ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ത്രയോദശസ്സര്ഗഃ ।
രാവണംക്രുദ്ധമാജ്ഞായമഹാപാര്ശ്വോമഹാബലഃ ।
മുഹൂര്തമനുസംചിംത്യപ്രാംജലിർവാക്യമബ്രവീത് ॥ 1 ॥
യഃഖല്വപിവനംപ്രാപ്യമൃഗവ്യാലനിഷേവിതമ് ।
നപിബേന്മധുസംപ്രാപ്യസനരോബാലിശോഭവേത് ॥ 2 ॥
ഈശ്വരസ്യേശ്വരഃകോഽസ്തിതവശത്രുനിബര്ഹണഃ ।
രമസ്വസഹവൈദേഹ്യാശത്രൂനാക്രമ്യമൂര്ധസു ॥ 3 ॥
ബലാത്കുക്കുടവൃത്തേനപ്രവര്തസ്വമഹാബലഃ ।
ആക്രമ്യാക്രമ്യസീതാംവൈതാംഭുങ് ക്ഷ്വചരമസ്വച ॥ 4 ॥
ലബ്ധകാമസ്യതേപശ്ചാദാഗമിഷ്യതിയദ്ഭയമ് ।
പ്രാപ്തമപ്രാപ്തകാലംവാസർവംപ്രതിസഹിഷ്യതി ॥ 5 ॥
കുംഭകര്ണസ്സഹാസ്മാഭിരിംദ്രജിച്ചമഹാബലഃ ।
പ്രതിഷേധയിതുംശക്തൌസവജ്രമപിവജ്രിണമ് ॥ 6 ॥
ഉപപ്രദാനംസാംത്വംവാഭേദംവാകുശലൈഃകൃതമ് ।
സമതിക്രമ്യദംഡേനസിദ്ധിമര്ഥേഷുരോചയേ ॥ 7 ॥
ഇഹപ്രാപ്താന്വയംസർവാന് ശത്രൂംസ്തവമഹാബലഃ ।
വശേശസ്ത്രപ്രതാപേനകരിഷ്യാമോനസംശയഃ ॥ 8 ॥
ഏവമുക്തസ്തദാരാജാമഹാപാര്ശ്വേനരാവണഃ ।
തസ്യസംപൂജയന്വാക്യമിദംവചനമബ്രവീത് ॥ 9 ॥
മഹാപാര്ശ്വനിബോധത്വംരഹസ്യംകിംചിദാത്മനഃ ।
ചിരവൃത്തംതദാഖ്യാസ്യേയദവാപ്തംപുരാമയാ ॥ 10 ॥
പിതാമഹസ്യഭവനംഗച്ഛംതീംപുംജികസ്ഥലാമ് ।
ചംചൂര്യമാണാമദ്രാക്ഷമാകാശേഽഗ്നിശിഖാമിവ ॥ 11 ॥
സാപ്രസഹ്യമയാഭുക്താകൃതാവിവസനാതതഃ ।
സ്വയംഭൂഭവനംപ്രാപ്താലോലിതാനലിനീയഥാ ॥ 12 ॥
തച്ചതസ്യതദാമന്യേജ്ഞാതമാസീന്മഹാത്മനഃ ।
അഥസംകുപിതോദേവോമാമിദംവാക്യമബ്രവീത് ॥ 13 ॥
അദ്യപ്രഭൃതിയാമന്യാബലാന്നാരീംഗമിഷ്യസി ।
തദാതേശതധാമൂര്ധാഫലിഷ്യതിനസംശയഃ ॥ 14 ॥
ഇത്യഹംതസ്യശാപസ്യഭീതഃപ്രസഭമേവതാമ് ।
നാരോഹയേബലാത്സീതാംവൈദേഹീംശയനേശുഭേ ॥ 15 ॥
സാഗരസ്യേനമേവേഗോമാരുതസ്യേവമേഗതിഃ ।
നൈതദ്ദാശരഥിർവേദഹ്യാസാദയതിതേനമാമ് ॥ 16 ॥
കോഹിസിംഹമിവാസീനംസുപ്തംഗിരിഗുഹാശയേ ।
ക്രുദ്ധംമൃത്യുമിവാഽസീനംസംഭോധയിതുമിച്ഛതി ॥ 17 ॥
നമത്തോനിശിതാന്ബാണാംദ്വിജിഹ്വാന്പന്നഗാനിവ ।
രാമഃപശ്യതിസംഗ്രാമേതേനമാമഭിഗച്ഛതി ॥ 18 ॥
ക്ഷിപ്രംവജ്രസമൈര്ബാണൈശ്ശതഥാകാര്മുകച്യുതൈഃ ।
രാമമാദീപയിഷ്യാമിഉല്കാഭിരിവകുംജരമ് ॥ 19 ॥
തച്ചാസ്യബലമാദാസ്യേബലേനമഹതാവൃതഃ ।
ഉദിതസ്സവിതാകാലേനക്ഷത്രാണാമിവപ്രഭാമ് ॥ 20 ॥
നവാസനേനാപിസഹസ്രചക്ഷുഷായുധാഽസ്മിശക്യോവരുണേനവാപുനഃ ।
മയാത്വിയംബാഹുബലേനനിര്ജിതാപുരാപുരീവൈശ്രവണേനപാലിതാ ॥ 21 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ത്രയോദശസ്സര്ഗഃ ॥
