ශ්රීමද්වාල්මීකීය රාමායණේ යුද්ධකාංඩම් ।
අථ ත්රිංශදධිකශතතමස්සර්ගඃ ।
ශ්රුත්වාතුපරමානංදංභරතස්සත්යවික්රමඃ ।
හෘෂ්ටමාජ්ඤාපයාමාසශත්රුඝ්නංපරවීරහා ॥ 1 ॥
දෛවතානි ච සර්වාණිචෛත්යානිනගරස්ය ච ।
සුගංධමාල්යෛර්යාදිත්රෛරර්චංතු ශුචයෝ නරාඃ ॥ 2 ॥
සූතාස්ස්තුතිපුරාණජ්ඤාස්සර්වේවෛතාලිකාස්තථා ।
සර්වේවාදිත්රකුශලාගණිකාශ්චෛවසංඝශඃ ॥ 3 ॥
රාජදාරාස්තථාමාත්යාස්සෛන්යාස්සේනාංගනාගණාඃ ।
බ්රාහ්මණාශ්චසරාජන්යාශ්රේණිමුඛ්යාස්තථාගණාඃ ॥ 4 ॥
අභිනිර්යාංතුරාමස්යද්රෂ්ටුංශශිනිභංමුඛම් ।
භරතස්යවච්ශ්රුත්වාශත්රුඝ්නඃපරවීරහා ॥ 5 ॥
විෂ්ටීරනේකසාහස්රීශ්චෝදයාමානභාගශඃ ।
සමීකුරුතනිම්නානිවිෂමානිසමානි ච ॥ 6 ॥
ස්ථානානිතුනිරස්යංතාංනංදිග්රාමාදිතඃපරම් ।
සිංචස්තුපෘථිවීංකෘත්ස්නාංහිවශීතේවවාරිණා ॥ 7 ॥
තතෝऽභ්යවකිරංත්වන්යේලාජෛඃපුෂ්පෛශ්චසර්වතඃ ।
සුමුච්ඡ්රිතපතාකාස්තුරථ්යාඃපුරවරෝත්තමේඃ ॥ 8 ॥
ශෝභයංතු ච වේශ්මානිසූර්යස්යෝදයනංප්රති ।
ස්රග්දාමමුක්තපුෂ්පෛශ්චසුගංධෛඃ පංචවර්ණකෛඃ ॥ 9 ॥
රාජමාර්ගමසංබාධංකිරංතුශතශෝනරාඃ ।
තස්තච්ඡාසනංශ්රුත්වාශත්රුඝ්නස්යමුදාන්විතාඃ ॥ 10 ॥
ධෘෂ්ටිර්ජයංතෝවිජයස්සිද්ධාර්ථශ්චාර්ථසාධකඃ ।
අශෝකෝමංත්රපාලශ්චසුමංත්රශ්චාපිනිර්යයුඃ ॥ 11 ॥
මත්තෛර්නාගසහස්රෛශ්චසධ්වජෛස්සුවිභූෂිතෛඃ ।
අපරේහේමකක්ෂාභිස්සගජාභිඃකරේණුභිඃ ॥ 12 ॥
නිර්යයුස්තුරරථෛශ්චසුමහාරථාඃ ।
ශක්ත්යෘෂ්ටිපාශහස්තානාංසධ්වජානාංපතාකිනාම් ॥ 13 ॥
තුරගාණාංසහස්රෛශ්චමුඛ්යෛර්මුඛ්යතරාන්විතෛඃ ।
පදාතීනාංසහස්රෛශ්චවීරාඃපරිවෘතායයුඃ ॥ 14 ॥
තතෝයානාන්යුපාරූඪාස්සර්වාදශරථස්ත්රියඃ ।
කෞසල්යාංප්රමුඛේකෘත්වාසුමිත්රාංචාපිනිර්යයුඃ ॥ 15 ॥
කෛකේය්යාසහිතාඃසර්වානංදිග්රාමමුපාගමන් ।
ද්විජාතිමුඛ්යෛර්ධර්මාත්මාශ්රේණීමුඛ්යෛස්සනෛගමෛඃ ॥ 16 ॥
මාල්යමෝදකහස්තෛශ්චමංත්රිභිර්භරතෝවෘතඃ ।
ශංඛභේරීනිනාදෛශ්චවංදිභිශ්චාභිවනංදිතඃ ॥ 17 ॥
ආර්යපාදෞගෘහීත්වාතෞශිරසාධර්මකෝවිදඃ ।
පාංඩුරංඡත්රමාදායශුක්ලමාල්යෝපශෝභිතම් ॥ 18 ॥
ශුක්ලේ ච වාලව්යජනේරාජාර්හේහේමභූෂිතේ ।
උපවාසකෘශෝදීනශ්චීරකෘෂ්ණාජිනාංබරඃ ॥ 19 ॥
භ්රාතුරාගමනංශ්රුත්වාතත්පූර්වංහර්ෂමාගතඃ ।
ප්රත්යුද්යයෞතදාරාමංමහාත්මාසචිවෛස්සහ ॥ 20 ॥
