ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ପଂଚଚତ୍ଵାରିଂଶସ୍ସର୍ଗଃ ।
ସତସ୍ୟଗତିମନ୍ଵିଚ୍ଛନ୍ରାଜପୁତ୍ରଃପ୍ରତାପଵାନ୍ ।
ଦିଦେଶାତିବଲୋରାମୋଦଶଵାନରୟୂଥପାନ୍ ॥ 1 ॥
ଦ୍ଵୌସୁଷେଣସ୍ୟଦାୟାଦୌନୀଲଂଚପ୍ଲଵଗର୍ଷପମ୍ ।
ଅଂଗଦଂଵାଲିପୁତ୍ରଂଚଶରଭଂଚତରସ୍ଵିନମ୍ ॥ 2 ॥
ଵିନତଂଜାଂବଵଂତଂଚସାନୁପ୍ରସ୍ଥଂମହାବଲମ୍ ।
ଋଷଭଂଚର୍ଷଭସ୍କଂଥମାଦିଦେଶପରଂତପଃ ॥ 3 ॥
ତେସଂପ୍ରହୃଷ୍ଟାହରୟୋଭୀମାନୁଦ୍ୟମ୍ୟପାଦପାନ୍ ।
ଆକାଶଂଵିଵିଶୁସ୍ସର୍ଵେମାର୍ଗମାଣାଦିଶୋଦଶଃ ॥ 4 ॥
ତେଷାଂଵେଗଵତାଂଵେଗମିଷୁଭିର୍ଵେଗଵତ୍ତରୈଃ ।
ଅସ୍ତ୍ରଵିତ୍ପରମାସ୍ତୈରୈସ୍ତୁଵାରୟାମାସରାଵଣିଃ ॥ 5 ॥
ତଂଭୀମମାର୍ଗମାଣାଦିଶୋଦଶଃଵେଗାହରୟୋନାରାଚୈଃକ୍ଷତଵିଗ୍ରହାଃ ।
ଅଂଧକାରେନଦଦୃଶୁର୍ମେଘୈସ୍ସୂର୍ୟମିଵାଵୃତମ୍ ॥ 6 ॥
ରାମଲକ୍ଷ୍ମଣୟୋରେଵସର୍ଵଦେହଭିଦଶ୍ଶରାନ୍ ।
ଭୃଶମାଵେଶୟାମାସରାଵଣିସ୍ସମିତିଂଜୟଃ ॥ 7 ॥
ନିରଂତରଶୀରୀରୌତୁତାଵୁଭୌରାମଲକ୍ଷ୍ମଣୌ ।
କ୍ରୁଦ୍ଧେନେଂଦ୍ରଜିତାଵୀରୌପନ୍ନଗୈଶ୍ଶରତାଂଗତୈଃ ॥ 8 ॥
ତୟୋଃକ୍ଷତଜମାର୍ଗେଣସୁସ୍ରାଵରୁଧିରଂବହୁ ।
ତାଵୁଭୌଚପ୍ରକାଶେତେପୁଷ୍ପିତାଵିଵକିଂଶୁକୌ ॥ 9 ॥
ତତଃପର୍ୟଂତରକ୍ତାକ୍ଷୋଭିନ୍ନାଂଜନଚୟୋପମଃ ।
ରାଵଣିର୍ଭ୍ରାତରୌଵାକ୍ୟମଂତର୍ଧାନଗତୋଽବ୍ରଵୀତ୍ ॥ 10 ॥
ୟୁଧ୍ୟମାନମନାଲକ୍ଷୟଂଶକ୍ରୋଽପିତ୍ରିଦଶେଶ୍ଵରଃ ।
ଦ୍ରଷ୍ଟୁମାସାଦିତୁଂଵାପିନଶକ୍ତଃକିଂପୁନର୍ୟୁଵାମ୍ ॥ 11 ॥
ପ୍ରାଵୃତାଵିଷୁଜାଲେନରାଘଵୌକଂକପତ୍ରିଣା ।
ଏଷରୋଷପରୀତାତ୍ମାନୟାମିୟମସାଦନମ୍ ॥ 12 ॥
ଏଵମୁକ୍ତ୍ଵାତୁଧର୍ମଜ୍ଞୌଭ୍ରାତରୌରାମଲକ୍ଷ୍ମଣୌ ।
ନିର୍ବିଭେଦଶିତୈର୍ବାଣୈଃପ୍ରଜହର୍ଷନନାଦଚ ॥ 13 ॥
ଭିନ୍ନାଂଜନଚୟଶ୍ୟାମୋଵିଷ୍ଫାର୍ୟଵିପୁଲଂଧନୁଃ ।
ଭୂୟୋଭୂୟଶ୍ଶରାନ୍ଘୋରାନ୍ ଵିସସର୍ଜମହାମୃଥେ ॥ 14 ॥
ତତୋମର୍ମସୁମର୍ମଜ୍ଞୋମଜ୍ଜୟନନିଶିତାନ୍ ଶରାନ୍ ।
