ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ତ୍ରିସପ୍ତତିତମସ୍ସର୍ଗଃ ।
ତତୋହତାନ୍ରାକ୍ଷସପୁଂଗଵାଂସ୍ତାନ୍ ଦେଵାଂତକାଦିତ୍ରିଶିରୋତିକାୟାନ୍ ।
ରକ୍ଷୋଗଣାସ୍ତତ୍ରହତାଵଶିଷ୍ଟାସ୍ତେରାଵଣାୟତ୍ଵରିତାଶ୍ଶଶଂସୁଃ ॥ 1 ॥
ତତୋହତାଂସ୍ତାନ୍ ସହସାନିଶମ୍ୟରାଜାମୁମୋହପରିପ୍ଲୁତାକ୍ଷଃ ।
ପୁତ୍ରକ୍ଷୟଂଭ୍ରାତୃଵଧଂ ଚ ଘୋରଂଵିଚିଂତ୍ୟରାଜାଵିପୁଲଂପ୍ରଦଧ୍ୟୌ ॥ 2 ॥
ତତସ୍ତୁରାଜାନମୁଦୀକ୍ଷ୍ୟଦୀନଂଶୋକାର୍ଣଵେସଂପରିପୁପ୍ଲୁଵାନମ୍ ।
ରଥର୍ଷଭୋରାକ୍ଷସରାଜସୂନୁସ୍ତମିଂଦ୍ରଜିଦ୍ଵାକ୍ୟମିଦଂବଭାଷେ ॥ 3 ॥
ନ ତାତ ମୋହଂପରିଗଂତୁମର୍ହସିୟତ୍ରେଂଦ୍ରଜିଜଜୀଵତିରାକ୍ଷସେଂଦ୍ର ।
ନେଂଦ୍ରାରିବାଣାଭିହତୋହିକଶ୍ଚିତ୍ପ୍ରାଣାନ୍ ସମର୍ଥସ୍ସମରେଽଭିପାତୁମ୍ ॥ 4 ॥
ପଶ୍ୟାଦ୍ୟରାମଂସହଲକ୍ଷ୍ମଣେନମଦ୍ବାଣନିର୍ଭିନ୍ନଵିକୀର୍ଣଦେହମ୍ ।
ଗତାୟୁଷଂଭୂମିତଲେଶୟାନଂଶିତୈଶ୍ଶରୈରାଚିତସର୍ଵଗାତ୍ରମ୍ ॥ 5 ॥
ଇମାଂପ୍ରତିଜ୍ଞାଂଶୃଣୁଶକ୍ରଶତ୍ରୋଃସୁନିଶ୍ଚିତାଂପୌରୁଷଦୈଵୟୁକ୍ତାମ୍ ।
ଅଦ୍ୟୈଵରାମଂସହଲକ୍ଷ୍ମଣେନସଂତର୍ପୟିଷ୍ୟାମିଶରୈରମୋଘୈଃ ॥ 6 ॥
ଅଦ୍ୟେଂଦ୍ରଵୈଵସ୍ଵତଵିଷ୍ଣୁମିତ୍ରସାଧ୍ୟାଶ୍ଚଵୈଶ୍ଵାନରଚଂଦ୍ରସୂର୍ୟାଃ ।
ଦ୍ରକ୍ଷ୍ୟଂତୁମେଵିକ୍ରମମପ୍ରମେୟଂଵିଷ୍ଣୋରିଵୋଗ୍ରଂବଲିୟଜ୍ଞଵାଟେ ॥ 7 ॥
ସ ଏଵମୁକ୍ତ୍ଵାତ୍ରିଦଶେଂଦ୍ରଶତ୍ରୁରାପୃଚ୍ଛୟରାଜାନମଦୀନସତ୍ତ୍ଵଃ ।
ସମାରୁରୋହାନିତୁଲ୍ୟଵେଗଂରଥଂଖରଶ୍ରେଷ୍ଠସମାଧିୟୁକ୍ତମ୍ ॥ 8 ॥
ତମାସ୍ଥାୟମହାତେଜାରଥଂହରିରଥୋପମମ୍ ।
