𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌅𑌷𑍍𑌟𑌾𑌦𑌶𑌸𑍍𑌸𑌰𑍍𑌗𑌃 ।
𑌅𑌥𑌰𑌾𑌮𑌃𑌪𑍍𑌰𑌸𑌨𑍍𑌨𑌾𑌤𑍍𑌮𑌾𑌶𑍃𑌤𑍍𑌵𑌾𑌵𑌾𑌯𑍁𑌸𑍁𑌤𑌸𑍍𑌯𑌹 ।
𑌪𑍍𑌰𑌤𑍍𑌯𑌭𑌾𑌷𑌤𑌦𑍁𑌰𑍍𑌧𑌷𑌶𑍍𑌰𑍁𑌤𑌵𑌾𑌨𑌾𑌤𑍍𑌮𑌨𑌿𑌸𑍍𑌥𑌿𑌤𑌮𑍍 ॥ 1 ॥
𑌮𑌮𑌾𑌪𑌿𑌤𑍁𑌵𑌿𑌵𑌕𑍍𑌷𑌾𑌽𑌸𑍍𑌤𑌿𑌕𑌾𑌚𑌿𑌤𑍍𑌪𑍍𑌰𑌤𑌿𑌵𑌿𑌭𑍀𑌷𑌣𑌮𑍍 ।
𑌶𑍍𑌰𑍋𑌤𑍁𑌮𑌿𑌚𑍍𑌛𑌾𑌮𑌿𑌤𑌤𑍍𑌸𑌰𑍍𑌵𑌂𑌭𑌵𑌦𑍍𑌭𑌿𑌶𑍍𑌶𑍍𑌰𑍇𑌯𑌸𑌿𑌸𑍍𑌥𑌿𑌤𑍈𑌃 ॥ 2 ॥
𑌮𑌿𑌤𑍍𑌰𑌭𑌾𑌵𑍇𑌨𑌸𑌂𑌪𑍍𑌰𑌾𑌪𑍍𑌤𑌂𑌨𑌤𑍍𑌯𑌜𑍇𑌯𑌂𑌕𑌥𑌂𑌚𑌨 ।
𑌦𑍋𑌷𑍋𑌯𑌦𑍍𑌯𑌪𑌿𑌤𑌸𑍍𑌯𑌸𑍍𑌯𑌾𑌤𑍍𑌸𑌤𑌾𑌮𑍇𑌤𑌦𑌗𑌰𑍍𑌹𑌿𑌤𑌮𑍍 ॥ 3 ॥
𑌸𑍁𑌗𑍍𑌰𑍀𑌸𑍍𑌤𑍍𑌵𑌥𑌤𑌦𑍍𑌵𑌾𑌕𑍍𑌯𑌮𑌾𑌭𑌾𑌷𑍍𑌯𑌚𑌵𑌿𑌮𑍃𑌶𑍍𑌯𑌚 ।
𑌤𑌤𑌶𑍍𑌶𑍁𑌭𑌤𑌰𑌂𑌵𑌾𑌕𑍍𑌯𑌮𑍁𑌵𑌾𑌚𑌹𑌰𑌿𑌪𑍁𑌂𑌗𑌵𑌃 ॥ 4 ॥
𑌸𑍁𑌦𑍁𑌷𑍍𑌟𑍋𑌵𑌾𑌪𑍍𑌯𑌦𑍁𑌷𑍍𑌟𑍋𑌵𑌾𑌕𑌿𑌮𑍇𑌷𑌰𑌜𑌨𑍀𑌚𑌰𑌃 ।
𑌈𑌦𑍃𑌶𑌂𑌵𑍍𑌯𑌸𑌨𑌂𑌪𑍍𑌰𑌾𑌪𑍍𑌤𑌂𑌭𑍍𑌰𑌾𑌤𑌰𑌂𑌯𑌃𑌪𑌰𑌿𑌤𑍍𑌯𑌜𑍇𑌤𑍍 ॥ 5 ॥
