ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଏକତ୍ରିଂଶଦଧିକଶତତମସ୍ସର୍ଗଃ ।
ଶିରସ୍ୟଂଜଲିମାଧାୟକୈକେୟ୍ୟାନଂଦଵର୍ଧନଃ ।
ବଭାଷେଭରତୋଜ୍ୟେଷ୍ଠଂରାମଂସତ୍ୟପରାକ୍ରମମ୍ ॥ 1 ॥
ପୂଜିତାମାମିକାମାତାଦତ୍ତଂରାଜ୍ୟମିଦଂମମ ।
ତଦ୍ଦଦାମିପୁନସ୍ତୁଭ୍ୟଂୟଥାତ୍ଵମଦଦାମମ ॥ 2 ॥
ଧୁରମେକାକିନାନ୍ୟସ୍ତାଂଵୃଷଭେଣବଲୀୟସା ।
କିଶୋରଵଦ୍ଗୁରୁଂଭାରଂ ନ ଵୋଢୁମହମୁତ୍ସହେ ॥ 3 ॥
ଵାରିଵେଗେନମହତାଭିନ୍ନସ୍ସେତୁରିଵକ୍ଷରନ୍ ।
ଦୁର୍ବଂଧନମିଦଂମନ୍ୟେରାଜ୍ୟଚ୍ଛ୍ରିଦମସମ୍ଵୃତମ୍ ॥ 4 ॥
ଗତିଂଖରୈଵାଶ୍ଵସ୍ୟହଂସସ୍ୟେଵ ଚ ଵାୟସଃ ।
ନାନ୍ଵେତୁମୁତ୍ସହେରାମ ତଵମାର୍ଗମରିଂଦମ ॥ 5 ॥
ୟଥାଚାରୋପିତୋଵୃକ୍ଷୋଜାତଶ୍ଚାର୍ନଂତିଵେଶନେ ।
ମହାଂଶ୍ଚସୁଦୁରାରୋହୋମହାସ୍କଂଦଃପ୍ରଶାଖଵାନ୍ ॥ 6 ॥
ଶୀର୍ୟେତପୁଷ୍ପିତୋଭୂତ୍ଵା ନ ଫଲାନିପ୍ରଦର୍ଶୟନ୍ ।
ତସ୍ୟନାନୁଭଵେଦର୍ଥଂୟସ୍ୟହେତୋସ୍ସରୋପିତଃ ॥ 7 ॥
ଏଷୋପମାମହାବାହୋତ୍ଵମର୍ଥଂଵେତ୍ତୁମର୍ହସି ।
ୟଦ୍ୟସ୍ମାନ୍ମନୁଜେଂଦ୍ରତ୍ଵଂଭର୍ତାଭୃତ୍ୟାନ୍ନଶାଧିହି ॥ 8 ॥
ଜଗଦଦ୍ୟାଭିଷିକ୍ତଂତ୍ଵାମନୁପଶ୍ୟତୁରାଘଵ ।
ପ୍ରତପଂତମିଵାଦିତ୍ୟଂମଧ୍ୟାହ୍ନେଦୀପ୍ତତେଜସମ୍ ॥ 9 ॥
ତୂର୍ୟସଂଘାଂତିର୍ଘୋଷୈଃକାଂଚୀନୂପୁରନିଃସ୍ଵନୈଃ ।
ମଧୁରୈର୍ଗୀତଶବ୍ଦୈଶ୍ଚପ୍ରତିବୁଧ୍ୟସ୍ଵଶେଷ୍ଵ ଚ ॥ 10 ॥
ୟାଵଦାଵର୍ତତେଚକ୍ରଂୟାଵତୀ ଚ ଵସୁଂଧରା ।
ତାଵତ୍ତ୍ଵମିହଲୋକସ୍ୟସ୍ଵାମିତ୍ଵମନୁଵର୍ତୟ ॥ 11 ॥
ଭରତସ୍ୟଵଚ୍ଶ୍ରୁତ୍ଵାରାମଃପରପୁରଂଜୟଃ ।
ତଥେତିପ୍ରତିଜଗ୍ରାହନିଷସାଦାସନେଶୁଭେ ॥ 12 ॥
ତତଶ୍ଶତ୍ରୁଘ୍ନଵଚନାନ୍ନିପୁଣାଃଶ୍ମଶ୍ରୁଵର୍ଧନାଃ ।
ସୁଖହସ୍ତାଃସୁଶୀଘ୍ରାଶ୍ଚରାଘଵଂପର୍ୟଵାରୟନ୍ ॥ 13 ॥
ପୂର୍ଵଂତୁଭରତେସ୍ନାତେଲକ୍ଷ୍ମଣେ ଚ ମହାବଲେ ।
ସୁଗ୍ରୀଵେଵାନରେଂଦ୍ରେ ଚ ରାକ୍ଷସେଂଦ୍ରେଵିଭୀଷଣେ ॥ 14 ॥
ଵିଶୋଧିତଜଟସ୍ସ୍ନାତଶ୍ଚିତ୍ରମାଲ୍ୟାନୁଲେପନଃ ।
ମହାର୍ହଵସନୋପେତସ୍ତସ୍ଥୌତତ୍ରଶ୍ରିୟାଜ୍ଵଲନ୍ ॥ 15 ॥
ପ୍ରତିକର୍ମ ଚ ରାମସ୍ୟକାରୟାମାସଵୀର୍ୟଵାନ ।