ଜଗାମସହସାତତ୍ରୟତ୍ରୟୁଦ୍ଧମରିଂଦମଃ ॥ 9 ॥
ତଂପ୍ରସ୍ଥିତଂମହାତ୍ମାନମନୁଜଗ୍ମୁର୍ମହାବଲାଃ ।
ସମ୍ହର୍ଷମାଣାବହନୋଧନୁଷ୍ପ୍ରଵରପାଣୟଃ ॥ 10 ॥
ଗଜସ୍କଂଧଗତାଃକେଚିତ୍କେଚିତ୍ପ୍ରଵରଵାଜିଭିଃ ।
ଵ୍ୟାଘ୍ରଵୃଶ୍ଚିକମାର୍ଜାରଖରୋରୋଷ୍ଟ୍ରୈଶ୍ଚଭୁଜଂଗମୈଃ ॥ 11 ॥
ଵରାହୈଶ୍ଶ୍ଵାପଦୈସ୍ସିଂହୈର୍ଜଂବୁକୈଃପର୍ଵତୋପମୈଃ ।
କାକହଂସମୟୂରୈଶ୍ଚରାକ୍ଷସାଭୀମଵିକ୍ରମାଃ ॥ 12 ॥
ପ୍ରାସମୁଦ୍ଗରନିସ୍ତ୍ରିଂଶପରଶ୍ଵଥଗଦାଧରାଃ ।
ଭୁଶୁଂଡିମୁଦ୍ଗରାୟଷ୍ଟିଶତଘ୍ନୀପରିଘାୟୁଧା ॥ 13 ॥
ସ ଶଂଖନିନଦୈଃପୂର୍ଣୈର୍ଭେରୀଣାଂଚାପିନିସ୍ସ୍ଵନୈଃ ।
ଜଗାମତ୍ରିଦଶେଂଦ୍ରାସ୍ତୂୟମାନୋନିଶାଚରୈଃ ॥ 14 ॥
ସ ଶଂଖଶଶିଵର୍ଣେନଛତ୍ରେଣରିପୁସୂଦନଃ ।
ରରାଜପ୍ରତିପୂର୍ଣେନନଭଶ୍ଚଂଦ୍ରମସାୟଥା ॥ 15 ॥
ଅଵୀଜ୍ୟତତତୋଵୀରୋହୈମୈର୍ହେମଵିଭୂଷିତୈଃ ।
ଚାରୁଚାମରମୁଖ୍ୟୈଶ୍ଚମୁଖ୍ୟସ୍ସର୍ଵଧନୁଷ୍ମତାମ୍ ॥ 16 ॥
ସ ତୁଦୃଷ୍ଟଵାଵିନିର୍ୟାଂତଂବଲେନମହାତାଵୃତମ୍ ।
ରାକ୍ଷସାଧିପତିଶ୍ରଶୀମାନ୍ ରାଵଣଃପୁତ୍ରମବ୍ରଵୀତ୍ ॥ 17 ॥
ତ୍ଵମପ୍ରତିରଥଃପୁତ୍ରତ୍ଵୟାଵୈଵାସଵୋଜିତଃ ।
କିଂପୁନର୍ମାନୁଷଂଧୃଷ୍ୟଂନିହନିଷ୍ୟସିରାଘଵମ୍ ॥ 18 ॥
ତଥୋକ୍ତୋରାକ୍ଷସେଂଦ୍ରେଣପ୍ରତ୍ୟଗୃହ୍ଣାନ୍ମହାଶିଷଃ ।
ତସ୍ତ୍ଵିଂଦ୍ରଜିତାଲଂକାସୂର୍ୟପ୍ରତିମତେଜସା ॥ 19 ॥
ରରାଜାପ୍ରତିଵୀର୍ୟେଣଦ୍ୟୌରିଵାର୍କେଣଭାସ୍ଵତା ।
ସଂପ୍ରାପ୍ୟମହାତେଜାୟୁଦ୍ଧଭୂମିମରିଂଦମଃ ॥ 20 ॥
ସ୍ଥାପୟାମାସରକ୍ଷାଂସିରଥଂପ୍ରତିସମଂତତଃ ।
