ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ସପ୍ତତ୍ରିଂଶସ୍ସର୍ଗଃ ।
ନରଵାନରରାଜୌତୌସତୁଵାୟୁସୁତଃକପିଃ ।
ଜାଂବଵାନୃକ୍ଷରାଜଶ୍ଚରାକ୍ଷସଶ୍ଚଵିଭୀଷଣଃ ॥ 1 ॥
ଅଂଗଦୋଵାଲିପୁତ୍ରଶ୍ଚସୌମିତ୍ରିଶ୍ଶରଭଃକପିଃ ।
ସୁଷେଣସ୍ସହଦାୟାଦୋମୈଂଦୋଦ୍ଵିଵିଦଏଵଚ ॥ 2 ॥
ଗଜୋଗଵାକ୍ଷଃକୁମୁଦୋନଲୋଽଥପନସସ୍ତଥା ।
ଅମିତ୍ରଵିଷୟଂପ୍ରାପ୍ତାସ୍ସମଵେତାସ୍ସମର୍ଧୟନ୍ ॥ 3 ॥
ଇୟଂସାଲକ୍ଷୟତେଲଂକାପୁରୀରାଵଣପାଲିତା ।
ସାସୁରୋରଗଗଂଧର୍ଵୈରମରୈରପିଦୁର୍ଜୟା ॥ 4 ॥
କାର୍ୟସିଦ୍ଧିଂପୁରସ୍କୃତ୍ୟମଂଦ୍ରୟଧ୍ଵଂଵିନିର୍ଣୟେ ।
ନିତ୍ୟଂସନ୍ନିହିତୋହ୍ୟତ୍ରରାଵଣୋରାକ୍ଷସାଧିପଃ ॥ 5 ॥
ତଥାତେଷୁବ୍ରୁଵାଣେଷୁରାଵଣାଵରଜୋଽବ୍ରଵୀତ୍ ।
ଵାକ୍ୟମଗ୍ରାମ୍ୟପଦଵତ୍ପୁଷ୍କଲାର୍ଧଂଵିଭୀଷଣଃ ॥ 6 ॥
ଅନଲଶ୍ଶରଭଶ୍ଚୈଵସଂପାତିଃପ୍ରଘସସ୍ତଥା ।
ଗତ୍ଵାଲଂକାଂମମାମାତ୍ୟାଃପୁରୀଂପୁନରିହାଗତାଃ ॥ 7 ॥
ଭୂତ୍ଵାଶକୁନୟସ୍ସର୍ଵେପ୍ରଵିଷ୍ଟାଶ୍ଚରିପୋର୍ଭଲମ୍ ।
ଵିଧାନଂଵିହିତଂୟଚ୍ଚତଦ୍ଧୃଷ୍ଟଵାସମୁପସ୍ଥିତାଃ ॥ 8 ॥
ସଂଵିଧାନଂୟଥାହୁସ୍ତେରାଵଣସ୍ୟଦୁରାତ୍ମନଃ ।
ରାମ ତଦ୍ବ୍ରୁଵତସ୍ସର୍ଵଂୟଥାତ୍ତ୍ଵେନମେଶୃଣୁ ॥ 9 ॥
ପୂର୍ଵଂପ୍ରହସ୍ତସ୍ସବଲୋଦ୍ଵାରମାସାଦ୍ୟତିଷ୍ଠତି ।
ଦକ୍ଷିଣଂଚମହାଵୀର୍ୟୌମହାପାର୍ଶ୍ଵମହୋଦରୌ ॥ 10 ॥
ଇଂଦ୍ରଜିତ୍ପଶ୍ଚିମଂଦ୍ଵାରଂରାକ୍ଷସୈର୍ଭହୁଭିର୍ଵୃତଃ ।
ପଟ୍ଟସାସିଧନୁଷ୍ମଦ୍ଭିଶ୍ଶୂଲମୁଦ୍ଗରପାଣିଭିଃ ॥ 11 ॥
ନାନାପ୍ରହରଣୈଶ୍ଶୂରୈରାଵୃତୋରାଵଣାତ୍ମଜଃ ।
ରାକ୍ଷସାନାଂସହସ୍ରୈସ୍ତୁବହୁଭିଶ୍ଶସ୍ତ୍ରପାଣିଭିଃ ॥ 12 ॥
ୟୁକ୍ତଃପରମସଂଵିଗ୍ନୋରାକ୍ଷର୍ଭହୁଭିର୍ଵୃତଃ ।
