ශ්රීමද්වාල්මීකීය රාමායණේ යුද්ධකාංඩම් ।
අථ සප්තත්රිංශස්සර්ගඃ ।
නරවානරරාජෞතෞසතුවායුසුතඃකපිඃ ।
ජාංබවානෘක්ෂරාජශ්චරාක්ෂසශ්චවිභීෂණඃ ॥ 1 ॥
අංගදෝවාලිපුත්රශ්චසෞමිත්රිශ්ශරභඃකපිඃ ।
සුෂේණස්සහදායාදෝමෛංදෝද්විවිදඒවච ॥ 2 ॥
ගජෝගවාක්ෂඃකුමුදෝනලෝऽථපනසස්තථා ।
අමිත්රවිෂයංප්රාප්තාස්සමවේතාස්සමර්ධයන් ॥ 3 ॥
ඉයංසාලක්ෂයතේලංකාපුරීරාවණපාලිතා ।
සාසුරෝරගගංධර්වෛරමරෛරපිදුර්ජයා ॥ 4 ॥
කාර්යසිද්ධිංපුරස්කෘත්යමංද්රයධ්වංවිනිර්ණයේ ।
නිත්යංසන්නිහිතෝහ්යත්රරාවණෝරාක්ෂසාධිපඃ ॥ 5 ॥
තථාතේෂුබ්රුවාණේෂුරාවණාවරජෝऽබ්රවීත් ।
වාක්යමග්රාම්යපදවත්පුෂ්කලාර්ධංවිභීෂණඃ ॥ 6 ॥
අනලශ්ශරභශ්චෛවසංපාතිඃප්රඝසස්තථා ।
ගත්වාලංකාංමමාමාත්යාඃපුරීංපුනරිහාගතාඃ ॥ 7 ॥
භූත්වාශකුනයස්සර්වේප්රවිෂ්ටාශ්චරිපෝර්භලම් ।
විධානංවිහිතංයච්චතද්ධෘෂ්ටවාසමුපස්ථිතාඃ ॥ 8 ॥
සංවිධානංයථාහුස්තේරාවණස්යදුරාත්මනඃ ।
රාම තද්බ්රුවතස්සර්වංයථාත්ත්වේනමේශෘණු ॥ 9 ॥
පූර්වංප්රහස්තස්සබලෝද්වාරමාසාද්යතිෂ්ඨති ।
දක්ෂිණංචමහාවීර්යෞමහාපාර්ශ්වමහෝදරෞ ॥ 10 ॥
ඉංද්රජිත්පශ්චිමංද්වාරංරාක්ෂසෛර්භහුභිර්වෘතඃ ।
පට්ටසාසිධනුෂ්මද්භිශ්ශූලමුද්ගරපාණිභිඃ ॥ 11 ॥
නානාප්රහරණෛශ්ශූරෛරාවෘතෝරාවණාත්මජඃ ।
රාක්ෂසානාංසහස්රෛස්තුබහුභිශ්ශස්ත්රපාණිභිඃ ॥ 12 ॥
යුක්තඃපරමසංවිග්නෝරාක්ෂර්භහුභිර්වෘතඃ ।
උත්තරංනගරද්වාරංරාවණස්ස්වයමාස්ථිතඃ ॥ 13 ॥
විරූපාක්ෂස්තුමහතාශූලඛඩගධනුෂ්මතා ।
බලේනරාක්ෂසෛස්සාර්ථංමධ්යමංගුල්මමාස්ථිතඃ ॥ 14 ॥
ඒතානේවංවිධාන්ගුල්මාන් ලංකායාංසමුදීක්ෂ්යතේ ।
මාමකාමංත්රිණස්සර්වේපුනශශීඝ්රමිහාගතාඃ ॥ 15 ॥
ගජානාංචසාහස්රංචරථානාමයුතංපුරේ ।
හයානාමයුතේද්වේචසාග්රාකෝටීචරක්ෂසාම් ॥ 16 ॥
වික්රාංතාබලවංතශ්චසංයුගේෂ්වාතතායිනඃ ।
ඉෂ්ටාරාක්ෂසරාජස්යනිත්යමේතේනිශාචරාඃ ॥ 17 ॥
ඒකෛකස්යාත්රයුද්ධාර්ථේරාක්ෂසස්යවිශාංපතේ ।
පරීවාරස්සහස්රාණාංසහස්රමුපතිෂ්ඨතේ ॥ 18 ॥
ඒතාංප්රවෘත්තිංලංකායාංමංත්රිප්රෝක්තාංවිභීෂණඃ ।
ඒවමුක්ත්වාමහාබාහූරාක්ෂසාංස්තානදර්ශයත් ॥ 19 ॥