ଲକ୍ଷ୍ମଣସ୍ୟ ଚ ଲକ୍ଷ୍ମୀଵାନିକ୍ଷ୍ଵାକୁକୁଲଵର୍ଧନଃ ॥ 16 ॥
ପ୍ରତିକର୍ମଚସୀତାୟାସ୍ସର୍ଵାଦଶରଥସ୍ତ୍ରିୟଃ ।
ଆତ୍ମନୈଵତଦାଚକ୍ରୁର୍ମନସ୍ଵିନ୍ୟୋମନୋହରମ୍ ॥ 17 ॥
ତତୋଵାନରପତ୍ନୀନାଂସର୍ଵାସାମେଵଶୋଭନମ୍ ।
ଚକାରୟତ୍ନାତ୍କୌସଲ୍ୟାପ୍ରହୃଷ୍ଟାପୁତ୍ରଵତ୍ସଲା ॥ 18 ॥
ତତଃ ଶ୍ଶତ୍ରୁଘ୍ନଵଚନାତ୍ସୁମଂତ୍ରୋନାମସାରଥିଃ ।
ୟୋଜୟିତ୍ଵାଭିଚକ୍ରାମରଥଂସର୍ଵାଂଗଶୋଭନମ୍ ॥ 19 ॥
ଅର୍କମଂଡଲସଂକାଶଂଦିଵ୍ୟଂଦୃଷ୍ଟଵାରଥଂସ୍ଥିତମ୍ ।
ଆରୁରୋହମହାବାହୂରାମଃପରପୁରଂଂଜୟଃ ॥ 20 ॥
ସୁଗ୍ରୀଵୋହନୁମାଂଶ୍ଚୈଵମହେଂଦ୍ରସଦୃଶଦ୍ୟୁତୀ ।
ସ୍ନାତୌଦିଵ୍ୟନିଭୈର୍ଵସ୍ତ୍ରୈର୍ଜଗ୍ମତୁଶ୍ଶୁଭକୁଂଡଲୌ ॥ 21 ॥
ସର୍ଵାଭରଣଜୁଷ୍ଟାଶ୍ଚୟୁୟୁସ୍ତଶ୍ଶୁଭକୁଂଡଲାଃ ।
ସୁଗ୍ରୀଵପତ୍ନୟଃସୀତା ଚ ଦ୍ରଷ୍ଟୁଂନଗରମୁତ୍ସୁକାଃ ॥ 22 ॥
ଅୟୋଧ୍ୟାୟାଂତୁସଚିଵାରାଜ୍ଞୋଦଶରଥସ୍ୟ ଚ ।
ପୁରୋହିତଂପୁରସ୍କୃତ୍ୟମଂତ୍ରୟାମାସୁରର୍ଥଵତ୍ ॥ 23 ॥
ଅଶୋକୋଵିଜୟଶ୍ଚୈଵସିଦ୍ଧାର୍ଥଶ୍ଚସମାହିତାଃ ।
ମଂତ୍ରୟନ୍ରାମଵୃଧ୍ୟର୍ଥଂବୁଧ୍ୟର୍ଥଂନଗରସ୍ୟ ଚ ॥ 24 ॥
ସର୍ଵମେଵାଭିଷେକାର୍ଥଂଜୟାର୍ହସ୍ୟମହାତ୍ମନଃ ।
କର୍ତୁମର୍ହଥରାମସ୍ୟୟଦ୍ୟନ୍ମଂଗଲପୂର୍ଵକମ୍ ॥ 25 ॥
ଇତିତେମଂତ୍ରିଣସ୍ସର୍ଵେସଂଦିଶ୍ୟ ଚ ପୁରୋହିତମ୍ ।
ନଗରାନ୍ନିର୍ୟୟୁସ୍ତୂର୍ଣଂରାମଦର୍ଶନବୁଦ୍ଧୟଃ ॥ 26 ॥
ହରିୟୁକ୍ତଂସହସ୍ରାକ୍ଷୋରଥମିଂଦ୍ରୈଵାନଘଃ ।
ପ୍ରୟୟୌରଥମାସ୍ଥାୟରାମୋନଗରମୁତ୍ତମମ୍ ॥ 27 ॥
ଜଗ୍ରାହଭରତୋରମଶୀନ୍ଶତ୍ରୁଘ୍ନଶ୍ଚତ୍ରମାଦଦେ ।
ଲକ୍ଷ୍ମଣୋଵ୍ୟଜନଂତସ୍ୟମୂର୍ଧ୍ନିସଂପର୍ୟଵୀଜୟତ୍ ॥ 28 ॥
ଶ୍ଵେତଂ ଚ ଵାଲଵ୍ୟଜନଂଜଗୃହେପରିତସ୍ସ୍ଥିତଃ ।
ଅପରଂଚଂଦ୍ରସଂକାଶଂରାକ୍ଷସେଂଦ୍ରୋଵିଭୀଷଣଃ ॥ 29 ॥
ଋଷିସଂଘୈସ୍ତଦାକାଶେଦେଵୈଶ୍ଚସମରୁଦ୍ଗଣୈଃ ।
ସ୍ତୂୟମାସ୍ୟରାମସ୍ୟଶୁଶ୍ରୁଵମଧୁରଧ୍ଵନିଃ ॥ 30 ॥
ତତଃଶତ୍ରୁଂଜୟଂନାମକୁଂଜରଂପର୍ଵତୋପମମ୍ ।
ଆରୁରୋହମହାତେଜାସ୍ସୁଗ୍ରୀଵଃପ୍ଲଵଗର୍ଷଭଃ ॥ 31 ॥
ନଵନାଗସହସ୍ରାଣିୟୟୁରାସ୍ଥାୟଵାନରାଃ ।
ମାନୁଷଂଵିଗ୍ରହଂକୃତ୍ଵାସର୍ଵାଭରଣଭୂଷିତାଃ ॥ 32 ॥
