શ્રીમદ્વાલ્મીકીય રામાયણે યુદ્ધકાંડમ્ ।
અથ પંચચત્વારિંશસ્સર્ગઃ ।
સતસ્યગતિમન્વિચ્છન્રાજપુત્રઃપ્રતાપવાન્ ।
દિદેશાતિબલોરામોદશવાનરયૂથપાન્ ॥ 1 ॥
દ્વૌસુષેણસ્યદાયાદૌનીલંચપ્લવગર્ષપમ્ ।
અંગદંવાલિપુત્રંચશરભંચતરસ્વિનમ્ ॥ 2 ॥
વિનતંજાંબવંતંચસાનુપ્રસ્થંમહાબલમ્ ।
ઋષભંચર્ષભસ્કંથમાદિદેશપરંતપઃ ॥ 3 ॥
તેસંપ્રહૃષ્ટાહરયોભીમાનુદ્યમ્યપાદપાન્ ।
આકાશંવિવિશુસ્સર્વેમાર્ગમાણાદિશોદશઃ ॥ 4 ॥
તેષાંવેગવતાંવેગમિષુભિર્વેગવત્તરૈઃ ।
અસ્ત્રવિત્પરમાસ્તૈરૈસ્તુવારયામાસરાવણિઃ ॥ 5 ॥
તંભીમમાર્ગમાણાદિશોદશઃવેગાહરયોનારાચૈઃક્ષતવિગ્રહાઃ ।
અંધકારેનદદૃશુર્મેઘૈસ્સૂર્યમિવાવૃતમ્ ॥ 6 ॥
રામલક્ષ્મણયોરેવસર્વદેહભિદશ્શરાન્ ।
ભૃશમાવેશયામાસરાવણિસ્સમિતિંજયઃ ॥ 7 ॥
નિરંતરશીરીરૌતુતાવુભૌરામલક્ષ્મણૌ ।
ક્રુદ્ધેનેંદ્રજિતાવીરૌપન્નગૈશ્શરતાંગતૈઃ ॥ 8 ॥
તયોઃક્ષતજમાર્ગેણસુસ્રાવરુધિરંબહુ ।
તાવુભૌચપ્રકાશેતેપુષ્પિતાવિવકિંશુકૌ ॥ 9 ॥
તતઃપર્યંતરક્તાક્ષોભિન્નાંજનચયોપમઃ ।
રાવણિર્ભ્રાતરૌવાક્યમંતર્ધાનગતોઽબ્રવીત્ ॥ 10 ॥
યુધ્યમાનમનાલક્ષયંશક્રોઽપિત્રિદશેશ્વરઃ ।
દ્રષ્ટુમાસાદિતુંવાપિનશક્તઃકિંપુનર્યુવામ્ ॥ 11 ॥
પ્રાવૃતાવિષુજાલેનરાઘવૌકંકપત્રિણા ।
એષરોષપરીતાત્માનયામિયમસાદનમ્ ॥ 12 ॥
એવમુક્ત્વાતુધર્મજ્ઞૌભ્રાતરૌરામલક્ષ્મણૌ ।
નિર્બિભેદશિતૈર્બાણૈઃપ્રજહર્ષનનાદચ ॥ 13 ॥
ભિન્નાંજનચયશ્યામોવિષ્ફાર્યવિપુલંધનુઃ ।
ભૂયોભૂયશ્શરાન્ઘોરાન્ વિસસર્જમહામૃથે ॥ 14 ॥
તતોમર્મસુમર્મજ્ઞોમજ્જયનનિશિતાન્ શરાન્ ।
રામલક્ષ્મણયોર્વીરોનનદાચમુહુર્મુહુઃ ॥ 15 ॥
બદ્ધૌતુશરશબ્દેનતાવુભૌરણમૂર્ધનિ ।
નિમેષાંતરમાત્રેણનશેકતુદીક્ષિતુમ્ ॥ 16 ॥
તતોવિભિન્નસર્વાંગૌશરશલ્યાચિતાવુભૌ ।
ધ્વજાવિવમહેંદ્રસ્યરજ્જુમુક્તૌપ્રકંપિતૌ ॥ 17 ॥
તૌસંપ્રચલિતૌવીરૌમર્મભેદેનકર્શિતૌ ।
નિપેતતુર્મહેષ્વાસૌજગત્યાંજગતીપતી ॥ 18 ॥
તૌવીરશયનેવીરૌશયાનૌરુધિરોક્ષિતૌ ।
શરવેષ્ટિતસર્વાંગૈવાર્તૌપરમપીડિતૌ ॥ 19 ॥
ન હ્ય્ અવિદ્ધં તયોર્ ગાત્રં બભૂવ અન્ગુલં અંતરમ્ ।
ન અનિર્ભિન્નં ન ચ અસ્તબ્ધં આ કર અગ્રાદ્ અજિહ્મગૈઃ ॥ 20 ॥
તૌતુક્રૂરેણનિહતૌરક્ષસાકામરૂપિણા ।
અસૃક્સુસ્રુવતુસ્તીવ્રંજલંપ્રસ્રવણાવિવ ॥ 21 ॥
પપાતપ્રથમંરામોવિદ્ધોમર્મસુમાર્ગણૈઃ ।
ક્રોધાદિંદ્રજિતાયેનપુરાશક્રોવિનિર્જિતઃ ॥ 22 ॥
રુક્મપુંખૈઃપ્રસન્નાગ્રૈરધોગતિભિરાશુગૈઃ ।
નારાચૈરર્ધનારાચૈર્ભલ્લૈરંજલિકૈરપિ ॥ 23 ॥
વિવ્યાધવત્સદંતૈશ્ચસિંહદંષ્ટ્રૈઃક્ષુરૈસ્તથા ।
સવીરશયનેશિશ્યેવિજ્યમાદાયકાર્મુકમ્ ॥ 24 ॥
ભિન્નમુષ્ટિપરીણાહંત્રિણતંરુક્મભૂષિતમ્ ।
બાણપાતાંતરેરામંપતિતંપુરુષર્ષભમ્ ॥ 25 ॥
સતત્રલક્ષ્મણોદૃષ્ટવાનિરાશોજીવિતેઽભવત્ ।
રામંકમલપત્રાક્ષંશરબંધપરિક્ષતમ્ ॥ 26 ॥
શુશોચભ્રાતરંદૃષ્ટવાપતિતંધરણીતલે ।
હરયશ્ચાપિતંદૃષ્ટવાસંતાપંપરમંગતાઃ ॥ 27 ॥
શોકાર્તાશ્ચુક્રશુર્ઘોરમશ્રુપૂરિતલોચનાઃ ।
બદ્ધૌતુવીરૌપતિતૌશયાનૌતેવાનરાસ્સંપરિવાર્યતસ્થુઃ ।
સમાગતાવાયુસુતપ્રમુખ્યાવિષાદમાર્તાઃપરમંચજગ્મુઃ ॥ 28 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે પંચચત્વારિંશસ્સર્ગઃ ॥
