ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଷଡଶୀତିତମସ୍ସର୍ଗଃ ।
ଅଥତସ୍ୟାମଵସ୍ଥାୟାଂଲକ୍ଷ୍ମଣଂରାଵଣାନୁଜଃ ।
ପରେଷାମହିତଂଵାକ୍ୟମର୍ଥସାଧକମବ୍ରଵୀତ୍ ॥ 1 ॥
ୟଦେତଦ୍ରାକ୍ଷସାନୀକଂମେଘଶ୍ୟାମଂଵିଲୋକ୍ୟତେ ।
ଏତଦାୟୋଧ୍ୟତାଂଶୀଘ୍ରଂକପିଭିପାଦପାୟୁଧୈଃ ॥ 2 ॥
ଅସ୍ୟାନୀକସ୍ୟମହତୋଭେଦନେୟତଲକ୍ଷ୍ମଣ ।
ରାକ୍ଷସେଂଦ୍ରସୁତୋଽପ୍ୟତ୍ରଭିନ୍ନେଦୃଶ୍ୟୋଭଵିଷ୍ୟତି ॥ 3 ॥
ସତ୍ଵମିଂଦ୍ରାଶନିପ୍ରଖ୍ୟୈଃଶରୈରଵକିରନ୍ପରାନ୍ ।
ଅଭିଦ୍ରଵାଶୁୟାଵଦ୍ଵୈନୈତତ୍କର୍ମସମାପ୍ୟତେ ॥ 4 ॥
ଜ ହିଵୀରଦୁରାତ୍ମାନଂମାୟାପରମଧାର୍ମିକମ୍ ।
ରାଵଣିଂକ୍ରୂରକର୍ମାଣଂସର୍ଵଲୋକଭୟାଵହମ୍ ॥ 5 ॥
ଵିଭୀଷଣଵଚ୍ଶ୍ରୁତ୍ଵାଲକ୍ଷ୍ମଣଶ୍ଶୁଭଲକ୍ଷଣଃ ।
ଵଵର୍ଷଶରଵର୍ଷାଣିରାକ୍ଷସେଂଦ୍ରସୁତଂପ୍ରତି ॥ 6 ॥
ଋକ୍ଷାଃଶାଖାମୃଗାଶ୍ଚୈଵଦ୍ରୁମଦ୍ରିନଖୟୋଧିନଃ ।
ଅଭ୍ୟଧାଵଂତସହିତାସ୍ତଦନୀକମଵସ୍ଥିତମ୍ ॥ 7 ॥
ରାକ୍ଷସାଶ୍ଚଶିତୈର୍ଭାଣୈରସିଭିଶ୍ଶକ୍ତିତୋମରୈଃ ।
ଉଦ୍ୟଦୈସସଂ ଵର୍ତଂତସମରେକପିସୈନ୍ୟଜିଘାଂସଵଃ ॥ 8 ॥
ସ ସଂପ୍ରହାରସ୍ତୁମୁଲଃସଂଜଜ୍ଞେକପିରକ୍ଷସାମ୍ ।
ଶବ୍ଦେନମହତାଲଂକାଂନାଦୟନ୍ଵୈସମଂତତଃ ॥ 9 ॥
ଶସ୍ତ୍ରଶ୍ଚଵିଵିଧାକାରୈଶ୍ଶିତୈର୍ବାଣୈଶ୍ଚପାଦପୈଃ ।
ଉଦ୍ୟତୈର୍ଗିରିଶୃଂଗୈଶ୍ଚଘୋରୈରାକାଶମାଵୃତମ୍ ॥ 10 ॥
ତେରାକ୍ଷସାଵାନରେଷୁଵିକୃତାନନବାହଵଃ ।
ନିଵେଶୟଂତଃଶସ୍ତ୍ରାଣିଚକ୍ରୁସ୍ତେସୁମହଦ୍ଭୟମ୍ ॥ 11 ॥
ତଥୈଵସକଲୈର୍ଵୃକ୍ଷୈର୍ଗିରିଶୃଂଗୈଶ୍ଚଵାନରାଃ ।