ଶଂଖଶବ୍ଦପ୍ରଣାଦୈଶ୍ଚଦୁଂଦୁଭୀନାଂ ଚ ନିସ୍ସ୍ଵନୈଃ ।
ପ୍ରୟୟୌପୁରୁଷଵ୍ୟାଘ୍ରସ୍ତାଂପୁରୀଂହର୍ମ୍ୟମାଲିନୀମ୍ ॥ 33 ॥
ଦଦୃଶୁସ୍ତେସମାୟାଂତଂରାଘଵଂସପୁରସ୍ସରମ୍ ।
ଵିରାଜମାନଂଵପୁଷାରଥେନାତିରଥଂତଦା ॥ 34 ॥
ତେଵର୍ଥୟିତ୍ଵାକାକୁତ୍ସ୍ଥଂରାମେଣପ୍ରତିନଂଦିତାଃ ।
ଅନୁଜଗ୍ମୁର୍ମହାତ୍ମାନଂଭ୍ରାତୃଭିଃପରିଵାରିତମ୍ ॥ 35 ॥
ଅମାତ୍ୟୈର୍ବ୍ରାହ୍ମଣୈଶ୍ଚୈଵତଥାପ୍ରକୃତିଭିର୍ଵଵୃତଃ ।
ଶ୍ରିୟାଵିରୁରୁଚେରାମୋନକ୍ଷତ୍ରରିଵଚଂଦ୍ରମାଃ ॥ 36 ॥
ସ ପୁରୋଗାମିଭିସ୍ତୂର୍ୟୈସ୍ତାଲସ୍ଵସ୍ତିକପାଣିଭିଃ ।
ପ୍ରଵ୍ୟାହରଦ୍ଭିର୍ମୁଦିତୈର୍ମଂଗଲାନିଵୃତୋୟୟୌ ॥ 37 ॥
ଅକ୍ଷତଂଜାତରୂପଂ ଚ ଗାଵଃକନ୍ୟାସ୍ସହଦ୍ଵିଜାଃ ।
ନରାମୋଦକହସ୍ତାଶ୍ଚରାମସ୍ୟପୁରତୋୟୟୁଃ ॥ 38 ॥
ସଖ୍ୟଂ ଚ ରାମସ୍ସୁଗ୍ରୀଵେପ୍ରଭାଵଂଚାନିଲାତ୍ମଜେ ।
ଵାନରାଣାଂ ଚ ତତ୍କର୍ମହ୍ୟାଚଚକ୍ଷେଽଽଥମଂତ୍ରିଣାମ୍ ॥ 39 ॥
ଶ୍ରୁତ୍ଵା ଚ ଵିସ୍ମୟଂଜଗ୍ମୁରୟୋଧ୍ୟାପୁରଵାସିନଃ ।
ଵାନରାଣାଂ ଚ ତତକର୍ମରାକ୍ଷସାନାଂ ଚ ତଦ୍ବଲମ୍ ॥ 40 ॥
ଵିଭୀଷଣସ୍ୟସମ୍ୟୋଗମାଚଚକ୍ଷେଽଥମଂତ୍ରିଣାମ୍ ।
ଦ୍ୟୁତିମାନେତଦାଖ୍ୟାୟରାମୋଵାନରସମ୍ୟୁତଃ ॥ 41 ॥
ହୃଷ୍ଟପୁଷ୍ଟଜନାକୀର୍ଣମୟୋଧ୍ୟାଂପ୍ରଵିଵେଶସଃ ।
ତତୋହ୍ୟଭ୍ୟୁଚ୍ଛ୍ରୟନ୍ପୌରାଃପତାକାଶ୍ଚଗୃହେଗୃହେ ॥ 42 ॥
ଐକ୍ଷ୍ଵାକୁଧ୍ୟୁଷିତଂରମ୍ୟମାସସାଦପିତୁର୍ଗୃହମ୍ ।
ଅଥାବ୍ରଵୀଦ୍ରାଜପୁତ୍ରୋଭରତଂଧର୍ମିଣାଂଵରମ୍ ॥ 43 ॥
ଅର୍ଧୋପହିତୟାଵାଚାମଧୁରଂରଘୁନଂଦନଃ ।
ପିତୁର୍ଭଵନମାସାଦ୍ୟପ୍ରଵିଶ୍ୟ ଚ ମହାତ୍ମନଃ ॥ 44 ॥
କୌସଲ୍ୟାଂ ଚ ସୁମିତ୍ରାଂ ଚ କୈକେୟୀମଭିଵାଦ୍ୟ ଚ ।
ୟଚ୍ଛମଦ୍ଭଵନଂଶ୍ରେଷ୍ଠଂସାଶୋକଵନିକଂମହତ୍ ॥ 45 ॥
ମୁକ୍ତାଵୈଦୂର୍ୟସଂକୀର୍ଣଂସୁଗ୍ରୀଵାୟନିଵେଦୟ ।
ତସ୍ୟତଦ୍ଵଚନଂଶ୍ରୁତ୍ଵାଭରତସ୍ସତ୍ୟଵିକ୍ରମଃ ॥ 46 ॥
ହସ୍ତେଗୃହୀତ୍ଵାସୁଗ୍ରୀଵଂପ୍ରଵିଵେଶତମାଲୟମ୍ ।
ତତଃ ସ୍ସ୍ସୈଲପ୍ରଦୀପାଂଶ୍ଚପର୍ୟଂକାସ୍ତରଣାନି ଚ ॥ 47 ॥
ଗୃହୀତ୍ଵାଵିଵିଶୁଃକ୍ଷିପ୍ରଂଶତ୍ରୁଘ୍ନେପ୍ରଚୋଦିତାଃ ।
ଉଵାଚ ଚ ମହାତେଜାସ୍ସୁଗ୍ରୀଵଂରାଘଵାନୁଜଃ ॥ 48 ॥
