ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଏକଷଷ୍ଟିତମସ୍ସର୍ଗଃ ।
ତତୋରାମୋମହାତେଜାଧନୁରାଦାୟଵୀର୍ୟଵାନ୍ ।
କିରୀଟିନଂମହାକାୟଂକୁଂଭକର୍ଣଂଦଦର୍ଶ ହ ॥ 1 ॥
ତଂଦୃଷ୍ଟଵାରାକ୍ଷସଶ୍ରେଷ୍ଠଂପର୍ଵତାକାରଦର୍ଶନମ୍ ।
କ୍ରମମାଣମିଵାକାଶଂପୁରାନାରାୟଣଂପ୍ରଭୁମ୍ ॥ 2 ॥
ସତୋୟାଂବୁଦସଂକାଶଂକାଂଚନାଂଗଦଭୂଷଣମ୍ ।
ଦୃଷ୍ଟଵାପୁନଃପ୍ରଦୁଦ୍ରଵାଵାନରାଣାଂମହାଚମୂଃ ॥ 3 ॥
ଵିଦ୍ରୁତାଂଵାହିନୀଂଦୃଷ୍ଟଵାଵର୍ଧମାନଂ ଚ ରାକ୍ଷସମ୍ ।
ସଵିସ୍ମୟମିଦଂରାମୋଵିଭୀଷଣମୁଵାଚ ହ ॥ 4 ॥
କୋଽସୌପର୍ଵତସଂକାଶଃକିରୀଟୀହରିଲୋଚନଃ ।
ଲଂକାୟାଂଦୃଶ୍ୟତେଵୀରଃସଵିଦ୍ୟୁଦିଵତୋୟଦଃ ॥ 5 ॥
ପୃଥିଵ୍ୟାଂକେତୁଭୂତୋଽସୌମହାନେକୋଽତ୍ରଦୃଶ୍ୟତେ ।
ୟଂଦୃଷ୍ଟଵାଵାନରାସ୍ସର୍ଵେଵିଦ୍ରଵଂତିତତସ୍ତତଃ ॥ 6 ॥
ଆଚକ୍ଷଵସୁମହାନ୍ କୋଽସୌରକ୍ଷୋଵାୟଦିଵାଽସୁରଃ ।
ନ ମୟୈଵଂଵିଧଂଭୂତଂଦୃଷ୍ଟପୂର୍ଵଂକଦାଚନ ॥ 7 ॥
ସଂପୃଷ୍ଟୋରାଜପୁତ୍ରେଣରାମେଣାକ୍ଲିଷ୍ଟକର୍ମଣା ।
ଵିଭୀଷଣୋମହାପ୍ରାଜ୍ଞଃକାକୁତ୍ଥ୍ସମିଦମବ୍ରଵୀତ୍ ॥ 8 ॥
ୟେନଵୈଵସ୍ଵତୋୟୁଦ୍ଧେଵାସଵଶ୍ଚପରାଜିତଃ ।
ସୈଷଵିଶ୍ରଵସଃପୁତ୍ରଃକୁଂଭକର୍ଣଃପ୍ରତାପଵାନ୍ ॥ 9 ॥
ଅସ୍ୟପ୍ରମାଣସଦୃଶୋରାକ୍ଷସାଽନ୍ୟୋ ନ ଵିଦ୍ୟତେ ।
ଏତେନଦେଵାୟୁଧିଦାନଵାଶ୍ଚୟକ୍ଷାଭୁଜଂଗାଃପିଶିତାଶନାଶ୍ଚ ।
ଗଂଧର୍ଵଵିଦ୍ୟାଧରକିନ୍ନରୈଶ୍ଚସହସ୍ରଶୋରାଘଵସଂପ୍ରଭଗ୍ନାଃ ॥ 10 ॥
ଶୂଲପାଣିଂଵିରୂପାକ୍ଷଂକୁଂଭକର୍ଣଂମହାବଲମ୍ ।
ହଂତୁଂ ନ ଶେକୁସ୍ତ୍ରିଦଶାଃକାଲୋଽୟମିତିମୋହିତାଃ ॥ 11 ॥
ପ୍ରକୃତ୍ୟାହ୍ୟେଷତେଜସ୍ଵୀକୁଂଭକର୍ଣୋମହାବଲଃ ।
ଅନ୍ୟେଷାଂରାକ୍ଷସେଂଦ୍ରାଣାଂଵରଦାନକୃତଂବଲମ୍ ॥ 12 ॥
ଏତେନଜାତମାତ୍ରେଣକ୍ଷୁଧାର୍ତେନମହାତ୍ମନା ।
ଭକ୍ଷିତାନିସହସ୍ରାଣିସତ୍ତ୍ଵାନାଂସୁବହୂନ୍ୟପି ॥ 13 ॥