ଅଭିଜଘ୍ନୁଜଘ୍ନୁଶ୍ଚସମରେରାକ୍ଷସର୍ଷଭାନ୍ ॥ 12 ॥
ଋକ୍ଷଵାନରମୁଖ୍ୟୈଶ୍ଚମହାକାୟୈର୍ମହାବଲୈଃ ।
ରକ୍ଷସାଂୟୁଧ୍ୟମାନାନାଂମହଦ୍ଭୟମଜାୟତ ॥ 13 ॥
ସ୍ଵମନୀକଂଵିଷଣ୍ଣଂତୁଶ୍ରୁତ୍ଵାଶତ୍ରୁଭିରର୍ଦିତମ୍ ।
ଉଦତିଷ୍ଠତଦୁର୍ଦର୍ଷଃ ସ କର୍ମଣ୍ୟନନୁଷ୍ଠିତେ ॥ 14 ॥
ଵୃକ୍ଷାଂଧକାରାନ୍ନିର୍ଗମ୍ୟଜାତକ୍ରୋଧଃ ସ ରାଵଣିଃ ।
ଆରୁରୋହରଥଂସଜ୍ଜଂପୂର୍ଵୟୁକ୍ତଂସୁସଂୟତମ୍ ॥ 15 ॥
ସ ଭୀମକାର୍ମୁକଧରଃକାଲମେଘସମପ୍ରଭଃ ।
ରକ୍ତାସ୍ୟନୟନୋକୃଦ୍ଧୋମଭୌମୃତ୍ୟୁରିଵାଂତକଃ ॥ 16 ॥
ଦୃଷ୍ଟଵୈଵତୁରଥସ୍ଥଂତଂପର୍ୟଵର୍ତତତଦ୍ବଲମ୍ ।
ରକ୍ଷସାଂଭୀମଵେଗାନାଂଲକ୍ଷ୍ମଣେନୟୁୟୁତ୍ସତାମ୍ ॥ 17 ॥
ତସ୍ମିନ୍ କାଲେତୁହନୂମାନୁଦ୍ୟମ୍ୟସୁଦୁରାସଦମ୍ ।
ଧରଣୀଧରସଂକାଶୋମହାଵୃକ୍ଷମରିଂଦମଃ ॥ 18 ॥
ସ ରାକ୍ଷସାନାଂତତ୍ସୈନ୍ୟଂକାଲାଗ୍ନିରିଵନିର୍ଦହନ୍ ।
ଚକାରବହୁଭିର୍ଵକ୍ଷୈର୍ନିଃସଂଜ୍ଞଂୟୁଧିଵାନରଃ ॥ 19 ॥
ଵିଧ୍ଵଂସଂତଂତରସାଦୃଷ୍ଟଵୈଵପଵନାତ୍ମଜମ୍ ।
ରାକ୍ଷସାନାଂସହସ୍ରାଣିହନୂମଂତମଵାକିରନ୍ ॥ 20 ॥
ଶିତଶୂଲଧରାଶ୍ଶୂଲୈରସିଭିଶ୍ଚାସିପାଣୟଃ ।
ଶକ୍ତିହସ୍ତାଶ୍ଚଭିଶ୍ଶକ୍ତିପଟ୍ଟସୈଃ ପଟ୍ଟସାୟୁଧାଃ ॥ 21 ॥
ପରିଘୈଶ୍ଚଗଦାଭିଶ୍ଚକୁଂତୈଶ୍ଚଶୁଭଦର୍ଶନୈଃ ।
ଶତଶଶ୍ଚଶତଘ୍ନୀଭିରାୟସୈରପିମୁଦ୍ଗରୈଃ ॥ 22 ॥
ଘୋରୈଃପରଶୁଭିଶ୍ଚୈଵଭିଦନିପାଲୈଶ୍ଚରାକ୍ଷସାଃ ।
ମୁଷ୍ଟିଭିର୍ଵଜ୍ରକଲ୍ପୈଶ୍ଚତଲୈରଶନିସନ୍ନିଭୈଃ ॥ 23 ॥
ଅଭିଜଘ୍ନୁଃସମାସାଦ୍ୟସମଂତାତ୍ପର୍ଵତୋପମମ୍ ।
ତେଷାମପି ଚ ସଂଗ୍ରୁଦ୍ଧଶ୍ଚକାରକଦନଂମହତ୍ ॥ 24 ॥
