ශ්රීමද්වාල්මීකීය රාමායණේ යුද්ධකාංඩම් ।
අථ අෂ්ටාදශස්සර්ගඃ ।
අථරාමඃප්රසන්නාත්මාශෘත්වාවායුසුතස්යහ ।
ප්රත්යභාෂතදුර්ධෂශ්රුතවානාත්මනිස්ථිතම් ॥ 1 ॥
මමාපිතුවිවක්ෂාऽස්තිකාචිත්ප්රතිවිභීෂණම් ।
ශ්රෝතුමිච්ඡාමිතත්සර්වංභවද්භිශ්ශ්රේයසිස්ථිතෛඃ ॥ 2 ॥
මිත්රභාවේනසංප්රාප්තංනත්යජේයංකථංචන ।
දෝෂෝයද්යපිතස්යස්යාත්සතාමේතදගර්හිතම් ॥ 3 ॥
සුග්රීස්ත්වථතද්වාක්යමාභාෂ්යචවිමෘශ්යච ।
තතශ්ශුභතරංවාක්යමුවාචහරිපුංගවඃ ॥ 4 ॥
සුදුෂ්ටෝවාප්යදුෂ්ටෝවාකිමේෂරජනීචරඃ ।
ඊදෘශංව්යසනංප්රාප්තංභ්රාතරංයඃපරිත්යජේත් ॥ 5 ॥
කෝනාමසභවේත්තස්යයමේෂනපරිත්යජේත් ।
වානරාධිපතේර්වාක්යංශ්රුත්වාසර්වානුදීක්ෂ්යච ॥ 6 ॥
ඊෂදුත්ස්මයමානස්තුලක්ෂ්මණංපුණ්යලක්ෂණම් ।
ඉතිහෝවාචකාකුත්ස්ථෝවාක්යංසත්යපරාක්රමඃ ॥ 7 ॥
අනධීත්යචශාස්ත්රාණිවෘද්ධානනුපසේව්යච ।
නශක්යමීදෘශංවක්තුංයදුවාචහරීශ්වරඃ ॥ 8 ॥
අස්තිසූක්ෂ්මතරංකිංචිද්යදත්රප්රතිභාතිමේ ।
ප්රත්යක්ෂංලෞකිකංචාපිවිද්යතේසර්වරාජසු ॥ 9 ॥
අමිත්රාස්තත්කුලීනාශ්චප්රාතිදේශ්යාශ්චකීර්තිතාඃ ।
ව්යසනේෂුප්රහර්තාරස්තස්මාදයමිහාගතඃ ॥ 10 ॥
අපාපාස්තත්කුලීනාශ්චමානයංතිස්වකාන්හිතාන් ।
ඒෂප්රායෝනරේංද්රාණාංශංකනීයස්තුශෝභනඃ ॥ 11 ॥
යස්තුදෝෂස්ත්වයාප්රෝක්තෝහ්යාදානේऽරිබලස්යච ।
තත්රතේකීර්තයිෂ්යාමියථාශාස්ත්රමිදංශෘණු ॥ 12 ॥
නවයංතත්කුලීනාශ්චරාජ්යකාඞ් ක්ෂීචරාක්ෂසඃ ।
පංඩිතාහිභවිෂ්යංතිතස්මාද්ග්රාහ්යෝවිභීෂණඃ ॥ 13 ॥
අව්යග්රාශ්චප්රහෘෂ්ටාශ්චනභවිෂ්යංතිසංගතා ।
ප්රණාදශ්චමහානේෂතතෝऽස්යභයමාගතම් ॥ 14 ॥
ඉතිභේදංගමිෂ්යංතිතස්මාග්රාහ්යෝවිභීෂණඃ ।
නසර්වේභ්රාතරස්තාතභවංතිභරතෝපමාඃ ।
මද්විථාවාපිතුඃපුත්රාස්සුහෘදෝනාභවද්විථාඃ ॥ 15 ॥
ඒවමුක්තස්තුරාමේණසුග්රීවස්සහලක්ෂ්මණඃ ।
උත්ථායේදංමහාප්රාජ්ඤඃප්රණතෝවාක්යමබ්රවීත් ॥ 16 ॥
රාවණේනප්රණිහිතංතමවේහිවිභීෂණම් ।
තස්යාහංනිග්රහංමන්යේක්ෂමංක්ෂමවතාංවර ॥ 17 ॥
රාක්ෂසෝජිහ්මයාබුධ්යාසංදිෂ්ටෝऽයමිහාගතඃ ।
ප්රහර්තුංත්වයිවිශ්වස්තේප්රච්ඡන්නෝමයිවානඝ ॥ 18 ॥
ලක්ෂ්මණේවාමහාබාහෝ සවධ්යස්සචිවෛස්සහා ।
රාවණස්යනෘශංසස්යභ්රාතාහ්යේෂවිභීෂණඃ ।
ඒවමුක්ත්වාරඝුශ්රේෂ්ඨංසුග්රීවෝවාහිනීපතිඃ ।
