𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌸𑌪𑍍𑌤𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ।
𑌨𑌰𑌵𑌾𑌨𑌰𑌰𑌾𑌜𑍌𑌤𑍌𑌸𑌤𑍁𑌵𑌾𑌯𑍁𑌸𑍁𑌤𑌃𑌕𑌪𑌿𑌃 ।
𑌜𑌾𑌂𑌬𑌵𑌾𑌨𑍃𑌕𑍍𑌷𑌰𑌾𑌜𑌶𑍍𑌚𑌰𑌾𑌕𑍍𑌷𑌸𑌶𑍍𑌚𑌵𑌿𑌭𑍀𑌷𑌣𑌃 ॥ 1 ॥
𑌅𑌂𑌗𑌦𑍋𑌵𑌾𑌲𑌿𑌪𑍁𑌤𑍍𑌰𑌶𑍍𑌚𑌸𑍌𑌮𑌿𑌤𑍍𑌰𑌿𑌶𑍍𑌶𑌰𑌭𑌃𑌕𑌪𑌿𑌃 ।
𑌸𑍁𑌷𑍇𑌣𑌸𑍍𑌸𑌹𑌦𑌾𑌯𑌾𑌦𑍋𑌮𑍈𑌂𑌦𑍋𑌦𑍍𑌵𑌿𑌵𑌿𑌦𑌏𑌵𑌚 ॥ 2 ॥
𑌗𑌜𑍋𑌗𑌵𑌾𑌕𑍍𑌷𑌃𑌕𑍁𑌮𑍁𑌦𑍋𑌨𑌲𑍋𑌽𑌥𑌪𑌨𑌸𑌸𑍍𑌤𑌥𑌾 ।
𑌅𑌮𑌿𑌤𑍍𑌰𑌵𑌿𑌷𑌯𑌂𑌪𑍍𑌰𑌾𑌪𑍍𑌤𑌾𑌸𑍍𑌸𑌮𑌵𑍇𑌤𑌾𑌸𑍍𑌸𑌮𑌰𑍍𑌧𑌯𑌨𑍍 ॥ 3 ॥
𑌇𑌯𑌂𑌸𑌾𑌲𑌕𑍍𑌷𑌯𑌤𑍇𑌲𑌂𑌕𑌾𑌪𑍁𑌰𑍀𑌰𑌾𑌵𑌣𑌪𑌾𑌲𑌿𑌤𑌾 ।
𑌸𑌾𑌸𑍁𑌰𑍋𑌰𑌗𑌗𑌂𑌧𑌰𑍍𑌵𑍈𑌰𑌮𑌰𑍈𑌰𑌪𑌿𑌦𑍁𑌰𑍍𑌜𑌯𑌾 ॥ 4 ॥
𑌕𑌾𑌰𑍍𑌯𑌸𑌿𑌦𑍍𑌧𑌿𑌂𑌪𑍁𑌰𑌸𑍍𑌕𑍃𑌤𑍍𑌯𑌮𑌂𑌦𑍍𑌰𑌯𑌧𑍍𑌵𑌂𑌵𑌿𑌨𑌿𑌰𑍍𑌣𑌯𑍇 ।