ଉତ୍ତରଂନଗରଦ୍ଵାରଂରାଵଣସ୍ସ୍ଵୟମାସ୍ଥିତଃ ॥ 13 ॥
ଵିରୂପାକ୍ଷସ୍ତୁମହତାଶୂଲଖଡଗଧନୁଷ୍ମତା ।
ବଲେନରାକ୍ଷସୈସ୍ସାର୍ଥଂମଧ୍ୟମଂଗୁଲ୍ମମାସ୍ଥିତଃ ॥ 14 ॥
ଏତାନେଵଂଵିଧାନ୍ଗୁଲ୍ମାନ୍ ଲଂକାୟାଂସମୁଦୀକ୍ଷ୍ୟତେ ।
ମାମକାମଂତ୍ରିଣସ୍ସର୍ଵେପୁନଶଶୀଘ୍ରମିହାଗତାଃ ॥ 15 ॥
ଗଜାନାଂଚସାହସ୍ରଂଚରଥାନାମୟୁତଂପୁରେ ।
ହୟାନାମୟୁତେଦ୍ଵେଚସାଗ୍ରାକୋଟୀଚରକ୍ଷସାମ୍ ॥ 16 ॥
ଵିକ୍ରାଂତାବଲଵଂତଶ୍ଚସଂୟୁଗେଷ୍ଵାତତାୟିନଃ ।
ଇଷ୍ଟାରାକ୍ଷସରାଜସ୍ୟନିତ୍ୟମେତେନିଶାଚରାଃ ॥ 17 ॥
ଏକୈକସ୍ୟାତ୍ରୟୁଦ୍ଧାର୍ଥେରାକ୍ଷସସ୍ୟଵିଶାଂପତେ ।
ପରୀଵାରସ୍ସହସ୍ରାଣାଂସହସ୍ରମୁପତିଷ୍ଠତେ ॥ 18 ॥
ଏତାଂପ୍ରଵୃତ୍ତିଂଲଂକାୟାଂମଂତ୍ରିପ୍ରୋକ୍ତାଂଵିଭୀଷଣଃ ।
ଏଵମୁକ୍ତ୍ଵାମହାବାହୂରାକ୍ଷସାଂସ୍ତାନଦର୍ଶୟତ୍ ॥ 19 ॥
ଲଂକାୟାଂସଚିଵୈସ୍ସର୍ଵଂରାମାୟପ୍ରତ୍ୟଵେଦୟତ୍ ।
ରାମଂକମଲପତ୍ରାକ୍ଷମିଦମୁତ୍ତରମବ୍ରଵୀତ୍ ॥ 20 ॥
ରାଵଣାଵରଜଃଶ୍ରୀମାନ୍ ରାମପ୍ରିୟଚିକୀର୍ଷୟା ।
କୁବେରଂତୁୟଦାରାମ ରାଵଣଃପ୍ରତ୍ୟୟୁଧ୍ୟତ ॥ 21 ॥
ଷଷ୍ଟିଶ୍ଶତସହସ୍ରାଣିତଦାନିର୍ୟାଂତିରକ୍ଷସାଃ ।
ରାକ୍ରମେଣଵୀର୍ୟେଣତେଜସାସତ୍ତ୍ଵଗୌରଵାତ୍ ॥ 22 ॥
ସଦୃଶାୟ୍ୟେଽତ୍ରଦର୍ପେଣରାଵଣସ୍ୟଦୁରାତ୍ମନଃ ।
ଅତ୍ରମନ୍ୟୁର୍ନକର୍ତଵ୍ୟୋରୋଷୟେତ୍ଵାଂନଭୀଷୟେ ॥ 23 ॥
ସମର୍ଥୋହ୍ୟସିଵୀର୍ୟେଣସୁରାଣାମପିନିଗ୍ରହେ ।
ତଦ୍ଭଵାଂଶ୍ଚତୁରଂଗେଣବଲେନମହାତାଵୃତଃ ॥ 24 ॥
ଵ୍ୟୂହ୍ୟେଦଂଵାନରାନୀକଂନିର୍ମଥିଷ୍ୟତିରାଵଣମ୍ ।
ରାଵଣାଵରଜେଵାକ୍ୟମେଵଂବ୍ରୁଵତିରାଘଵଃ ॥ 25 ॥
ଶତ୍ରୂଣାଂପ୍ରତିଘାତାର୍ଥମିଦଂଵଚନମବ୍ରଵୀତ୍ ।
ପୂର୍ଵଦ୍ଵାରେତୁଲଂକାୟାନୀଲୋଵାନରପୁଂଗଵଃ ॥ 26 ॥