වාක්යජ්ඤෝවාක්යකුශලංතතෝමෞනමුපාගමත් ॥ 19 ॥
සුග්රීවස්යතුතද්වාක්යංරාමශ්රුත්වාවිමෘශ්යච ।
තතශ්ශුභතරංවාක්යමුවාචහරිපුංගවම් ॥ 20 ॥
සුදුෂ්ටෝවාප්යදුෂ්ටෝවාකිමේෂරජනීචරඃ ।
සූක්ෂ්මමප්යහිතංකර්තුංමමාශක්තඃකථංචන ॥ 21 ॥
තතඃ ශුභතරං වාක්යං උවාච හරි පුම්ගවම් ।
සුදුෂ්ටෝ වා අපි අදුෂ්ටෝ වා කිං ඒෂ රජනී චරඃ ॥ 22 ॥
ශ්රූයතේහිකපෝතේනශත්රුශ්ශරණමාගතඃ ।
අර්චිතශ්චයථාන්යායංස්වෛශ්චමාංසෛර්නිමංත්රිතඃ ॥ 23 ॥
සහිතංප්රතිජග්රාහභාර්යාහර්තාරමාගතඃ ।
කපෝතෝවානරශ්රේෂ්ඨඃ කිංපුනර්මද්විධෝජනඃ ॥ 24 ॥
ඍෂේඃකණ්වස්යපුත්රේණකංඩුනාපරමර්ෂිණා ।
ශෘණුගාථාංපුරාගීතාංධර්මිෂ්ඨාසත්යවාදිනා ॥ 25 ॥
බද්ධාංජලිපුටංදීනංයාචංතංශරණාගතම් ।
නහන්යදානෘශංස්යාර්ථමපිශත්රුංපරංතප ॥ 26 ॥
ආර්තෝවායදිවාදෘප්තඃපරේෂාංශරණාංගතඃ ।
අරිඃප්රාණාන්පරිත්යජ්යරක්ෂිතව්යඃකෘතාත්මනා ॥ 27 ॥
සචේද්භයාද්වාමෝහාද්වාකාමාද්වාපිනරක්ෂති ।
ස්වයාශක්ත්යායථාසත්ත්වංතත්පාපංලෝකගර්හිතම් ॥ 28 ॥
විනෂ්ටඃපශ්යතස්තස්යාරක්ෂිණශ්ශරණාගතඃ ।
ආදායසුකෘතංතස්යසර්වංගච්ඡේදරක්ෂිතඃ ॥ 29 ॥
ඒවංදෝෂෝමහානත්රප්රපන්නානාමරක්ෂණේ ।
අස්වර්ග්යංචායශස්යංචබලවීර්යවිනාශනම් ॥ 30 ॥
කරිෂ්යාමියථාර්ථංතුකංඩෝර්වචනමුත්තමම් ।
ධර්මිෂ්ඨංචයශස්යංචස්වර්ග්යංස්යාත්තුඵලෝදයේ ॥ 31 ॥
සකෘදේවප්රපන්නායතවාස්මීතිචයාචතේ ।
අභයංසර්වභූතේභ්යෝදදාම්යේතද්ව්රතංමම ॥ 32 ॥
අනයෛනංහරිශ්රේෂ්ඨඃ දත්තමස්යාභයංමයා ।
විභීෂණෝවාසුග්රීවඃ යදිවාරාවණස්ස්වයම් ॥ 33 ॥
රාමස්යතුවච්ශුත්වාසුග්රීවඃප්ලවගේශ්වරඃ ।
ප්රත්යභාෂතකාකුත්ස්ථංසෞහාර්දේනප්රචෝදිතඃ ॥ 34 ॥
කිමත්රචිත්රංධර්මජ්ඤඃ ලෝකනාථඃ සුඛාවහාඃ ।
යත්ත්වමාර්යංප්රභාෂේථාස්සත්ත්වවාන් සත්පථේස්ථිතඃ ॥ 35 ॥
මමචාප්යංතරාත්මායංශුද්ධංවේත්තිවිභීෂණම් ।
අනුමානාච්චභාවාච්චසර්වතස්සුපරීක්ෂිතඃ ॥ 36 ॥
තස්මාත් ක්ෂිප්රංසහාස්මාභිස්තුල්යෝභවතරාඝවඃ ।
විභීෂණෝමහාප්රාජ්ඤස්සඛිත්වංචාභ්යුපෛතුනඃ ॥ 37 ॥
තතස්තුසුග්රීවවචෝනිශම්යතද්දරීශ්වරේණාභිහිතංනරේශ්වරඃ ।
විභීෂණේනාශුජගාමසංගමංපතත්ත්රිරාජේනයථාපුරංදරඃ ॥ 38 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ අෂ්ටාදශස්සර්ගඃ ॥