𑌨𑌿𑌤𑍍𑌯𑌂𑌸𑌨𑍍𑌨𑌿𑌹𑌿𑌤𑍋𑌹𑍍𑌯𑌤𑍍𑌰𑌰𑌾𑌵𑌣𑍋𑌰𑌾𑌕𑍍𑌷𑌸𑌾𑌧𑌿𑌪𑌃 ॥ 5 ॥
𑌤𑌥𑌾𑌤𑍇𑌷𑍁𑌬𑍍𑌰𑍁𑌵𑌾𑌣𑍇𑌷𑍁𑌰𑌾𑌵𑌣𑌾𑌵𑌰𑌜𑍋𑌽𑌬𑍍𑌰𑌵𑍀𑌤𑍍 ।
𑌵𑌾𑌕𑍍𑌯𑌮𑌗𑍍𑌰𑌾𑌮𑍍𑌯𑌪𑌦𑌵𑌤𑍍𑌪𑍁𑌷𑍍𑌕𑌲𑌾𑌰𑍍𑌧𑌂𑌵𑌿𑌭𑍀𑌷𑌣𑌃 ॥ 6 ॥
𑌅𑌨𑌲𑌶𑍍𑌶𑌰𑌭𑌶𑍍𑌚𑍈𑌵𑌸𑌂𑌪𑌾𑌤𑌿𑌃𑌪𑍍𑌰𑌘𑌸𑌸𑍍𑌤𑌥𑌾 ।
𑌗𑌤𑍍𑌵𑌾𑌲𑌂𑌕𑌾𑌂𑌮𑌮𑌾𑌮𑌾𑌤𑍍𑌯𑌾𑌃𑌪𑍁𑌰𑍀𑌂𑌪𑍁𑌨𑌰𑌿𑌹𑌾𑌗𑌤𑌾𑌃 ॥ ॥
𑌭𑍂𑌤𑍍𑌵𑌾𑌶𑌕𑍁𑌨𑌯𑌸𑍍𑌸𑌰𑍍𑌵𑍇𑌪𑍍𑌰𑌵𑌿𑌷𑍍𑌟𑌾𑌶𑍍𑌚𑌰𑌿𑌪𑍋𑌰𑍍𑌭𑌲𑌮𑍍 ।
𑌵𑌿𑌧𑌾𑌨𑌂𑌵𑌿𑌹𑌿𑌤𑌂𑌯𑌚𑍍𑌚𑌤𑌦𑍍𑌧𑍃𑌷𑍍𑌟𑌵𑌾𑌸𑌮𑍁𑌪𑌸𑍍𑌥𑌿𑌤𑌾𑌃 ॥ ॥
𑌸𑌂𑌵𑌿𑌧𑌾𑌨𑌂𑌯𑌥𑌾𑌹𑍁𑌸𑍍𑌤𑍇𑌰𑌾𑌵𑌣𑌸𑍍𑌯𑌦𑍁𑌰𑌾𑌤𑍍𑌮𑌨𑌃 ।
𑌰𑌾𑌮 𑌤𑌦𑍍𑌬𑍍𑌰𑍁𑌵𑌤𑌸𑍍𑌸𑌰𑍍𑌵𑌂𑌯𑌥𑌾𑌤𑍍𑌤𑍍𑌵𑍇𑌨𑌮𑍇𑌶𑍃𑌣𑍁 ॥ ॥
𑌪𑍂𑌰𑍍𑌵𑌂𑌪𑍍𑌰𑌹𑌸𑍍𑌤𑌸𑍍𑌸𑌬𑌲𑍋𑌦𑍍𑌵𑌾𑌰𑌮𑌾𑌸𑌾𑌦𑍍𑌯𑌤𑌿𑌷𑍍𑌠𑌤𑌿 ।
𑌦𑌕𑍍𑌷𑌿𑌣𑌂𑌚𑌮𑌹𑌾𑌵𑍀𑌰𑍍𑌯𑍌𑌮𑌹𑌾𑌪𑌾𑌰𑍍𑌶𑍍𑌵𑌮𑌹𑍋𑌦𑌰𑍌 ॥ 10 ॥
𑌇𑌂𑌦𑍍𑌰𑌜𑌿𑌤𑍍𑌪𑌶𑍍𑌚𑌿𑌮𑌂𑌦𑍍𑌵𑌾𑌰𑌂𑌰𑌾𑌕𑍍𑌷𑌸𑍈𑌰𑍍𑌭𑌹𑍁𑌭𑌿𑌰𑍍𑌵𑍃𑌤𑌃 ।