ତେଷୁସଂଭକ୍ଷୟମାଣେଷୁପ୍ରଜାଭୟନିପୀଡିତାଃ ।
ୟାଂତିସ୍ମଶରଣଂଶକ୍ରଂତମପ୍ୟର୍ଥଂନ୍ୟଵେଦୟନ୍ ॥ 14 ॥
ସକୁନ୍ଭକର୍ଣଂକୁପିତୋମହେଂଦ୍ରୋଜଘାନଵଜ୍ରେଣଶିତେନଵଜ୍ରୀ ।
ସଶକ୍ରଵଜ୍ରାଭିହତୋମହାତ୍ମାଚଚାଲକୋପାଚ୍ଚଭୃଶଂନନାଦ ॥ 15 ॥
ତସ୍ୟନାନଦ୍ୟମାନସ୍ୟକୁଂଭକର୍ଣସ୍ୟରକ୍ଷସଃ ।
ଶ୍ରୁତ୍ଵାନିନାଦଂଵିତ୍ରସ୍ତାଃଭୂମିଭୂୟୋଵିତତ୍ରସେ ॥ 16 ॥
ତତ୍ରକୋପାନ୍ମହେଂଦ୍ରସ୍ୟକୁଂଭକର୍ଣୋମହାବଲଃ ।
ଵିକୃଷ୍ୟୈରାଵତାଦ୍ଧଂତଂଜଘାନୋରସିଵାସଵମ୍ ॥ 17 ॥
କୁଂଭକର୍ଣପ୍ରହାରାର୍ତୋଵିଜଜ୍ଵାଲ ସ ଵାସଵଃ ।
ତତୋଵିଷେଦୁସ୍ସହସାଦେଵାବ୍ରହ୍ମର୍ଷିଦାନଵାଃ ॥ 18 ॥
ପ୍ରଜାଭିସ୍ସହଶକ୍ରଶ୍ଚୟୟୌସ୍ଥାନଂସ୍ଵୟଂଭୁଵଃ ।
କୁଂଭକର୍ଣସ୍ୟଦୌରାତ୍ମ୍ୟଂଶଶଂସୁସ୍ତେପ୍ରଜାପତେଃ ॥ 19 ॥
ପ୍ରଜାନାଂଭକ୍ଷଣଂଚାପିଧର୍ଷଣଂ ଚ ଦିଵୌକସାମ୍ ।
ଆଶ୍ରମଧ୍ଵଂସନଂଚାପିପରସ୍ତ୍ରୀହରଣଂଭୃଶମ୍ ॥ 20 ॥
ଏଵଂପ୍ରଜାୟଦିତ୍ଵେଷଭକ୍ଷୟିଷ୍ୟତିନିତ୍ୟଶଃ ।
ଅଚିରେଣୈଵକାଲେନଶୂନ୍ୟୋଲୋକୋଭଵିଷ୍ୟତି ॥ 21 ॥
ଵାସଵସ୍ୟଵଚଶ୍ଶ୍ରୁତ୍ଵାସର୍ଵଲୋକପିତାମହଃ ।
ରକ୍ଷାଂସ୍ୟାଵାହୟାମାସକୁଂଭକର୍ଣଂଦଦର୍ଶ ହ ॥ 22 ॥
କୁଂଭକର୍ଣଂସମୀକ୍ଷ୍ୟୈଵଵିତତ୍ରାସପ୍ରଜାପତିଃ ।
ଦୃଷ୍ଟଵାଵିଶ୍ଵାସ୍ୟଚୈଵୈନଂସ୍ଵୟଂଭୂରିଦମବ୍ରଵୀତ୍ ॥ 23 ॥
ଧ୍ରୁଵଂଲୋକଵିନାଶାୟପୌଲସ୍ତ୍ୟେନାସିନିର୍ମିତଃ ।
ତସ୍ମାତ୍ତ୍ଵମଦ୍ୟପ୍ରଭୃତିମୃତକଲ୍ପଃଶୟିଷ୍ୟସେ ॥ 24 ॥
ବ୍ରହ୍ମଶାପାଭିଭୂତୋଽଥନିପପାତାଗ୍ରତଃପ୍ରଭୋଃ ।
ତତଃପରମସଂଭ୍ରାଂତୋରାଵଣୋଵାକ୍ୟମବ୍ରଵୀତ୍ ॥ 25 ॥
ଵିଵୃଦ୍ଧଃକାଂଚନୋଵୃକ୍ଷଃଫଲକାଲେନିକୃତ୍ୟତେ ।
ନ ନପ୍ତାରଂସ୍ଵକଂନ୍ୟାୟଂଶପ୍ତୁମେଵଂପ୍ରଜାପତେ ॥ 26 ॥
ନ ମିଥ୍ୟାଵଚନଶ୍ଚତ୍ଵଂସ୍ଵପ୍ସ୍ୟତ୍ୟେଷ ନ ସଂଶୟଃ ।
କାଲସ୍ତୁକ୍ରିୟତାମସ୍ୟଶୟନେଜାଗରେତଥା ॥ 27 ॥