ଅଭିଷେକାୟରାମସ୍ୟଦୂତାନାଜ୍ଞାପୟପ୍ରଭୋ ।
ସୌଵର୍ଣାନ୍ଵାନରେଂଦ୍ରାଣାଂଚତୁର୍ଣାଂଚତୁରୋଘଟାନ୍ ॥ 49 ॥
ଦଦୌକ୍ଷିପ୍ରଂସସୁଗ୍ରୀଵସ୍ସର୍ଵରତ୍ନଵିଭୂଷିତାନ୍ ।
ୟଥାପ୍ରତ୍ୟୂଷସମୟେଚତୁର୍ଣାଂସାଗରାଂବସାମ୍ ॥ 50 ॥
ପୂର୍ଣଘଟୈଃପ୍ରତୀକ୍ଷଧ୍ଵଂତଥାକୁରୁତଵାନରାଃ ।
ଏଵମୁକ୍ତାମହାତ୍ମାନୋଵାନରାଵାରଣୋପମାଃ ॥ 51 ॥
ଉତ୍ପେତୁର୍ଗଗନଂଶୀଘ୍ରଂଗରୁଡାଇଵଶୀଘ୍ରଗାଃ ।
ଜାଂବଵାଂଶ୍ଚହନୂମାଂଶ୍ଚଵେଗଦର୍ଶୀ ଚ ଵାନରଃ ॥ 52 ॥
ଋଷଭଶ୍ଚୈଵକଲଶାନ୍ଜଲପୂର୍ଣାନଥାନୟନ୍ ।
ନଦୀଶତାନାଂପଂଚାନାଂଜଲଂକୁଂଭୈରୁପାହରନ୍ ॥ 53 ॥
ପୂର୍ଵାତ୍ସମୁଦ୍ରାତ୍କଲଶଂଜଲପୂର୍ଣମଥାନୟତ୍ ।
ସୁଷେଣସ୍ସତ୍ତ୍ଵସଂପନ୍ନସ୍ସର୍ଵରତ୍ନଵିଭୂଷିତମ୍ ॥ 54 ॥
ଋଷଭୋଦକ୍ଷିଣାତ୍ତୂର୍ଣଂସମୁଦ୍ରାଜ୍ଜଲମାନୟତ୍ ।
ରକ୍ତଚଂଦନଶାଖାଭିସ୍ସମ୍ଵୃତଂକାଂଚନଂଘଟମ୍ ॥ 55 ॥
ଗଵୟଃପଶ୍ଚିମାତ୍ତୋୟମାଜହାରମହାର୍ଣଵାତ୍ ।
ରତ୍ନକୁଂଭେନମହତାଶୀତଂମାରୁତଵିକ୍ରମଃ ॥ 56 ॥
ଉତ୍ତରାଚ୍ଚଜଲଂଶୀଘ୍ରଂଗରୁଡାନିଲଵିକ୍ରମଃ ।
ଆଜହାର ସ ଧର୍ମାତ୍ମାନଲଃସର୍ଵଗୁଣାନ୍ଵିତଃ ॥ 57 ॥
ତତସ୍ତୈର୍ଵାନରଶ୍ରେଷ୍ଠୈରାନୀତଂପ୍ରେକ୍ଷ୍ୟତଜ୍ଜଲମ୍ ।
ଅଭିଷେକାୟରାମସ୍ୟଶତ୍ରୁଘ୍ନସ୍ସଚିଵୈସ୍ସହ ॥ 58 ॥
ପୁରୋହିତାୟଶ୍ରେଷ୍ଠାୟସୁହୃଦ୍ଭ୍ୟଶ୍ଚନ୍ୟଵେଦୟତ୍ ।
ତତସ୍ସପ୍ରୟତୋଵୃଦ୍ଧୋଵସିଷ୍ଠୋବ୍ରାହ୍ମଣୈଃସହ ॥ 59 ॥
ରାମଂରତ୍ନମୟେପୀଠେସସୀତଂସନ୍ନୟଵେଶୟତ୍ ।
ଵସିଷ୍ଠୋଵାମଦେଵଶ୍ଚଜାବାଲିରଥକାଶ୍ୟପଃ ॥ 60 ॥
କାତ୍ୟାୟନୋସୁୟଜ୍ଞଶ୍ଚଗୌତମୋଵିଜୟସ୍ତଥା ।
ଅଭ୍ୟଷିଂଚନ୍ନରଵ୍ୟାଘ୍ରଂପ୍ରସନ୍ନେନସୁଗଂଧିନା ॥ 61 ॥
ସଲିଲେନସହସ୍ରାକ୍ଷଂଵସଵୋଵାସଵଂୟଥା ।
ଋଗ୍ଭିର୍ଭ୍ରାହ୍ମଣୈଃପୂର୍ଵଂକନ୍ୟାଭିର୍ମଂତ୍ରିଭିସ୍ତଥା ॥ 62 ॥
ୟୋଥୌଶ୍ଚୈଵାଭ୍ୟଷିଂଚଂସ୍ତେସଂପ୍ରହୃଷ୍ଟାସ୍ସନୈଗମୈଃ ।
ସର୍ଵୌଷଧୀନସୈଶ୍ଚାପିଦୈଵତୈର୍ନଭସିସ୍ଥିତୈଃ ॥ 63 ॥
ଚତୁର୍ଭିର୍ଲୋକପାଲୈଶ୍ଚସର୍ଵୈର୍ଦେଵୈଶ୍ଚସଂଗତୈଃ ।
ବ୍ରହ୍ମଣାନିର୍ମିତଂପୂର୍ଵଂକିରୀଟଂରତ୍ନଶୋଭିତମ୍ ॥ 64 ॥
ଅଭିଷିକ୍ତଃପୁରାୟେଵମନୁସ୍ତଂଦୀପ୍ତତେଜସମ୍ ।