𑌪𑌟𑍍𑌟𑌸𑌾𑌸𑌿𑌧𑌨𑍁𑌷𑍍𑌮𑌦𑍍𑌭𑌿𑌶𑍍𑌶𑍂𑌲𑌮𑍁𑌦𑍍𑌗𑌰𑌪𑌾𑌣𑌿𑌭𑌿𑌃 ॥ 11 ॥
𑌨𑌾𑌨𑌾𑌪𑍍𑌰𑌹𑌰𑌣𑍈𑌶𑍍𑌶𑍂𑌰𑍈𑌰𑌾𑌵𑍃𑌤𑍋𑌰𑌾𑌵𑌣𑌾𑌤𑍍𑌮𑌜𑌃 ।
𑌰𑌾𑌕𑍍𑌷𑌸𑌾𑌨𑌾𑌂𑌸𑌹𑌸𑍍𑌰𑍈𑌸𑍍𑌤𑍁𑌬𑌹𑍁𑌭𑌿𑌶𑍍𑌶𑌸𑍍𑌤𑍍𑌰𑌪𑌾𑌣𑌿𑌭𑌿𑌃 ॥ 12 ॥
𑌯𑍁𑌕𑍍𑌤𑌃𑌪𑌰𑌮𑌸𑌂𑌵𑌿𑌗𑍍𑌨𑍋𑌰𑌾𑌕𑍍𑌷𑌰𑍍𑌭𑌹𑍁𑌭𑌿𑌰𑍍𑌵𑍃𑌤𑌃 ।
𑌉𑌤𑍍𑌤𑌰𑌂𑌨𑌗𑌰𑌦𑍍𑌵𑌾𑌰𑌂𑌰𑌾𑌵𑌣𑌸𑍍𑌸𑍍𑌵𑌯𑌮𑌾𑌸𑍍𑌥𑌿𑌤𑌃 ॥ 13 ॥
𑌵𑌿𑌰𑍂𑌪𑌾𑌕𑍍𑌷𑌸𑍍𑌤𑍁𑌮𑌹𑌤𑌾𑌶𑍂𑌲𑌖𑌡𑌗𑌧𑌨𑍁𑌷𑍍𑌮𑌤𑌾 ।
𑌬𑌲𑍇𑌨𑌰𑌾𑌕𑍍𑌷𑌸𑍈𑌸𑍍𑌸𑌾𑌰𑍍𑌥𑌂𑌮𑌧𑍍𑌯𑌮𑌂𑌗𑍁𑌲𑍍𑌮𑌮𑌾𑌸𑍍𑌥𑌿𑌤𑌃 ॥ 14 ॥
𑌏𑌤𑌾𑌨𑍇𑌵𑌂𑌵𑌿𑌧𑌾𑌨𑍍𑌗𑍁𑌲𑍍𑌮𑌾𑌨𑍍 𑌲𑌂𑌕𑌾𑌯𑌾𑌂𑌸𑌮𑍁𑌦𑍀𑌕𑍍𑌷𑍍𑌯𑌤𑍇 ।
𑌮𑌾𑌮𑌕𑌾𑌮𑌂𑌤𑍍𑌰𑌿𑌣𑌸𑍍𑌸𑌰𑍍𑌵𑍇𑌪𑍁𑌨𑌶𑌶𑍀𑌘𑍍𑌰𑌮𑌿𑌹𑌾𑌗𑌤𑌾𑌃 ॥ 15 ॥
𑌗𑌜𑌾𑌨𑌾𑌂𑌚𑌸𑌾𑌹𑌸𑍍𑌰𑌂𑌚𑌰𑌥𑌾𑌨𑌾𑌮𑌯𑍁𑌤𑌂𑌪𑍁𑌰𑍇 ।
𑌹𑌯𑌾𑌨𑌾𑌮𑌯𑍁𑌤𑍇𑌦𑍍𑌵𑍇𑌚𑌸𑌾𑌗𑍍𑌰𑌾𑌕𑍋𑌟𑍀𑌚𑌰𑌕𑍍𑌷𑌸𑌾𑌮𑍍 ॥ 16 ॥
𑌵𑌿𑌕𑍍𑌰𑌾𑌂𑌤𑌾𑌬𑌲𑌵𑌂𑌤𑌶𑍍𑌚𑌸𑌂𑌯𑍁𑌗𑍇𑌷𑍍𑌵𑌾𑌤𑌤𑌾𑌯𑌿𑌨𑌃 ।