ତତସ୍ତୁହୁତଭୋକ୍ତାରଂହୁତଭୁକ୍ସଦୃଶପ୍ରଭଃ ॥ 21 ॥
ଜୁହାଵରାକ୍ଷସଶ୍ରେଷ୍ଠୋମଂତ୍ରଵଦ୍ଵିଧିଵତ୍ତଦା ।
ସହଵିର୍ଲାଜସଂସ୍କାରୈର୍ମାଲ୍ୟଗଂଧପୁରସ୍କୃତୈଃ ॥ 22 ॥
ଜୁହୁଵେପାଵକଂତତ୍ରରାକ୍ଷନେଂଦ୍ରଃପ୍ରତାପଵାନ୍ ।
ଶସ୍ତ୍ରାଣିଶରପତ୍ରାଣିସମିଧୋଽଥଵିଭୀତକାଃ ॥ 23 ॥
ଲୋହିତାନି ଚ ଵାସାଂସିସ୍ରୁଵଂକାର୍ଷ୍ଣାୟସଂତଥା ।
ସତତ୍ରାଗ୍ନିଂସମାସ୍ତୀର୍ୟଶରପତ୍ରୈସ୍ସତୋମରୈଃ ॥ 24 ॥
ହଵିସ୍ତତ୍ପ୍ରତିଜଗ୍ରାହ ପାଵକଃ ସ୍ଵୟମୁତ୍ଥିତଃ ।
ସୋଽସ୍ତ୍ରମାହାରୟାମାସ ବ୍ରାହ୍ମମସ୍ତ୍ରଵିଦାଂ ଵରଃ ॥ 25 ॥
ହଵିସ୍ତତ୍ପ୍ରତିଜଗ୍ରାହପାଵକସ୍ସ୍ଵୟମାସ୍ଥିତଃ ।
ସୋଽସ୍ତ୍ରମାହାରୟାମାସବ୍ରାହ୍ମମିଂଦ୍ରରିପୁସ୍ତଦା ॥ 26 ॥
ଧନୁଶ୍ଚାତ୍ମରଥଂଚୈଵସର୍ଵଂତତ୍ରାଭ୍ୟମଂତ୍ରୟତ୍ ।
ତସ୍ମିନ୍ନାହୂୟମାନେସ୍ତ୍ରେହୂୟମାନେ ଚ ପାଵକେ ॥ 27 ॥
ସାର୍ଧଂଗ୍ରହେଂଦୁନକ୍ଷତ୍ରୈର୍ଵିତତ୍ରାସନଭସ୍ଥ୍ସଲମ୍ ।
ସ ପାଵକଂପାଵକଦୀପ୍ତତେଜାହୁତ୍ଵାମହେଂଦ୍ରପ୍ରତିମପ୍ରଭାଵଃ ।
ସ ଚାପବାଣାସିରଥାଶ୍ଵସୂତଃଖେଽଂତର୍ଦଧେଽତ୍ମାନମଚିଂତ୍ୟରୂପଃ ॥ 28 ॥
ତତୋହୟରଥାକୀର୍ଣଂପତାକାଧ୍ଵଜଶୋଭିତମ୍ ।
ନିର୍ୟୟୌରାକ୍ଷସବଲଂନର୍ଦମାନଂୟୟୁତ୍ସୟା ॥ 29 ॥
ତେଶରୈର୍ବହୁଭିଶ୍ଚିତ୍ରୈସ୍ତୀକ୍ଷ୍ଣଵେଗୈରଲଂକୃତୈଃ ।
ତୋମରୈରଂକୁଶୈଶ୍ଚାପିଵାନରାନ୍ ଜଘ୍ନୁରାହଵେ ॥ 30 ॥
ରାଵଣିସ୍ତୁତତସ୍ସଂକୃଦ୍ଧସ୍ତାନ୍ନିରୀକ୍ଷ୍ୟନିଶାଚରାନ୍ ।
ହୃଷ୍ଟାଭଵଂତୋୟୁଧ୍ୟଂତୁଵାନରାଣାଂଜିଘାଂସୟା ॥ 31 ॥
ତତସ୍ତେରାକ୍ଷସାସ୍ସର୍ଵେନର୍ଧଂତୋଜୟକାଂକ୍ଷିଣଃ ।
