శ్రీమద్వాల్మీకీయ రామాయణే యుద్ధకాండమ్ ।
అథ ఏకత్రింశదధికశతతమస్సర్గః ।
శిరస్యంజలిమాధాయకైకేయ్యానందవర్ధనః ।
బభాషేభరతోజ్యేష్ఠంరామంసత్యపరాక్రమమ్ ॥ 1 ॥
పూజితామామికామాతాదత్తంరాజ్యమిదంమమ ।
తద్దదామిపునస్తుభ్యంయథాత్వమదదామమ ॥ 2 ॥
ధురమేకాకినాన్యస్తాంవృషభేణబలీయసా ।
కిశోరవద్గురుంభారం న వోఢుమహముత్సహే ॥ 3 ॥
వారివేగేనమహతాభిన్నస్సేతురివక్షరన్ ।
దుర్బంధనమిదంమన్యేరాజ్యచ్ఛ్రిదమసమ్వృతమ్ ॥ 4 ॥
గతింఖరైవాశ్వస్యహంసస్యేవ చ వాయసః ।
నాన్వేతుముత్సహేరామ తవమార్గమరిందమ ॥ 5 ॥
యథాచారోపితోవృక్షోజాతశ్చార్నంతివేశనే ।
మహాంశ్చసుదురారోహోమహాస్కందఃప్రశాఖవాన్ ॥ 6 ॥
శీర్యేతపుష్పితోభూత్వా న ఫలానిప్రదర్శయన్ ।
తస్యనానుభవేదర్థంయస్యహేతోస్సరోపితః ॥ 7 ॥
ఏషోపమామహాబాహోత్వమర్థంవేత్తుమర్హసి ।
యద్యస్మాన్మనుజేంద్రత్వంభర్తాభృత్యాన్నశాధిహి ॥ 8 ॥
జగదద్యాభిషిక్తంత్వామనుపశ్యతురాఘవ ।
ప్రతపంతమివాదిత్యంమధ్యాహ్నేదీప్తతేజసమ్ ॥ 9 ॥
తూర్యసంఘాంతిర్ఘోషైఃకాంచీనూపురనిఃస్వనైః ।
మధురైర్గీతశబ్దైశ్చప్రతిబుధ్యస్వశేష్వ చ ॥ 10 ॥
యావదావర్తతేచక్రంయావతీ చ వసుంధరా ।
తావత్త్వమిహలోకస్యస్వామిత్వమనువర్తయ ॥ 11 ॥
భరతస్యవచ్శ్రుత్వారామఃపరపురంజయః ।
తథేతిప్రతిజగ్రాహనిషసాదాసనేశుభే ॥ 12 ॥
తతశ్శత్రుఘ్నవచనాన్నిపుణాఃశ్మశ్రువర్ధనాః ।
సుఖహస్తాఃసుశీఘ్రాశ్చరాఘవంపర్యవారయన్ ॥ 13 ॥
పూర్వంతుభరతేస్నాతేలక్ష్మణే చ మహాబలే ।
సుగ్రీవేవానరేంద్రే చ రాక్షసేంద్రేవిభీషణే ॥ 14 ॥
విశోధితజటస్స్నాతశ్చిత్రమాల్యానులేపనః ।
మహార్హవసనోపేతస్తస్థౌతత్రశ్రియాజ్వలన్ ॥ 15 ॥
ప్రతికర్మ చ రామస్యకారయామాసవీర్యవాన ।
లక్ష్మణస్య చ లక్ష్మీవానిక్ష్వాకుకులవర్ధనః ॥ 16 ॥
ప్రతికర్మచసీతాయాస్సర్వాదశరథస్త్రియః ।
ఆత్మనైవతదాచక్రుర్మనస్విన్యోమనోహరమ్ ॥ 17 ॥
తతోవానరపత్నీనాంసర్వాసామేవశోభనమ్ ।
చకారయత్నాత్కౌసల్యాప్రహృష్టాపుత్రవత్సలా ॥ 18 ॥