𑌇𑌷𑍍𑌟𑌾𑌰𑌾𑌕𑍍𑌷𑌸𑌰𑌾𑌜𑌸𑍍𑌯𑌨𑌿𑌤𑍍𑌯𑌮𑍇𑌤𑍇𑌨𑌿𑌶𑌾𑌚𑌰𑌾𑌃 ॥ 1 ॥
𑌏𑌕𑍈𑌕𑌸𑍍𑌯𑌾𑌤𑍍𑌰𑌯𑍁𑌦𑍍𑌧𑌾𑌰𑍍𑌥𑍇𑌰𑌾𑌕𑍍𑌷𑌸𑌸𑍍𑌯𑌵𑌿𑌶𑌾𑌂𑌪𑌤𑍇 ।
𑌪𑌰𑍀𑌵𑌾𑌰𑌸𑍍𑌸𑌹𑌸𑍍𑌰𑌾𑌣𑌾𑌂𑌸𑌹𑌸𑍍𑌰𑌮𑍁𑌪𑌤𑌿𑌷𑍍𑌠𑌤𑍇 ॥ 1 ॥
𑌏𑌤𑌾𑌂𑌪𑍍𑌰𑌵𑍃𑌤𑍍𑌤𑌿𑌂𑌲𑌂𑌕𑌾𑌯𑌾𑌂𑌮𑌂𑌤𑍍𑌰𑌿𑌪𑍍𑌰𑍋𑌕𑍍𑌤𑌾𑌂𑌵𑌿𑌭𑍀𑌷𑌣𑌃 ।
𑌏𑌵𑌮𑍁𑌕𑍍𑌤𑍍𑌵𑌾𑌮𑌹𑌾𑌬𑌾𑌹𑍂𑌰𑌾𑌕𑍍𑌷𑌸𑌾𑌂𑌸𑍍𑌤𑌾𑌨𑌦𑌰𑍍𑌶𑌯𑌤𑍍 ॥ 1 ॥
𑌲𑌂𑌕𑌾𑌯𑌾𑌂𑌸𑌚𑌿𑌵𑍈𑌸𑍍𑌸𑌰𑍍𑌵𑌂𑌰𑌾𑌮𑌾𑌯𑌪𑍍𑌰𑌤𑍍𑌯𑌵𑍇𑌦𑌯𑌤𑍍 ।
𑌰𑌾𑌮𑌂𑌕𑌮𑌲𑌪𑌤𑍍𑌰𑌾𑌕𑍍𑌷𑌮𑌿𑌦𑌮𑍁𑌤𑍍𑌤𑌰𑌮𑌬𑍍𑌰𑌵𑍀𑌤𑍍 ॥ 20 ॥
𑌰𑌾𑌵𑌣𑌾𑌵𑌰𑌜𑌃𑌶𑍍𑌰𑍀𑌮𑌾𑌨𑍍 𑌰𑌾𑌮𑌪𑍍𑌰𑌿𑌯𑌚𑌿𑌕𑍀𑌰𑍍𑌷𑌯𑌾 ।
𑌕𑍁𑌬𑍇𑌰𑌂𑌤𑍁𑌯𑌦𑌾𑌰𑌾𑌮 𑌰𑌾𑌵𑌣𑌃𑌪𑍍𑌰𑌤𑍍𑌯𑌯𑍁𑌧𑍍𑌯𑌤 ॥ 21 ॥
𑌷𑌷𑍍𑌟𑌿𑌶𑍍𑌶𑌤𑌸𑌹𑌸𑍍𑌰𑌾𑌣𑌿𑌤𑌦𑌾𑌨𑌿𑌰𑍍𑌯𑌾𑌂𑌤𑌿𑌰𑌕𑍍𑌷𑌸𑌾𑌃 ।
𑌰𑌾𑌕𑍍𑌰𑌮𑍇𑌣𑌵𑍀𑌰𑍍𑌯𑍇𑌣𑌤𑍇𑌜𑌸𑌾𑌸𑌤𑍍𑌤𑍍𑌵𑌗𑍌𑌰𑌵𑌾𑌤𑍍 ॥ 22 ॥