ରାମଲକ୍ଷ୍ମଣୟୋର୍ଵୀରୋନନଦାଚମୁହୁର୍ମୁହୁଃ ॥ 15 ॥
ବଦ୍ଧୌତୁଶରଶବ୍ଦେନତାଵୁଭୌରଣମୂର୍ଧନି ।
ନିମେଷାଂତରମାତ୍ରେଣନଶେକତୁଦୀକ୍ଷିତୁମ୍ ॥ 16 ॥
ତତୋଵିଭିନ୍ନସର୍ଵାଂଗୌଶରଶଲ୍ୟାଚିତାଵୁଭୌ ।
ଧ୍ଵଜାଵିଵମହେଂଦ୍ରସ୍ୟରଜ୍ଜୁମୁକ୍ତୌପ୍ରକଂପିତୌ ॥ 17 ॥
ତୌସଂପ୍ରଚଲିତୌଵୀରୌମର୍ମଭେଦେନକର୍ଶିତୌ ।
ନିପେତତୁର୍ମହେଷ୍ଵାସୌଜଗତ୍ୟାଂଜଗତୀପତୀ ॥ 18 ॥
ତୌଵୀରଶୟନେଵୀରୌଶୟାନୌରୁଧିରୋକ୍ଷିତୌ ।
ଶରଵେଷ୍ଟିତସର୍ଵାଂଗୈଵାର୍ତୌପରମପୀଡିତୌ ॥ 19 ॥
ନ ହ୍ୟ୍ ଅଵିଦ୍ଧଂ ତୟୋର୍ ଗାତ୍ରଂ ବଭୂଵ ଅନ୍ଗୁଲଂ ଅଂତରମ୍ ।
ନ ଅନିର୍ଭିନ୍ନଂ ନ ଚ ଅସ୍ତବ୍ଧଂ ଆ କର ଅଗ୍ରାଦ୍ ଅଜିହ୍ମଗୈଃ ॥ 20 ॥
ତୌତୁକ୍ରୂରେଣନିହତୌରକ୍ଷସାକାମରୂପିଣା ।
ଅସୃକ୍ସୁସ୍ରୁଵତୁସ୍ତୀଵ୍ରଂଜଲଂପ୍ରସ୍ରଵଣାଵିଵ ॥ 21 ॥
ପପାତପ୍ରଥମଂରାମୋଵିଦ୍ଧୋମର୍ମସୁମାର୍ଗଣୈଃ ।
କ୍ରୋଧାଦିଂଦ୍ରଜିତାୟେନପୁରାଶକ୍ରୋଵିନିର୍ଜିତଃ ॥ 22 ॥
ରୁକ୍ମପୁଂଖୈଃପ୍ରସନ୍ନାଗ୍ରୈରଧୋଗତିଭିରାଶୁଗୈଃ ।
ନାରାଚୈରର୍ଧନାରାଚୈର୍ଭଲ୍ଲୈରଂଜଲିକୈରପି ॥ 23 ॥
ଵିଵ୍ୟାଧଵତ୍ସଦଂତୈଶ୍ଚସିଂହଦଂଷ୍ଟ୍ରୈଃକ୍ଷୁରୈସ୍ତଥା ।
ସଵୀରଶୟନେଶିଶ୍ୟେଵିଜ୍ୟମାଦାୟକାର୍ମୁକମ୍ ॥ 24 ॥
ଭିନ୍ନମୁଷ୍ଟିପରୀଣାହଂତ୍ରିଣତଂରୁକ୍ମଭୂଷିତମ୍ ।
ବାଣପାତାଂତରେରାମଂପତିତଂପୁରୁଷର୍ଷଭମ୍ ॥ 25 ॥
ସତତ୍ରଲକ୍ଷ୍ମଣୋଦୃଷ୍ଟଵାନିରାଶୋଜୀଵିତେଽଭଵତ୍ ।
ରାମଂକମଲପତ୍ରାକ୍ଷଂଶରବଂଧପରିକ୍ଷତମ୍ ॥ 26 ॥
ଶୁଶୋଚଭ୍ରାତରଂଦୃଷ୍ଟଵାପତିତଂଧରଣୀତଲେ ।
ହରୟଶ୍ଚାପିତଂଦୃଷ୍ଟଵାସଂତାପଂପରମଂଗତାଃ ॥ 27 ॥
ଶୋକାର୍ତାଶ୍ଚୁକ୍ରଶୁର୍ଘୋରମଶ୍ରୁପୂରିତଲୋଚନାଃ ।
ବଦ୍ଧୌତୁଵୀରୌପତିତୌଶୟାନୌତେଵାନରାସ୍ସଂପରିଵାର୍ୟତସ୍ଥୁଃ ।
ସମାଗତାଵାୟୁସୁତପ୍ରମୁଖ୍ୟାଵିଷାଦମାର୍ତାଃପରମଂଚଜଗ୍ମୁଃ ॥ 28 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ପଂଚଚତ୍ଵାରିଂଶସ୍ସର୍ଗଃ ॥