𑌕𑍋𑌨𑌾𑌮𑌸𑌭𑌵𑍇𑌤𑍍𑌤𑌸𑍍𑌯𑌯𑌮𑍇𑌷𑌨𑌪𑌰𑌿𑌤𑍍𑌯𑌜𑍇𑌤𑍍 ।
𑌵𑌾𑌨𑌰𑌾𑌧𑌿𑌪𑌤𑍇𑌰𑍍𑌵𑌾𑌕𑍍𑌯𑌂𑌶𑍍𑌰𑍁𑌤𑍍𑌵𑌾𑌸𑌰𑍍𑌵𑌾𑌨𑍁𑌦𑍀𑌕𑍍𑌷𑍍𑌯𑌚 ॥ 6 ॥
𑌈𑌷𑌦𑍁𑌤𑍍𑌸𑍍𑌮𑌯𑌮𑌾𑌨𑌸𑍍𑌤𑍁𑌲𑌕𑍍𑌷𑍍𑌮𑌣𑌂𑌪𑍁𑌣𑍍𑌯𑌲𑌕𑍍𑌷𑌣𑌮𑍍 ।
𑌇𑌤𑌿𑌹𑍋𑌵𑌾𑌚𑌕𑌾𑌕𑍁𑌤𑍍𑌸𑍍𑌥𑍋𑌵𑌾𑌕𑍍𑌯𑌂𑌸𑌤𑍍𑌯𑌪𑌰𑌾𑌕𑍍𑌰𑌮𑌃 ॥ ॥
𑌅𑌨𑌧𑍀𑌤𑍍𑌯𑌚𑌶𑌾𑌸𑍍𑌤𑍍𑌰𑌾𑌣𑌿𑌵𑍃𑌦𑍍𑌧𑌾𑌨𑌨𑍁𑌪𑌸𑍇𑌵𑍍𑌯𑌚 ।
𑌨𑌶𑌕𑍍𑌯𑌮𑍀𑌦𑍃𑌶𑌂𑌵𑌕𑍍𑌤𑍁𑌂𑌯𑌦𑍁𑌵𑌾𑌚𑌹𑌰𑍀𑌶𑍍𑌵𑌰𑌃 ॥ ॥
𑌅𑌸𑍍𑌤𑌿𑌸𑍂𑌕𑍍𑌷𑍍𑌮𑌤𑌰𑌂𑌕𑌿𑌂𑌚𑌿𑌦𑍍𑌯𑌦𑌤𑍍𑌰𑌪𑍍𑌰𑌤𑌿𑌭𑌾𑌤𑌿𑌮𑍇 ।
𑌪𑍍𑌰𑌤𑍍𑌯𑌕𑍍𑌷𑌂𑌲𑍌𑌕𑌿𑌕𑌂𑌚𑌾𑌪𑌿𑌵𑌿𑌦𑍍𑌯𑌤𑍇𑌸𑌰𑍍𑌵𑌰𑌾𑌜𑌸𑍁 ॥ ॥
𑌅𑌮𑌿𑌤𑍍𑌰𑌾𑌸𑍍𑌤𑌤𑍍𑌕𑍁𑌲𑍀𑌨𑌾𑌶𑍍𑌚𑌪𑍍𑌰𑌾𑌤𑌿𑌦𑍇𑌶𑍍𑌯𑌾𑌶𑍍𑌚𑌕𑍀𑌰𑍍𑌤𑌿𑌤𑌾𑌃 ।
𑌵𑍍𑌯𑌸𑌨𑍇𑌷𑍁𑌪𑍍𑌰𑌹𑌰𑍍𑌤𑌾𑌰𑌸𑍍𑌤𑌸𑍍𑌮𑌾𑌦𑌯𑌮𑌿𑌹𑌾𑌗𑌤𑌃 ॥ 10 ॥
𑌅𑌪𑌾𑌪𑌾𑌸𑍍𑌤𑌤𑍍𑌕𑍁𑌲𑍀𑌨𑌾𑌶𑍍𑌚𑌮𑌾𑌨𑌯𑌂𑌤𑌿𑌸𑍍𑌵𑌕𑌾𑌨𑍍𑌹𑌿𑌤𑌾𑌨𑍍 ।
𑌏𑌷𑌪𑍍𑌰𑌾𑌯𑍋𑌨𑌰𑍇𑌂𑌦𑍍𑌰𑌾𑌣𑌾𑌂𑌶𑌂𑌕𑌨𑍀𑌯𑌸𑍍𑌤𑍁𑌶𑍋𑌭𑌨𑌃 ॥ 11 ॥
