ශ්රීමද්වාල්මීකීය රාමායණේ යුද්ධකාංඩම් ।
අථ ඒකෂෂ්ටිතමස්සර්ගඃ ।
තතෝරාමෝමහාතේජාධනුරාදායවීර්යවාන් ।
කිරීටිනංමහාකායංකුංභකර්ණංදදර්ශ හ ॥ 1 ॥
තංදෘෂ්ටවාරාක්ෂසශ්රේෂ්ඨංපර්වතාකාරදර්ශනම් ।
ක්රමමාණමිවාකාශංපුරානාරායණංප්රභුම් ॥ 2 ॥
සතෝයාංබුදසංකාශංකාංචනාංගදභූෂණම් ।
දෘෂ්ටවාපුනඃප්රදුද්රවාවානරාණාංමහාචමූඃ ॥ 3 ॥
විද්රුතාංවාහිනීංදෘෂ්ටවාවර්ධමානං ච රාක්ෂසම් ।
සවිස්මයමිදංරාමෝවිභීෂණමුවාච හ ॥ 4 ॥
කෝऽසෞපර්වතසංකාශඃකිරීටීහරිලෝචනඃ ।
ලංකායාංදෘශ්යතේවීරඃසවිද්යුදිවතෝයදඃ ॥ 5 ॥
පෘථිව්යාංකේතුභූතෝऽසෞමහානේකෝऽත්රදෘශ්යතේ ।
යංදෘෂ්ටවාවානරාස්සර්වේවිද්රවංතිතතස්තතඃ ॥ 6 ॥
ආචක්ෂවසුමහාන් කෝऽසෞරක්ෂෝවායදිවාऽසුරඃ ।
න මයෛවංවිධංභූතංදෘෂ්ටපූර්වංකදාචන ॥ 7 ॥
සංපෘෂ්ටෝරාජපුත්රේණරාමේණාක්ලිෂ්ටකර්මණා ।
විභීෂණෝමහාප්රාජ්ඤඃකාකුත්ථ්සමිදමබ්රවීත් ॥ 8 ॥
යේනවෛවස්වතෝයුද්ධේවාසවශ්චපරාජිතඃ ।
සෛෂවිශ්රවසඃපුත්රඃකුංභකර්ණඃප්රතාපවාන් ॥ 9 ॥
අස්යප්රමාණසදෘශෝරාක්ෂසාऽන්යෝ න විද්යතේ ।
ඒතේනදේවායුධිදානවාශ්චයක්ෂාභුජංගාඃපිශිතාශනාශ්ච ।
ගංධර්වවිද්යාධරකින්නරෛශ්චසහස්රශෝරාඝවසංප්රභග්නාඃ ॥ 10 ॥
ශූලපාණිංවිරූපාක්ෂංකුංභකර්ණංමහාබලම් ।
හංතුං න ශේකුස්ත්රිදශාඃකාලෝऽයමිතිමෝහිතාඃ ॥ 11 ॥
ප්රකෘත්යාහ්යේෂතේජස්වීකුංභකර්ණෝමහාබලඃ ।
අන්යේෂාංරාක්ෂසේංද්රාණාංවරදානකෘතංබලම් ॥ 12 ॥
ඒතේනජාතමාත්රේණක්ෂුධාර්තේනමහාත්මනා ।
භක්ෂිතානිසහස්රාණිසත්ත්වානාංසුබහූන්යපි ॥ 13 ॥
තේෂුසංභක්ෂයමාණේෂුප්රජාභයනිපීඩිතාඃ ।
යාංතිස්මශරණංශක්රංතමප්යර්ථංන්යවේදයන් ॥ 14 ॥
සකුන්භකර්ණංකුපිතෝමහේංද්රෝජඝානවජ්රේණශිතේනවජ්රී ।
සශක්රවජ්රාභිහතෝමහාත්මාචචාලකෝපාච්චභෘශංනනාද ॥ 15 ॥
තස්යනානද්යමානස්යකුංභකර්ණස්යරක්ෂසඃ ।
ශ්රුත්වානිනාදංවිත්රස්තාඃභූමිභූයෝවිතත්රසේ ॥ 16 ॥
තත්රකෝපාන්මහේංද්රස්යකුංභකර්ණෝමහාබලඃ ।
විකෘෂ්යෛරාවතාද්ධංතංජඝානෝරසිවාසවම් ॥ 17 ॥
කුංභකර්ණප්රහාරාර්තෝවිජජ්වාල ස වාසවඃ ।
තතෝවිෂේදුස්සහසාදේවාබ්රහ්මර්ෂිදානවාඃ ॥ 18 ॥
ප්රජාභිස්සහශක්රශ්චයයෞස්ථානංස්වයංභුවඃ ।
කුංභකර්ණස්යදෞරාත්ම්යංශශංසුස්තේප්රජාපතේඃ ॥ 19 ॥
ප්රජානාංභක්ෂණංචාපිධර්ෂණං ච දිවෞකසාම් ।
ආශ්රමධ්වංසනංචාපිපරස්ත්රීහරණංභෘශම් ॥ 20 ॥