తతః శ్శత్రుఘ్నవచనాత్సుమంత్రోనామసారథిః ।
యోజయిత్వాభిచక్రామరథంసర్వాంగశోభనమ్ ॥ 19 ॥
అర్కమండలసంకాశందివ్యందృష్టవారథంస్థితమ్ ।
ఆరురోహమహాబాహూరామఃపరపురంంజయః ॥ 20 ॥
సుగ్రీవోహనుమాంశ్చైవమహేంద్రసదృశద్యుతీ ।
స్నాతౌదివ్యనిభైర్వస్త్రైర్జగ్మతుశ్శుభకుండలౌ ॥ 21 ॥
సర్వాభరణజుష్టాశ్చయుయుస్తశ్శుభకుండలాః ।
సుగ్రీవపత్నయఃసీతా చ ద్రష్టుంనగరముత్సుకాః ॥ 22 ॥
అయోధ్యాయాంతుసచివారాజ్ఞోదశరథస్య చ ।
పురోహితంపురస్కృత్యమంత్రయామాసురర్థవత్ ॥ 23 ॥
అశోకోవిజయశ్చైవసిద్ధార్థశ్చసమాహితాః ।
మంత్రయన్రామవృధ్యర్థంబుధ్యర్థంనగరస్య చ ॥ 24 ॥
సర్వమేవాభిషేకార్థంజయార్హస్యమహాత్మనః ।
కర్తుమర్హథరామస్యయద్యన్మంగలపూర్వకమ్ ॥ 25 ॥
ఇతితేమంత్రిణస్సర్వేసందిశ్య చ పురోహితమ్ ।
నగరాన్నిర్యయుస్తూర్ణంరామదర్శనబుద్ధయః ॥ 26 ॥
హరియుక్తంసహస్రాక్షోరథమింద్రైవానఘః ।
ప్రయయౌరథమాస్థాయరామోనగరముత్తమమ్ ॥ 27 ॥
జగ్రాహభరతోరమశీన్శత్రుఘ్నశ్చత్రమాదదే ।
లక్ష్మణోవ్యజనంతస్యమూర్ధ్నిసంపర్యవీజయత్ ॥ 28 ॥
శ్వేతం చ వాలవ్యజనంజగృహేపరితస్స్థితః ।
అపరంచంద్రసంకాశంరాక్షసేంద్రోవిభీషణః ॥ 29 ॥
ఋషిసంఘైస్తదాకాశేదేవైశ్చసమరుద్గణైః ।
స్తూయమాస్యరామస్యశుశ్రువమధురధ్వనిః ॥ 30 ॥
తతఃశత్రుంజయంనామకుంజరంపర్వతోపమమ్ ।
ఆరురోహమహాతేజాస్సుగ్రీవఃప్లవగర్షభః ॥ 31 ॥
నవనాగసహస్రాణియయురాస్థాయవానరాః ।
మానుషంవిగ్రహంకృత్వాసర్వాభరణభూషితాః ॥ 32 ॥
శంఖశబ్దప్రణాదైశ్చదుందుభీనాం చ నిస్స్వనైః ।
ప్రయయౌపురుషవ్యాఘ్రస్తాంపురీంహర్మ్యమాలినీమ్ ॥ 33 ॥
దదృశుస్తేసమాయాంతంరాఘవంసపురస్సరమ్ ।
విరాజమానంవపుషారథేనాతిరథంతదా ॥ 34 ॥
తేవర్థయిత్వాకాకుత్స్థంరామేణప్రతినందితాః ।
అనుజగ్ముర్మహాత్మానంభ్రాతృభిఃపరివారితమ్ ॥ 35 ॥
అమాత్యైర్బ్రాహ్మణైశ్చైవతథాప్రకృతిభిర్వవృతః ।
శ్రియావిరురుచేరామోనక్షత్రరివచంద్రమాః ॥ 36 ॥
స పురోగామిభిస్తూర్యైస్తాలస్వస్తికపాణిభిః ।