𑌯𑌸𑍍𑌤𑍁𑌦𑍋𑌷𑌸𑍍𑌤𑍍𑌵𑌯𑌾𑌪𑍍𑌰𑍋𑌕𑍍𑌤𑍋𑌹𑍍𑌯𑌾𑌦𑌾𑌨𑍇𑌽𑌰𑌿𑌬𑌲𑌸𑍍𑌯𑌚 ।
𑌤𑌤𑍍𑌰𑌤𑍇𑌕𑍀𑌰𑍍𑌤𑌯𑌿𑌷𑍍𑌯𑌾𑌮𑌿𑌯𑌥𑌾𑌶𑌾𑌸𑍍𑌤𑍍𑌰𑌮𑌿𑌦𑌂𑌶𑍃𑌣𑍁 ॥ 12 ॥
𑌨𑌵𑌯𑌂𑌤𑌤𑍍𑌕𑍁𑌲𑍀𑌨𑌾𑌶𑍍𑌚𑌰𑌾𑌜𑍍𑌯𑌕𑌾𑌙𑍍 𑌕𑍍𑌷𑍀𑌚𑌰𑌾𑌕𑍍𑌷𑌸𑌃 ।
𑌪𑌂𑌡𑌿𑌤𑌾𑌹𑌿𑌭𑌵𑌿𑌷𑍍𑌯𑌂𑌤𑌿𑌤𑌸𑍍𑌮𑌾𑌦𑍍𑌗𑍍𑌰𑌾𑌹𑍍𑌯𑍋𑌵𑌿𑌭𑍀𑌷𑌣𑌃 ॥ 13 ॥
𑌅𑌵𑍍𑌯𑌗𑍍𑌰𑌾𑌶𑍍𑌚𑌪𑍍𑌰𑌹𑍃𑌷𑍍𑌟𑌾𑌶𑍍𑌚𑌨𑌭𑌵𑌿𑌷𑍍𑌯𑌂𑌤𑌿𑌸𑌂𑌗𑌤𑌾 ।
𑌪𑍍𑌰𑌣𑌾𑌦𑌶𑍍𑌚𑌮𑌹𑌾𑌨𑍇𑌷𑌤𑌤𑍋𑌽𑌸𑍍𑌯𑌭𑌯𑌮𑌾𑌗𑌤𑌮𑍍 ॥ 14 ॥
𑌇𑌤𑌿𑌭𑍇𑌦𑌂𑌗𑌮𑌿𑌷𑍍𑌯𑌂𑌤𑌿𑌤𑌸𑍍𑌮𑌾𑌗𑍍𑌰𑌾𑌹𑍍𑌯𑍋𑌵𑌿𑌭𑍀𑌷𑌣𑌃 ।
𑌨𑌸𑌰𑍍𑌵𑍇𑌭𑍍𑌰𑌾𑌤𑌰𑌸𑍍𑌤𑌾𑌤𑌭𑌵𑌂𑌤𑌿𑌭𑌰𑌤𑍋𑌪𑌮𑌾𑌃 ।
𑌮𑌦𑍍𑌵𑌿𑌥𑌾𑌵𑌾𑌪𑌿𑌤𑍁𑌃𑌪𑍁𑌤𑍍𑌰𑌾𑌸𑍍𑌸𑍁𑌹𑍃𑌦𑍋𑌨𑌾𑌭𑌵𑌦𑍍𑌵𑌿𑌥𑌾𑌃 ॥ 15 ॥
𑌏𑌵𑌮𑍁𑌕𑍍𑌤𑌸𑍍𑌤𑍁𑌰𑌾𑌮𑍇𑌣𑌸𑍁𑌗𑍍𑌰𑍀𑌵𑌸𑍍𑌸𑌹𑌲𑌕𑍍𑌷𑍍𑌮𑌣𑌃 ।
𑌉𑌤𑍍𑌥𑌾𑌯𑍇𑌦𑌂𑌮𑌹𑌾𑌪𑍍𑌰𑌾𑌜𑍍𑌞𑌃𑌪𑍍𑌰𑌣𑌤𑍋𑌵𑌾𑌕𑍍𑌯𑌮𑌬𑍍𑌰𑌵𑍀𑌤𑍍 ॥ 16 ॥
𑌰𑌾𑌵𑌣𑍇𑌨𑌪𑍍𑌰𑌣𑌿𑌹𑌿𑌤𑌂𑌤𑌮𑌵𑍇𑌹𑌿𑌵𑌿𑌭𑍀𑌷𑌣𑌮𑍍 ।