ସ ଦଦର୍ଶକପିଶ୍ରେଷ୍ଠମଚଲୋପମମିଂଦ୍ରଜିତ୍ ।
ସୂଦମାନମସଂତ୍ରସ୍ତମମିତ୍ରାନ୍ ପଵନାତ୍ମଜମ୍ ॥ 25 ॥
ସ ସାରଥିମୁଵାଚେଦଂୟାହିୟତ୍ରୈଷଵାନରଃ ।
କ୍ଷୟମେଵହିନଃକୁର୍ୟାଦ୍ରାକ୍ଷସାମୁପେକ୍ଷିତଃ ॥ 26 ॥
ଇତ୍ୟୁକ୍ତସ୍ସାରଥିସ୍ତେନୟୟୌୟତ୍ର ନ ମାରୁତିଃ ।
ଵହନ୍ ପରମଦୁର୍ଧର୍ଷଂସ୍ଥିତମିଂଦ୍ରଜିତଂରଥେ ॥ 27 ॥
ସୋଽଭ୍ୟୁପେତ୍ୟଶରାନ୍ଖଂଗାନ୍ପଟ୍ଟସାସିପରଶ୍ଵଧାନ୍ ।
ଅଭ୍ୟଵର୍ଷତଦୁର୍ଧର୍ଷଃକପିମୂର୍ଥନିରାକ୍ଷସଃ ॥ 28 ॥
ତାନିଶସ୍ତ୍ରାଣିଘୋରାଣିପ୍ରତିଗୃହ୍ୟ ସ ମାରୁତିଃ ।
ରୋଷେଣମହତାଵିଷ୍ଟୋଵାକ୍ୟଂଚେଦମୁଵାଚ ହ ॥ 29 ॥
ୟୁଧ୍ୟସ୍ଵୟଦିଶୂରୋଽସିରାଵଣାତ୍ମଜଦୁର୍ମତେ ।
ଵାୟୁପୁତ୍ରଂସମାସାଦ୍ୟ ନ ଜୀଵନ୍ ପ୍ରତିୟାସ୍ୟସି ॥ 30 ॥
ବାହୁଭ୍ୟାଂସଂପ୍ରତିୟୁଧ୍ୟସ୍ଵୟଦିମେଦ୍ଵଂଦ୍ଵମାହଵେ ।
ଵେଗଂସହସ୍ଵଦୁର୍ବୁଦ୍ଧେତତସ୍ତ୍ଵଂରକ୍ଷସାଂଵରଃ ॥ 31 ॥
ହନୂମଂତଂଜିଘାଂସଂତଂସମୁଦ୍ୟତଶରାସନମ୍ ।
ରାଵଣାତ୍ମଜମାଚଷ୍ଟେ ଲକ୍ଷ୍ମଣାୟ ଵିଭୀଷଣଃ ॥ 32 ॥
ୟସ୍ସଵାସଵନିର୍ଜେତାରାଵଣସ୍ୟାତ୍ମସଂଭଵଃ ।
ସ ଏଷରଥମାସ୍ଥାୟହନୂମଂତଂଜିଘାଂସତି ॥ 33 ॥
ତମପ୍ରତିମସଂସ୍ଥାନୈଶ୍ଶରୈଶ୍ଶତ୍ରୁନିଵାରଣୈଃ ।
ଜୀଵିତାଂତକରୈର୍ଘୋରୈଃସୌମିତ୍ରେରାଵଣିଂଜହି ॥ 34 ॥
ଇତ୍ୟେଵମୁକ୍ତସ୍ତୁତଦାମହାତ୍ମାଵିଭୀଷଣେନାରିଵିଭୀଷଣେନ ।
ଦଦର୍ଶତଂପର୍ଵତସନ୍ନିକାଶଂରଥସ୍ଥିତଂଭୀମବଲଂଦୁରାସଦମ୍ ॥ 35 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଷଡଶୀତିତମସ୍ସର୍ଗଃ ॥