ప్రవ్యాహరద్భిర్ముదితైర్మంగలానివృతోయయౌ ॥ 37 ॥
అక్షతంజాతరూపం చ గావఃకన్యాస్సహద్విజాః ।
నరామోదకహస్తాశ్చరామస్యపురతోయయుః ॥ 38 ॥
సఖ్యం చ రామస్సుగ్రీవేప్రభావంచానిలాత్మజే ।
వానరాణాం చ తత్కర్మహ్యాచచక్షేఽఽథమంత్రిణామ్ ॥ 39 ॥
శ్రుత్వా చ విస్మయంజగ్మురయోధ్యాపురవాసినః ।
వానరాణాం చ తతకర్మరాక్షసానాం చ తద్బలమ్ ॥ 40 ॥
విభీషణస్యసమ్యోగమాచచక్షేఽథమంత్రిణామ్ ।
ద్యుతిమానేతదాఖ్యాయరామోవానరసమ్యుతః ॥ 41 ॥
హృష్టపుష్టజనాకీర్ణమయోధ్యాంప్రవివేశసః ।
తతోహ్యభ్యుచ్ఛ్రయన్పౌరాఃపతాకాశ్చగృహేగృహే ॥ 42 ॥
ఐక్ష్వాకుధ్యుషితంరమ్యమాససాదపితుర్గృహమ్ ।
అథాబ్రవీద్రాజపుత్రోభరతంధర్మిణాంవరమ్ ॥ 43 ॥
అర్ధోపహితయావాచామధురంరఘునందనః ।
పితుర్భవనమాసాద్యప్రవిశ్య చ మహాత్మనః ॥ 44 ॥
కౌసల్యాం చ సుమిత్రాం చ కైకేయీమభివాద్య చ ।
యచ్ఛమద్భవనంశ్రేష్ఠంసాశోకవనికంమహత్ ॥ 45 ॥
ముక్తావైదూర్యసంకీర్ణంసుగ్రీవాయనివేదయ ।
తస్యతద్వచనంశ్రుత్వాభరతస్సత్యవిక్రమః ॥ 46 ॥
హస్తేగృహీత్వాసుగ్రీవంప్రవివేశతమాలయమ్ ।
తతః స్స్సైలప్రదీపాంశ్చపర్యంకాస్తరణాని చ ॥ 47 ॥
గృహీత్వావివిశుఃక్షిప్రంశత్రుఘ్నేప్రచోదితాః ।
ఉవాచ చ మహాతేజాస్సుగ్రీవంరాఘవానుజః ॥ 48 ॥
అభిషేకాయరామస్యదూతానాజ్ఞాపయప్రభో ।
సౌవర్ణాన్వానరేంద్రాణాంచతుర్ణాంచతురోఘటాన్ ॥ 49 ॥
దదౌక్షిప్రంససుగ్రీవస్సర్వరత్నవిభూషితాన్ ।
యథాప్రత్యూషసమయేచతుర్ణాంసాగరాంబసామ్ ॥ 50 ॥
పూర్ణఘటైఃప్రతీక్షధ్వంతథాకురుతవానరాః ।
ఏవముక్తామహాత్మానోవానరావారణోపమాః ॥ 51 ॥
ఉత్పేతుర్గగనంశీఘ్రంగరుడాఇవశీఘ్రగాః ।
జాంబవాంశ్చహనూమాంశ్చవేగదర్శీ చ వానరః ॥ 52 ॥
ఋషభశ్చైవకలశాన్జలపూర్ణానథానయన్ ।
నదీశతానాంపంచానాంజలంకుంభైరుపాహరన్ ॥ 53 ॥
పూర్వాత్సముద్రాత్కలశంజలపూర్ణమథానయత్ ।
సుషేణస్సత్త్వసంపన్నస్సర్వరత్నవిభూషితమ్ ॥ 54 ॥
ఋషభోదక్షిణాత్తూర్ణంసముద్రాజ్జలమానయత్ ।
రక్తచందనశాఖాభిస్సమ్వృతంకాంచనంఘటమ్ ॥ 55 ॥
