ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ତ୍ରୟୋଦଶସ୍ସର୍ଗଃ ।
ରାଵଣଂକ୍ରୁଦ୍ଧମାଜ୍ଞାୟମହାପାର୍ଶ୍ଵୋମହାବଲଃ ।
ମୁହୂର୍ତମନୁସଂଚିଂତ୍ୟପ୍ରାଂଜଲିର୍ଵାକ୍ୟମବ୍ରଵୀତ୍ ॥ 1 ॥
ୟଃଖଲ୍ଵପିଵନଂପ୍ରାପ୍ୟମୃଗଵ୍ୟାଲନିଷେଵିତମ୍ ।
ନପିବେନ୍ମଧୁସଂପ୍ରାପ୍ୟସନରୋବାଲିଶୋଭଵେତ୍ ॥ 2 ॥
ଈଶ୍ଵରସ୍ୟେଶ୍ଵରଃକୋଽସ୍ତିତଵଶତ୍ରୁନିବର୍ହଣଃ ।
ରମସ୍ଵସହଵୈଦେହ୍ୟାଶତ୍ରୂନାକ୍ରମ୍ୟମୂର୍ଧସୁ ॥ 3 ॥
ବଲାତ୍କୁକ୍କୁଟଵୃତ୍ତେନପ୍ରଵର୍ତସ୍ଵମହାବଲଃ ।
ଆକ୍ରମ୍ୟାକ୍ରମ୍ୟସୀତାଂଵୈତାଂଭୁଙ୍ କ୍ଷ୍ଵଚରମସ୍ଵଚ ॥ 4 ॥
ଲବ୍ଧକାମସ୍ୟତେପଶ୍ଚାଦାଗମିଷ୍ୟତିୟଦ୍ଭୟମ୍ ।
ପ୍ରାପ୍ତମପ୍ରାପ୍ତକାଲଂଵାସର୍ଵଂପ୍ରତିସହିଷ୍ୟତି ॥ 5 ॥
କୁଂଭକର୍ଣସ୍ସହାସ୍ମାଭିରିଂଦ୍ରଜିଚ୍ଚମହାବଲଃ ।
ପ୍ରତିଷେଧୟିତୁଂଶକ୍ତୌସଵଜ୍ରମପିଵଜ୍ରିଣମ୍ ॥ 6 ॥
ଉପପ୍ରଦାନଂସାଂତ୍ଵଂଵାଭେଦଂଵାକୁଶଲୈଃକୃତମ୍ ।
ସମତିକ୍ରମ୍ୟଦଂଡେନସିଦ୍ଧିମର୍ଥେଷୁରୋଚୟେ ॥ 7 ॥
ଇହପ୍ରାପ୍ତାନ୍ଵୟଂସର୍ଵାନ୍ ଶତ୍ରୂଂସ୍ତଵମହାବଲଃ ।
ଵଶେଶସ୍ତ୍ରପ୍ରତାପେନକରିଷ୍ୟାମୋନସଂଶୟଃ ॥ 8 ॥
ଏଵମୁକ୍ତସ୍ତଦାରାଜାମହାପାର୍ଶ୍ଵେନରାଵଣଃ ।
ତସ୍ୟସଂପୂଜୟନ୍ଵାକ୍ୟମିଦଂଵଚନମବ୍ରଵୀତ୍ ॥ 9 ॥
ମହାପାର୍ଶ୍ଵନିବୋଧତ୍ଵଂରହସ୍ୟଂକିଂଚିଦାତ୍ମନଃ ।
ଚିରଵୃତ୍ତଂତଦାଖ୍ୟାସ୍ୟେୟଦଵାପ୍ତଂପୁରାମୟା ॥ 10 ॥
ପିତାମହସ୍ୟଭଵନଂଗଚ୍ଛଂତୀଂପୁଂଜିକସ୍ଥଲାମ୍ ।
ଚଂଚୂର୍ୟମାଣାମଦ୍ରାକ୍ଷମାକାଶେଽଗ୍ନିଶିଖାମିଵ ॥ 11 ॥
ସାପ୍ରସହ୍ୟମୟାଭୁକ୍ତାକୃତାଵିଵସନାତତଃ ।
ସ୍ଵୟଂଭୂଭଵନଂପ୍ରାପ୍ତାଲୋଲିତାନଲିନୀୟଥା ॥ 12 ॥
ତଚ୍ଚତସ୍ୟତଦାମନ୍ୟେଜ୍ଞାତମାସୀନ୍ମହାତ୍ମନଃ ।
ଅଥସଂକୁପିତୋଦେଵୋମାମିଦଂଵାକ୍ୟମବ୍ରଵୀତ୍ ॥ 13 ॥
ଅଦ୍ୟପ୍ରଭୃତିୟାମନ୍ୟାବଲାନ୍ନାରୀଂଗମିଷ୍ୟସି ।
ତଦାତେଶତଧାମୂର୍ଧାଫଲିଷ୍ୟତିନସଂଶୟଃ ॥ 14 ॥
ଇତ୍ୟହଂତସ୍ୟଶାପସ୍ୟଭୀତଃପ୍ରସଭମେଵତାମ୍ ।
ନାରୋହୟେବଲାତ୍ସୀତାଂଵୈଦେହୀଂଶୟନେଶୁଭେ ॥ 15 ॥
ସାଗରସ୍ୟେନମେଵେଗୋମାରୁତସ୍ୟେଵମେଗତିଃ ।
ନୈତଦ୍ଦାଶରଥିର୍ଵେଦହ୍ୟାସାଦୟତିତେନମାମ୍ ॥ 16 ॥
କୋହିସିଂହମିଵାସୀନଂସୁପ୍ତଂଗିରିଗୁହାଶୟେ ।
କ୍ରୁଦ୍ଧଂମୃତ୍ୟୁମିଵାଽସୀନଂସଂଭୋଧୟିତୁମିଚ୍ଛତି ॥ 17 ॥
ନମତ୍ତୋନିଶିତାନ୍ବାଣାଂଦ୍ଵିଜିହ୍ଵାନ୍ପନ୍ନଗାନିଵ ।
ରାମଃପଶ୍ୟତିସଂଗ୍ରାମେତେନମାମଭିଗଚ୍ଛତି ॥ 18 ॥
କ୍ଷିପ୍ରଂଵଜ୍ରସମୈର୍ବାଣୈଶ୍ଶତଥାକାର୍ମୁକଚ୍ୟୁତୈଃ ।
ରାମମାଦୀପୟିଷ୍ୟାମିଉଲ୍କାଭିରିଵକୁଂଜରମ୍ ॥ 19 ॥
ତଚ୍ଚାସ୍ୟବଲମାଦାସ୍ୟେବଲେନମହତାଵୃତଃ ।
ଉଦିତସ୍ସଵିତାକାଲେନକ୍ଷତ୍ରାଣାମିଵପ୍ରଭାମ୍ ॥ 20 ॥
ନଵାସନେନାପିସହସ୍ରଚକ୍ଷୁଷାୟୁଧାଽସ୍ମିଶକ୍ୟୋଵରୁଣେନଵାପୁନଃ ।
ମୟାତ୍ଵିୟଂବାହୁବଲେନନିର୍ଜିତାପୁରାପୁରୀଵୈଶ୍ରଵଣେନପାଲିତା ॥ 21 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ତ୍ରୟୋଦଶସ୍ସର୍ଗଃ ॥
