ശ്രീമദ്വാല്മീകീയ രാമായണേ യുദ്ധകാംഡമ് ।
അഥ പംചചത്വാരിംശസ്സര്ഗഃ ।
സതസ്യഗതിമന്വിച്ഛന്രാജപുത്രഃപ്രതാപവാന് ।
ദിദേശാതിബലോരാമോദശവാനരയൂഥപാന് ॥ 1 ॥
ദ്വൌസുഷേണസ്യദായാദൌനീലംചപ്ലവഗര്ഷപമ് ।
അംഗദംവാലിപുത്രംചശരഭംചതരസ്വിനമ് ॥ 2 ॥
വിനതംജാംബവംതംചസാനുപ്രസ്ഥംമഹാബലമ് ।
ഋഷഭംചര്ഷഭസ്കംഥമാദിദേശപരംതപഃ ॥ 3 ॥
തേസംപ്രഹൃഷ്ടാഹരയോഭീമാനുദ്യമ്യപാദപാന് ।
ആകാശംവിവിശുസ്സർവേമാര്ഗമാണാദിശോദശഃ ॥ 4 ॥
തേഷാംവേഗവതാംവേഗമിഷുഭിർവേഗവത്തരൈഃ ।
അസ്ത്രവിത്പരമാസ്തൈരൈസ്തുവാരയാമാസരാവണിഃ ॥ 5 ॥
തംഭീമമാര്ഗമാണാദിശോദശഃവേഗാഹരയോനാരാചൈഃക്ഷതവിഗ്രഹാഃ ।
അംധകാരേനദദൃശുര്മേഘൈസ്സൂര്യമിവാവൃതമ് ॥ 6 ॥
രാമലക്ഷ്മണയോരേവസർവദേഹഭിദശ്ശരാന് ।
ഭൃശമാവേശയാമാസരാവണിസ്സമിതിംജയഃ ॥ 7 ॥
നിരംതരശീരീരൌതുതാവുഭൌരാമലക്ഷ്മണൌ ।
ക്രുദ്ധേനേംദ്രജിതാവീരൌപന്നഗൈശ്ശരതാംഗതൈഃ ॥ 8 ॥
തയോഃക്ഷതജമാര്ഗേണസുസ്രാവരുധിരംബഹു ।
താവുഭൌചപ്രകാശേതേപുഷ്പിതാവിവകിംശുകൌ ॥ 9 ॥
തതഃപര്യംതരക്താക്ഷോഭിന്നാംജനചയോപമഃ ।
രാവണിര്ഭ്രാതരൌവാക്യമംതര്ധാനഗതോഽബ്രവീത് ॥ 10 ॥
യുധ്യമാനമനാലക്ഷയംശക്രോഽപിത്രിദശേശ്വരഃ ।
ദ്രഷ്ടുമാസാദിതുംവാപിനശക്തഃകിംപുനര്യുവാമ് ॥ 11 ॥
പ്രാവൃതാവിഷുജാലേനരാഘവൌകംകപത്രിണാ ।
ഏഷരോഷപരീതാത്മാനയാമിയമസാദനമ് ॥ 12 ॥
ഏവമുക്ത്വാതുധര്മജ്ഞൌഭ്രാതരൌരാമലക്ഷ്മണൌ ।
നിര്ബിഭേദശിതൈര്ബാണൈഃപ്രജഹര്ഷനനാദച ॥ 13 ॥
ഭിന്നാംജനചയശ്യാമോവിഷ്ഫാര്യവിപുലംധനുഃ ।
ഭൂയോഭൂയശ്ശരാന്ഘോരാന് വിസസര്ജമഹാമൃഥേ ॥ 14 ॥
തതോമര്മസുമര്മജ്ഞോമജ്ജയനനിശിതാന് ശരാന് ।
രാമലക്ഷ്മണയോർവീരോനനദാചമുഹുര്മുഹുഃ ॥ 15 ॥
ബദ്ധൌതുശരശബ്ദേനതാവുഭൌരണമൂര്ധനി ।
നിമേഷാംതരമാത്രേണനശേകതുദീക്ഷിതുമ് ॥ 16 ॥
തതോവിഭിന്നസർവാംഗൌശരശല്യാചിതാവുഭൌ ।
ധ്വജാവിവമഹേംദ്രസ്യരജ്ജുമുക്തൌപ്രകംപിതൌ ॥ 17 ॥
തൌസംപ്രചലിതൌവീരൌമര്മഭേദേനകര്ശിതൌ ।
നിപേതതുര്മഹേഷ്വാസൌജഗത്യാംജഗതീപതീ ॥ 18 ॥
തൌവീരശയനേവീരൌശയാനൌരുധിരോക്ഷിതൌ ।
ശരവേഷ്ടിതസർവാംഗൈവാര്തൌപരമപീഡിതൌ ॥ 19 ॥
ന ഹ്യ് അവിദ്ധം തയോര് ഗാത്രം ബഭൂവ അന്ഗുലം അംതരമ് ।
ന അനിര്ഭിന്നം ന ച അസ്തബ്ധം ആ കര അഗ്രാദ് അജിഹ്മഗൈഃ ॥ 20 ॥
തൌതുക്രൂരേണനിഹതൌരക്ഷസാകാമരൂപിണാ ।
അസൃക്സുസ്രുവതുസ്തീവ്രംജലംപ്രസ്രവണാവിവ ॥ 21 ॥
പപാതപ്രഥമംരാമോവിദ്ധോമര്മസുമാര്ഗണൈഃ ।
ക്രോധാദിംദ്രജിതായേനപുരാശക്രോവിനിര്ജിതഃ ॥ 22 ॥
രുക്മപുംഖൈഃപ്രസന്നാഗ്രൈരധോഗതിഭിരാശുഗൈഃ ।
നാരാചൈരര്ധനാരാചൈര്ഭല്ലൈരംജലികൈരപി ॥ 23 ॥
വിവ്യാധവത്സദംതൈശ്ചസിംഹദംഷ്ട്രൈഃക്ഷുരൈസ്തഥാ ।
സവീരശയനേശിശ്യേവിജ്യമാദായകാര്മുകമ് ॥ 24 ॥
ഭിന്നമുഷ്ടിപരീണാഹംത്രിണതംരുക്മഭൂഷിതമ് ।
ബാണപാതാംതരേരാമംപതിതംപുരുഷര്ഷഭമ് ॥ 25 ॥
സതത്രലക്ഷ്മണോദൃഷ്ടവാനിരാശോജീവിതേഽഭവത് ।
രാമംകമലപത്രാക്ഷംശരബംധപരിക്ഷതമ് ॥ 26 ॥
ശുശോചഭ്രാതരംദൃഷ്ടവാപതിതംധരണീതലേ ।
ഹരയശ്ചാപിതംദൃഷ്ടവാസംതാപംപരമംഗതാഃ ॥ 27 ॥
ശോകാര്താശ്ചുക്രശുര്ഘോരമശ്രുപൂരിതലോചനാഃ ।
ബദ്ധൌതുവീരൌപതിതൌശയാനൌതേവാനരാസ്സംപരിവാര്യതസ്ഥുഃ ।
സമാഗതാവായുസുതപ്രമുഖ്യാവിഷാദമാര്താഃപരമംചജഗ്മുഃ ॥ 28 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ പംചചത്വാരിംശസ്സര്ഗഃ ॥