ତସ୍ୟାନ୍ଵଵାୟେରାଜାନଃକ୍ରମାଦ୍ୟେନାଭିଷେଚିତାଃ ॥ 65 ॥
ସଭାୟାଂହେମକ୍ଲୁପ୍ତାୟାଂଶୋଭିତାୟାଂମହାଧନୈଃ ।
ରତ୍ନୈର୍ନାନାଵିଧୈଶ୍ଚଵଚିତ୍ରିତାୟାଂସୁଶୋଭନୈଃ ॥ 66 ॥
ନାନାରତ୍ନମୟେପୀଠେକଲ୍ପୟିତ୍ଵାୟଥାଵିଧି ।
କିରୀଟେନତତଃପଶ୍ଚାଦ୍ଵସିଷ୍ଠେନମହାତ୍ମନା ॥ 67 ॥
ଋତ୍ଵିଗିମଭଗିର୍ଭୂଷଣୈଶ୍ଚୈଵସମୟୋକ୍ଷ୍ୟତରାଘଵଃ ।
ଛତ୍ରଂତସ୍ୟ ଚ ଜଗ୍ରାହଶତ୍ରଘ୍ନଃପାଂଡୁରଂଶୁଭମ୍ ॥ 68 ॥
ଶ୍ଵେତଂ ଚ ଵାଲଵ୍ୟଜନଂସୁଗ୍ରୀଵୋଵାନରେଶ୍ଵରଃ ।
ଅପରଂଚଂଦ୍ରସଂକାଶଂରାକ୍ଷସେଂଦ୍ରୋଵିଭୀଷଣଃ ॥ 69 ॥
ମାଲାଂଜ୍ଵଲଂତୀଂଵପୁଷାକାଂଚନୀଂଶତପୁଷ୍କରାମ୍ ।
ରାଘଵାୟଦଦୌଵାୟୁର୍ଵାସଵେନପ୍ରଚୋଦିତଃ ॥ 70 ॥
ସର୍ଵରତ୍ନସମାୟୁକ୍ତଂମଣିଭିଶ୍ଚଵିଭୂଷିତମ୍ ।
ମୁକ୍ତାହାରଂନରେଂଦ୍ରାୟଦଦୌଶକ୍ରପ୍ରଚୋଦିତଃ ॥ 71 ॥
ପ୍ରଜଗୁର୍ଧେଵଗଂଧର୍ଵାନନୃତୁଶ୍ଚାପ୍ସରୋଗଣାଃ ।
ଅଭିଷେକେତଦର୍ହସ୍ୟତଦାରାମସ୍ୟଧୀମତଃ ॥ 72 ॥
ଭୂମିଃସସ୍ୟଵତୀଚୈଵଫଲଵଂତଶ୍ଚପାଦପାଃ ।
ଗଂଧଵଂତି ଚ ପୁଷ୍ପାଣିବଭୂଵୂରାଘଵୋତ୍ସଵେ ॥ 73 ॥
ସହସ୍ରଶତମଶ୍ଵାନାଂଧେନୂନାଂ ଚ ଗଵାଂତଥା ।
ଦଦୌଶତଵୃଷାନ୍ପୂର୍ଵଂଦ୍ଵିଜେଭ୍ୟୋମନୁଜର୍ଷଭଃ ॥ 74 ॥
ତ୍ରିଂଶତ୍କୋଟୀର୍ହିରଣ୍ୟସ୍ୟବ୍ରାହ୍ମଣେଭ୍ୟୋଦଦୌପୁନଃ ।
ନାନାଭରଣଵସ୍ତ୍ରାଣିମହାର୍ହାଣି ଚ ରାଘଵଃ ॥ 75 ॥
ଅର୍କରଶ୍ମିପ୍ରତୀକାଶାଂକାଂଚନୀଂମଣିଵିଗ୍ରହାମ୍ ।
ସୁଗ୍ରୀଵାୟସ୍ରଜଂଦିଵ୍ୟାଂପ୍ରାୟଚ୍ଛନ୍ମନୁଜାଧିପଃ ॥ 76 ॥
ଵୈଦୂର୍ୟମୟଚିତ୍ରେ ଚ ମଣିରତ୍ନଵିଭୂଷିତେ ।
ଵାଲିପୁତ୍ରାୟଧୃତିମାନଂଗଦାୟାଂଗଦେଦଦୌ ॥ 77 ॥
ମଣିପ୍ରଵରଜୁଷ୍ଟଂତୁମୁକ୍ତାହାରମନୁତ୍ତମମ୍ ।
ସୀତାୟୈପ୍ରଦଦୌରାମଶ୍ଚଂଦ୍ରରଶ୍ମିସମପ୍ରଭମ୍ ॥ 78 ॥
ଅରଜେଵାସସୀଦିଵ୍ୟେଶୁଭାନ୍ୟାଭରଣାନି ଚ ।
ଅଵେକ୍ଷମାଣାଵୈଦେହୀପ୍ରଦଦୌଵାୟୁସୂନଵେ ॥ 79 ॥
ଅଵମୁଚ୍ୟାତ୍ମନଃକଂଠାଦ୍ଦାରଂଜନକନଂଦିନୀ ।
ଅଵୈକ୍ଷତହରୀନ୍ସର୍ଵାନ୍ଭର୍ତାରଂ ଚ ମୁହୁର୍ମୁହୁଃ ॥ 80 ॥
ତାମିଂଗିତଜ୍ଞସ୍ସଂପ୍ରେକ୍ଷ୍ୟ ବଭାଷେ ଜନକାତ୍ମଜାମ୍ ।
ପ୍ରଦେହିସୁଭଗେହାରଂୟସ୍ୟତୁଷ୍ଟାସିଭାମିନି ॥ 81 ॥