𑌸𑌦𑍃𑌶𑌾𑌯𑍍𑌯𑍇𑌽𑌤𑍍𑌰𑌦𑌰𑍍𑌪𑍇𑌣𑌰𑌾𑌵𑌣𑌸𑍍𑌯𑌦𑍁𑌰𑌾𑌤𑍍𑌮𑌨𑌃 ।
𑌅𑌤𑍍𑌰𑌮𑌨𑍍𑌯𑍁𑌰𑍍𑌨𑌕𑌰𑍍𑌤𑌵𑍍𑌯𑍋𑌰𑍋𑌷𑌯𑍇𑌤𑍍𑌵𑌾𑌂𑌨𑌭𑍀𑌷𑌯𑍇 ॥ 23 ॥
𑌸𑌮𑌰𑍍𑌥𑍋𑌹𑍍𑌯𑌸𑌿𑌵𑍀𑌰𑍍𑌯𑍇𑌣𑌸𑍁𑌰𑌾𑌣𑌾𑌮𑌪𑌿𑌨𑌿𑌗𑍍𑌰𑌹𑍇 ।
𑌤𑌦𑍍𑌭𑌵𑌾𑌂𑌶𑍍𑌚𑌤𑍁𑌰𑌂𑌗𑍇𑌣𑌬𑌲𑍇𑌨𑌮𑌹𑌾𑌤𑌾𑌵𑍃𑌤𑌃 ॥ 24 ॥
𑌵𑍍𑌯𑍂𑌹𑍍𑌯𑍇𑌦𑌂𑌵𑌾𑌨𑌰𑌾𑌨𑍀𑌕𑌂𑌨𑌿𑌰𑍍𑌮𑌥𑌿𑌷𑍍𑌯𑌤𑌿𑌰𑌾𑌵𑌣𑌮𑍍 ।
𑌰𑌾𑌵𑌣𑌾𑌵𑌰𑌜𑍇𑌵𑌾𑌕𑍍𑌯𑌮𑍇𑌵𑌂𑌬𑍍𑌰𑍁𑌵𑌤𑌿𑌰𑌾𑌘𑌵𑌃 ॥ 25 ॥
𑌶𑌤𑍍𑌰𑍂𑌣𑌾𑌂𑌪𑍍𑌰𑌤𑌿𑌘𑌾𑌤𑌾𑌰𑍍𑌥𑌮𑌿𑌦𑌂𑌵𑌚𑌨𑌮𑌬𑍍𑌰𑌵𑍀𑌤𑍍 ।
𑌪𑍂𑌰𑍍𑌵𑌦𑍍𑌵𑌾𑌰𑍇𑌤𑍁𑌲𑌂𑌕𑌾𑌯𑌾𑌨𑍀𑌲𑍋𑌵𑌾𑌨𑌰𑌪𑍁𑌂𑌗𑌵𑌃 ॥ 26 ॥
𑌪𑍍𑌰𑌹𑌸𑍍𑌤𑌪𑍍𑌰𑌤𑌿𑌯𑍋𑌦𑍍𑌧𑌾𑌸𑍍𑌯𑌾𑌦𑍍𑌵𑌾𑌨𑌰𑍈𑌰𑍍𑌬𑌹𑍁𑌭𑌿𑌰𑍍𑌵𑍃𑌤𑌃 ।
𑌅𑌂𑌗𑌦𑍋𑌵𑌾𑌲𑌿𑌪𑍁𑌤𑍍𑌰𑌸𑍍𑌤𑍁𑌬𑌲𑍇𑌨𑌮𑌹𑌤𑌾𑌵𑍃𑌤𑌃 ॥ 2 ॥
𑌦𑌕𑍍𑌷𑌿𑌣𑍇𑌬𑌾𑌧𑌤𑌾𑌂𑌦𑍍𑌵𑌾𑌰𑍇𑌮𑌹𑌾𑌪𑌾𑌰𑍍𑌶𑍍𑌵𑌮𑌹𑍋𑌦𑌰𑍌 ।
𑌹𑌨𑍁𑌮𑌾𑌨𑍍𑌪𑌶𑍍𑌚𑌿𑌮𑌦𑍍𑌵𑌾𑌰𑌂𑌨𑌿𑌪𑍀𑌡𑍍𑌯𑌪𑌵𑌨𑌾𑌤𑍍𑌮𑌜𑌃 ॥ 2 ॥