ලංකායාංසචිවෛස්සර්වංරාමායප්රත්යවේදයත් ।
රාමංකමලපත්රාක්ෂමිදමුත්තරමබ්රවීත් ॥ 20 ॥
රාවණාවරජඃශ්රීමාන් රාමප්රියචිකීර්ෂයා ।
කුබේරංතුයදාරාම රාවණඃප්රත්යයුධ්යත ॥ 21 ॥
ෂෂ්ටිශ්ශතසහස්රාණිතදානිර්යාංතිරක්ෂසාඃ ।
රාක්රමේණවීර්යේණතේජසාසත්ත්වගෞරවාත් ॥ 22 ॥
සදෘශාය්යේऽත්රදර්පේණරාවණස්යදුරාත්මනඃ ।
අත්රමන්යුර්නකර්තව්යෝරෝෂයේත්වාංනභීෂයේ ॥ 23 ॥
සමර්ථෝහ්යසිවීර්යේණසුරාණාමපිනිග්රහේ ।
තද්භවාංශ්චතුරංගේණබලේනමහාතාවෘතඃ ॥ 24 ॥
ව්යූහ්යේදංවානරානීකංනිර්මථිෂ්යතිරාවණම් ।
රාවණාවරජේවාක්යමේවංබ්රුවතිරාඝවඃ ॥ 25 ॥
ශත්රූණාංප්රතිඝාතාර්ථමිදංවචනමබ්රවීත් ।
පූර්වද්වාරේතුලංකායානීලෝවානරපුංගවඃ ॥ 26 ॥
ප්රහස්තප්රතියෝද්ධාස්යාද්වානරෛර්බහුභිර්වෘතඃ ।
අංගදෝවාලිපුත්රස්තුබලේනමහතාවෘතඃ ॥ 27 ॥
දක්ෂිණේබාධතාංද්වාරේමහාපාර්ශ්වමහෝදරෞ ।
හනුමාන්පශ්චිමද්වාරංනිපීඩ්යපවනාත්මජඃ ॥ 28 ॥
ප්රවිශත්වප්රමේයාත්මාබහුභිඃකපිභිර්වෘතඃ ।
දෛත්යදාවනසංඝානාමෘෂීණාංචමහාත්මනාම් ॥ 29 ॥
විප්රකාරප්රියඃක්ෂුද්රෝවරදානබලාන්විතඃ ।
පරික්රමතියඃසර්වාන්ලෝකාන්සංතාපයන්ප්රජාඃ ॥ 30 ॥
තස්යාහංරාක්ෂසේංද්රස්යස්වයමේවවධේධෘතඃ ।
උත්තරංනගරද්වාරමහංසෞමිත්රිණාසහ ॥ 31 ॥
නිපීඩ්යාභිප්රවේක්ෂ්යාමිසබලෝයත්රරාවණඃ ।
වානරේංද්රශ්චබලවානෘක්ෂරාජශ්චවීර්යවාන් ॥ 32 ॥
රාක්ෂසේංද්රානුජශ්චෛවගුලෝභවතුමධ්යමඃ ।
නචෛවමානුෂංරූපංකාර්යංහරිභිරාහවේ ॥ 33 ॥
ඒෂාභවතුසංඞඤාන් යුද්ධේऽස්මින් වානරේබලේ ।
වානරාඒවනශ්චිහ්නංස්වජනේऽස්මින් භවිෂ්යති ॥ 34 ॥
වයංතුමානුෂේණෛවසප්තයෝත්ප්යාමහේපරාන් ।
අහමේෂමමභ්රාත්රාලක්ෂ්මණේනමහෞජසෞ ॥ 35 ॥
ආත්මනාපංචමශ්චායංසඛාමමවිභීෂණඃ ।
සරාමඃකෘත්යසිධ්යර්ථඒවමුක්ත්වාවිභීෂණම් ॥ 36 ॥
සුවේලාරෝහණේබුද්ධිශ්චකාරමතිමාන්මතිම් ।
රමණීයතරංදෘෂ්ටවාසුවේලස්යගිරේස්තටම් ॥ 37 ॥
තතස්තුරාමෝමහතාබලේනප්රච්ඡාද්යසර්වාංපෘථිවීංමහාත්මා ।
ප්රහෘෂ්ටරූපෝऽභිජගාමලංකාංකෘත්වාමතිංසෝऽරිවධේමහාත්මා ॥ 38 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ සප්තත්රිංශස්සර්ගඃ ॥