ଅଭ୍ୟଵର୍ଷଂସ୍ତତୋଘୋରାନ୍ଵାନରାନ୍ ଶରଵୃଷ୍ଟିଭିଃ ॥ 32 ॥
ସ ତୁନାଲୀକନାରାଚୈର୍ଗଦାଭିର୍ମୁସଲୈରପି ।
ରକ୍ଷୋଭିସ୍ସମ୍ଵୃତସ୍ସଂଖ୍ୟେଵାନରାନ୍ ଵିଚକର୍ତ ହ ॥ 33 ॥
ତେଵଧ୍ୟମାନାସ୍ସମରେଵାନରାଃପାଦପାୟୁଧାଃ ।
ଅଭ୍ୟଵର୍ଷଂତସହସାରାଵଣିଂଶୈଲପାଦପୈଃ ॥ 34 ॥
ଇଂଦ୍ରଜିତ୍ତୁତଦାକ୍ରୁଦ୍ଧୋମହାତେଜାମହାବଲଃ ।
ଵାନରାଣାଂଶରୀରାଣିଵ୍ୟଧମଦ୍ରାଵଣାତ୍ମଜଃ ॥ 35 ॥
ଶରେଣୈକେନ ଚ ହରୀନ୍ନଵପଂଚ ଚ ସପ୍ତ ଚ ।
ବିଭେଦସମରେକ୍ରୁଦ୍ଧୋରାକ୍ଷସାନ୍ ସଂପ୍ରହର୍ଷୟନ୍ ॥ 36 ॥
ସ ଶରୈସ୍ସୂର୍ୟସଂକାଶୈଶ୍ଶାତକୁଂଭଵିଭୂଷିତୈଃ ।
ଵାନରାନ୍ ସମରେଵୀରଃପ୍ରମମାଥସୁଦୁର୍ଜୟଃ ॥ 37 ॥
ତେଭିନ୍ନଗାତ୍ରାସ୍ସମରେଵାନରାଶ୍ଶରପୀଡିତାଃ ।
ପେତୁର୍ମଥିତସଂକଲ୍ପାସ୍ସୁରୈରିଵମହାସୁରାଃ ॥ 38 ॥
ତଂତପଂତମିଵାଦିତ୍ୟଂଘୋରୈର୍ବାଣଗଭସ୍ତିଭିଃ ।
ଅଭ୍ୟଧାଵଂତସଂକୃଦ୍ଧାସ୍ସମ୍ୟୁଗେଵାନରର୍ଷଭାଃ ॥ 39 ॥
ତତସ୍ତୁଵାନରାସ୍ସର୍ଵେଭିନ୍ନଦେହାଵିଚେତସଃ ।
ଵ୍ୟଥିତାଵିଦ୍ରଵଂତିସ୍ମରୁଧିରେଣସମୁକ୍ଷିତାଃ ॥ 40 ॥
ରାମସ୍ୟାର୍ଥେପରାକ୍ରମ୍ୟଵାନରାସ୍ତ୍ୟକ୍ତଜୀଵିତାଃ ।
ନର୍ଦଂତସ୍ତେଽଭିଵୃତ୍ତାସ୍ତୁସମରେସଶିଲାୟୁଧାଃ ॥ 41 ॥
ତେଦ୍ରୁମୈଃପର୍ଵତାଗ୍ରୈଶ୍ଚଶିଲାଭିଶ୍ଚପ୍ଲଵଂଗମାଃ ।
ଅଭ୍ୟଵର୍ଷଂତସମରେରାଵଣିଂପର୍ୟଵସ୍ଥିତାଃ ॥ 42 ॥
ତଦ୍ରୁମାଣାଂଶିଲାନାଂ ଚ ଵର୍ଷଂପ୍ରାଣହରଂମହତ୍ ।
ଵ୍ୟପୋହତମହାତେଜାରାଵଣିସ୍ସମିତିଂଜୟଃ ॥ 43 ॥
ତତଃପାଵକସଂକାଶୈଶ୍ଶରୈରାଶୀଵିଷୋପମୈଃ ।
ଵାନରାଣାମନୀକାନିବିଭେଦସମରେପ୍ରଭୁଃ ॥ 44 ॥