𑌤𑌸𑍍𑌯𑌾𑌹𑌂𑌨𑌿𑌗𑍍𑌰𑌹𑌂𑌮𑌨𑍍𑌯𑍇𑌕𑍍𑌷𑌮𑌂𑌕𑍍𑌷𑌮𑌵𑌤𑌾𑌂𑌵𑌰 ॥ 1 ॥
𑌰𑌾𑌕𑍍𑌷𑌸𑍋𑌜𑌿𑌹𑍍𑌮𑌯𑌾𑌬𑍁𑌧𑍍𑌯𑌾𑌸𑌂𑌦𑌿𑌷𑍍𑌟𑍋𑌽𑌯𑌮𑌿𑌹𑌾𑌗𑌤𑌃 ।
𑌪𑍍𑌰𑌹𑌰𑍍𑌤𑍁𑌂𑌤𑍍𑌵𑌯𑌿𑌵𑌿𑌶𑍍𑌵𑌸𑍍𑌤𑍇𑌪𑍍𑌰𑌚𑍍𑌛𑌨𑍍𑌨𑍋𑌮𑌯𑌿𑌵𑌾𑌨𑌘 ॥ 1 ॥
𑌲𑌕𑍍𑌷𑍍𑌮𑌣𑍇𑌵𑌾𑌮𑌹𑌾𑌬𑌾𑌹𑍋 𑌸𑌵𑌧𑍍𑌯𑌸𑍍𑌸𑌚𑌿𑌵𑍈𑌸𑍍𑌸𑌹𑌾 ।
𑌰𑌾𑌵𑌣𑌸𑍍𑌯𑌨𑍃𑌶𑌂𑌸𑌸𑍍𑌯𑌭𑍍𑌰𑌾𑌤𑌾𑌹𑍍𑌯𑍇𑌷𑌵𑌿𑌭𑍀𑌷𑌣𑌃 ।
𑌏𑌵𑌮𑍁𑌕𑍍𑌤𑍍𑌵𑌾𑌰𑌘𑍁𑌶𑍍𑌰𑍇𑌷𑍍𑌠𑌂𑌸𑍁𑌗𑍍𑌰𑍀𑌵𑍋𑌵𑌾𑌹𑌿𑌨𑍀𑌪𑌤𑌿𑌃 ।
𑌵𑌾𑌕𑍍𑌯𑌜𑍍𑌞𑍋𑌵𑌾𑌕𑍍𑌯𑌕𑍁𑌶𑌲𑌂𑌤𑌤𑍋𑌮𑍌𑌨𑌮𑍁𑌪𑌾𑌗𑌮𑌤𑍍 ॥ 1 ॥
𑌸𑍁𑌗𑍍𑌰𑍀𑌵𑌸𑍍𑌯𑌤𑍁𑌤𑌦𑍍𑌵𑌾𑌕𑍍𑌯𑌂𑌰𑌾𑌮𑌶𑍍𑌰𑍁𑌤𑍍𑌵𑌾𑌵𑌿𑌮𑍃𑌶𑍍𑌯𑌚 ।
𑌤𑌤𑌶𑍍𑌶𑍁𑌭𑌤𑌰𑌂𑌵𑌾𑌕𑍍𑌯𑌮𑍁𑌵𑌾𑌚𑌹𑌰𑌿𑌪𑍁𑌂𑌗𑌵𑌮𑍍 ॥ 20 ॥
𑌸𑍁𑌦𑍁𑌷𑍍𑌟𑍋𑌵𑌾𑌪𑍍𑌯𑌦𑍁𑌷𑍍𑌟𑍋𑌵𑌾𑌕𑌿𑌮𑍇𑌷𑌰𑌜𑌨𑍀𑌚𑌰𑌃 ।
𑌸𑍂𑌕𑍍𑌷𑍍𑌮𑌮𑌪𑍍𑌯𑌹𑌿𑌤𑌂𑌕𑌰𑍍𑌤𑍁𑌂𑌮𑌮𑌾𑌶𑌕𑍍𑌤𑌃𑌕𑌥𑌂𑌚𑌨 ॥ 21 ॥
𑌤𑌤𑌃 𑌶𑍁𑌭𑌤𑌰𑌂 𑌵𑌾𑌕𑍍𑌯𑌂 𑌉𑌵𑌾𑌚 𑌹𑌰𑌿 𑌪𑍁𑌮𑍍𑌗𑌵𑌮𑍍 ।