ପ୍ରହସ୍ତପ୍ରତିୟୋଦ୍ଧାସ୍ୟାଦ୍ଵାନରୈର୍ବହୁଭିର୍ଵୃତଃ ।
ଅଂଗଦୋଵାଲିପୁତ୍ରସ୍ତୁବଲେନମହତାଵୃତଃ ॥ 27 ॥
ଦକ୍ଷିଣେବାଧତାଂଦ୍ଵାରେମହାପାର୍ଶ୍ଵମହୋଦରୌ ।
ହନୁମାନ୍ପଶ୍ଚିମଦ୍ଵାରଂନିପୀଡ୍ୟପଵନାତ୍ମଜଃ ॥ 28 ॥
ପ୍ରଵିଶତ୍ଵପ୍ରମେୟାତ୍ମାବହୁଭିଃକପିଭିର୍ଵୃତଃ ।
ଦୈତ୍ୟଦାଵନସଂଘାନାମୃଷୀଣାଂଚମହାତ୍ମନାମ୍ ॥ 29 ॥
ଵିପ୍ରକାରପ୍ରିୟଃକ୍ଷୁଦ୍ରୋଵରଦାନବଲାନ୍ଵିତଃ ।
ପରିକ୍ରମତିୟଃସର୍ଵାନ୍ଲୋକାନ୍ସଂତାପୟନ୍ପ୍ରଜାଃ ॥ 30 ॥
ତସ୍ୟାହଂରାକ୍ଷସେଂଦ୍ରସ୍ୟସ୍ଵୟମେଵଵଧେଧୃତଃ ।
ଉତ୍ତରଂନଗରଦ୍ଵାରମହଂସୌମିତ୍ରିଣାସହ ॥ 31 ॥
ନିପୀଡ୍ୟାଭିପ୍ରଵେକ୍ଷ୍ୟାମିସବଲୋୟତ୍ରରାଵଣଃ ।
ଵାନରେଂଦ୍ରଶ୍ଚବଲଵାନୃକ୍ଷରାଜଶ୍ଚଵୀର୍ୟଵାନ୍ ॥ 32 ॥
ରାକ୍ଷସେଂଦ୍ରାନୁଜଶ୍ଚୈଵଗୁଲୋଭଵତୁମଧ୍ୟମଃ ।
ନଚୈଵମାନୁଷଂରୂପଂକାର୍ୟଂହରିଭିରାହଵେ ॥ 33 ॥
ଏଷାଭଵତୁସଂଙଞାନ୍ ୟୁଦ୍ଧେଽସ୍ମିନ୍ ଵାନରେବଲେ ।
ଵାନରାଏଵନଶ୍ଚିହ୍ନଂସ୍ଵଜନେଽସ୍ମିନ୍ ଭଵିଷ୍ୟତି ॥ 34 ॥
ଵୟଂତୁମାନୁଷେଣୈଵସପ୍ତୟୋତ୍ପ୍ୟାମହେପରାନ୍ ।
ଅହମେଷମମଭ୍ରାତ୍ରାଲକ୍ଷ୍ମଣେନମହୌଜସୌ ॥ 35 ॥
ଆତ୍ମନାପଂଚମଶ୍ଚାୟଂସଖାମମଵିଭୀଷଣଃ ।
ସରାମଃକୃତ୍ୟସିଧ୍ୟର୍ଥଏଵମୁକ୍ତ୍ଵାଵିଭୀଷଣମ୍ ॥ 36 ॥
ସୁଵେଲାରୋହଣେବୁଦ୍ଧିଶ୍ଚକାରମତିମାନ୍ମତିମ୍ ।
ରମଣୀୟତରଂଦୃଷ୍ଟଵାସୁଵେଲସ୍ୟଗିରେସ୍ତଟମ୍ ॥ 37 ॥
ତତସ୍ତୁରାମୋମହତାବଲେନପ୍ରଚ୍ଛାଦ୍ୟସର୍ଵାଂପୃଥିଵୀଂମହାତ୍ମା ।
ପ୍ରହୃଷ୍ଟରୂପୋଽଭିଜଗାମଲଂକାଂକୃତ୍ଵାମତିଂସୋଽରିଵଧେମହାତ୍ମା ॥ 38 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ସପ୍ତତ୍ରିଂଶସ୍ସର୍ଗଃ ॥
