ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ഷഡശീതിതമസ്സര്ഗഃ ।
അഥതസ്യാമവസ്ഥായാംലക്ഷ്മണംരാവണാനുജഃ ।
പരേഷാമഹിതംവാക്യമര്ഥസാധകമബ്രവീത് ॥ 1 ॥
യദേതദ്രാക്ഷസാനീകംമേഘശ്യാമംവിലോക്യതേ ।
ഏതദായോധ്യതാംശീഘ്രംകപിഭിപാദപായുധൈഃ ॥ 2 ॥
അസ്യാനീകസ്യമഹതോഭേദനേയതലക്ഷ്മണ ।
രാക്ഷസേംദ്രസുതോഽപ്യത്രഭിന്നേദൃശ്യോഭവിഷ്യതി ॥ 3 ॥
സത്വമിംദ്രാശനിപ്രഖ്യൈഃശരൈരവകിരന്പരാന് ।
അഭിദ്രവാശുയാവദ്വൈനൈതത്കര്മസമാപ്യതേ ॥ 4 ॥
ജ ഹിവീരദുരാത്മാനംമായാപരമധാര്മികമ് ।
രാവണിംക്രൂരകര്മാണംസർവലോകഭയാവഹമ് ॥ 5 ॥
വിഭീഷണവച്ശ്രുത്വാലക്ഷ്മണശ്ശുഭലക്ഷണഃ ।
വവര്ഷശരവര്ഷാണിരാക്ഷസേംദ്രസുതംപ്രതി ॥ 6 ॥
ഋക്ഷാഃശാഖാമൃഗാശ്ചൈവദ്രുമദ്രിനഖയോധിനഃ ।
അഭ്യധാവംതസഹിതാസ്തദനീകമവസ്ഥിതമ് ॥ 7 ॥
രാക്ഷസാശ്ചശിതൈര്ഭാണൈരസിഭിശ്ശക്തിതോമരൈഃ ।
ഉദ്യദൈസസം വര്തംതസമരേകപിസൈന്യജിഘാംസവഃ ॥ 8 ॥
സ സംപ്രഹാരസ്തുമുലഃസംജജ്ഞേകപിരക്ഷസാമ് ।
ശബ്ദേനമഹതാലംകാംനാദയന്വൈസമംതതഃ ॥ 9 ॥
ശസ്ത്രശ്ചവിവിധാകാരൈശ്ശിതൈര്ബാണൈശ്ചപാദപൈഃ ।
ഉദ്യതൈര്ഗിരിശൃംഗൈശ്ചഘോരൈരാകാശമാവൃതമ് ॥ 10 ॥
തേരാക്ഷസാവാനരേഷുവികൃതാനനബാഹവഃ ।
നിവേശയംതഃശസ്ത്രാണിചക്രുസ്തേസുമഹദ്ഭയമ് ॥ 11 ॥
തഥൈവസകലൈർവൃക്ഷൈര്ഗിരിശൃംഗൈശ്ചവാനരാഃ ।
അഭിജഘ്നുജഘ്നുശ്ചസമരേരാക്ഷസര്ഷഭാന് ॥ 12 ॥
ഋക്ഷവാനരമുഖ്യൈശ്ചമഹാകായൈര്മഹാബലൈഃ ।
രക്ഷസാംയുധ്യമാനാനാംമഹദ്ഭയമജായത ॥ 13 ॥
സ്വമനീകംവിഷണ്ണംതുശ്രുത്വാശത്രുഭിരര്ദിതമ് ।
ഉദതിഷ്ഠതദുര്ദര്ഷഃ സ കര്മണ്യനനുഷ്ഠിതേ ॥ 14 ॥
വൃക്ഷാംധകാരാന്നിര്ഗമ്യജാതക്രോധഃ സ രാവണിഃ ।
ആരുരോഹരഥംസജ്ജംപൂർവയുക്തംസുസംയതമ് ॥ 15 ॥
സ ഭീമകാര്മുകധരഃകാലമേഘസമപ്രഭഃ ।
രക്താസ്യനയനോകൃദ്ധോമഭൌമൃത്യുരിവാംതകഃ ॥ 16 ॥
ദൃഷ്ടവൈവതുരഥസ്ഥംതംപര്യവര്തതതദ്ബലമ് ।
രക്ഷസാംഭീമവേഗാനാംലക്ഷ്മണേനയുയുത്സതാമ് ॥ 17 ॥
തസ്മിന് കാലേതുഹനൂമാനുദ്യമ്യസുദുരാസദമ് ।
