శ్రీమద్వాల్మీకీయ రామాయణే యుద్ధకాండమ్ ।
అథ సప్తత్రింశస్సర్గః ।
నరవానరరాజౌతౌసతువాయుసుతఃకపిః ।
జాంబవానృక్షరాజశ్చరాక్షసశ్చవిభీషణః ॥ 1 ॥
అంగదోవాలిపుత్రశ్చసౌమిత్రిశ్శరభఃకపిః ।
సుషేణస్సహదాయాదోమైందోద్వివిదఏవచ ॥ 2 ॥
గజోగవాక్షఃకుముదోనలోఽథపనసస్తథా ।
అమిత్రవిషయంప్రాప్తాస్సమవేతాస్సమర్ధయన్ ॥ 3 ॥
ఇయంసాలక్షయతేలంకాపురీరావణపాలితా ।
సాసురోరగగంధర్వైరమరైరపిదుర్జయా ॥ 4 ॥
కార్యసిద్ధింపురస్కృత్యమంద్రయధ్వంవినిర్ణయే ।
నిత్యంసన్నిహితోహ్యత్రరావణోరాక్షసాధిపః ॥ 5 ॥
తథాతేషుబ్రువాణేషురావణావరజోఽబ్రవీత్ ।
వాక్యమగ్రామ్యపదవత్పుష్కలార్ధంవిభీషణః ॥ 6 ॥
అనలశ్శరభశ్చైవసంపాతిఃప్రఘసస్తథా ।
గత్వాలంకాంమమామాత్యాఃపురీంపునరిహాగతాః ॥ 7 ॥
భూత్వాశకునయస్సర్వేప్రవిష్టాశ్చరిపోర్భలమ్ ।
విధానంవిహితంయచ్చతద్ధృష్టవాసముపస్థితాః ॥ 8 ॥
సంవిధానంయథాహుస్తేరావణస్యదురాత్మనః ।
రామ తద్బ్రువతస్సర్వంయథాత్త్వేనమేశృణు ॥ 9 ॥
పూర్వంప్రహస్తస్సబలోద్వారమాసాద్యతిష్ఠతి ।
దక్షిణంచమహావీర్యౌమహాపార్శ్వమహోదరౌ ॥ 10 ॥
ఇంద్రజిత్పశ్చిమంద్వారంరాక్షసైర్భహుభిర్వృతః ।
పట్టసాసిధనుష్మద్భిశ్శూలముద్గరపాణిభిః ॥ 11 ॥
నానాప్రహరణైశ్శూరైరావృతోరావణాత్మజః ।
రాక్షసానాంసహస్రైస్తుబహుభిశ్శస్త్రపాణిభిః ॥ 12 ॥
యుక్తఃపరమసంవిగ్నోరాక్షర్భహుభిర్వృతః ।
ఉత్తరంనగరద్వారంరావణస్స్వయమాస్థితః ॥ 13 ॥
విరూపాక్షస్తుమహతాశూలఖడగధనుష్మతా ।
బలేనరాక్షసైస్సార్థంమధ్యమంగుల్మమాస్థితః ॥ 14 ॥
ఏతానేవంవిధాన్గుల్మాన్ లంకాయాంసముదీక్ష్యతే ।
మామకామంత్రిణస్సర్వేపునశశీఘ్రమిహాగతాః ॥ 15 ॥
గజానాంచసాహస్రంచరథానామయుతంపురే ।
హయానామయుతేద్వేచసాగ్రాకోటీచరక్షసామ్ ॥ 16 ॥
విక్రాంతాబలవంతశ్చసంయుగేష్వాతతాయినః ।
ఇష్టారాక్షసరాజస్యనిత్యమేతేనిశాచరాః ॥ 17 ॥
ఏకైకస్యాత్రయుద్ధార్థేరాక్షసస్యవిశాంపతే ।
పరీవారస్సహస్రాణాంసహస్రముపతిష్ఠతే ॥ 18 ॥
ఏతాంప్రవృత్తింలంకాయాంమంత్రిప్రోక్తాంవిభీషణః ।
ఏవముక్త్వామహాబాహూరాక్షసాంస్తానదర్శయత్ ॥ 19 ॥