ඒවංප්රජායදිත්වේෂභක්ෂයිෂ්යතිනිත්යශඃ ।
අචිරේණෛවකාලේනශූන්යෝලෝකෝභවිෂ්යති ॥ 21 ॥
වාසවස්යවචශ්ශ්රුත්වාසර්වලෝකපිතාමහඃ ।
රක්ෂාංස්යාවාහයාමාසකුංභකර්ණංදදර්ශ හ ॥ 22 ॥
කුංභකර්ණංසමීක්ෂ්යෛවවිතත්රාසප්රජාපතිඃ ।
දෘෂ්ටවාවිශ්වාස්යචෛවෛනංස්වයංභූරිදමබ්රවීත් ॥ 23 ॥
ධ්රුවංලෝකවිනාශායපෞලස්ත්යේනාසිනිර්මිතඃ ।
තස්මාත්ත්වමද්යප්රභෘතිමෘතකල්පඃශයිෂ්යසේ ॥ 24 ॥
බ්රහ්මශාපාභිභූතෝऽථනිපපාතාග්රතඃප්රභෝඃ ।
තතඃපරමසංභ්රාංතෝරාවණෝවාක්යමබ්රවීත් ॥ 25 ॥
විවෘද්ධඃකාංචනෝවෘක්ෂඃඵලකාලේනිකෘත්යතේ ।
න නප්තාරංස්වකංන්යායංශප්තුමේවංප්රජාපතේ ॥ 26 ॥
න මිථ්යාවචනශ්චත්වංස්වප්ස්යත්යේෂ න සංශයඃ ।
කාලස්තුක්රියතාමස්යශයනේජාගරේතථා ॥ 27 ॥
රාවණස්යවචශ්ශ්රුත්වාස්වයංභූරිදමබ්රවීත් ।
ශයිතාහ්යේෂෂණ්මාසානේකාහංජාගරිෂ්යති ॥ 28 ॥
ඒකේනාහ්නා ත්වසෞ වීරශ්ච රන් භූමිං බුභුක්ෂිතඃ ।
ව්යාත්තාස්යෝ භක්ෂයේල්ලෝකාන් සම්වෘද්ධ ඉව පාවකඃ ॥ 29 ॥
සෝऽසෞව්යසමාපන්නඃකුංභකර්ණමබෝධයත් ।
ත්වත්පරාක්රමභීතශ්චරාජාසංප්රතිරාවණඃ ॥ 30 ॥
ස ඒෂනිර්ගතෝවීරඃශිබිරාද්භීමවික්රමඃ ।
වානරාන්භෘශසංකෘද්ධෝභක්ෂයන්පරිධාවති ॥ 31 ॥
කුංභකර්ණංසමීක්ෂ්යෛවහරයෝऽද්යප්රවිද්රුතුඃ ।
කථමේනංරණේක්රුද්ධංවාරයිෂ්යංතිවානරාඃ ॥ 32 ॥
උච්යංතාංවානරාඃසර්වේයංත්රමේතත්සමුච්ඡ්රිතම් ।
ඉතිවිජ්ඤායහරයෝභවිෂ්යංතීහනිර්භයාඃ ॥ 33 ॥
විභීෂණවචශ්ශ්රුත්වාහේතුමත්සුමුඛේරිතම් ।
උවාචරාඝවෝවාක්යංනීලංසේනාපතිංතදා ॥ 34 ॥
ගච්ඡසෛන්යානිසර්වාණිව්යූහ්යතිෂ්ඨස්වපාවකේ ।
ද්වාරාණ්යාදායලංකායාශ්චර්යාශ්චාප්යථසංක්රමාන් ॥ 35 ॥
ශෛලශෘංගාණිවෘක්ෂාංශ්චශිලාශ්චාප්යුපසංහර ।
තිෂ්ඨංතුසායුධාස්සර්වේසායුධාශ්ශෛලපාණයඃ ॥ 36 ॥
රාඝවේණසමාදිෂ්ටෝනීලෝහරිචමූපතිඃ ।
ශශාසවානරානීකංයථාවත්කපිකුංජරඃ ॥ 37 ॥
තතෝගවාක්ෂශ්ශරභෝහනූමානංගදස්තථා ।
ශෛලශෘංගාණිශෛලාභාගෘහීත්වාද්වාරමභ්යයුඃ ॥ 38 ॥
රාමවාක්යමුපශ්රුත්ය හරයෝ ජිතකාශිනඃ ।
පාදපෛරර්දයවනීරාවානරාඃපරවාහිනීම් ॥ 39 ॥
තතෝහරීණාංතදනීකමුග්රංරරාජශෛලෝද්යතදීප්තහස්තම් ।
ගිරේඃසමීපානුගතංයථෛවහන්මහාංභෝධරජාලමුග්රම් ॥ 40 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ඒකෂෂ්ටිතමස්සර්ගඃ ॥