𑌪𑍍𑌰𑌵𑌿𑌶𑌤𑍍𑌵𑌪𑍍𑌰𑌮𑍇𑌯𑌾𑌤𑍍𑌮𑌾𑌬𑌹𑍁𑌭𑌿𑌃𑌕𑌪𑌿𑌭𑌿𑌰𑍍𑌵𑍃𑌤𑌃 ।
𑌦𑍈𑌤𑍍𑌯𑌦𑌾𑌵𑌨𑌸𑌂𑌘𑌾𑌨𑌾𑌮𑍃𑌷𑍀𑌣𑌾𑌂𑌚𑌮𑌹𑌾𑌤𑍍𑌮𑌨𑌾𑌮𑍍 ॥ 2 ॥
𑌵𑌿𑌪𑍍𑌰𑌕𑌾𑌰𑌪𑍍𑌰𑌿𑌯𑌃𑌕𑍍𑌷𑍁𑌦𑍍𑌰𑍋𑌵𑌰𑌦𑌾𑌨𑌬𑌲𑌾𑌨𑍍𑌵𑌿𑌤𑌃 ।
𑌪𑌰𑌿𑌕𑍍𑌰𑌮𑌤𑌿𑌯𑌃𑌸𑌰𑍍𑌵𑌾𑌨𑍍𑌲𑍋𑌕𑌾𑌨𑍍𑌸𑌂𑌤𑌾𑌪𑌯𑌨𑍍𑌪𑍍𑌰𑌜𑌾𑌃 ॥ 30 ॥
𑌤𑌸𑍍𑌯𑌾𑌹𑌂𑌰𑌾𑌕𑍍𑌷𑌸𑍇𑌂𑌦𑍍𑌰𑌸𑍍𑌯𑌸𑍍𑌵𑌯𑌮𑍇𑌵𑌵𑌧𑍇𑌧𑍃𑌤𑌃 ।
𑌉𑌤𑍍𑌤𑌰𑌂𑌨𑌗𑌰𑌦𑍍𑌵𑌾𑌰𑌮𑌹𑌂𑌸𑍌𑌮𑌿𑌤𑍍𑌰𑌿𑌣𑌾𑌸𑌹 ॥ 31 ॥
𑌨𑌿𑌪𑍀𑌡𑍍𑌯𑌾𑌭𑌿𑌪𑍍𑌰𑌵𑍇𑌕𑍍𑌷𑍍𑌯𑌾𑌮𑌿𑌸𑌬𑌲𑍋𑌯𑌤𑍍𑌰𑌰𑌾𑌵𑌣𑌃 ।
𑌵𑌾𑌨𑌰𑍇𑌂𑌦𑍍𑌰𑌶𑍍𑌚𑌬𑌲𑌵𑌾𑌨𑍃𑌕𑍍𑌷𑌰𑌾𑌜𑌶𑍍𑌚𑌵𑍀𑌰𑍍𑌯𑌵𑌾𑌨𑍍 ॥ 32 ॥
𑌰𑌾𑌕𑍍𑌷𑌸𑍇𑌂𑌦𑍍𑌰𑌾𑌨𑍁𑌜𑌶𑍍𑌚𑍈𑌵𑌗𑍁𑌲𑍋𑌭𑌵𑌤𑍁𑌮𑌧𑍍𑌯𑌮𑌃 ।
𑌨𑌚𑍈𑌵𑌮𑌾𑌨𑍁𑌷𑌂𑌰𑍂𑌪𑌂𑌕𑌾𑌰𑍍𑌯𑌂𑌹𑌰𑌿𑌭𑌿𑌰𑌾𑌹𑌵𑍇 ॥ 33 ॥
𑌏𑌷𑌾𑌭𑌵𑌤𑍁𑌸𑌂𑌙𑌞𑌾𑌨𑍍 𑌯𑍁𑌦𑍍𑌧𑍇𑌽𑌸𑍍𑌮𑌿𑌨𑍍 𑌵𑌾𑌨𑌰𑍇𑌬𑌲𑍇 ।
𑌵𑌾𑌨𑌰𑌾𑌏𑌵𑌨𑌶𑍍𑌚𑌿𑌹𑍍𑌨𑌂𑌸𑍍𑌵𑌜𑌨𑍇𑌽𑌸𑍍𑌮𑌿𑌨𑍍 𑌭𑌵𑌿𑌷𑍍𑌯𑌤𑌿 ॥ 34 ॥
