শ্রীমদ্বাল্মীকীয় রামাযণে যুদ্ধকাংডম্ ।
অথ ত্রয়োদশস্সর্গঃ ।
রাবণংক্রুদ্ধমাজ্ঞাযমহাপার্শ্বোমহাবলঃ ।
মুহূর্তমনুসংচিংত্যপ্রাংজলির্বাক্যমব্রবীত্ ॥ 1 ॥
যঃখল্বপিবনংপ্রাপ্যমৃগব্য়ালনিষেবিতম্ ।
নপিবেন্মধুসংপ্রাপ্যসনরোবালিশোভবেত্ ॥ 2 ॥
ঈশ্বরস্য়েশ্বরঃকোঽস্তিতবশত্রুনিবর্হণঃ ।
রমস্বসহবৈদেহ্য়াশত্রূনাক্রম্যমূর্ধসু ॥ 3 ॥
বলাত্কুক্কুটবৃত্তেনপ্রবর্তস্বমহাবলঃ ।
আক্রম্য়াক্রম্যসীতাংবৈতাংভুঙ্ ক্ষ্বচরমস্বচ ॥ 4 ॥
লব্ধকামস্যতেপশ্চাদাগমিষ্যতিযদ্ভযম্ ।
প্রাপ্তমপ্রাপ্তকালংবাসর্বংপ্রতিসহিষ্যতি ॥ 5 ॥
কুংভকর্ণস্সহাস্মাভিরিংদ্রজিচ্চমহাবলঃ ।
প্রতিষেধয়িতুংশক্তৌসবজ্রমপিবজ্রিণম্ ॥ 6 ॥
উপপ্রদানংসাংত্বংবাভেদংবাকুশলৈঃকৃতম্ ।
সমতিক্রম্যদংডেনসিদ্ধিমর্থেষুরোচয়ে ॥ 7 ॥
ইহপ্রাপ্তান্বয়ংসর্বান্ শত্রূংস্তবমহাবলঃ ।
বশেশস্ত্রপ্রতাপেনকরিষ্য়ামোনসংশয়ঃ ॥ 8 ॥
এবমুক্তস্তদারাজামহাপার্শ্বেনরাবণঃ ।
তস্যসংপূজযন্বাক্যমিদংবচনমব্রবীত্ ॥ 9 ॥
মহাপার্শ্বনিবোধত্বংরহস্য়ংকিংচিদাত্মনঃ ।
চিরবৃত্তংতদাখ্য়াস্য়েযদবাপ্তংপুরাময়া ॥ 10 ॥
পিতামহস্যভবনংগচ্ছংতীংপুংজিকস্থলাম্ ।
চংচূর্যমাণামদ্রাক্ষমাকাশেঽগ্নিশিখামিব ॥ 11 ॥
সাপ্রসহ্যময়াভুক্তাকৃতাবিবসনাততঃ ।
স্বয়ংভূভবনংপ্রাপ্তালোলিতানলিনীযথা ॥ 12 ॥
তচ্চতস্যতদামন্য়েজ্ঞাতমাসীন্মহাত্মনঃ ।
অথসংকুপিতোদেবোমামিদংবাক্যমব্রবীত্ ॥ 13 ॥
অদ্যপ্রভৃতিয়ামন্য়াবলান্নারীংগমিষ্যসি ।
তদাতেশতধামূর্ধাফলিষ্যতিনসংশয়ঃ ॥ 14 ॥
ইত্যহংতস্যশাপস্যভীতঃপ্রসভমেবতাম্ ।
নারোহয়েবলাত্সীতাংবৈদেহীংশযনেশুভে ॥ 15 ॥
সাগরস্য়েনমেবেগোমারুতস্য়েবমেগতিঃ ।
নৈতদ্দাশরথির্বেদহ্য়াসাদযতিতেনমাম্ ॥ 16 ॥
কোহিসিংহমিবাসীনংসুপ্তংগিরিগুহাশয়ে ।
ক্রুদ্ধংমৃত্য়ুমিবাঽসীনংসংভোধয়িতুমিচ্ছতি ॥ 17 ॥
নমত্তোনিশিতান্বাণাংদ্বিজিহ্বান্পন্নগানিব ।
রামঃপশ্যতিসংগ্রামেতেনমামভিগচ্ছতি ॥ 18 ॥
ক্ষিপ্রংবজ্রসমৈর্বাণৈশ্শতথাকার্মুকচ্য়ুতৈঃ ।
রামমাদীপয়িষ্য়ামিউল্কাভিরিবকুংজরম্ ॥ 19 ॥
তচ্চাস্যবলমাদাস্য়েবলেনমহতাবৃতঃ ।
উদিতস্সবিতাকালেনক্ষত্রাণামিবপ্রভাম্ ॥ 20 ॥
নবাসনেনাপিসহস্রচক্ষুষায়ুধাঽস্মিশক্য়োবরুণেনবাপুনঃ ।
ময়াত্বিয়ংবাহুবলেননির্জিতাপুরাপুরীবৈশ্রবণেনপালিতা ॥ 21 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে যুদ্ধকাংডে ত্রয়োদশস্সর্গঃ ॥