ରାଵଣସ୍ୟଵଚଶ୍ଶ୍ରୁତ୍ଵାସ୍ଵୟଂଭୂରିଦମବ୍ରଵୀତ୍ ।
ଶୟିତାହ୍ୟେଷଷଣ୍ମାସାନେକାହଂଜାଗରିଷ୍ୟତି ॥ 28 ॥
ଏକେନାହ୍ନା ତ୍ଵସୌ ଵୀରଶ୍ଚ ରନ୍ ଭୂମିଂ ବୁଭୁକ୍ଷିତଃ ।
ଵ୍ୟାତ୍ତାସ୍ୟୋ ଭକ୍ଷୟେଲ୍ଲୋକାନ୍ ସମ୍ଵୃଦ୍ଧ ଇଵ ପାଵକଃ ॥ 29 ॥
ସୋଽସୌଵ୍ୟସମାପନ୍ନଃକୁଂଭକର୍ଣମବୋଧୟତ୍ ।
ତ୍ଵତ୍ପରାକ୍ରମଭୀତଶ୍ଚରାଜାସଂପ୍ରତିରାଵଣଃ ॥ 30 ॥
ସ ଏଷନିର୍ଗତୋଵୀରଃଶିବିରାଦ୍ଭୀମଵିକ୍ରମଃ ।
ଵାନରାନ୍ଭୃଶସଂକୃଦ୍ଧୋଭକ୍ଷୟନ୍ପରିଧାଵତି ॥ 31 ॥
କୁଂଭକର୍ଣଂସମୀକ୍ଷ୍ୟୈଵହରୟୋଽଦ୍ୟପ୍ରଵିଦ୍ରୁତୁଃ ।
କଥମେନଂରଣେକ୍ରୁଦ୍ଧଂଵାରୟିଷ୍ୟଂତିଵାନରାଃ ॥ 32 ॥
ଉଚ୍ୟଂତାଂଵାନରାଃସର୍ଵେୟଂତ୍ରମେତତ୍ସମୁଚ୍ଛ୍ରିତମ୍ ।
ଇତିଵିଜ୍ଞାୟହରୟୋଭଵିଷ୍ୟଂତୀହନିର୍ଭୟାଃ ॥ 33 ॥
ଵିଭୀଷଣଵଚଶ୍ଶ୍ରୁତ୍ଵାହେତୁମତ୍ସୁମୁଖେରିତମ୍ ।
ଉଵାଚରାଘଵୋଵାକ୍ୟଂନୀଲଂସେନାପତିଂତଦା ॥ 34 ॥
ଗଚ୍ଛସୈନ୍ୟାନିସର୍ଵାଣିଵ୍ୟୂହ୍ୟତିଷ୍ଠସ୍ଵପାଵକେ ।
ଦ୍ଵାରାଣ୍ୟାଦାୟଲଂକାୟାଶ୍ଚର୍ୟାଶ୍ଚାପ୍ୟଥସଂକ୍ରମାନ୍ ॥ 35 ॥
ଶୈଲଶୃଂଗାଣିଵୃକ୍ଷାଂଶ୍ଚଶିଲାଶ୍ଚାପ୍ୟୁପସଂହର ।
ତିଷ୍ଠଂତୁସାୟୁଧାସ୍ସର୍ଵେସାୟୁଧାଶ୍ଶୈଲପାଣୟଃ ॥ 36 ॥
ରାଘଵେଣସମାଦିଷ୍ଟୋନୀଲୋହରିଚମୂପତିଃ ।
ଶଶାସଵାନରାନୀକଂୟଥାଵତ୍କପିକୁଂଜରଃ ॥ 37 ॥
ତତୋଗଵାକ୍ଷଶ୍ଶରଭୋହନୂମାନଂଗଦସ୍ତଥା ।
ଶୈଲଶୃଂଗାଣିଶୈଲାଭାଗୃହୀତ୍ଵାଦ୍ଵାରମଭ୍ୟୟୁଃ ॥ 38 ॥
ରାମଵାକ୍ୟମୁପଶ୍ରୁତ୍ୟ ହରୟୋ ଜିତକାଶିନଃ ।
ପାଦପୈରର୍ଦୟଵନୀରାଵାନରାଃପରଵାହିନୀମ୍ ॥ 39 ॥
ତତୋହରୀଣାଂତଦନୀକମୁଗ୍ରଂରରାଜଶୈଲୋଦ୍ୟତଦୀପ୍ତହସ୍ତମ୍ ।
ଗିରେଃସମୀପାନୁଗତଂୟଥୈଵହନ୍ମହାଂଭୋଧରଜାଲମୁଗ୍ରମ୍ ॥ 40 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଏକଷଷ୍ଟିତମସ୍ସର୍ଗଃ ॥