𑌵𑌯𑌂𑌤𑍁𑌮𑌾𑌨𑍁𑌷𑍇𑌣𑍈𑌵𑌸𑌪𑍍𑌤𑌯𑍋𑌤𑍍𑌪𑍍𑌯𑌾𑌮𑌹𑍇𑌪𑌰𑌾𑌨𑍍 ।
𑌅𑌹𑌮𑍇𑌷𑌮𑌮𑌭𑍍𑌰𑌾𑌤𑍍𑌰𑌾𑌲𑌕𑍍𑌷𑍍𑌮𑌣𑍇𑌨𑌮𑌹𑍌𑌜𑌸𑍌 ॥ 35 ॥
𑌆𑌤𑍍𑌮𑌨𑌾𑌪𑌂𑌚𑌮𑌶𑍍𑌚𑌾𑌯𑌂𑌸𑌖𑌾𑌮𑌮𑌵𑌿𑌭𑍀𑌷𑌣𑌃 ।
𑌸𑌰𑌾𑌮𑌃𑌕𑍃𑌤𑍍𑌯𑌸𑌿𑌧𑍍𑌯𑌰𑍍𑌥𑌏𑌵𑌮𑍁𑌕𑍍𑌤𑍍𑌵𑌾𑌵𑌿𑌭𑍀𑌷𑌣𑌮𑍍 ॥ 36 ॥
𑌸𑍁𑌵𑍇𑌲𑌾𑌰𑍋𑌹𑌣𑍇𑌬𑍁𑌦𑍍𑌧𑌿𑌶𑍍𑌚𑌕𑌾𑌰𑌮𑌤𑌿𑌮𑌾𑌨𑍍𑌮𑌤𑌿𑌮𑍍 ।
𑌰𑌮𑌣𑍀𑌯𑌤𑌰𑌂𑌦𑍃𑌷𑍍𑌟𑌵𑌾𑌸𑍁𑌵𑍇𑌲𑌸𑍍𑌯𑌗𑌿𑌰𑍇𑌸𑍍𑌤𑌟𑌮𑍍 ॥ 3 ॥
𑌤𑌤𑌸𑍍𑌤𑍁𑌰𑌾𑌮𑍋𑌮𑌹𑌤𑌾𑌬𑌲𑍇𑌨𑌪𑍍𑌰𑌚𑍍𑌛𑌾𑌦𑍍𑌯𑌸𑌰𑍍𑌵𑌾𑌂𑌪𑍃𑌥𑌿𑌵𑍀𑌂𑌮𑌹𑌾𑌤𑍍𑌮𑌾 ।
𑌪𑍍𑌰𑌹𑍃𑌷𑍍𑌟𑌰𑍂𑌪𑍋𑌽𑌭𑌿𑌜𑌗𑌾𑌮𑌲𑌂𑌕𑌾𑌂𑌕𑍃𑌤𑍍𑌵𑌾𑌮𑌤𑌿𑌂𑌸𑍋𑌽𑌰𑌿𑌵𑌧𑍇𑌮𑌹𑌾𑌤𑍍𑌮𑌾 ॥ 3 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌸𑌪𑍍𑌤𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ॥