గవయఃపశ్చిమాత్తోయమాజహారమహార్ణవాత్ ।
రత్నకుంభేనమహతాశీతంమారుతవిక్రమః ॥ 56 ॥
ఉత్తరాచ్చజలంశీఘ్రంగరుడానిలవిక్రమః ।
ఆజహార స ధర్మాత్మానలఃసర్వగుణాన్వితః ॥ 57 ॥
తతస్తైర్వానరశ్రేష్ఠైరానీతంప్రేక్ష్యతజ్జలమ్ ।
అభిషేకాయరామస్యశత్రుఘ్నస్సచివైస్సహ ॥ 58 ॥
పురోహితాయశ్రేష్ఠాయసుహృద్భ్యశ్చన్యవేదయత్ ।
తతస్సప్రయతోవృద్ధోవసిష్ఠోబ్రాహ్మణైఃసహ ॥ 59 ॥
రామంరత్నమయేపీఠేససీతంసన్నయవేశయత్ ।
వసిష్ఠోవామదేవశ్చజాబాలిరథకాశ్యపః ॥ 60 ॥
కాత్యాయనోసుయజ్ఞశ్చగౌతమోవిజయస్తథా ।
అభ్యషించన్నరవ్యాఘ్రంప్రసన్నేనసుగంధినా ॥ 61 ॥
సలిలేనసహస్రాక్షంవసవోవాసవంయథా ।
ఋగ్భిర్భ్రాహ్మణైఃపూర్వంకన్యాభిర్మంత్రిభిస్తథా ॥ 62 ॥
యోథౌశ్చైవాభ్యషించంస్తేసంప్రహృష్టాస్సనైగమైః ।
సర్వౌషధీనసైశ్చాపిదైవతైర్నభసిస్థితైః ॥ 63 ॥
చతుర్భిర్లోకపాలైశ్చసర్వైర్దేవైశ్చసంగతైః ।
బ్రహ్మణానిర్మితంపూర్వంకిరీటంరత్నశోభితమ్ ॥ 64 ॥
అభిషిక్తఃపురాయేవమనుస్తందీప్తతేజసమ్ ।
తస్యాన్వవాయేరాజానఃక్రమాద్యేనాభిషేచితాః ॥ 65 ॥
సభాయాంహేమక్లుప్తాయాంశోభితాయాంమహాధనైః ।
రత్నైర్నానావిధైశ్చవచిత్రితాయాంసుశోభనైః ॥ 66 ॥
నానారత్నమయేపీఠేకల్పయిత్వాయథావిధి ।
కిరీటేనతతఃపశ్చాద్వసిష్ఠేనమహాత్మనా ॥ 67 ॥
ఋత్విగిమభగిర్భూషణైశ్చైవసమయోక్ష్యతరాఘవః ।
ఛత్రంతస్య చ జగ్రాహశత్రఘ్నఃపాండురంశుభమ్ ॥ 68 ॥
శ్వేతం చ వాలవ్యజనంసుగ్రీవోవానరేశ్వరః ।
అపరంచంద్రసంకాశంరాక్షసేంద్రోవిభీషణః ॥ 69 ॥
మాలాంజ్వలంతీంవపుషాకాంచనీంశతపుష్కరామ్ ।
రాఘవాయదదౌవాయుర్వాసవేనప్రచోదితః ॥ 70 ॥
సర్వరత్నసమాయుక్తంమణిభిశ్చవిభూషితమ్ ।
ముక్తాహారంనరేంద్రాయదదౌశక్రప్రచోదితః ॥ 71 ॥
ప్రజగుర్ధేవగంధర్వాననృతుశ్చాప్సరోగణాః ।
అభిషేకేతదర్హస్యతదారామస్యధీమతః ॥ 72 ॥
భూమిఃసస్యవతీచైవఫలవంతశ్చపాదపాః ।
గంధవంతి చ పుష్పాణిబభూవూరాఘవోత్సవే ॥ 73 ॥
సహస్రశతమశ్వానాంధేనూనాం చ గవాంతథా ।
దదౌశతవృషాన్పూర్వంద్విజేభ్యోమనుజర్షభః ॥ 74 ॥
