শ্রীমদ্বাল্মীকীয় রামাযণে যুদ্ধকাংডম্ ।
অথ পংচচত্বারিংশস্সর্গঃ ।
সতস্যগতিমন্বিচ্ছন্রাজপুত্রঃপ্রতাপবান্ ।
দিদেশাতিবলোরামোদশবানরয়ূথপান্ ॥ 1 ॥
দ্বৌসুষেণস্যদায়াদৌনীলংচপ্লবগর্ষপম্ ।
অংগদংবালিপুত্রংচশরভংচতরস্বিনম্ ॥ 2 ॥
বিনতংজাংববংতংচসানুপ্রস্থংমহাবলম্ ।
ঋষভংচর্ষভস্কংথমাদিদেশপরংতপঃ ॥ 3 ॥
তেসংপ্রহৃষ্টাহরয়োভীমানুদ্যম্যপাদপান্ ।
আকাশংবিবিশুস্সর্বেমার্গমাণাদিশোদশঃ ॥ 4 ॥
তেষাংবেগবতাংবেগমিষুভির্বেগবত্তরৈঃ ।
অস্ত্রবিত্পরমাস্তৈরৈস্তুবারয়ামাসরাবণিঃ ॥ 5 ॥
তংভীমমার্গমাণাদিশোদশঃবেগাহরয়োনারাচৈঃক্ষতবিগ্রহাঃ ।
অংধকারেনদদৃশুর্মেঘৈস্সূর্যমিবাবৃতম্ ॥ 6 ॥
রামলক্ষ্মণয়োরেবসর্বদেহভিদশ্শরান্ ।
ভৃশমাবেশয়ামাসরাবণিস্সমিতিংজয়ঃ ॥ 7 ॥
নিরংতরশীরীরৌতুতাবুভৌরামলক্ষ্মণৌ ।
ক্রুদ্ধেনেংদ্রজিতাবীরৌপন্নগৈশ্শরতাংগতৈঃ ॥ 8 ॥
তয়োঃক্ষতজমার্গেণসুস্রাবরুধিরংবহু ।
তাবুভৌচপ্রকাশেতেপুষ্পিতাবিবকিংশুকৌ ॥ 9 ॥
ততঃপর্য়ংতরক্তাক্ষোভিন্নাংজনচয়োপমঃ ।
রাবণির্ভ্রাতরৌবাক্যমংতর্ধানগতোঽব্রবীত্ ॥ 10 ॥
যুধ্যমানমনালক্ষয়ংশক্রোঽপিত্রিদশেশ্বরঃ ।
দ্রষ্টুমাসাদিতুংবাপিনশক্তঃকিংপুনর্য়ুবাম্ ॥ 11 ॥
প্রাবৃতাবিষুজালেনরাঘবৌকংকপত্রিণা ।
এষরোষপরীতাত্মানয়ামিযমসাদনম্ ॥ 12 ॥
এবমুক্ত্বাতুধর্মজ্ঞৌভ্রাতরৌরামলক্ষ্মণৌ ।
নির্বিভেদশিতৈর্বাণৈঃপ্রজহর্ষননাদচ ॥ 13 ॥
ভিন্নাংজনচযশ্য়ামোবিষ্ফার্যবিপুলংধনুঃ ।
ভূয়োভূযশ্শরান্ঘোরান্ বিসসর্জমহামৃথে ॥ 14 ॥
ততোমর্মসুমর্মজ্ঞোমজ্জযননিশিতান্ শরান্ ।
রামলক্ষ্মণয়োর্বীরোননদাচমুহুর্মুহুঃ ॥ 15 ॥
বদ্ধৌতুশরশব্দেনতাবুভৌরণমূর্ধনি ।
নিমেষাংতরমাত্রেণনশেকতুদীক্ষিতুম্ ॥ 16 ॥
ততোবিভিন্নসর্বাংগৌশরশল্য়াচিতাবুভৌ ।
ধ্বজাবিবমহেংদ্রস্যরজ্জুমুক্তৌপ্রকংপিতৌ ॥ 17 ॥
তৌসংপ্রচলিতৌবীরৌমর্মভেদেনকর্শিতৌ ।
নিপেততুর্মহেষ্বাসৌজগত্য়াংজগতীপতী ॥ 18 ॥
তৌবীরশযনেবীরৌশয়ানৌরুধিরোক্ষিতৌ ।
শরবেষ্টিতসর্বাংগৈবার্তৌপরমপীডিতৌ ॥ 19 ॥
ন হ্য়্ অবিদ্ধং তয়োর্ গাত্রং বভূব অন্গুলং অংতরম্ ।
ন অনির্ভিন্নং ন চ অস্তব্ধং আ কর অগ্রাদ্ অজিহ্মগৈঃ ॥ 20 ॥
তৌতুক্রূরেণনিহতৌরক্ষসাকামরূপিণা ।
অসৃক্সুস্রুবতুস্তীব্রংজলংপ্রস্রবণাবিব ॥ 21 ॥
পপাতপ্রথমংরামোবিদ্ধোমর্মসুমার্গণৈঃ ।
ক্রোধাদিংদ্রজিতায়েনপুরাশক্রোবিনির্জিতঃ ॥ 22 ॥
রুক্মপুংখৈঃপ্রসন্নাগ্রৈরধোগতিভিরাশুগৈঃ ।
নারাচৈরর্ধনারাচৈর্ভল্লৈরংজলিকৈরপি ॥ 23 ॥
বিব্য়াধবত্সদংতৈশ্চসিংহদংষ্ট্রৈঃক্ষুরৈস্তথা ।
সবীরশযনেশিশ্য়েবিজ্যমাদাযকার্মুকম্ ॥ 24 ॥
ভিন্নমুষ্টিপরীণাহংত্রিণতংরুক্মভূষিতম্ ।
বাণপাতাংতরেরামংপতিতংপুরুষর্ষভম্ ॥ 25 ॥
সতত্রলক্ষ্মণোদৃষ্টবানিরাশোজীবিতেঽভবত্ ।
রামংকমলপত্রাক্ষংশরবংধপরিক্ষতম্ ॥ 26 ॥
শুশোচভ্রাতরংদৃষ্টবাপতিতংধরণীতলে ।
হরযশ্চাপিতংদৃষ্টবাসংতাপংপরমংগতাঃ ॥ 27 ॥
শোকার্তাশ্চুক্রশুর্ঘোরমশ্রুপূরিতলোচনাঃ ।
বদ্ধৌতুবীরৌপতিতৌশয়ানৌতেবানরাস্সংপরিবার্যতস্থুঃ ।
সমাগতাবায়ুসুতপ্রমুখ্য়াবিষাদমার্তাঃপরমংচজগ্মুঃ ॥ 28 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে যুদ্ধকাংডে পংচচত্বারিংশস্সর্গঃ ॥