ଅଷ୍ଟାଦଶଶରୈସ୍ତୀକ୍ଷ୍ଣୈସ୍ସଵିଦଦ୍ଵାଗଂଧମାଦନମ୍ ।
ଵିଵ୍ୟାଥନଵଭିଶ୍ଚୈଵନଲଂଦୂରାଦଵସ୍ଥିତମ୍ ॥ 45 ॥
ସପ୍ତଭିସ୍ତୁମହାଵୀର୍ୟୋମୈଂଦଂମର୍ମଵିଦାରଣୈଃ ।
ପଂଚଭିର୍ଵିଶିଖୈଶ୍ଚୈଵଗଜଂଵିଵ୍ୟାଥସଂୟୁଗେ ॥ 46 ॥
ଜାଂବଵଂତଂତୁଦଶଭିର୍ନୀଲଂତ୍ରିଂଶଦ୍ଭିରେଵ ଚ ।
ସୁଗ୍ରୀଵମୃଷଭଂଚୈଵସୋଽଂଗଦଂଦ୍ଵିଵିଧଂତଥା ॥ 47 ॥
ଘୋରୈର୍ଦତ୍ତଵରୈସ୍ତୀକ୍ଷ୍ଣୈର୍ନିଷ୍ପ୍ରାଣାନକରୋତ୍ତଦା ।
ଅନ୍ୟାନପିତଦାମୁଖ୍ୟାନ୍ଵାନରାନ୍ ବହୁଭିଶ୍ଶରୈଃ ॥ 48 ॥
ଅର୍ଦୟାମାସସଂକୃଦ୍ଧଃକାଲାନଗିରିଵମୂର୍ଛିତଃ ।
ସଶରୈସ୍ସୂର୍ୟସଂକାଶୈସ୍ସୁମୁକ୍ସୈଶଶୀଘ୍ରଗାମିଭିଃ ॥ 49 ॥
ଵାନରାଣାମନୀକାନିନିର୍ମମଂଥମହାରଣେ ।
ଆକୁଲାଂଵାନରୀଂସେନାଂଶରଜାଲେନମୋହିତାମ୍ ॥ 50 ॥
ହୃଷ୍ଟସ୍ସପରୟାପ୍ରୀତ୍ୟାଦଦର୍ଶକ୍ଷତଜୋକ୍ଷିତାମ୍ ।
ଵାନରେଵମହାତେଜାରାକ୍ଷସେଂଦ୍ରାତ୍ମଜୋବଲୀ ॥ 51 ॥
ସଂସୃଜ୍ୟବାଣଵର୍ଷଂ ଚ ଶସ୍ତ୍ରଵର୍ଷଂ ଚ ଦାରୁଣମ୍ ।
ମମର୍ଦଵାନରାନୀକମିଂଦ୍ରଜିତ୍ତ୍ଵରିତୋବଲୀ ॥ 52 ॥
ସ୍ଵସୈନ୍ୟମୁତ୍ସୃଜ୍ୟସମେତ୍ୟତୂର୍ଣଂମହାରଣେଵାନରଵାହିନୀଷୁ ।
ଅଦୃଶ୍ୟମାନଶ୍ଶରଜାଲମୁଗ୍ରଂଵଵର୍ଷନୀଲାଂବୁଧରୋୟଥାଂବୁ ॥ 53 ॥
ତେଶକ୍ରଜିଦ୍ବାଣଵିଶୀର୍ଣଦେହାମାୟାହତାଵିସ୍ଵରମୁନ୍ନଦଂତଃ ।
ରଣେନିପେତୁର୍ହରୟୋଽଦ୍ରିକଲ୍ପାୟଥେଂଦ୍ରଵଜ୍ରାଭିହତାନଗେଂଦ୍ରାଃ ॥ 54 ॥
ତେକେଵଲଂସଂଦଦୃଶୁଶଶିତାଗ୍ରାନ୍ବାଣାନ୍ରଣେଵାନରଵାହିନୀଷୁ ।
ମାୟାନିଗୂଢଂତୁସୁରେଂଦ୍ରଶତ୍ରୁଂ ନ ଚାଵୃତଂରାକ୍ଷସମଭ୍ୟପଶ୍ୟନ୍ ॥ 55 ॥