త్రింశత్కోటీర్హిరణ్యస్యబ్రాహ్మణేభ్యోదదౌపునః ।
నానాభరణవస్త్రాణిమహార్హాణి చ రాఘవః ॥ 75 ॥
అర్కరశ్మిప్రతీకాశాంకాంచనీంమణివిగ్రహామ్ ।
సుగ్రీవాయస్రజందివ్యాంప్రాయచ్ఛన్మనుజాధిపః ॥ 76 ॥
వైదూర్యమయచిత్రే చ మణిరత్నవిభూషితే ।
వాలిపుత్రాయధృతిమానంగదాయాంగదేదదౌ ॥ 77 ॥
మణిప్రవరజుష్టంతుముక్తాహారమనుత్తమమ్ ।
సీతాయైప్రదదౌరామశ్చంద్రరశ్మిసమప్రభమ్ ॥ 78 ॥
అరజేవాససీదివ్యేశుభాన్యాభరణాని చ ।
అవేక్షమాణావైదేహీప్రదదౌవాయుసూనవే ॥ 79 ॥
అవముచ్యాత్మనఃకంఠాద్దారంజనకనందినీ ।
అవైక్షతహరీన్సర్వాన్భర్తారం చ ముహుర్ముహుః ॥ 80 ॥
తామింగితజ్ఞస్సంప్రేక్ష్య బభాషే జనకాత్మజామ్ ।
ప్రదేహిసుభగేహారంయస్యతుష్టాసిభామిని ॥ 81 ॥
తేజోధృతిర్యశోదాక్ష్యంసామర్థ్యంవినయోనయః ।
పౌరుషంవిక్రమోబుద్ధిర్యస్మిన్నేతానిసర్వదా ॥ 82 ॥
దదౌసావాయుపుత్రాయతంహారమసితేక్షణా ।
హనూమాంస్తేనహారేణశుశుభేవానరర్షభః ॥ 83 ॥
చన్రాంశుచయగౌరేణశ్వేతాభ్రేణయథాచలః ।
తోద్వివిదమైంధాభ్యాంనీలాయ చ పరంతపః సర్వేవానరవృద్ధాశ్చయేచాన్యేవానరోత్తమాః ॥ 84 ॥
వాసోభిర్భూషణైశ్చైవయథార్హంప్రతిపూజితాః ।
సర్వాన్కామగుణావనీక్ష్యప్రదదౌవసుధాధిపః ॥ 85 ॥
విభీషణోఽథసుగ్రీవోహనుమాన్జాంబవాంస్తథా ॥ 86 ॥
సర్వేవానరముఖ్యాశ్చరామేణాక్లిష్టకర్మణా ।
యథార్హంపూజితాఃసర్వేకామైరత్నైశ్చపుష్కలైః ॥ 87 ॥
ప్రహృష్టమానసఃసర్వేజగ్మురేవయథాగతమ్ ।
దృష్ట్వాసర్వేమహాత్మానస్తతస్తేవానరర్షభాః ॥ 88 ॥
విసృష్టాఃపార్థివేంద్రేణకిష్కింధాంసముపాగమన్ ।
సుగ్రీవోవానరశ్రేష్ఠో దృష్టవారామభిషేచనమ్ ॥ 89 ॥
పూజితశ్చైవరామేయకిష్కింధాంప్రావిశత్పురీమ్ ।
విభీషణోఽపిధర్మాత్మాసహతైర్నైరృతర్షభైః ॥ 90 ॥
లబ్ధ్వాకులధనంరాజాలంకాంప్రాయాన్ మహాయశాః ।
సరాజ్యమఖిలంశాసన్నిహతారిర్మహాయశాః ॥ 91 ॥
రాఘవఃపరమోదారశ్శశాసపరయాముదా ।
ఉవాచలక్ష్మణంరామోధర్మజ్ఞంధర్మవత్సలః ॥ 92 ॥
ఆతిష్ఠధర్మజ్ఞ మయాసహేమాంగాంపూర్వరాజాధ్యుషితాంబలేన ।