ധരണീധരസംകാശോമഹാവൃക്ഷമരിംദമഃ ॥ 18 ॥
സ രാക്ഷസാനാംതത്സൈന്യംകാലാഗ്നിരിവനിര്ദഹന് ।
ചകാരബഹുഭിർവക്ഷൈര്നിഃസംജ്ഞംയുധിവാനരഃ ॥ 19 ॥
വിധ്വംസംതംതരസാദൃഷ്ടവൈവപവനാത്മജമ് ।
രാക്ഷസാനാംസഹസ്രാണിഹനൂമംതമവാകിരന് ॥ 20 ॥
ശിതശൂലധരാശ്ശൂലൈരസിഭിശ്ചാസിപാണയഃ ।
ശക്തിഹസ്താശ്ചഭിശ്ശക്തിപട്ടസൈഃ പട്ടസായുധാഃ ॥ 21 ॥
പരിഘൈശ്ചഗദാഭിശ്ചകുംതൈശ്ചശുഭദര്ശനൈഃ ।
ശതശശ്ചശതഘ്നീഭിരായസൈരപിമുദ്ഗരൈഃ ॥ 22 ॥
ഘോരൈഃപരശുഭിശ്ചൈവഭിദനിപാലൈശ്ചരാക്ഷസാഃ ।
മുഷ്ടിഭിർവജ്രകല്പൈശ്ചതലൈരശനിസന്നിഭൈഃ ॥ 23 ॥
അഭിജഘ്നുഃസമാസാദ്യസമംതാത്പർവതോപമമ് ।
തേഷാമപി ച സംഗ്രുദ്ധശ്ചകാരകദനംമഹത് ॥ 24 ॥
സ ദദര്ശകപിശ്രേഷ്ഠമചലോപമമിംദ്രജിത് ।
സൂദമാനമസംത്രസ്തമമിത്രാന് പവനാത്മജമ് ॥ 25 ॥
സ സാരഥിമുവാചേദംയാഹിയത്രൈഷവാനരഃ ।
ക്ഷയമേവഹിനഃകുര്യാദ്രാക്ഷസാമുപേക്ഷിതഃ ॥ 26 ॥
ഇത്യുക്തസ്സാരഥിസ്തേനയയൌയത്ര ന മാരുതിഃ ।
വഹന് പരമദുര്ധര്ഷംസ്ഥിതമിംദ്രജിതംരഥേ ॥ 27 ॥
സോഽഭ്യുപേത്യശരാന്ഖംഗാന്പട്ടസാസിപരശ്വധാന് ।
അഭ്യവര്ഷതദുര്ധര്ഷഃകപിമൂര്ഥനിരാക്ഷസഃ ॥ 28 ॥
താനിശസ്ത്രാണിഘോരാണിപ്രതിഗൃഹ്യ സ മാരുതിഃ ।
രോഷേണമഹതാവിഷ്ടോവാക്യംചേദമുവാച ഹ ॥ 29 ॥
യുധ്യസ്വയദിശൂരോഽസിരാവണാത്മജദുര്മതേ ।
വായുപുത്രംസമാസാദ്യ ന ജീവന് പ്രതിയാസ്യസി ॥ 30 ॥
ബാഹുഭ്യാംസംപ്രതിയുധ്യസ്വയദിമേദ്വംദ്വമാഹവേ ।
വേഗംസഹസ്വദുര്ബുദ്ധേതതസ്ത്വംരക്ഷസാംവരഃ ॥ 31 ॥
ഹനൂമംതംജിഘാംസംതംസമുദ്യതശരാസനമ് ।
രാവണാത്മജമാചഷ്ടേ ലക്ഷ്മണായ വിഭീഷണഃ ॥ 32 ॥
യസ്സവാസവനിര്ജേതാരാവണസ്യാത്മസംഭവഃ ।
സ ഏഷരഥമാസ്ഥായഹനൂമംതംജിഘാംസതി ॥ 33 ॥
തമപ്രതിമസംസ്ഥാനൈശ്ശരൈശ്ശത്രുനിവാരണൈഃ ।
ജീവിതാംതകരൈര്ഘോരൈഃസൌമിത്രേരാവണിംജഹി ॥ 34 ॥
ഇത്യേവമുക്തസ്തുതദാമഹാത്മാവിഭീഷണേനാരിവിഭീഷണേന ।
ദദര്ശതംപർവതസന്നികാശംരഥസ്ഥിതംഭീമബലംദുരാസദമ് ॥ 35 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ഷഡശീതിതമസ്സര്ഗഃ ॥
