śrīmadvālmīkīya rāmāyaṇē yuddhakāṇḍam ।
atha ṣaḍaśītitamassargaḥ ।
athatasyāmavasthāyāṃlakṣmaṇaṃrāvaṇānujaḥ ।
parēṣāmahitaṃvākyamarthasādhakamabravīt ॥ 1 ॥
yadētadrākṣasānīkammēghaśyāmaṃvilōkyatē ।
ētadāyōdhyatāṃśīghraṅkapibhipādapāyudhaiḥ ॥ 2 ॥
asyānīkasyamahatōbhēdanēyatalakṣmaṇa ।
rākṣasēndrasutō'pyatrabhinnēdṛśyōbhaviṣyati ॥ 3 ॥
satvamindrāśaniprakhyaiḥśarairavakiranparān ।
abhidravāśuyāvadvainaitatkarmasamāpyatē ॥ 4 ॥
ja hivīradurātmānammāyāparamadhārmikam ।
rāvaṇiṅkrūrakarmāṇaṃsarvalōkabhayāvaham ॥ 5 ॥
vibhīṣaṇavachśrutvālakṣmaṇaśśubhalakṣaṇaḥ ।
vavarṣaśaravarṣāṇirākṣasēndrasutamprati ॥ 6 ॥
ṛkṣāḥśākhāmṛgāśchaivadrumadrinakhayōdhinaḥ ।
abhyadhāvantasahitāstadanīkamavasthitam ॥ 7 ॥
rākṣasāśchaśitairbhāṇairasibhiśśaktitōmaraiḥ ।
udyadaisasaṃ vartantasamarēkapisainyajighāṃsavaḥ ॥ 8 ॥
sa samprahārastumulaḥsañjajñēkapirakṣasām ।
śabdēnamahatālaṅkānnādayanvaisamantataḥ ॥ 9 ॥
śastraśchavividhākāraiśśitairbāṇaiśchapādapaiḥ ।
udyatairgiriśṛṅgaiśchaghōrairākāśamāvṛtam ॥ 10 ॥
tērākṣasāvānarēṣuvikṛtānanabāhavaḥ ।
nivēśayantaḥśastrāṇichakrustēsumahadbhayam ॥ 11 ॥
tathaivasakalairvṛkṣairgiriśṛṅgaiśchavānarāḥ ।
abhijaghnujaghnuśchasamarērākṣasarṣabhān ॥ 12 ॥
ṛkṣavānaramukhyaiśchamahākāyairmahābalaiḥ ।
rakṣasāṃyudhyamānānāmmahadbhayamajāyata ॥ 13 ॥
svamanīkaṃviṣaṇṇantuśrutvāśatrubhirarditam ।
udatiṣṭhatadurdarṣaḥ sa karmaṇyananuṣṭhitē ॥ 14 ॥
vṛkṣāndhakārānnirgamyajātakrōdhaḥ sa rāvaṇiḥ ।
ārurōharathaṃsajjampūrvayuktaṃsusaṃyatam ॥ 15 ॥
sa bhīmakārmukadharaḥkālamēghasamaprabhaḥ ।
raktāsyanayanōkṛddhōmabhaumṛtyurivāntakaḥ ॥ 16 ॥
dṛṣṭavaivaturathasthantamparyavartatatadbalam ।
rakṣasāmbhīmavēgānāṃlakṣmaṇēnayuyutsatām ॥ 17 ॥
tasmin kālētuhanūmānudyamyasudurāsadam ।
dharaṇīdharasaṅkāśōmahāvṛkṣamarindamaḥ ॥ 18 ॥
sa rākṣasānāntatsainyaṅkālāgnirivanirdahan ।
chakārabahubhirvakṣairniḥsañjñaṃyudhivānaraḥ ॥ 19 ॥
vidhvaṃsantantarasādṛṣṭavaivapavanātmajam ।
rākṣasānāṃsahasrāṇihanūmantamavākiran ॥ 20 ॥
śitaśūladharāśśūlairasibhiśchāsipāṇayaḥ ।
śaktihastāśchabhiśśaktipaṭṭasaiḥ paṭṭasāyudhāḥ ॥ 21 ॥
parighaiśchagadābhiśchakuntaiśchaśubhadarśanaiḥ ।
śataśaśchaśataghnībhirāyasairapimudgaraiḥ ॥ 22 ॥
ghōraiḥparaśubhiśchaivabhidanipālaiścharākṣasāḥ ।
muṣṭibhirvajrakalpaiśchatalairaśanisannibhaiḥ ॥ 23 ॥
abhijaghnuḥsamāsādyasamantātparvatōpamam ।
tēṣāmapi cha saṅgruddhaśchakārakadanammahat ॥ 24 ॥
sa dadarśakapiśrēṣṭhamachalōpamamindrajit ।
sūdamānamasantrastamamitrān pavanātmajam ॥ 25 ॥
sa sārathimuvāchēdaṃyāhiyatraiṣavānaraḥ ।
kṣayamēvahinaḥkuryādrākṣasāmupēkṣitaḥ ॥ 26 ॥
ityuktassārathistēnayayauyatra na mārutiḥ ।
vahan paramadurdharṣaṃsthitamindrajitaṃrathē ॥ 27 ॥
sō'bhyupētyaśarānkhaṅgānpaṭṭasāsiparaśvadhān ।
abhyavarṣatadurdharṣaḥkapimūrthanirākṣasaḥ ॥ 28 ॥
tāniśastrāṇighōrāṇipratigṛhya sa mārutiḥ ।
rōṣēṇamahatāviṣṭōvākyañchēdamuvācha ha ॥ 29 ॥
yudhyasvayadiśūrō'sirāvaṇātmajadurmatē ।
vāyuputraṃsamāsādya na jīvan pratiyāsyasi ॥ 30 ॥
bāhubhyāṃsampratiyudhyasvayadimēdvandvamāhavē ।
vēgaṃsahasvadurbuddhētatastvaṃrakṣasāṃvaraḥ ॥ 31 ॥
hanūmantañjighāṃsantaṃsamudyataśarāsanam ।
rāvaṇātmajamāchaṣṭē lakṣmaṇāya vibhīṣaṇaḥ ॥ 32 ॥
yassavāsavanirjētārāvaṇasyātmasambhavaḥ ।
sa ēṣarathamāsthāyahanūmantañjighāṃsati ॥ 33 ॥
tamapratimasaṃsthānaiśśaraiśśatrunivāraṇaiḥ ।
jīvitāntakarairghōraiḥsaumitrērāvaṇiñjahi ॥ 34 ॥
ityēvamuktastutadāmahātmāvibhīṣaṇēnārivibhīṣaṇēna ।
dadarśatamparvatasannikāśaṃrathasthitambhīmabalandurāsadam ॥ 35 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē ṣaḍaśītitamassargaḥ ॥