లంకాయాంసచివైస్సర్వంరామాయప్రత్యవేదయత్ ।
రామంకమలపత్రాక్షమిదముత్తరమబ్రవీత్ ॥ 20 ॥
రావణావరజఃశ్రీమాన్ రామప్రియచికీర్షయా ।
కుబేరంతుయదారామ రావణఃప్రత్యయుధ్యత ॥ 21 ॥
షష్టిశ్శతసహస్రాణితదానిర్యాంతిరక్షసాః ।
రాక్రమేణవీర్యేణతేజసాసత్త్వగౌరవాత్ ॥ 22 ॥
సదృశాయ్యేఽత్రదర్పేణరావణస్యదురాత్మనః ।
అత్రమన్యుర్నకర్తవ్యోరోషయేత్వాంనభీషయే ॥ 23 ॥
సమర్థోహ్యసివీర్యేణసురాణామపినిగ్రహే ।
తద్భవాంశ్చతురంగేణబలేనమహాతావృతః ॥ 24 ॥
వ్యూహ్యేదంవానరానీకంనిర్మథిష్యతిరావణమ్ ।
రావణావరజేవాక్యమేవంబ్రువతిరాఘవః ॥ 25 ॥
శత్రూణాంప్రతిఘాతార్థమిదంవచనమబ్రవీత్ ।
పూర్వద్వారేతులంకాయానీలోవానరపుంగవః ॥ 26 ॥
ప్రహస్తప్రతియోద్ధాస్యాద్వానరైర్బహుభిర్వృతః ।
అంగదోవాలిపుత్రస్తుబలేనమహతావృతః ॥ 27 ॥
దక్షిణేబాధతాంద్వారేమహాపార్శ్వమహోదరౌ ।
హనుమాన్పశ్చిమద్వారంనిపీడ్యపవనాత్మజః ॥ 28 ॥
ప్రవిశత్వప్రమేయాత్మాబహుభిఃకపిభిర్వృతః ।
దైత్యదావనసంఘానామృషీణాంచమహాత్మనామ్ ॥ 29 ॥
విప్రకారప్రియఃక్షుద్రోవరదానబలాన్వితః ।
పరిక్రమతియఃసర్వాన్లోకాన్సంతాపయన్ప్రజాః ॥ 30 ॥
తస్యాహంరాక్షసేంద్రస్యస్వయమేవవధేధృతః ।
ఉత్తరంనగరద్వారమహంసౌమిత్రిణాసహ ॥ 31 ॥
నిపీడ్యాభిప్రవేక్ష్యామిసబలోయత్రరావణః ।
వానరేంద్రశ్చబలవానృక్షరాజశ్చవీర్యవాన్ ॥ 32 ॥
రాక్షసేంద్రానుజశ్చైవగులోభవతుమధ్యమః ।
నచైవమానుషంరూపంకార్యంహరిభిరాహవే ॥ 33 ॥
ఏషాభవతుసంఙఞాన్ యుద్ధేఽస్మిన్ వానరేబలే ।
వానరాఏవనశ్చిహ్నంస్వజనేఽస్మిన్ భవిష్యతి ॥ 34 ॥
వయంతుమానుషేణైవసప్తయోత్ప్యామహేపరాన్ ।
అహమేషమమభ్రాత్రాలక్ష్మణేనమహౌజసౌ ॥ 35 ॥
ఆత్మనాపంచమశ్చాయంసఖామమవిభీషణః ।
సరామఃకృత్యసిధ్యర్థఏవముక్త్వావిభీషణమ్ ॥ 36 ॥
సువేలారోహణేబుద్ధిశ్చకారమతిమాన్మతిమ్ ।
రమణీయతరందృష్టవాసువేలస్యగిరేస్తటమ్ ॥ 37 ॥
తతస్తురామోమహతాబలేనప్రచ్ఛాద్యసర్వాంపృథివీంమహాత్మా ।
ప్రహృష్టరూపోఽభిజగామలంకాంకృత్వామతింసోఽరివధేమహాత్మా ॥ 38 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే సప్తత్రింశస్సర్గః ॥
