍍𑌷𑍍𑌯𑌸𑍍𑌯𑌰𑌿𑌨𑌿𑌷𑍂𑌦𑌨 ।
𑌤𑌤𑍍𑌕𑌰𑌿𑌷𑍍𑌯𑌾𑌮𑍍𑌯𑌹𑌂𑌵𑍀𑌰𑌗𑌤𑌾𑌨𑍃𑌣𑍍𑌯𑍇𑌨𑌚𑍇𑌤𑌸𑌾 ॥ 23 ॥
𑌸𑌂𑌤𑍁𑌷𑍍𑌟𑌸𑍍𑌤𑍇𑌨𑌵𑌾𑌕𑍍𑌯𑍇𑌨𑌰𑌾𑌵𑌣𑌸𑍍𑌤𑌸𑍍𑌯𑌸𑌾𑌰𑌥𑍇𑌃 ।
𑌪𑍍𑌰𑌶𑌸𑍍𑌯𑍈𑌨𑌂𑌬𑌹𑍁𑌵𑌿𑌧𑌂𑌯𑍁𑌦𑍍𑌧𑌲𑍁𑌬𑍍𑌧𑍋𑌽𑌬𑍍𑌰𑌵𑍀𑌦𑌿𑌦𑌮𑍍 ॥ 24 ॥
𑌰𑌥𑌂𑌶𑍀𑌘𑍍𑌰𑌮𑌿𑌦𑌂𑌸𑍂𑌤𑌰𑌾𑌘𑌵𑌾𑌭𑌿𑌮𑍁𑌖𑌂𑌨𑌯 ।
𑌨𑌾𑌹𑌤𑍍𑌵𑌾𑌸𑌮𑌰𑍇𑌶𑌤𑍍𑌰𑍂𑌨𑍍𑌨𑌿𑌵𑌰𑍍𑌤𑌿𑌷𑍍𑌯𑌤𑌿𑌰𑌾𑌵𑌣𑌃 ॥ 25 ॥
𑌏𑌵𑌮𑍁𑌕𑍍𑌤𑍍𑌵𑌾𑌤𑌤𑌸𑍍𑌤𑍁𑌷𑍍𑌟𑍋𑌰𑌾𑌵𑌣𑍋𑌰𑌾𑌕𑍍𑌷𑌸𑍇𑌶𑍍𑌵𑌰𑌃 ।
𑌦𑌦𑍌𑌤𑌸𑍍𑌯𑌶𑍁𑌭𑌂𑌹𑍍𑌯𑍇𑌕𑌂𑌹𑌸𑍍𑌤𑌾𑌭𑌰𑌣𑌮𑍁𑌤𑍍𑌤𑌮𑌮𑍍 ॥ 26 ॥
𑌶𑍍𑌰𑍁𑌤𑍍𑌵𑌾𑌰𑌾𑌵𑌣𑌵𑌾𑌕𑍍𑌯𑌾𑌨𑌿𑌸𑌾𑌰𑌥𑌿𑌸𑍍𑌸𑌨𑍍𑌯𑌵𑌰𑍍𑌤𑌤 ।
𑌤𑌤𑍋𑌦𑍍𑌰𑍁𑌤𑌂𑌰𑌾𑌵𑌣𑌵𑌾𑌕𑍍𑌯𑌚𑍋𑌦𑌿𑌤𑌃𑌪𑍍𑌰𑌚𑍋𑌦𑌯𑌾𑌮𑌾𑌸𑌹𑌯𑌾𑌨𑍍𑌸𑌸𑌾𑌰𑌥𑌿𑌃 ।
𑌸 𑌰𑌾𑌕𑍍𑌷𑌸𑍇𑌂𑌦𑍍𑌰𑌸𑍍𑌯 𑌤𑌤𑍋 𑌮𑌹𑌾𑌰𑌥𑌃𑌕𑍍𑌷𑌣𑍇𑌨𑌰𑌾𑌮𑌸𑍍𑌯𑌰𑌥𑌾𑌗𑍍𑌰𑌤𑍋𑌽𑌭𑌵𑌤𑍍 ॥ 2 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌷𑌡𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ॥