ତତସ୍ସରକ୍ଷୋଧିପତିର୍ମହାତ୍ମାସର୍ଵାଦିଶୋବାଣଗଣୈଶଶିତାଗ୍ରୈଃ ।
ପ୍ରଚ୍ଛାଦୟାମାସରଵିପ୍ରକାଶୈର୍ଵିପାଦୟାମାସ ଚ ଵାନରେଂଦ୍ରାନ୍ ॥ 56 ॥
ସ ଶୂଲନିସ୍ତ୍ରିଂଶପରଶ୍ଵଧାନିଵ୍ୟାଵିଧ୍ୟଦୀପ୍ତାନଲସନ୍ନିଭାନି ।
ସଵିସ୍ଫୁଲିଂଗୋଜ୍ଜ୍ଵଲପାଵକାନିଵଵର୍ଷତୀଵ୍ରଂପ୍ଲଵଗେଂଦ୍ରସୈନ୍ୟେ ॥ 57 ॥
ତତୋଜ୍ଵଲନସଂକାଶୈଶ୍ଶରୈର୍ଵାନରୟୂଥପାଃ ।
ତାଡିତାଶ୍ଶକ୍ରଜିଦ୍ବାଣୈଃପ୍ରଫୁଲ୍ଲାଇଵକିଂଶୁକାଃ ॥ 58 ॥
ତେନ୍ୟୋନ୍ୟମଭିସର୍ପଂତୋନିନଦଂତଶ୍ଚଵିସ୍ଵରମ୍ ।
ରାକ୍ଷସେଂଦ୍ରାସ୍ତ୍ରନିର୍ଭିନ୍ନାନିପେତୁର୍ଵାନରର୍ଷଭାଃ ॥ 59 ॥
ଉଦୀକ୍ଷମାଣାଗଗନଂକେଚିନ୍ନେତ୍ରେଷୁତାଡିତାଃ ।
ଶରୈର୍ଵିଵିଶୁରନ୍ୟୋନ୍ୟଂପେତୁଶ୍ଚଜଗତୀତଲେ ॥ 60 ॥
ହନୂମଂତଂ ଚ ସୁଗ୍ରୀଵମଂଗଦଂଗଂଧମାଦନମ୍ ।
ଜାଂବଵଂତଂସୁଷେଣଂ ଚ ଵେଗଦର୍ଶିନମେଵ ଚ ॥ 61 ॥
ମୈଂଦଂ ଚ ଦ୍ଵିଵିଦଂନୀଲଂଗଵାକ୍ଷଂଗଜଗୋମୁଭୌ ।
କେସରିଂହରିଲୋମାନଂଵିଦ୍ୟୁଦ୍ଧଂଷ୍ଟ୍ରଂ ଚ ଵାନରମ୍ ॥ 62 ॥
ସ ବାଣଵର୍ଷୈରଭିଵର୍ଷ୍ୟମାଣୋ ।
ଧାରାନିପାତାନିଵ ତାନ୍ଵିଚିଂତ୍ୟ ।
ସମୀକ୍ଷମାଣଃ ପରମାଦ୍ଭୁତଶ୍ରୀ ।
ରାମସ୍ତଦା ଲକ୍ଷ୍ମଣମିତ୍ୟୁଵାଚ ॥ 63 ॥
ପ୍ରସୈଶ୍ଶୂଲୈଶ୍ଶିତୈର୍ବାଣୈରିଂଦ୍ରଜିନ୍ମଂତ୍ରସମ୍ହିତୈଃ ।
ଵିଵ୍ୟାଧହରିଶାର୍ଦୂଲାନ୍ ସର୍ଵାଂସ୍ତାନ୍ରାକ୍ଷସୋତ୍ତମଃ ॥ 64 ॥
ସ ଵୈଗଦାଭିର୍ହରିୟୂଥମୁଖ୍ୟାନ୍ନିର୍ଭିଦ୍ୟବାଣୈସ୍ତପନୀୟଵଂଖୈଃ ।
ଵଵର୍ଷରାମଂଶରଵୃଷ୍ଟିଜାଲୈସ୍ସଲକ୍ଷ୍ମଣଂଭାସ୍କରରମଶିକଲ୍ପୈଃ ॥ 65 ॥
ସ ବାଣଵର୍ଷୈରଭିଵୃଷ୍ୟମାଣୋଧାରାନିପାତାନିଵତାନଚ୍ନିତ୍ୟ ।
