ශ්රීමද්වාල්මීකීය රාමායණේ යුද්ධකාංඩම් ।
අථ ත්රයෝදශස්සර්ගඃ ।
රාවණංක්රුද්ධමාජ්ඤායමහාපාර්ශ්වෝමහාබලඃ ।
මුහූර්තමනුසංචිංත්යප්රාංජලිර්වාක්යමබ්රවීත් ॥ 1 ॥
යඃඛල්වපිවනංප්රාප්යමෘගව්යාලනිෂේවිතම් ।
නපිබේන්මධුසංප්රාප්යසනරෝබාලිශෝභවේත් ॥ 2 ॥
ඊශ්වරස්යේශ්වරඃකෝऽස්තිතවශත්රුනිබර්හණඃ ।
රමස්වසහවෛදේහ්යාශත්රූනාක්රම්යමූර්ධසු ॥ 3 ॥
බලාත්කුක්කුටවෘත්තේනප්රවර්තස්වමහාබලඃ ।
ආක්රම්යාක්රම්යසීතාංවෛතාංභුඞ් ක්ෂ්වචරමස්වච ॥ 4 ॥
ලබ්ධකාමස්යතේපශ්චාදාගමිෂ්යතියද්භයම් ।
ප්රාප්තමප්රාප්තකාලංවාසර්වංප්රතිසහිෂ්යති ॥ 5 ॥
කුංභකර්ණස්සහාස්මාභිරිංද්රජිච්චමහාබලඃ ।
ප්රතිෂේධයිතුංශක්තෞසවජ්රමපිවජ්රිණම් ॥ 6 ॥
උපප්රදානංසාංත්වංවාභේදංවාකුශලෛඃකෘතම් ।
සමතික්රම්යදංඩේනසිද්ධිමර්ථේෂුරෝචයේ ॥ 7 ॥
ඉහප්රාප්තාන්වයංසර්වාන් ශත්රූංස්තවමහාබලඃ ।
වශේශස්ත්රප්රතාපේනකරිෂ්යාමෝනසංශයඃ ॥ 8 ॥
ඒවමුක්තස්තදාරාජාමහාපාර්ශ්වේනරාවණඃ ।
තස්යසංපූජයන්වාක්යමිදංවචනමබ්රවීත් ॥ 9 ॥
මහාපාර්ශ්වනිබෝධත්වංරහස්යංකිංචිදාත්මනඃ ।
චිරවෘත්තංතදාඛ්යාස්යේයදවාප්තංපුරාමයා ॥ 10 ॥
පිතාමහස්යභවනංගච්ඡංතීංපුංජිකස්ථලාම් ।
චංචූර්යමාණාමද්රාක්ෂමාකාශේऽග්නිශිඛාමිව ॥ 11 ॥
සාප්රසහ්යමයාභුක්තාකෘතාවිවසනාතතඃ ।
ස්වයංභූභවනංප්රාප්තාලෝලිතානලිනීයථා ॥ 12 ॥
තච්චතස්යතදාමන්යේජ්ඤාතමාසීන්මහාත්මනඃ ।
අථසංකුපිතෝදේවෝමාමිදංවාක්යමබ්රවීත් ॥ 13 ॥
අද්යප්රභෘතියාමන්යාබලාන්නාරීංගමිෂ්යසි ।
තදාතේශතධාමූර්ධාඵලිෂ්යතිනසංශයඃ ॥ 14 ॥
ඉත්යහංතස්යශාපස්යභීතඃප්රසභමේවතාම් ।
නාරෝහයේබලාත්සීතාංවෛදේහීංශයනේශුභේ ॥ 15 ॥
සාගරස්යේනමේවේගෝමාරුතස්යේවමේගතිඃ ।
නෛතද්දාශරථිර්වේදහ්යාසාදයතිතේනමාම් ॥ 16 ॥
කෝහිසිංහමිවාසීනංසුප්තංගිරිගුහාශයේ ।
ක්රුද්ධංමෘත්යුමිවාऽසීනංසංභෝධයිතුමිච්ඡති ॥ 17 ॥
නමත්තෝනිශිතාන්බාණාංද්විජිහ්වාන්පන්නගානිව ।
රාමඃපශ්යතිසංග්රාමේතේනමාමභිගච්ඡති ॥ 18 ॥
ක්ෂිප්රංවජ්රසමෛර්බාණෛශ්ශතථාකාර්මුකච්යුතෛඃ ।
රාමමාදීපයිෂ්යාමිඋල්කාභිරිවකුංජරම් ॥ 19 ॥
තච්චාස්යබලමාදාස්යේබලේනමහතාවෘතඃ ।
උදිතස්සවිතාකාලේනක්ෂත්රාණාමිවප්රභාම් ॥ 20 ॥
නවාසනේනාපිසහස්රචක්ෂුෂායුධාऽස්මිශක්යෝවරුණේනවාපුනඃ ।
මයාත්වියංබාහුබලේනනිර්ජිතාපුරාපුරීවෛශ්රවණේනපාලිතා ॥ 21 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ත්රයෝදශස්සර්ගඃ ॥
