śrīmadvālmīkīya rāmāyaṇē yuddhakāṇḍam ।
atha saptatriṃśassargaḥ ।
naravānararājautausatuvāyusutaḥkapiḥ ।
jāmbavānṛkṣarājaścharākṣasaśchavibhīṣaṇaḥ ॥ 1 ॥
aṅgadōvāliputraśchasaumitriśśarabhaḥkapiḥ ।
suṣēṇassahadāyādōmaindōdvividaēvacha ॥ 2 ॥
gajōgavākṣaḥkumudōnalō'thapanasastathā ।
amitraviṣayamprāptāssamavētāssamardhayan ॥ 3 ॥
iyaṃsālakṣayatēlaṅkāpurīrāvaṇapālitā ।
sāsurōragagandharvairamarairapidurjayā ॥ 4 ॥
kāryasiddhimpuraskṛtyamandrayadhvaṃvinirṇayē ।
nityaṃsannihitōhyatrarāvaṇōrākṣasādhipaḥ ॥ 5 ॥
tathātēṣubruvāṇēṣurāvaṇāvarajō'bravīt ।
vākyamagrāmyapadavatpuṣkalārdhaṃvibhīṣaṇaḥ ॥ 6 ॥
analaśśarabhaśchaivasampātiḥpraghasastathā ।
gatvālaṅkāmmamāmātyāḥpurīmpunarihāgatāḥ ॥ 7 ॥
bhūtvāśakunayassarvēpraviṣṭāścharipōrbhalam ।
vidhānaṃvihitaṃyachchataddhṛṣṭavāsamupasthitāḥ ॥ 8 ॥
saṃvidhānaṃyathāhustērāvaṇasyadurātmanaḥ ।
rāma tadbruvatassarvaṃyathāttvēnamēśṛṇu ॥ 9 ॥
pūrvamprahastassabalōdvāramāsādyatiṣṭhati ।
dakṣiṇañchamahāvīryaumahāpārśvamahōdarau ॥ 10 ॥
indrajitpaśchimandvāraṃrākṣasairbhahubhirvṛtaḥ ।
paṭṭasāsidhanuṣmadbhiśśūlamudgarapāṇibhiḥ ॥ 11 ॥
nānāpraharaṇaiśśūrairāvṛtōrāvaṇātmajaḥ ।
rākṣasānāṃsahasraistubahubhiśśastrapāṇibhiḥ ॥ 12 ॥
yuktaḥparamasaṃvignōrākṣarbhahubhirvṛtaḥ ।
uttarannagaradvāraṃrāvaṇassvayamāsthitaḥ ॥ 13 ॥
virūpākṣastumahatāśūlakhaḍagadhanuṣmatā ।
balēnarākṣasaissārthammadhyamaṅgulmamāsthitaḥ ॥ 14 ॥
ētānēvaṃvidhāngulmān laṅkāyāṃsamudīkṣyatē ।
māmakāmantriṇassarvēpunaśaśīghramihāgatāḥ ॥ 15 ॥
gajānāñchasāhasrañcharathānāmayutampurē ।
hayānāmayutēdvēchasāgrākōṭīcharakṣasām ॥ 16 ॥
vikrāntābalavantaśchasaṃyugēṣvātatāyinaḥ ।
iṣṭārākṣasarājasyanityamētēniśācharāḥ ॥ 17 ॥
ēkaikasyātrayuddhārthērākṣasasyaviśāmpatē ।
parīvārassahasrāṇāṃsahasramupatiṣṭhatē ॥ 18 ॥
ētāmpravṛttiṃlaṅkāyāmmantriprōktāṃvibhīṣaṇaḥ ।
ēvamuktvāmahābāhūrākṣasāṃstānadarśayat ॥ 19 ॥
laṅkāyāṃsachivaissarvaṃrāmāyapratyavēdayat ।
rāmaṅkamalapatrākṣamidamuttaramabravīt ॥ 20 ॥
rāvaṇāvarajaḥśrīmān rāmapriyachikīrṣayā ।
kubērantuyadārāma rāvaṇaḥpratyayudhyata ॥ 21 ॥
ṣaṣṭiśśatasahasrāṇitadāniryāntirakṣasāḥ ।
rākramēṇavīryēṇatējasāsattvagauravāt ॥ 22 ॥
sadṛśāyyē'tradarpēṇarāvaṇasyadurātmanaḥ ।
atramanyurnakartavyōrōṣayētvānnabhīṣayē ॥ 23 ॥
samarthōhyasivīryēṇasurāṇāmapinigrahē ।
tadbhavāṃśchaturaṅgēṇabalēnamahātāvṛtaḥ ॥ 24 ॥
vyūhyēdaṃvānarānīkannirmathiṣyatirāvaṇam ।
rāvaṇāvarajēvākyamēvambruvatirāghavaḥ ॥ 25 ॥
śatrūṇāmpratighātārthamidaṃvachanamabravīt ।
pūrvadvārētulaṅkāyānīlōvānarapuṅgavaḥ ॥ 26 ॥
prahastapratiyōddhāsyādvānarairbahubhirvṛtaḥ ।
aṅgadōvāliputrastubalēnamahatāvṛtaḥ ॥ 27 ॥
dakṣiṇēbādhatāndvārēmahāpārśvamahōdarau ।
hanumānpaśchimadvārannipīḍyapavanātmajaḥ ॥ 28 ॥
praviśatvapramēyātmābahubhiḥkapibhirvṛtaḥ ।
daityadāvanasaṅghānāmṛṣīṇāñchamahātmanām ॥ 29 ॥
viprakārapriyaḥkṣudrōvaradānabalānvitaḥ ।
parikramatiyaḥsarvānlōkānsantāpayanprajāḥ ॥ 30 ॥
tasyāhaṃrākṣasēndrasyasvayamēvavadhēdhṛtaḥ ।
uttarannagaradvāramahaṃsaumitriṇāsaha ॥ 31 ॥
nipīḍyābhipravēkṣyāmisabalōyatrarāvaṇaḥ ।
vānarēndraśchabalavānṛkṣarājaśchavīryavān ॥ 32 ॥
rākṣasēndrānujaśchaivagulōbhavatumadhyamaḥ ।
nachaivamānuṣaṃrūpaṅkāryaṃharibhirāhavē ॥ 33 ॥
ēṣābhavatusaṃṅañān yuddhē'smin vānarēbalē ।
vānarāēvanaśchihnaṃsvajanē'smin bhaviṣyati ॥ 34 ॥
vayantumānuṣēṇaivasaptayōtpyāmahēparān ।
ahamēṣamamabhrātrālakṣmaṇēnamahaujasau ॥ 35 ॥
ātmanāpañchamaśchāyaṃsakhāmamavibhīṣaṇaḥ ।
sarāmaḥkṛtyasidhyarthaēvamuktvāvibhīṣaṇam ॥ 36 ॥
suvēlārōhaṇēbuddhiśchakāramatimānmatim ।
ramaṇīyatarandṛṣṭavāsuvēlasyagirēstaṭam ॥ 37 ॥
tatasturāmōmahatābalēnaprachChādyasarvāmpṛthivīmmahātmā ।
prahṛṣṭarūpō'bhijagāmalaṅkāṅkṛtvāmatiṃsō'rivadhēmahātmā ॥ 38 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē saptatriṃśassargaḥ ॥