අශ්වානාංඛුරශබ්දෛශ්චරථනේමිස්වනේන ච ।
ශංඛදුංදුභිනාදේනසංචචාලේවමේදිනී ॥ 21 ॥
කෘත්ස්නංතුනගරංතත්තුනංදිග්රාමමුපාගමත් ।
සමීක්ෂ්යභරතෝවාක්යමුවාචපවනාත්මජම් ॥ 22 ॥
කච්චින්නඛලුකාපේයීසේව්යතේචකචිත්තතා ।
න හිපශ්යාමිකාකුත්ස්ථංරාමමාර්යංපරංතපම් ॥ 23 ॥
අථෛවමුක්තේවචනේහනූමානිදමබ්රවීත් ।
අර්ථ්යංවිජ්ඤාපයන්නේවභරතංසත්යවික්රමම් ॥ 24 ॥
සදාඵලාන්කුසුමිතාන්වෘක්ෂාන් ප්රාප්යමධුස්රවාන් ।
භරද්වාජප්රසාදේනමත්තභ්රමරනාදිතාන් ॥ 25 ॥
තස්යචෛෂවරෝදත්තෝවාසවේනපරංතප ।
සසෛන්යස්යතවාතිථ්යංකෘතංසර්වගුණාන්විතම් ॥ 26 ॥
නිස්ස්වන්ශ්රූයතේභීමඃප්රහෘෂ්ටානාංවනෞකසාම් ।
මන්යේවානරසේනාසානදීංතරතිගෝමතීම් ॥ 27 ॥
රජෝවර්ෂංසමුද්භූතංපශ්යසාලවනංප්රති ।
මන්යේසාලවනංරම්යංලෝපයංතිප්ලවංගමාඃ ॥ 28 ॥
තදේතද්දෘශ්යතේදූරාද්විමානංචංද්රසන්නිභම් ।
විමානංපුෂ්පකංදිව්යංමනසාබ්රහ්මනිර්මිතම් ॥ 29 ॥
රාවණංබාංධවෛඃසාර්ථංහත්වාලබ්ධංමහාත්මනා ।
තරුණාදිත්යසංකාශංවිමානංරාමවාහනම් ॥ 30 ॥
ධනදස්යප්රසාදේනදිව්යමේතන්මනෝජවම් ।
ඒතස්මින් භ්රාතරෞවීරෞවෛදේහ්යාසහරාඝවෞ ॥ 31 ॥
සුග්රීවශ්චමහාතේජාරාක්ෂසශ්චවිභීෂණඃ ।
ඒතෝහර්ෂසමුද්භූතෝනිඃස්වනෝදිවමස්පෘශත් ॥ 32 ॥
ස්ත්රීබාලයුවවෘද්ධානාංරාමෝऽයමිතිකීර්තිතේ ।
රථකුංජරවාජිභ්යස්තේऽවතීර්යමහීංගතාඃ ॥ 33 ॥
දදෘශුස්තංවිමානස්ථංනරාස්සෝමමිවාංබරේ ।
ප්රාජ්ඤලිර්භරතෝභූත්වාප්රසෘෂ්ටෝරාඝවෝන්මුඛඃ ॥ 34 ॥
ස්වාගතේනයථාර්හේණතතෝරාමමපූජයත් ।
මනසාබ්රහ්මණාසෘෂ්ටේවිමානේභරතාග්රජඃ ॥ 35 ॥
රරාජපෘථුදීර්ඝාක්ෂෝවජ්රපාණිරිවාපරඃ ।
තතෝවිමානාග්රගතංභරතෝභ්රාතරංතදා ॥ 36 ॥
වවංදේප්රණතෝරාමංමේරුස්ථමිවභාස්කරම් ।
තතෝරාමාභ්යනුජ්ඤාතංතද්විමානමනුත්තමම් ॥ 37 ॥
හංසයුක්තංමහාවේගංනිපපාතමහීතලේ ।
ආපිතෝවිමානංතද්භරතස්සත්යවික්රමඃ ॥ 38 ॥
රාමමාසාද්යමුදිතඃපුනරේවාභ්යවාදයත් ।
තංසමුත්ථාප්යකාකුත්ස්ථශ්චිරස්යාක්ෂිරථංගතම් ॥ 39 ॥
අංකේභරතමාරෝප්යමුදිතඃපරිෂස්වජේ ।
තතෝලක්ෂ්මණමාසාද්යවෛදේහීං ච පරංතපඃ ॥ 40 ॥
අථාභ්යවාදයප්රතීතෝභරතෝනාමචාබ්රවීත් ।
සුග්රීවංකේකයීපුත්රෝජාංබවංතමථාංගදම් ॥ 41 ॥
මෛංදං ච ද්විවිදංනීලමෘෂභංපරිෂස්වජේ ।
සුෂේණං ච නලංචෛවගවාක්ෂංගංධමාදනම් ॥ 42 ॥