𑌸𑍁𑌦𑍁𑌷𑍍𑌟𑍋 𑌵𑌾 𑌅𑌪𑌿 𑌅𑌦𑍁𑌷𑍍𑌟𑍋 𑌵𑌾 𑌕𑌿𑌂 𑌏𑌷 𑌰𑌜𑌨𑍀 𑌚𑌰𑌃 ॥ 22 ॥
𑌶𑍍𑌰𑍂𑌯𑌤𑍇𑌹𑌿𑌕𑌪𑍋𑌤𑍇𑌨𑌶𑌤𑍍𑌰𑍁𑌶𑍍𑌶𑌰𑌣𑌮𑌾𑌗𑌤𑌃 ।
𑌅𑌰𑍍𑌚𑌿𑌤𑌶𑍍𑌚𑌯𑌥𑌾𑌨𑍍𑌯𑌾𑌯𑌂𑌸𑍍𑌵𑍈𑌶𑍍𑌚𑌮𑌾𑌂𑌸𑍈𑌰𑍍𑌨𑌿𑌮𑌂𑌤𑍍𑌰𑌿𑌤𑌃 ॥ 23 ॥
𑌸𑌹𑌿𑌤𑌂𑌪𑍍𑌰𑌤𑌿𑌜𑌗𑍍𑌰𑌾𑌹𑌭𑌾𑌰𑍍𑌯𑌾𑌹𑌰𑍍𑌤𑌾𑌰𑌮𑌾𑌗𑌤𑌃 ।
𑌕𑌪𑍋𑌤𑍋𑌵𑌾𑌨𑌰𑌶𑍍𑌰𑍇𑌷𑍍𑌠𑌃 𑌕𑌿𑌂𑌪𑍁𑌨𑌰𑍍𑌮𑌦𑍍𑌵𑌿𑌧𑍋𑌜𑌨𑌃 ॥ 24 ॥
𑌋𑌷𑍇𑌃𑌕𑌣𑍍𑌵𑌸𑍍𑌯𑌪𑍁𑌤𑍍𑌰𑍇𑌣𑌕𑌂𑌡𑍁𑌨𑌾𑌪𑌰𑌮𑌰𑍍𑌷𑌿𑌣𑌾 ।
𑌶𑍃𑌣𑍁𑌗𑌾𑌥𑌾𑌂𑌪𑍁𑌰𑌾𑌗𑍀𑌤𑌾𑌂𑌧𑌰𑍍𑌮𑌿𑌷𑍍𑌠𑌾𑌸𑌤𑍍𑌯𑌵𑌾𑌦𑌿𑌨𑌾 ॥ 25 ॥
𑌬𑌦𑍍𑌧𑌾𑌂𑌜𑌲𑌿𑌪𑍁𑌟𑌂𑌦𑍀𑌨𑌂𑌯𑌾𑌚𑌂𑌤𑌂𑌶𑌰𑌣𑌾𑌗𑌤𑌮𑍍 ।
𑌨𑌹𑌨𑍍𑌯𑌦𑌾𑌨𑍃𑌶𑌂𑌸𑍍𑌯𑌾𑌰𑍍𑌥𑌮𑌪𑌿𑌶𑌤𑍍𑌰𑍁𑌂𑌪𑌰𑌂𑌤𑌪 ॥ 26 ॥
𑌆𑌰𑍍𑌤𑍋𑌵𑌾𑌯𑌦𑌿𑌵𑌾𑌦𑍃𑌪𑍍𑌤𑌃𑌪𑌰𑍇𑌷𑌾𑌂𑌶𑌰𑌣𑌾𑌂𑌗𑌤𑌃 ।
𑌅𑌰𑌿𑌃𑌪𑍍𑌰𑌾𑌣𑌾𑌨𑍍𑌪𑌰𑌿𑌤𑍍𑌯𑌜𑍍𑌯𑌰𑌕𑍍𑌷𑌿𑌤𑌵𑍍𑌯𑌃𑌕𑍃𑌤𑌾𑌤𑍍𑌮𑌨𑌾 ॥ 2 ॥
𑌸𑌚𑍇𑌦𑍍𑌭𑌯𑌾𑌦𑍍𑌵𑌾𑌮𑍋𑌹𑌾𑌦𑍍𑌵𑌾𑌕𑌾𑌮𑌾𑌦𑍍𑌵𑌾𑌪𑌿𑌨𑌰𑌕𑍍𑌷𑌤𑌿 ।
