శ్రీమద్వాల్మీకీయ రామాయణే యుద్ధకాండమ్ ।
అథ త్రయోదశస్సర్గః ।
రావణంక్రుద్ధమాజ్ఞాయమహాపార్శ్వోమహాబలః ।
ముహూర్తమనుసంచింత్యప్రాంజలిర్వాక్యమబ్రవీత్ ॥ 1 ॥
యఃఖల్వపివనంప్రాప్యమృగవ్యాలనిషేవితమ్ ।
నపిబేన్మధుసంప్రాప్యసనరోబాలిశోభవేత్ ॥ 2 ॥
ఈశ్వరస్యేశ్వరఃకోఽస్తితవశత్రునిబర్హణః ।
రమస్వసహవైదేహ్యాశత్రూనాక్రమ్యమూర్ధసు ॥ 3 ॥
బలాత్కుక్కుటవృత్తేనప్రవర్తస్వమహాబలః ।
ఆక్రమ్యాక్రమ్యసీతాంవైతాంభుఙ్ క్ష్వచరమస్వచ ॥ 4 ॥
లబ్ధకామస్యతేపశ్చాదాగమిష్యతియద్భయమ్ ।
ప్రాప్తమప్రాప్తకాలంవాసర్వంప్రతిసహిష్యతి ॥ 5 ॥
కుంభకర్ణస్సహాస్మాభిరింద్రజిచ్చమహాబలః ।
ప్రతిషేధయితుంశక్తౌసవజ్రమపివజ్రిణమ్ ॥ 6 ॥
ఉపప్రదానంసాంత్వంవాభేదంవాకుశలైఃకృతమ్ ।
సమతిక్రమ్యదండేనసిద్ధిమర్థేషురోచయే ॥ 7 ॥
ఇహప్రాప్తాన్వయంసర్వాన్ శత్రూంస్తవమహాబలః ।
వశేశస్త్రప్రతాపేనకరిష్యామోనసంశయః ॥ 8 ॥
ఏవముక్తస్తదారాజామహాపార్శ్వేనరావణః ।
తస్యసంపూజయన్వాక్యమిదంవచనమబ్రవీత్ ॥ 9 ॥
మహాపార్శ్వనిబోధత్వంరహస్యంకించిదాత్మనః ।
చిరవృత్తంతదాఖ్యాస్యేయదవాప్తంపురామయా ॥ 10 ॥
పితామహస్యభవనంగచ్ఛంతీంపుంజికస్థలామ్ ।
చంచూర్యమాణామద్రాక్షమాకాశేఽగ్నిశిఖామివ ॥ 11 ॥
సాప్రసహ్యమయాభుక్తాకృతావివసనాతతః ।
స్వయంభూభవనంప్రాప్తాలోలితానలినీయథా ॥ 12 ॥
తచ్చతస్యతదామన్యేజ్ఞాతమాసీన్మహాత్మనః ।
అథసంకుపితోదేవోమామిదంవాక్యమబ్రవీత్ ॥ 13 ॥
అద్యప్రభృతియామన్యాబలాన్నారీంగమిష్యసి ।
తదాతేశతధామూర్ధాఫలిష్యతినసంశయః ॥ 14 ॥
ఇత్యహంతస్యశాపస్యభీతఃప్రసభమేవతామ్ ।
నారోహయేబలాత్సీతాంవైదేహీంశయనేశుభే ॥ 15 ॥
సాగరస్యేనమేవేగోమారుతస్యేవమేగతిః ।
నైతద్దాశరథిర్వేదహ్యాసాదయతితేనమామ్ ॥ 16 ॥
కోహిసింహమివాసీనంసుప్తంగిరిగుహాశయే ।
క్రుద్ధంమృత్యుమివాఽసీనంసంభోధయితుమిచ్ఛతి ॥ 17 ॥
నమత్తోనిశితాన్బాణాంద్విజిహ్వాన్పన్నగానివ ।
రామఃపశ్యతిసంగ్రామేతేనమామభిగచ్ఛతి ॥ 18 ॥
క్షిప్రంవజ్రసమైర్బాణైశ్శతథాకార్ముకచ్యుతైః ।
రామమాదీపయిష్యామిఉల్కాభిరివకుంజరమ్ ॥ 19 ॥
తచ్చాస్యబలమాదాస్యేబలేనమహతావృతః ।
ఉదితస్సవితాకాలేనక్షత్రాణామివప్రభామ్ ॥ 20 ॥
నవాసనేనాపిసహస్రచక్షుషాయుధాఽస్మిశక్యోవరుణేనవాపునః ।
మయాత్వియంబాహుబలేననిర్జితాపురాపురీవైశ్రవణేనపాలితా ॥ 21 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే త్రయోదశస్సర్గః ॥