ସମୀକ୍ଷମାଣଃପରମାଦ୍ଭୁତଶ୍ରୀରାମତଦାଲକ୍ଷ୍ମଣମିତ୍ୟୁଵାଚ ॥ 66 ॥
ଅସୌପୁନର୍ଲକ୍ଷ୍ମଣରାକ୍ଷସେଂଦ୍ରୋବ୍ରହ୍ମାସ୍ତ୍ରମାଶ୍ରିତ୍ୟସୁରେଂଦ୍ରଶତ୍ରୁଃ ।
ନିପାତୟିତ୍ଵାହରିସୈନ୍ୟମୁଗ୍ରମସ୍ମାନ୍ଶରୈରର୍ଦୟତିପ୍ରସକ୍ତଃ ॥ 67 ॥
ସ୍ଵୟଂଭୁଵାଦତ୍ତଵରୋମହାତ୍ମା ।
ସମାହିତୋଂତର୍ହିତଭୀମକାୟଃ ।
କଥଂନୁଶକ୍ୟୋୟୁଧିନଷ୍ଟଦେହୋନିହଂତୁମଦ୍ୟେଂଦ୍ରଜିଦୁଦ୍ୟତାସ୍ତ୍ରଃ ॥ 68 ॥
ମନ୍ୟେସ୍ଵୟଂଭୁର୍ଭଗଵାନଚ୍ନିତ୍ୟୋୟସ୍ୟୈତଦସ୍ତ୍ରଂପ୍ରଭଵଶ୍ଚୟୋଽସ୍ୟ ।
ବାଣାଵପାତାସ୍ତ୍ଵମିହାଦ୍ୟଧୀମନ୍ମୟାସହାଵ୍ୟଗ୍ରମନାସ୍ସହସ୍ଵ ॥ 69 ॥
ପ୍ରଚ୍ଛାଦୟତ୍ୟେଷହିରାକ୍ଷସେଂଦ୍ରସ୍ସର୍ଵାଧିଶସ୍ସାୟକଵୃଷ୍ଟିଜାଲୈଃ ।
ଏତଚ୍ଚସର୍ଵଂପତିତାଗ୍ୟ୍ରଶୂରଂ ନ ଭ୍ରାଜତେଵାନରରାଜସୈନ୍ୟମ୍ ॥ 70 ॥
ଆଵାଂତୁଦୃଷ୍ଟଵାପତିତୌଵିସଂଜ୍ଞୌନିଵୃତ୍ତୟୁଦ୍ଦୌଗତରୋଷହର୍ଷେ ।
ଧ୍ରୁଵଂପ୍ରଵେକ୍ଷ୍ୟତ୍ୟମରାରିଵାସମସୌସମାଦାୟରଣାଗ୍ରଲକ୍ଷ୍ମୀମ୍ ॥ 71 ॥
ତତସ୍ତୁତାଵିଂଦ୍ରଜିଦସ୍ତ୍ରଜାଲୈର୍ଭଭୂଵତୁସ୍ତତ୍ରତଥାଵିଶସ୍ତୌ ।
ସ ଚାପିତୌତତ୍ରଵିଦର୍ଶୟିତ୍ଵାନନାଦହର୍ଷାଦ୍ୟୁଧିରାକ୍ଷସେଂଦ୍ରଃ ॥ 72 ॥
ସତତ୍ତଦାଵାନରସୈନ୍ୟମେଵଂରାମଂ ଚ ସଂଖ୍ୟେସହଲକ୍ଷ୍ମଣେନ ।
ଵିଷାଦୟିତ୍ଵାସହସାଵିଵେଶପୁରୀଂଦଶଗ୍ରୀଵଭୁଜାଭିଗୁପ୍ତାମ୍ ॥ 73 ॥
ସନ୍ସ୍ତୂୟମାନସ୍ସତୁୟାତୁଧାନୈଃ ।
ପତ୍ରେ ଚ ସର୍ଵଂହୃଷିତୋଽଭ୍ୟୁଵାଚ ॥ 74 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ତ୍ରିସପ୍ତତିତମସ୍ସର୍ଗଃ ॥