ତେଜୋଧୃତିର୍ୟଶୋଦାକ୍ଷ୍ୟଂସାମର୍ଥ୍ୟଂଵିନୟୋନୟଃ ।
ପୌରୁଷଂଵିକ୍ରମୋବୁଦ୍ଧିର୍ୟସ୍ମିନ୍ନେତାନିସର୍ଵଦା ॥ 82 ॥
ଦଦୌସାଵାୟୁପୁତ୍ରାୟତଂହାରମସିତେକ୍ଷଣା ।
ହନୂମାଂସ୍ତେନହାରେଣଶୁଶୁଭେଵାନରର୍ଷଭଃ ॥ 83 ॥
ଚନ୍ରାଂଶୁଚୟଗୌରେଣଶ୍ଵେତାଭ୍ରେଣୟଥାଚଲଃ ।
ତୋଦ୍ଵିଵିଦମୈଂଧାଭ୍ୟାଂନୀଲାୟ ଚ ପରଂତପଃ ସର୍ଵେଵାନରଵୃଦ୍ଧାଶ୍ଚୟେଚାନ୍ୟେଵାନରୋତ୍ତମାଃ ॥ 84 ॥
ଵାସୋଭିର୍ଭୂଷଣୈଶ୍ଚୈଵୟଥାର୍ହଂପ୍ରତିପୂଜିତାଃ ।
ସର୍ଵାନ୍କାମଗୁଣାଵନୀକ୍ଷ୍ୟପ୍ରଦଦୌଵସୁଧାଧିପଃ ॥ 85 ॥
ଵିଭୀଷଣୋଽଥସୁଗ୍ରୀଵୋହନୁମାନ୍ଜାଂବଵାଂସ୍ତଥା ॥ 86 ॥
ସର୍ଵେଵାନରମୁଖ୍ୟାଶ୍ଚରାମେଣାକ୍ଲିଷ୍ଟକର୍ମଣା ।
ୟଥାର୍ହଂପୂଜିତାଃସର୍ଵେକାମୈରତ୍ନୈଶ୍ଚପୁଷ୍କଲୈଃ ॥ 87 ॥
ପ୍ରହୃଷ୍ଟମାନସଃସର୍ଵେଜଗ୍ମୁରେଵୟଥାଗତମ୍ ।
ଦୃଷ୍ଟ୍ଵାସର୍ଵେମହାତ୍ମାନସ୍ତତସ୍ତେଵାନରର୍ଷଭାଃ ॥ 88 ॥
ଵିସୃଷ୍ଟାଃପାର୍ଥିଵେଂଦ୍ରେଣକିଷ୍କିଂଧାଂସମୁପାଗମନ୍ ।
ସୁଗ୍ରୀଵୋଵାନରଶ୍ରେଷ୍ଠୋ ଦୃଷ୍ଟଵାରାମଭିଷେଚନମ୍ ॥ 89 ॥
ପୂଜିତଶ୍ଚୈଵରାମେୟକିଷ୍କିଂଧାଂପ୍ରାଵିଶତ୍ପୁରୀମ୍ ।
ଵିଭୀଷଣୋଽପିଧର୍ମାତ୍ମାସହତୈର୍ନୈରୃତର୍ଷଭୈଃ ॥ 90 ॥
ଲବ୍ଧ୍ଵାକୁଲଧନଂରାଜାଲଂକାଂପ୍ରାୟାନ୍ ମହାୟଶାଃ ।
ସରାଜ୍ୟମଖିଲଂଶାସନ୍ନିହତାରିର୍ମହାୟଶାଃ ॥ 91 ॥
ରାଘଵଃପରମୋଦାରଶ୍ଶଶାସପରୟାମୁଦା ।
ଉଵାଚଲକ୍ଷ୍ମଣଂରାମୋଧର୍ମଜ୍ଞଂଧର୍ମଵତ୍ସଲଃ ॥ 92 ॥
ଆତିଷ୍ଠଧର୍ମଜ୍ଞ ମୟାସହେମାଂଗାଂପୂର୍ଵରାଜାଧ୍ୟୁଷିତାଂବଲେନ ।
ତୁଲ୍ୟଂମୟାତ୍ଵଂପିତୃଭିର୍ଧୃତାୟାତାଂୟୌଵରାଜ୍ୟେଧୁରମୁଦ୍ଵହସ୍ଵ ॥ 93 ॥
ସର୍ଵାତ୍ମନାପର୍ୟନୁନୀୟମାନୋୟଦା ନ ସୌମିତ୍ରିରୁପୈତିୟୋଗମ୍ ।
ନିୟୁଜ୍ୟମାନୋଽପି ଚ ୟୌଵରାଜ୍ୟେତତୋଽଭ୍ୟଷିଂଚଦ୍ଭରତଂମହାତ୍ମା ॥ 94 ॥
ପୌଂଡରୀକାଶ୍ଵମେଧାଭ୍ୟାଂଵାଜପେୟେନଚାସକୃତ୍ ।
ଅନ୍ୟୈଶ୍ଚଵିଵିଧୈର୍ୟଜ୍ଞୈରୟଜତ୍ପାର୍ଥିଵାତ୍ମଜଃ ॥ 95 ॥
ରାଜ୍ୟଂଦଶସହସ୍ରାଣିପ୍ରାପ୍ୟଵର୍ଷାଣିରାଘଵଃ ।
ଶତାଶ୍ଵମେଧାନାଜହ୍ରେସଦଶ୍ଵାନ୍ ଭୂରିଦକ୍ଷିଣାନ୍ ॥ 96 ॥
ଆଜାନୁଲଂବିବାହୁସ୍ସମହାଵକ୍ଷାଃପ୍ରତାପଵାନ୍ ।