ශරභංපනසංචෛවපරිතඃපරිෂස්වජේ ।
තේකෘත්වාමානුෂංරූපංවානරාඃකාමරූපිණඃ ॥ 43 ॥
කුශලංපර්යපෘච්ඡංස්තේප්රහෘෂ්ටාභරතංතදා ।
අථාබ්රවීද්රාජපුත්රස්සුග්රීවංවානරර්ෂභම් ॥ 44 ॥
පරිෂ්වජ්යමහාතේජාභරතෝධර්මිණාංවරඃ ।
ත්වම්ස්මාකංචතුර්ණාංවෛභ්රාතාසුග්රීවපංචමඃ ॥ 45 ॥
සෞහාර්දාජ්ජායතේමිත්රමපකාරෝऽරිලක්ෂණම් ।
විභීෂණං ච භරතඃසාංත්වවාක්යමථාබ්රවීත් ॥ 46 ॥
දිෂ්ට්යාත්වයාසහායේනකෘතංකර්මසුදුෂ්කරම් ।
ශත්රුඝ්නශ්චතදාරාමමභිවාද්යසලක්ෂ්මණම් ॥ 47 ॥
සීතායාශ්චරණෞවීරෝවිනයාදභ්යවාදයත් ।
රාමෝමාතරමාසාද්යවිවර්ණාංශෝකකර්ශිතාම් ॥ 48 ॥
ජග්රාහප්රණතඃපාදෞමනෝමාතුඃප්රහර්ෂයන් ।
අභිවාද්යසුමිත්රාං ච කෛකේයීං ච යශස්විනීම් ॥ 49 ॥
ස මාත්රූශ්චතතස්සර්වාපුරෝහිතමුපාගමත් ।
ස්වාගතංතේමහාබාහෝකෞසල්යානංදවර්ධනා ॥ 50 ॥
ඉතිප්රාංජලයඃසර්වේනාගරාරාමමබ්රුවන් ।
තාන්යංජලිසහස්රාණිප්රගෘහීතානිනාගරෛඃ ॥ 51 ॥
ව්යාකෝචානීවපද්මානිදදර්ශභරතාග්රජඃ ।
පාදුකේතේතුරාමස්යගෘහීත්වාභරතස්ස්වයම් ॥ 52 ॥
චරණාභ්යාංනරේංද්රස්යයෝජයාමාසධර්මවිත් ।
අබ්රවීච්චතදාරාමංභරතඃ ස කෘතාංජලිඃ ॥ 53 ॥
ඒතත්තේසකලංරාජ්යංන්යාසංනිර්යාතිතංමයා ।
අද්යජන්මකෘතාර්ථංමේසම්වෘත්තශ්චමනෝරථඃ ॥ 54 ॥
යත්ත්වාංපශ්යාමිරාජානමයෝධ්යාංපුනරාගතම් ।
අවේක්ෂතාංභවාන්ශෝකංකෝෂ්ඨාගාරංගෘහංබලම් ॥ 55 ॥
භවතස්තේජසාසර්වංකෘතංදශගුණංමයා ।
තථාබ්රුවාණංභරතංදෘෂ්ටවාතංභ්රාතෘවත්සලම් ॥ 56 ॥
මුමුචුර්වානරාබාෂ්පංරාක්ෂසශ්චවිභීෂණඃ ।
තතඃප්රහර්ෂාද්භරතමංගමාරෝප්යරාඝවඃ ॥ 57 ॥
යයෞතේනවිමානේනසසෛන්යෝභරතාශ්රමම් ।
භරතාශ්රමමාසාද්යසසෛන්යෝරාඝවස්තදා ॥ 58 ॥
අවතීර්යවිමානාග්රාදවතස්ථේමහීතලේ ।
අබ්රවීත්තුතදාරාමස්තද්විමානමනුත්තමම් ॥ 59 ॥
වහවෛශ්රවණංදේවමනුජානාමිගම්යතාම් ।
තතෝරාමාභ්යනුජ්ඤාතංතද්විමානමනුත්තමම් ॥ 60 ॥
උත්තරාංදිශමුද්දිශ්යජගාමධනදාලයම් ।
විමානංපුෂ්පකංදිව්යංසම්ගෘහීතංතුරක්ෂසා ॥ 61 ॥
අගමද්ධනදංවේගාද්රාමවාක්යප්රචෝදිතම් ।
පුරෝහිතස්යාත්මසමස්යරාඝවෝබෘහස්පතේශ්ශක්රෛවාමරාධිපඃ ।
නිපීඩ්යපාදෞපෘථගානනේශුභේසහෛවතේනෝපවිවේශවීර්යවාන් ॥ 62 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ත්රිංශදධිකශතතමස්සර්ගඃ ॥