𑌸𑍍𑌵𑌯𑌾𑌶𑌕𑍍𑌤𑍍𑌯𑌾𑌯𑌥𑌾𑌸𑌤𑍍𑌤𑍍𑌵𑌂𑌤𑌤𑍍𑌪𑌾𑌪𑌂𑌲𑍋𑌕𑌗𑌰𑍍𑌹𑌿𑌤𑌮𑍍 ॥ 2 ॥
𑌵𑌿𑌨𑌷𑍍𑌟𑌃𑌪𑌶𑍍𑌯𑌤𑌸𑍍𑌤𑌸𑍍𑌯𑌾𑌰𑌕𑍍𑌷𑌿𑌣𑌶𑍍𑌶𑌰𑌣𑌾𑌗𑌤𑌃 ।
𑌆𑌦𑌾𑌯𑌸𑍁𑌕𑍃𑌤𑌂𑌤𑌸𑍍𑌯𑌸𑌰𑍍𑌵𑌂𑌗𑌚𑍍𑌛𑍇𑌦𑌰𑌕𑍍𑌷𑌿𑌤𑌃 ॥ 2 ॥
𑌏𑌵𑌂𑌦𑍋𑌷𑍋𑌮𑌹𑌾𑌨𑌤𑍍𑌰𑌪𑍍𑌰𑌪𑌨𑍍𑌨𑌾𑌨𑌾𑌮𑌰𑌕𑍍𑌷𑌣𑍇 ।
𑌅𑌸𑍍𑌵𑌰𑍍𑌗𑍍𑌯𑌂𑌚𑌾𑌯𑌶𑌸𑍍𑌯𑌂𑌚𑌬𑌲𑌵𑍀𑌰𑍍𑌯𑌵𑌿𑌨𑌾𑌶𑌨𑌮𑍍 ॥ 30 ॥
𑌕𑌰𑌿𑌷𑍍𑌯𑌾𑌮𑌿𑌯𑌥𑌾𑌰𑍍𑌥𑌂𑌤𑍁𑌕𑌂𑌡𑍋𑌰𑍍𑌵𑌚𑌨𑌮𑍁𑌤𑍍𑌤𑌮𑌮𑍍 ।
𑌧𑌰𑍍𑌮𑌿𑌷𑍍𑌠𑌂𑌚𑌯𑌶𑌸𑍍𑌯𑌂𑌚𑌸𑍍𑌵𑌰𑍍𑌗𑍍𑌯𑌂𑌸𑍍𑌯𑌾𑌤𑍍𑌤𑍁𑌫𑌲𑍋𑌦𑌯𑍇 ॥ 31 ॥
𑌸𑌕𑍃𑌦𑍇𑌵𑌪𑍍𑌰𑌪𑌨𑍍𑌨𑌾𑌯𑌤𑌵𑌾𑌸𑍍𑌮𑍀𑌤𑌿𑌚𑌯𑌾𑌚𑌤𑍇 ।
𑌅𑌭𑌯𑌂𑌸𑌰𑍍𑌵𑌭𑍂𑌤𑍇𑌭𑍍𑌯𑍋𑌦𑌦𑌾𑌮𑍍𑌯𑍇𑌤𑌦𑍍𑌵𑍍𑌰𑌤𑌂𑌮𑌮 ॥ 32 ॥
𑌅𑌨𑌯𑍈𑌨𑌂𑌹𑌰𑌿𑌶𑍍𑌰𑍇𑌷𑍍𑌠𑌃 𑌦𑌤𑍍𑌤𑌮𑌸𑍍𑌯𑌾𑌭𑌯𑌂𑌮𑌯𑌾 ।
𑌵𑌿𑌭𑍀𑌷𑌣𑍋𑌵𑌾𑌸𑍁𑌗𑍍𑌰𑍀𑌵𑌃 𑌯𑌦𑌿𑌵𑌾𑌰𑌾𑌵𑌣𑌸𑍍𑌸𑍍𑌵𑌯𑌮𑍍 ॥ 33 ॥
𑌰𑌾𑌮𑌸𑍍𑌯𑌤𑍁𑌵𑌚𑍍𑌶𑍁𑌤𑍍𑌵𑌾𑌸𑍁𑌗𑍍𑌰𑍀𑌵𑌃𑌪𑍍𑌲𑌵𑌗𑍇𑌶𑍍𑌵𑌰𑌃 ।