తుల్యంమయాత్వంపితృభిర్ధృతాయాతాంయౌవరాజ్యేధురముద్వహస్వ ॥ 93 ॥
సర్వాత్మనాపర్యనునీయమానోయదా న సౌమిత్రిరుపైతియోగమ్ ।
నియుజ్యమానోఽపి చ యౌవరాజ్యేతతోఽభ్యషించద్భరతంమహాత్మా ॥ 94 ॥
పౌండరీకాశ్వమేధాభ్యాంవాజపేయేనచాసకృత్ ।
అన్యైశ్చవివిధైర్యజ్ఞైరయజత్పార్థివాత్మజః ॥ 95 ॥
రాజ్యందశసహస్రాణిప్రాప్యవర్షాణిరాఘవః ।
శతాశ్వమేధానాజహ్రేసదశ్వాన్ భూరిదక్షిణాన్ ॥ 96 ॥
ఆజానులంబిబాహుస్సమహావక్షాఃప్రతాపవాన్ ।
లక్ష్మణానుచరోరామఃశశాసపృథివీమిమామ్ ॥ 97 ॥
రాఘవశ్చాపిధర్మాత్మాప్రాప్యరాజ్యమనుత్తమమ్ ।
ఈజేబహువిధైర్యజ్ఞైససుతభ్రాతృబాంధవః ॥ 98 ॥
స పర్యదేవన్విధవా న చ వ్యాలకృతంభయమ్ ।
న వ్యాధిజంభయంచాసీద్రామేరాజ్యంప్రశాసతి ॥ 99 ॥
నిర్దస్యురభవల్లోకోనానర్థంకశ్చిదస్పృశత్ ।
న చ స్మవృద్ధాబాలానాంప్రేతకార్యాణికుర్వతే ॥ 100 ॥
సర్వంముదితమేవాసీత్సర్వోధర్మపరోఽభవత్ ।
రామమేవానుపశ్యంతోనాభ్యహింసన్ పరస్పరమ్ ॥ 101 ॥
ఆసన్వర్షసహస్రాణితథాపుత్రసహస్రిణః ।
నిరామయావిశోకాశ్చరామేరాజ్యంప్రశాసతి ॥ 102 ॥
రామోరామోరామః ఇతిప్రజానామభవన్కథాః ।
రామభూతంజగదభూద్రామేరాజ్యంప్రశాసతి ॥ 103 ॥
నిత్యపుష్పానిత్యఫలాంతరవస్తత్రనిర్వ్రణాః ।
కామవర్షీ చ పర్జన్యస్సుఖస్పర్శశ్చమారుతః ॥ 104 ॥
బ్రాహ్మణాఃక్షత్రియావైశ్యాశ్శూద్రాలోభవివర్జితాః ।
స్వకర్మసుప్రవర్తంతేతుష్టాస్స్వైరేవకర్మభిః ॥ 105 ॥
ఆసన్ప్రజాధర్మపరారామేశాసతినానృతాః ।
సర్వేలక్షణసంపన్నాస్సర్వేధర్మపరాయణాః ॥ 106 ॥
దశవర్షసహస్రాణిదశవర్షశతాని చ భ్రాతృభిః సహితఃశ్రీమానరామోరాజ్యమకారయత్ ।
ధన్యంయశస్యమాయుష్యంరాజ్ఞాం చ వియావహమ్ ॥ 107 ॥
ఆదికావ్యమిదంచార్షంపురావాల్మీకినాకృతమ్ ।
పఠేధ్యఃశృణుయాల్లోకేనరఃపాపాత్ప్రముచ్యతే ॥ 108 ॥
పుత్రకామశ్చపుత్రాన్వైధనకామోధనాని చ ।
లభతేమనుజోలోకేశ్రుత్వారామాభిషేచనమ్ ॥ 109 ॥
మహీంవిజయతేరాజారిపూంశ్చాప్యధితిష్ఠతి ।