ଲକ୍ଷ୍ମଣାନୁଚରୋରାମଃଶଶାସପୃଥିଵୀମିମାମ୍ ॥ 97 ॥
ରାଘଵଶ୍ଚାପିଧର୍ମାତ୍ମାପ୍ରାପ୍ୟରାଜ୍ୟମନୁତ୍ତମମ୍ ।
ଈଜେବହୁଵିଧୈର୍ୟଜ୍ଞୈସସୁତଭ୍ରାତୃବାଂଧଵଃ ॥ 98 ॥
ସ ପର୍ୟଦେଵନ୍ଵିଧଵା ନ ଚ ଵ୍ୟାଲକୃତଂଭୟମ୍ ।
ନ ଵ୍ୟାଧିଜଂଭୟଂଚାସୀଦ୍ରାମେରାଜ୍ୟଂପ୍ରଶାସତି ॥ 99 ॥
ନିର୍ଦସ୍ୟୁରଭଵଲ୍ଲୋକୋନାନର୍ଥଂକଶ୍ଚିଦସ୍ପୃଶତ୍ ।
ନ ଚ ସ୍ମଵୃଦ୍ଧାବାଲାନାଂପ୍ରେତକାର୍ୟାଣିକୁର୍ଵତେ ॥ 100 ॥
ସର୍ଵଂମୁଦିତମେଵାସୀତ୍ସର୍ଵୋଧର୍ମପରୋଽଭଵତ୍ ।
ରାମମେଵାନୁପଶ୍ୟଂତୋନାଭ୍ୟହିଂସନ୍ ପରସ୍ପରମ୍ ॥ 101 ॥
ଆସନ୍ଵର୍ଷସହସ୍ରାଣିତଥାପୁତ୍ରସହସ୍ରିଣଃ ।
ନିରାମୟାଵିଶୋକାଶ୍ଚରାମେରାଜ୍ୟଂପ୍ରଶାସତି ॥ 102 ॥
ରାମୋରାମୋରାମଃ ଇତିପ୍ରଜାନାମଭଵନ୍କଥାଃ ।
ରାମଭୂତଂଜଗଦଭୂଦ୍ରାମେରାଜ୍ୟଂପ୍ରଶାସତି ॥ 103 ॥
ନିତ୍ୟପୁଷ୍ପାନିତ୍ୟଫଲାଂତରଵସ୍ତତ୍ରନିର୍ଵ୍ରଣାଃ ।
କାମଵର୍ଷୀ ଚ ପର୍ଜନ୍ୟସ୍ସୁଖସ୍ପର୍ଶଶ୍ଚମାରୁତଃ ॥ 104 ॥
ବ୍ରାହ୍ମଣାଃକ୍ଷତ୍ରିୟାଵୈଶ୍ୟାଶ୍ଶୂଦ୍ରାଲୋଭଵିଵର୍ଜିତାଃ ।
ସ୍ଵକର୍ମସୁପ୍ରଵର୍ତଂତେତୁଷ୍ଟାସ୍ସ୍ଵୈରେଵକର୍ମଭିଃ ॥ 105 ॥
ଆସନ୍ପ୍ରଜାଧର୍ମପରାରାମେଶାସତିନାନୃତାଃ ।
ସର୍ଵେଲକ୍ଷଣସଂପନ୍ନାସ୍ସର୍ଵେଧର୍ମପରାୟଣାଃ ॥ 106 ॥
ଦଶଵର୍ଷସହସ୍ରାଣିଦଶଵର୍ଷଶତାନି ଚ ଭ୍ରାତୃଭିଃ ସହିତଃଶ୍ରୀମାନରାମୋରାଜ୍ୟମକାରୟତ୍ ।
ଧନ୍ୟଂୟଶସ୍ୟମାୟୁଷ୍ୟଂରାଜ୍ଞାଂ ଚ ଵିୟାଵହମ୍ ॥ 107 ॥
ଆଦିକାଵ୍ୟମିଦଂଚାର୍ଷଂପୁରାଵାଲ୍ମୀକିନାକୃତମ୍ ।
ପଠେଧ୍ୟଃଶୃଣୁୟାଲ୍ଲୋକେନରଃପାପାତ୍ପ୍ରମୁଚ୍ୟତେ ॥ 108 ॥
ପୁତ୍ରକାମଶ୍ଚପୁତ୍ରାନ୍ଵୈଧନକାମୋଧନାନି ଚ ।
ଲଭତେମନୁଜୋଲୋକେଶ୍ରୁତ୍ଵାରାମାଭିଷେଚନମ୍ ॥ 109 ॥
ମହୀଂଵିଜୟତେରାଜାରିପୂଂଶ୍ଚାପ୍ୟଧିତିଷ୍ଠତି ।
ରାଘଵେଣୟଥାମାତାସୁମିତ୍ରାଲକ୍ଷ୍ମଣେନ ଚ ॥ 110 ॥
ଭରତେନ ଚ କୈକେୟୀଜୀଵପୁତ୍ରାସ୍ତଥାସ୍ତ୍ରିୟଃ ।
ଭଵିଷ୍ୟଂତିସଦାନଂଦାଃପୁତ୍ରପୌତ୍ରସମନ୍ଵିତାଃ ॥ 111 ॥
ଶ୍ରୁତ୍ଵାରାମାୟଣମିଦଂଦୀର୍ଘମାୟୁଶ୍ଚଵିଂଦତି ।
ରାମସ୍ୟଵିଜୟଂଚୈଵସର୍ଵମକ୍ଲିଷ୍ଟକର୍ମଣଃ ॥ 112 ॥