𑌪𑍍𑌰𑌤𑍍𑌯𑌭𑌾𑌷𑌤𑌕𑌾𑌕𑍁𑌤𑍍𑌸𑍍𑌥𑌂𑌸𑍌𑌹𑌾𑌰𑍍𑌦𑍇𑌨𑌪𑍍𑌰𑌚𑍋𑌦𑌿𑌤𑌃 ॥ 34 ॥
𑌕𑌿𑌮𑌤𑍍𑌰𑌚𑌿𑌤𑍍𑌰𑌂𑌧𑌰𑍍𑌮𑌜𑍍𑌞𑌃 𑌲𑍋𑌕𑌨𑌾𑌥𑌃 𑌸𑍁𑌖𑌾𑌵𑌹𑌾𑌃 ।
𑌯𑌤𑍍𑌤𑍍𑌵𑌮𑌾𑌰𑍍𑌯𑌂𑌪𑍍𑌰𑌭𑌾𑌷𑍇𑌥𑌾𑌸𑍍𑌸𑌤𑍍𑌤𑍍𑌵𑌵𑌾𑌨𑍍 𑌸𑌤𑍍𑌪𑌥𑍇𑌸𑍍𑌥𑌿𑌤𑌃 ॥ 35 ॥
𑌮𑌮𑌚𑌾𑌪𑍍𑌯𑌂𑌤𑌰𑌾𑌤𑍍𑌮𑌾𑌯𑌂𑌶𑍁𑌦𑍍𑌧𑌂𑌵𑍇𑌤𑍍𑌤𑌿𑌵𑌿𑌭𑍀𑌷𑌣𑌮𑍍 ।
𑌅𑌨𑍁𑌮𑌾𑌨𑌾𑌚𑍍𑌚𑌭𑌾𑌵𑌾𑌚𑍍𑌚𑌸𑌰𑍍𑌵𑌤𑌸𑍍𑌸𑍁𑌪𑌰𑍀𑌕𑍍𑌷𑌿𑌤𑌃 ॥ 36 ॥
𑌤𑌸𑍍𑌮𑌾𑌤𑍍 𑌕𑍍𑌷𑌿𑌪𑍍𑌰𑌂𑌸𑌹𑌾𑌸𑍍𑌮𑌾𑌭𑌿𑌸𑍍𑌤𑍁𑌲𑍍𑌯𑍋𑌭𑌵𑌤𑌰𑌾𑌘𑌵𑌃 ।
𑌵𑌿𑌭𑍀𑌷𑌣𑍋𑌮𑌹𑌾𑌪𑍍𑌰𑌾𑌜𑍍𑌞𑌸𑍍𑌸𑌖𑌿𑌤𑍍𑌵𑌂𑌚𑌾𑌭𑍍𑌯𑍁𑌪𑍈𑌤𑍁𑌨𑌃 ॥ 3 ॥
𑌤𑌤𑌸𑍍𑌤𑍁𑌸𑍁𑌗𑍍𑌰𑍀𑌵𑌵𑌚𑍋𑌨𑌿𑌶𑌮𑍍𑌯𑌤𑌦𑍍𑌦𑌰𑍀𑌶𑍍𑌵𑌰𑍇𑌣𑌾𑌭𑌿𑌹𑌿𑌤𑌂𑌨𑌰𑍇𑌶𑍍𑌵𑌰𑌃 ।
𑌵𑌿𑌭𑍀𑌷𑌣𑍇𑌨𑌾𑌶𑍁𑌜𑌗𑌾𑌮𑌸𑌂𑌗𑌮𑌂𑌪𑌤𑌤𑍍𑌤𑍍𑌰𑌿𑌰𑌾𑌜𑍇𑌨𑌯𑌥𑌾𑌪𑍁𑌰𑌂𑌦𑌰𑌃 ॥ 3 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌅𑌷𑍍𑌟𑌾𑌦𑌶𑌸𑍍𑌸𑌰𑍍𑌗𑌃 ॥