రాఘవేణయథామాతాసుమిత్రాలక్ష్మణేన చ ॥ 110 ॥
భరతేన చ కైకేయీజీవపుత్రాస్తథాస్త్రియః ।
భవిష్యంతిసదానందాఃపుత్రపౌత్రసమన్వితాః ॥ 111 ॥
శ్రుత్వారామాయణమిదందీర్ఘమాయుశ్చవిందతి ।
రామస్యవిజయంచైవసర్వమక్లిష్టకర్మణః ॥ 112 ॥
శృణోతి య ఇదంకావ్యంపురావాల్మీకినాకృతమ్ ।
శ్రద్ధధానోజితక్రోధోదుర్గాణ్యతితరత్యసౌ ॥ 113 ॥
సమాగమ్యప్రవాసాంతేరమంతేసహబాంధవైః ।
శృణ్వంతి య ఇదంకావ్యంపురావాల్మీకినాకృతమ్ ॥ 114 ॥
తేప్రార్థితాన్వరాన్సర్వాన్ప్రాప్నువంతీహరాఘవాత్ ।
శ్రవణేనసురాస్సర్వేప్రీయంతేసంప్రశృణ్వతామ్ ॥ 115 ॥
వినాయకాశ్చశామ్యంతిగృహేతిష్ఠంతియస్యవై ।
విజయేతమహీంరాజాప్రవాసీస్వస్తిమాన్భవేత్ ॥ 116 ॥
స్త్రియోరజస్వలాశ్రుత్వాపుత్రాన్సూయురనుత్తమాన్ ।
పూజయంశ్చపఠంశ్చైవమితిహాసంపురాతనమ్ ॥ 117 ॥
సర్వపాపైఃప్రముచ్యేతదీర్ఘమాయురవాప్నుయాత్ ।
ప్రణమ్యశిరసానిత్యంశ్రోతవ్యంక్షత్రియైర్ద్విజాత్ ॥ 118 ॥
ఐశ్వర్యంపుత్రలాభాశ్చభవిష్యతి న సంశయః ।
రామాయణమిదంకృత్స్నంశృణ్వతఃపఠతస్సదా ॥ 119 ॥
ప్రీయతేసతతంరామస్సహివిష్ణుస్సనాతనః ।
ఆదిదేవోమహాబాహుర్హరిన్నారాయణఃప్రభుః ॥ 120 ॥
సాక్షాద్రామోరఘుశ్రేష్ఠశ్శేషోలక్ష్మణౌచ్యతే ।
ఏవమేతత్పురావృత్తమాఖ్యానంభద్రమస్తువః ॥ 121 ॥
ప్రవ్యాహరతవిస్రబ్ధంబలంవిష్ణోఃప్రవర్థతామ్ ।
దేవాశ్చసర్వేతుష్యంతిగ్రహణాచ్ఛ్రవణాత్తథా ॥ 122 ॥
రామాయణస్యశ్రవణేతుష్యంతిపితస్సదా ।
భక్త్యారామస్యయేచేమాంసంసితామృషిణాకృతామ్ ॥ 123 ॥
యేలిఖంతీ హ చ నరాస్తేషాంవాసస్త్రివిష్టపే ।
కుటుంబవృద్ధింధనధాన్యవృద్ధింస్త్రియశ్చముఖ్యాస్సుఖముత్తమం చ ।
శ్రుత్వాశుభంకావ్యమిదంమహార్థంప్రాప్నోతిసర్వాంభువిచార్థసిద్ధమ్ ॥ 124 ॥
ఆయుష్యమారోగ్యకరంయశస్యంసౌభ్రాతృకంబుద్ధికరంశుభం చ ।
శ్రోతవ్యమేతన్నియమేనసద్భిరాఖ్యానమోజస్కరమృద్ధికామైః ॥ 125 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే ఏకత్రింశదధికశతతమస్సర్గః ॥