ଶୃଣୋତି ୟ ଇଦଂକାଵ୍ୟଂପୁରାଵାଲ୍ମୀକିନାକୃତମ୍ ।
ଶ୍ରଦ୍ଧଧାନୋଜିତକ୍ରୋଧୋଦୁର୍ଗାଣ୍ୟତିତରତ୍ୟସୌ ॥ 113 ॥
ସମାଗମ୍ୟପ୍ରଵାସାଂତେରମଂତେସହବାଂଧଵୈଃ ।
ଶୃଣ୍ଵଂତି ୟ ଇଦଂକାଵ୍ୟଂପୁରାଵାଲ୍ମୀକିନାକୃତମ୍ ॥ 114 ॥
ତେପ୍ରାର୍ଥିତାନ୍ଵରାନ୍ସର୍ଵାନ୍ପ୍ରାପ୍ନୁଵଂତୀହରାଘଵାତ୍ ।
ଶ୍ରଵଣେନସୁରାସ୍ସର୍ଵେପ୍ରୀୟଂତେସଂପ୍ରଶୃଣ୍ଵତାମ୍ ॥ 115 ॥
ଵିନାୟକାଶ୍ଚଶାମ୍ୟଂତିଗୃହେତିଷ୍ଠଂତିୟସ୍ୟଵୈ ।
ଵିଜୟେତମହୀଂରାଜାପ୍ରଵାସୀସ୍ଵସ୍ତିମାନ୍ଭଵେତ୍ ॥ 116 ॥
ସ୍ତ୍ରିୟୋରଜସ୍ଵଲାଶ୍ରୁତ୍ଵାପୁତ୍ରାନ୍ସୂୟୁରନୁତ୍ତମାନ୍ ।
ପୂଜୟଂଶ୍ଚପଠଂଶ୍ଚୈଵମିତିହାସଂପୁରାତନମ୍ ॥ 117 ॥
ସର୍ଵପାପୈଃପ୍ରମୁଚ୍ୟେତଦୀର୍ଘମାୟୁରଵାପ୍ନୁୟାତ୍ ।
ପ୍ରଣମ୍ୟଶିରସାନିତ୍ୟଂଶ୍ରୋତଵ୍ୟଂକ୍ଷତ୍ରିୟୈର୍ଦ୍ଵିଜାତ୍ ॥ 118 ॥
ଐଶ୍ଵର୍ୟଂପୁତ୍ରଲାଭାଶ୍ଚଭଵିଷ୍ୟତି ନ ସଂଶୟଃ ।
ରାମାୟଣମିଦଂକୃତ୍ସ୍ନଂଶୃଣ୍ଵତଃପଠତସ୍ସଦା ॥ 119 ॥
ପ୍ରୀୟତେସତତଂରାମସ୍ସହିଵିଷ୍ଣୁସ୍ସନାତନଃ ।
ଆଦିଦେଵୋମହାବାହୁର୍ହରିନ୍ନାରାୟଣଃପ୍ରଭୁଃ ॥ 120 ॥
ସାକ୍ଷାଦ୍ରାମୋରଘୁଶ୍ରେଷ୍ଠଶ୍ଶେଷୋଲକ୍ଷ୍ମଣୌଚ୍ୟତେ ।
ଏଵମେତତ୍ପୁରାଵୃତ୍ତମାଖ୍ୟାନଂଭଦ୍ରମସ୍ତୁଵଃ ॥ 121 ॥
ପ୍ରଵ୍ୟାହରତଵିସ୍ରବ୍ଧଂବଲଂଵିଷ୍ଣୋଃପ୍ରଵର୍ଥତାମ୍ ।
ଦେଵାଶ୍ଚସର୍ଵେତୁଷ୍ୟଂତିଗ୍ରହଣାଚ୍ଛ୍ରଵଣାତ୍ତଥା ॥ 122 ॥
ରାମାୟଣସ୍ୟଶ୍ରଵଣେତୁଷ୍ୟଂତିପିତସ୍ସଦା ।
ଭକ୍ତ୍ୟାରାମସ୍ୟୟେଚେମାଂସଂସିତାମୃଷିଣାକୃତାମ୍ ॥ 123 ॥
ୟେଲିଖଂତୀ ହ ଚ ନରାସ୍ତେଷାଂଵାସସ୍ତ୍ରିଵିଷ୍ଟପେ ।
କୁଟୁଂବଵୃଦ୍ଧିଂଧନଧାନ୍ୟଵୃଦ୍ଧିଂସ୍ତ୍ରିୟଶ୍ଚମୁଖ୍ୟାସ୍ସୁଖମୁତ୍ତମଂ ଚ ।
ଶ୍ରୁତ୍ଵାଶୁଭଂକାଵ୍ୟମିଦଂମହାର୍ଥଂପ୍ରାପ୍ନୋତିସର୍ଵାଂଭୁଵିଚାର୍ଥସିଦ୍ଧମ୍ ॥ 124 ॥
ଆୟୁଷ୍ୟମାରୋଗ୍ୟକରଂୟଶସ୍ୟଂସୌଭ୍ରାତୃକଂବୁଦ୍ଧିକରଂଶୁଭଂ ଚ ।
ଶ୍ରୋତଵ୍ୟମେତନ୍ନିୟମେନସଦ୍ଭିରାଖ୍ୟାନମୋଜସ୍କରମୃଦ୍ଧିକାମୈଃ ॥ 125 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଏକତ୍ରିଂଶଦଧିକଶତତମସ୍ସର୍ଗଃ ॥
